اخي رحال فريد معليش تأخرت في الرد عليك . اذا انت لوحدك انصحك بمدينتين كازا ومراكش لأن وقت سفرتك راح تكون في البرد
واقادير وطنجة افضل اوقاتها في الصيف ولأن عدد ايامك قليل جدا لذلك خلها مدينتين ومراكش جوها معتدل في الشتاء وبرضو انا
ماودي انك تتهجول كثير بين المدن . المهم اول ماتطب مطار محمد الخامس ياحبذا يكون معك شنطة يد حتى تضع فيها الاشياء
البسيطة وخذ قلم معك عشان تملأ كرت الجوازات راح يوزعونها عليكم في الطياره اذا جاء دورك عند موظف الجوازات خلك واثق من
نفسك واذا لمح لك الى شيء طنش ولاتكون اخر واحد في الصف خلك في الوسط عشان يمشيك بسرعه والوضع تراه ايزي يعني لاتجيك
رهبة انت ماشي في السليم وبعد مايختم لك تمشي شوي وتحصل واحد ثاني يشيك على الختم بعدها تنزل تحت مع السلم تجد امامك حقين
عربيات الشنط طنشهم وروح يمين الى موقع سير الحقائب .. ملاحظة ( شنطتك الكبيره قفلها برقم سري ) طبعا راح تتأخر شوي عند الحقائب
بس مو مشكلة بعد ما تاخذ الشنطة تروح للجمارك يا حدا امرين اما يمشونك او يفتشون شنطتك انت ما عليك خلك واثق وقوي شخصية
وانا ما اخوفك ترا الامور سهالات جدا والمغاربة خلوقين جدا . وانصحك تأخذ القطار تحصله في الدور الارضي تروح الى شباك تذاكر القطار
وتجده في الدور الارضي بالقرب من القطار عاد انت تشوف وش تبي اول تجلس في كازا 3 ايام او تروح مراكش دايركت اذا بتكي اول الايام في
كازا قلهم ابي محطة المسافرون . اذا وصلت المحطة اخرج من الباب وعلى طول توجه الى الشارع العام واخذ تاكسي من هناك افضل لك لا
تأخذ من التكاسي اللي عند بوابة المحطة لانها غالين كثير ويستغلون الناس الجدد والعداد يبدأ ب 1.7 درهم وسبعين سنتيم وتوجه الى مقر سكنك .
وللحديث بقية بس انت اسأل ونحنا نجوابك بس عطنا ايش تبي بالضبط
ولك تحياتي
حزين الضماير

مواضيع عشوائيه ممكن تكون تعجبك اخترناها لك: