الموضوع: لاهل البحرين فقط ارجو النصح

حصل معي امر غريب جدااااااااااااااااااا

يوم الخميس العصر جئت من استراليا الى البحرين وبالمطار استقبلني احد الاصدقاء بسيارته اللوحه سعوديه النوع فيراري 2006 اللون احمر ،، ذهبنا الى مجمع السيف

وقفنا السياره بمواقف السيف ( الادوار ) الدور السادس

عند طلوعنا من المجمع التجاري (( السيف ))

وجدنا مخالفه مكتوب عليها 00الموقف للمعوقين فقط 000

ولم نجد اي سياره عليها مخالفه الا سيارتنا ولا يوجد اي اشارة موقف معقوين فما العمل ؟؟؟؟؟؟؟؟؟؟؟؟؟؟؟؟؟؟؟

ارجو ابداء النصح لنا وارشادنا ما العمل مع هذه الغلطه العجيبه

طبعا كل المعلومات المدونه على المخالفه صحيحه وسبب او نوع المخالف هوا موقف المعاقين ؟؟؟

اتمنى ردكم العاجل

وشكرا

مواضيع عشوائيه ممكن تكون تعجبك اخترناها لك:

• وش افضل شقق هاني ولا الماريوت لاحرمتم الاجر
• صور عملات بحرينية قديمة
• مسافر بكره للبحرين وابي رايكم
• عنوان سريع لا تتااخرون؟؟
• تأجير سيارة فاخرة بالبحرين
• خسوف القمر فالبحرين
• اهلا با الحلوين
• الفزعة ياهاوي السفر ويا بقية النشامى
• أسماء المطاعم ومواقعها مثبت في مواضيع رائعة
• س سؤال وابي الجواب في الحال
• سؤال لاهل الخبره بالبحرين
• لو تكرمتو كل واحد عنده خبره بالبحرين يدخل
• جولة اسبوعيه في مطاعم البحرين تصويري الشخصي مثبت في مواضيع رائعة
• الخطوط الوطنية الكويتية تلغي رحلاتها الى المنامة
• سحر البحرين
• ّ موائد الافطار رمضآن كريم
• ممكن أسعار قراند ميروكري السيف الآن
• بروح للبحرين لمدة يوم لتوصيل سلعة وابي غرفة رخيصة وحليوة لمدة يوم في منطقة سنية
• الله يجزاكم خير جاوبوني؟؟؟؟
• رحلتي الخفيفة الى بلاد خليفة

هلا و مرحب اخوي ,, و الله شي غريب الصراحة , بس ساعات المرور عندنا عليهم حركات , لكن هل اخوي مسجل في المخالفة مكان حدوثها ؟! يعني هل مذكور في المخالفة انه في مبنى طوابق السيف ؟! لانه وقوفكم صحيح المفروض في هذا الموقع ,, و طبعا بالنسبة للاجراءات اذا بتستفسر لازم تروح المبنى العام لادارة المرور بمدينة عيسى (مقابل استاد البحرين الوطني) , و عموما المخالفة هي خمس دنانير لكن حتى و لو 100 فلس معاك حق في انه مايصير تدفع مخالفة لشيء لم ترتكبه , لكن المشكلة و اللي اتوقعه ياخوي انهم بيقولون لك في المرور بانه مسجلة عندنا مخالفة , و لازم تدفعها ,, هذا اذا حبيت تستفسر منهم , يعني باسوأ الاحوال بيدفعونك خمس دنانير , بس اذا تبي نصيحتي , مادام اللوحة سعودية طنش , ولا تدفعها , و سافروا للسعودية عادي ,,


تحيتي

بس اذا تبي نصيحتي , مادام اللوحة سعودية طنش , ولا تدفعها , و سافروا للسعودية عادي



غريبه العاده مافيه مرور في مواقف السيف.. اذكر مره عطوني مخالفه بمطار البحرين وسلمني اياها العسكري بيدي ورجعت السعوديه هالكلام من سنتين رحت وجيت للبحرين الف مره ماحد سالني عنها..ومثل ماقال لك الاخ راشد طنشهم وفي اسوا الاحوال وكانت مسجله في السستم راح يدفعونك اياها المرهالجايه اول ماتدخل البحرين بعد التامين

أنا ضد التطنيش

إذا كنتا مخالف فالنظام واضح

وإذا كنت غير ذلك فعليك الاعتراض

والسعودي يجب أن يعكس صورة حسنة عن بلده

وللعلم هناك تعاون بين جميع المجمعات في البحرين مع إدارة المرور

حول تطبق النظام داخل المواقف التابعة للمجمعات السياحية وخصوصا في وقت الذروة

ومواقف المعاقين عادة تكون الإشارة للموقف باللون الأبيض على الأسفلت يمكن ما شفتها

واللي سجلها عليك شخص متعاون مع المرور تابع للمواقف

ويمكن واحد يستهبل شاف الفراري قال استهبل عليه

لكن تأكد من المخالفة من ناحية تزويرها وذلك بسؤال أي شخص مرور في الشارع وسوف يفيدك

وحتى في السعودية كذلك

تصدقون زميل مرة وقف في مواقف الأمانة العامة للتربية الخاصة بحي السفارات بالرياض عند لوحة ممنوع الوقوف وهي داخل المبنى .... وفجأة أعطوه مخالفة من قبل موظف في الأمانة وبدوره يتم تجميعها وإرسالها للمرور وهذا تعاون من قبل المرور للحد من مخالفة النظام

الله يبعدنا عن مخالفة النظام

والله أن النظام حلو وجميل

ويضيق صدري لما ينتهك من قبل البعض

الكلام عام طبعا وليس لصاحب الفراري الغالي

المعذرة لأن السؤال موجه لأهل البحرين فقط

وأحي فيك حرصك الذي يدل على حبك للنظام

أنا ضد التطنيش لمن نصح به

إذا كنت مخالف فالنظام واضح

وإذا كنت غير ذلك فعليك الاعتراض

والسعودي يجب أن يعكس صورة حسنة عن بلده

وللعلم هناك تعاون بين جميع المجمعات في البحرين مع إدارة المرور

حول تطبق النظام داخل المواقف التابعة للمجمعات السياحية وخصوصا في وقت الذروة

ومواقف المعاقين عادة تكون الإشارة للموقف باللون الأبيض على الأسفلت يمكن ما شفتها

واللي سجلها عليك شخص متعاون مع المرور تابع للمواقف

ويمكن واحد يستهبل شاف الفراري قال استهبل عليه

لكن تأكد من المخالفة من ناحية تزويرها وذلك بسؤال أي شخص مرور في الشارع وسوف يفيدك

وحتى في السعودية كذلك

تصدقون زميل مرة وقف في مواقف الأمانة العامة للتربية الخاصة بحي السفارات بالرياض عند لوحة ممنوع الوقوف وهي داخل المبنى .... وفجأة أعطوه مخالفة من قبل موظف في الأمانة وبدوره يتم تجميعها وإرسالها للمرور وهذا تعاون من قبل المرور للحد من مخالفة النظام

الله يبعدنا عن مخالفة النظام

والله أن النظام حلو وجميل

ويضيق صدري لما ينتهك من قبل البعض

الكلام عام طبعا وليس لصاحب الفراري الغالي

بارك الله فيكم اخواني راشد 2002 واخوي استايل 11

فعلا امر غريب والاغرب اني بمواقف سيارت ومو معطل حركة السير والدور السادس ووقوف نظامي

اذا الامر على المخالفه - الله يعوض -- بس خفت الامر يوصل للمحكمه واجرائات وعقوبات مضاعفه

والحمدلله على كل حال

اكرر شكري لكم على تجاوبكم ولا خلى ولا عدم

أخوي غريبه المخالفه بس لا تسكت عن حقك لازم تراجع اداره المرور وتشرح لهم السالفه وما اتوقع سعر المخالفه مبلغ كبير وربي يوفقك.

اشكرك اخوي مكلف واشكر حرصك على النظام وهذا فخر لنا نتبع النظام واكيد بنكون صوره حسنه المخالفه عباره عن كرت كربوني يعني مكتوب على كربون وهي تحته ما عليها اسم ضابط المرور او اي شخص وبالخلف مكتوب تحويل القضيه الى محكمه ؟؟؟؟؟؟؟؟؟؟ مواقف البحرين مثل اوروبا وتحديدا بريطانيا وطريقة الموقف للمعاق واضحه رسمه كبيره فسفوريه على الارض بس اكيد لم يكن موقف معاقين

اشكرك نيو ستار على ردك والله كريم

بس السوال موقف معاقين بالسعوديه ما يطلع لك كرت عليه اشلون سياره سعوديه ويبون كرت معاق عليها ؟؟؟

بيض الله وجهك اخوي راشد 2002 وكل الاخوان

بالفعل رحت المرور ودفعت 5 دينار بحريني يعني 11 يورو ورجعت باريس طبعا حاولت اقابل ضابط مرور ما لقيت ـ العسكري الموجود استغرب من الموقف وابدى تجاوبه لابعد حد وكان شخص جدا محترم وقال انها مسجله برقم ومالها الا الدفع
الرجل ما قصر شرواكم ،، ويالله تجربه وراحت ، يمكن خير انها انتهت على مخالفه ما كان وراها شي اكبر
والحمدلله على كل حال

حاضرين لك اخوي و مثل ماقلت الحمدلله على كل حال و مرحب فيك مرة ثانية في بلادك البحرين و الله يهدي بعض رجال المرور انشالله ,,

اخوي ترافيلر الحمد الله ان مبلغ المخالفه بسيط والله يعوض عليك والظاهر اخونا شرطي المرور متسبب اتمنى المره اليايه تستمتع باقامتك بالبحرين من غير مخالفات وحياكم الله في بلدكم الثاني.