الموضوع: سؤال غير شكل ليس عن الفيزا ولا ابي مخطط

بسم الله الرحمن الرحيم
السلام عليكم ورحمه الله
اخواني .. اخواتي ايها العربان المسافرون المزركشين الحليوة
ايها الشعب الكريم ..


سبق وزرت المانيا ثلاث مرات من 2010 و2011 و2012
وكانت كلها رحلات جاده وعمليه .. يعني كنا ننزل فرانكفورت وسياره اجار وعلى طول على هامبورج
وشغل اسبوع من الصبح للمساء .. ولاخلصنا من الشغل والميناء رجعنا فرانكفورت وطرنا
-هذا المدخل للسالفه الجميلة القادمة -


هالسنه باقي من الفيزا الى شهر 11 عربي .. فودي بسفره (لوحــــــــدي ) الى اوربا وودي بالعربي اسرفت على راحتي ..يعني باخذ سيارة وبسم الله .. وبروح للجنوب الالماني اللي ماسبق وجيته وزيلامسي وانترلاكن وغيرها
(مما تعلمونه أكيد )


الأسئلة الجميلة المزركشه :
1- وش رايكم بالسفر لوحدك وفي اوربا .. لو كان بشرق اسيا معقول وتخبرون النظام هناك فرفشه ويروح الوقت
بس اوربا *هل احد جرب السفر لوحده هناك *
وهل تنصحون به -سؤال اخوي ومن واقع تجاربكم-




2- اخاف امل من الصمت والسفر لوحدي . .علما اني من النوع اللي يستانس لوحده .. بس تخبرون الخواجات وحاجز اللغه .. فاحس انها بتكون مزعجه ..




3- هل تؤيدون النوم بالسيارة احيانا .. يعني ليلة كذا دخلت مدينة وانت في رحلتك فمافيه وقت تدور فندق وهاته وده واحجز لاتحجز .. اسدح المرتبه ونم لك خمس ساعات وواصل المسيرة خصوصا ان كان الطريق من نقطه لنقطه في الرحله ..
لا اريدها من باب التوفير وانما من باب (مشي حالك )
وكلها كم ساعه نوم .. وانا لوحدي فما عندي مشكله
-انا احس من واقع مارايته في المانيا انها امنه جدا - ولكن ربما هناك شي تعرفونه ولا اعرفه *

دردشاتكم حول السفر الوحداني والهجوله في اوربا .. يعني بدون مبالغه بمر كل مدينه ومعلم ولاني موقف كثير به .. بمر مثلا زيلامسي يوم واحد اشوفها وامشي .. وامر انترلاكن يوم وامشي وهكذا .. في رحله مكوكيه سيكون انطلاقها من فرانكفورت واخرها فرانكفورت

نقدر نسميها من باب المجاز :
"مغامرة في اوربا .. حيث الهجولة على أصول "


رجاء لااحد يقول لازم تريح ولازم فنادق وطريقتك مره مزعجه وتوفيريه وكان ماتبغى تصرف اجلس بديرتك والردود المتشنجه اياها ..
انا اتحدث عن مغامره استانس فيها واغير جو ونظام .. لو ابي الفنادق اعرف احجز في كل مدينه 2 او 3 ليال زي كل العربان
يااخي يحق لنا نغير لو مره

**وخصوصا وانني لسا طالع من مفاوضات معقدة وطويلة مع المدام لاغير رأيها عن السفر لاوربا ..
كما كنا مخططين بس لاعتبارات خاصه بدأت الازمه تنفرج وواضح ان المدام عدلت عن فكرة اوربا بعد ان قدمت لها تسهيلات لدعم التسوق ..
ووعدتها بسفره غير اوربيه ..


مانستغني عن ارائكم .. من يويد ومن يعارض كل ارائكم مقدره ولنستمع لاول المتصلين ..
ألو .......................

مواضيع عشوائيه ممكن تكون تعجبك اخترناها لك:

• المانياالنمسا و هولندا
• دلونى على أفضل فنادق فى فرانكفورت بارك الله فيكم
• شو رايكم في هالمخطط ؟؟
• الإستفسار عن الترتيبات اللازمة للعيش في برلين لمدة سنة
• ممكن حد يساعدني في تجهيز رحله لميونخ وزيلامسي
• ما رأيكم برحلتى نصايحكم لا تبخلوا علينا
• افيدوني
• القرار الاخير لفنادق ميونخ
• تخطيط رحلة في سبتمبر
• هل يعيدوا لي المبلغ
• مدينة كولن ألمانيا ؟؟؟
• رحلتي في صيف الى قارمش الألمانية Garmisch جنة من جنان الله في الأرض
• استفسار عن السكن في الغابات السوداء
• هل تنصحونني بالسفر الى الغابات السوداء فى شهر فبراير
• مـن فضـلك اســـتعرض معــي هـــــــــــــــــذه الخـــــــــــــــــــــــــــــــريطه
• الحقوني يا اخوان عندي دورة في المانيا ولا ادري وين الله حاطني
• كيف احجز موعد لتقديم الأوراق والبصمة ؟؟
• ان ماعليكم امر خط رحله سير
• المشوآرة منكم
• اخوي بريستيج الامارات والاخوة الخبراء مع التحية

هع صديقى الاعرابيافا وين ادام الله ظلها
وش الخطة الللى استخدمت للتخلص منها
بالنسبة لسؤالك سفر لوحدك تجربة حلوة بس الافضل تكون بقروب سياحي منها تجديد ومنها تعرف على ناس جدد
سبق لى جربت السفر لوحدى جميل لاستكشاف يعني بلد جديد عليك

اخي الكريم
اسمح لي برؤيتي ...اوروبا لحالك لا اعتقد بتكون ملل وممل ...جربتها في تركيا وكان عندي نص اليوم لوحدي ورغم كده كنت امل ...
مهما كانت المناظر الجميله والجو الرائع انت تحتاج الى ونيس ...يؤنس وحدتك او الله يعينك كل شوي وانت متصل على احد بالسعودية
توصف له المكان والجو ..
بالنسبة للمنام داخل السيارة طبعا هذا يرجع لك اذا مافي مخاطرة من ناحية الامان وعموما نسبة الامان في المانيا مرتفعة والنمسا ايضا
فكر واستخير وتوكل على الله ...ياليت لو تبحث عن خوي وبتلقى ان شاء الله
تقبل مروري

اذا تبي خوي يكون محمول مكفول حاضرين


ياخي اوروبا لوحدك؟ احسها ثقيله مره
لو انك قايلي اندونيسيا او مصر او دبي
ممكن تنهضم بس اوروبا لوحدك ؟؟؟؟


يمكن المكان الوحيد اللي بتستانس فيه لوحدك هو كابرون (بدون ماتروح اماكن سياحيه)
يعني تاخذ شقه وتشوي وتطبخ وتشيش لو تحب وكذا


لكن الاماكن السياحيه لوحدك احس مالها داعي


انا كثير سافرت لوحدي قبل الزواج
لكن مارحت اوروبا لوحدي رحت دول ثانيه

نصيحه اذا ناوي تروح بروحك وتبي تروح اماكن سياحيه لا تروح اجلس بيتكم وود زوجتك السوق ابرك لك
او فكر في دوله ثانيه يكون فيها بحر واسترخاء فقط


الروح تبي الارواح وانا اخوك
واوروبا مو مثل دول شرق اسيا يسولفون معاك ويعطونك وجه ويتعرفون عليك
ولا يعزمونك على كبسه والا مطعم ولا شي كل واحد في حاله

مسألة السفر الحالي ماحبها لا بآسيا ولا بغيره .. حلاة السفر مع ربعك ..
وبالنسبة لنومة السيارة جربتها بقرية صغيرة في ايطاليا على حدود سويسرا يا رجال انواع الهواجيس ذيك الليلة كل ما اشوف نور سيارة ولا اسمع صوت اقول هذا جاي عندي واخرتها ما نمت
نصيحتي وشوري عليك خذ لك واحد على الاقل وسو مثلي من ديرة لديرة والخطة كل شوي تتغير على المزاج ههههههههههه

المشاركة الأصلية كتبت بواسطة تاجر نجد
http://www.arabtravelersforum.com/tr...7/#post7771351

هع صديقى الاعرابيافا وين ادام الله ظلها
وش الخطة الللى استخدمت للتخلص منها
بالنسبة لسؤالك سفر لوحدك تجربة حلوة بس الافضل تكون بقروب سياحي منها تجديد ومنها تعرف على ناس جدد
سبق لى جربت السفر لوحدى جميل لاستكشاف يعني بلد جديد عليك



مرحبا ياتاجر نجد .. اكيد انك من سدير


ابشرك الخطه نجحت وتغيرت الخطه العائلية وقدرت اضمن الفركه لحالي
ولكن طبعا هذا كان له ثمن .. وتسهيلات قدمها سموي لسموها دام ظلها الشريف
(ادفع خمسين واعلمك )


تصدق انك جبت فكرة جديدة (قروب سياحي ) واعجبتني فكرة التعرف على ناس جدد


بس المشكلة اني يعربي والحر يشوش ..
افاااا عليك وش تبي (العوربان) يقولون عني


وش زين وجه اخوك الاعرابي وهم حاشرينه وسط عجز فرنسا هذا لون راسه له على باص ..
والدله وين ابصلحها هم وباصهم .. اهبي ياوجيهم


الفكرة جميلة وحلوة بس ماتصلح لي انا وعزبتي ..
الا كان فيه قروب بنات مزايين نتنازل ونركب معهن ..
على الاقل يوم نركب نركب على سنع




ومرحبا بش وباهلش وبالجيب اللي حملبش

المشاركة الأصلية كتبت بواسطة رحال المنتدى
http://www.arabtravelersforum.com/tr...7/#post7771469

اخي الكريم
اسمح لي برؤيتي ...اوروبا لحالك لا اعتقد بتكون ملل وممل ...جربتها في تركيا وكان عندي نص اليوم لوحدي ورغم كده كنت امل ...
مهما كانت المناظر الجميله والجو الرائع انت تحتاج الى ونيس ...يؤنس وحدتك او الله يعينك كل شوي وانت متصل على احد بالسعودية
توصف له المكان والجو ..
بالنسبة للمنام داخل السيارة طبعا هذا يرجع لك اذا مافي مخاطرة من ناحية الامان وعموما نسبة الامان في المانيا مرتفعة والنمسا ايضا
فكر واستخير وتوكل على الله ...ياليت لو تبحث عن خوي وبتلقى ان شاء الله
تقبل مروري





فكرتك مقبولة ووجهة نظر معتبرة .. الحق ان الملل ممكن ..
بس تعرف اين المشكله ياصاحبي انك لو تقول اندونيسيا كان لقيت 10 شباب مو واحد ..
وكذلك الفلبين .. تايلند .. ماليزيا .. ولكن لما تقول اوربا .. نادر من يروح
الناس تتحفظ على حاجز اللغة ولانها بلاد انظمه فمافيها عربده وفله زي شرق اسيا ..


وسياحنا حنا يحبون الفلتان والهيصه وجو الدول الفقيرة اللي بالريال تصير كنج


ثم بقولك شي .. مشكلتي الثانية اني نخبوي .. يعني مو اي واحد ممكن اخذه معي ..
يعني من وين تطقها عوجاء




اشكر لطفك

المشاركة الأصلية كتبت بواسطة مُهَـآجـِرْ بـِ إحْـسَـآسْ ,
http://www.arabtravelersforum.com/tr...7/#post7772455

اذا تبي خوي يكون محمول مكفول حاضرين


ياخي اوروبا لوحدك؟ احسها ثقيله مره
لو انك قايلي اندونيسيا او مصر او دبي
ممكن تنهضم بس اوروبا لوحدك ؟؟؟؟


يمكن المكان الوحيد اللي بتستانس فيه لوحدك هو كابرون (بدون ماتروح اماكن سياحيه)
يعني تاخذ شقه وتشوي وتطبخ وتشيش لو تحب وكذا


لكن الاماكن السياحيه لوحدك احس مالها داعي


انا كثير سافرت لوحدي قبل الزواج
لكن مارحت اوروبا لوحدي رحت دول ثانيه

نصيحه اذا ناوي تروح بروحك وتبي تروح اماكن سياحيه لا تروح اجلس بيتكم وود زوجتك السوق ابرك لك
او فكر في دوله ثانيه يكون فيها بحر واسترخاء فقط


الروح تبي الارواح وانا اخوك
واوروبا مو مثل دول شرق اسيا يسولفون معاك ويعطونك وجه ويتعرفون عليك
ولا يعزمونك على كبسه والا مطعم ولا شي كل واحد في حاله







والله تستاهل اللي ياخذك محمول مكفول .. شكلك فله ..
تقول اندونيسيا او دبي او مصر .. وبيني وبينك هالي قلت عليهن حوسه
مصر صعبه هالحين ولو وضعها زين .. وش فيها مصر . .النيل والاهرام وشفناهن وانتهينا
ودبي احس اني اتمشى بالرياض من كثر ماجيتها ..
واندونيسيا ثالثه الاثافي ولا شي .. ماغير ندربي روسنا بالجبل ومن باص بتكس تقل عجز
(ديرة ماتسوق فيها لاتحسبها ديرة )




حطمتني .. ههههههههههههه يوم تقول اجلس ببيتكم ..
اجل رايك ماله داعي اروح اتمشى لحالي تقل جني ..
(يعني تقول كذا حتى اخذك معي ) يانمس





لازم نختبرك انا وتاجر نجد كان بتخاويني ..
اول اختبار كانك ترقد اكثر من خمس ساعات ماتصلح لي ..
ثاني اختبار كان ماتعرف تضبط الكبسه بالكاتم ماتصلح لي ...
ثالث اختبار كانك ماتشرب قهوة 3 مرات يوميا ماتصلح لي ...
رابع اختبار كانك من النوع اللي يخاف من مرته ماتصلح لي ..
(شكلك خواف تقول كنت اسافر قبل الزواج .. ياحيف ع الرجال لزوم نبلغ الشيخ بالسالفه )
خامس اختبار (بيعقده ) لازم تكون خبير في التزلج والغوص .. انا صحيح اعرابي ولكن لاشفت
الثلج اتهيض والبس فروتي واجي من راس الجبل .على سرعتي .




واخيرا تجيب موافقة خطية من الزوجه بالسماح لك بالسفر لاوربا سياحه ..
يعني لاتبكش عليها وتقول رايح مع زميلي علاج

ان اجتزت تلك الاختبارات ووقع لك تاجر نجد .. ننظر بامرك ..

هلابك صديقي العزيزشروطك الثلاث الاولى خذ ولد
بس الشرطين الاخيرين لا والله
القروب خذ من تركيا او من الاردن وبتدعي لي

يااخي بقولك شي

الدله و هي دله ، ما هي بكيف تشربها لوحدك بالسعوديه ، اقعد عاد بتشربها لوحدك في اوربا ، يخي السفر لوحدك ممل و موحش
و الله نصيحتي لك خذ واحد سنايدي و دامك شارد شرده من الحرمه ، انتبه تاخذ احد من اقاربك
تذكر ايام اول ( اعلم .. اعلم ) ،، و الله ان اخذت احد من اقاربك ي هالكلمه انت بتسمعها كثير [ كن عينك مكسورة ] و سلامة عمرك
ايه صح ان اخذت معك ونيس ، سو اللى في راسك كله نام وين ما تبي و هجول مثل ما تبي و قلبك حديد ،، رحلة موفقه ! * من الموبايل