الموضوع: اماكن العاب الاطفال

سلام عليكم

ماهي المولات التي تنصحون لطفل عمر 5 سنوات ويوجد بها مجمع العاب للترفيه

او اماكن السباحة للاطفال

شكرا

مواضيع عشوائيه ممكن تكون تعجبك اخترناها لك:

• اين اجد خصوصية في شقة او شليه بالبحرين
• خريطة البحرين
• لوسمحتوا بغيت شركات نقل اثاث من الكويت الى البحرين
• السكن في البحرين معلومات
• محمية العرين في البحرين معلومات و صور
• ممكن احد يدلني على فندق الريتز كارلتون في البحرين المنامة
• سياحة الاطفال في البحرين اهل البحرين الكرام لاهنتوا
• انطلاق المهرجان الاول للزهور فى البحرين
• لو سمحتو مطاعم فاتحه بعد منتصف الليل؟؟؟
• الجو في البحرين
• ما رائكم بفندق سمرلاند ؟
• هل تحتاج الخادمة لتأشيرة دخول للبحرين
• جولة في محمية العرين تقرير قليل الكلام كثير الصور
• كيف يكون اذن ولي الامر للنساء ؟
• سؤال ممهم
• جامعات البحرين؟؟
• ياهل البحرين اي هم افضل نوفوتيل او البندر
• موقع ملخبطنى تكفون الحقونى؟
• ممكن يااهل البحرين باسرع وقت
• كيف أحوال جسر البحرين في العيد

السلام عليكم ورحمة الله وبركاتة

1- في في مجمع سيتي سنتر (قريب من السيف على طريف فيصل السريع) شاطئ صناعي والدخول بتذاكرقريب من المطاعم

2- في قرية مائية في منتزه جنة ديلمون المفقودة (رائعة)

3- في مدينة العاب الى عند عين عذاري

4-وفي عروض الدلفين على طريق الفاتح

وعليكم السلام ورحمة الله وبركاته

1- اضيف على ما قاله أخوي وهو يقصد - الواهوووو - بالقرب من قسم مطاعم الوجبات السريعة بعد في سيتي سنتر مكان مقابل المكان اللي ذكره أخوي في محل العاب وفيه تذاكر تشتريها ويلعب فيها الطفل واذا خلص الرصيد اللي فيها والطفل يبي يلعب بعد تقدر تشحن البطاقة مره ثانية وتكون معك على طول في كل زيارة لك للبحرين تقدر تشحنها وتستخدمها

2- مجمع السيف فيه مكان كبير للالعاب يسمى - ماجيك آيلند - فيه العاب منوعه متداخله مع المطاعم.

3- في مجمع الدانه فيه مكان للالعاب ولكن ما انصح فيه بس حبيت اذكره من باب المعلومة.

4- منتزه الامير خليفة على جسر الامير خليفة الواصل بين المنامة ومدينة الحد فيه العاب منوعة وجميلة ودراجات هوائية غريبة للكبار والصغار

5- دوحة عراد عبارة عن ممشى محيط ببحيرة لحماية الحياة الفطرية فيها العاب للاطفال بس بسيطه وعادية وبعض المطاعم - مكانها بالقرب من مطار البحرين الدولي.

6- كورنيش الملك فيصل فيه مكان لالعاب الاطفال - مكانه بالقرب من مرفأ البحرين المالي

واكرر ما ذكره أخوي
- جنة دلمون المفقودة مكان عائلي ممتاز وجميل شبيه بالاكوا بارك الموجود في الكويت - مكانه بالقرب من حلبة البحرين الدولية لسباقات السيارات
- منتزه عين عذاري فيه العاب منوعه لجميع الاعمار.
- كورنيش النادي البحري (الفاتح) فيه منتزه الدولفين - مكانه بالقرب من جامع الفاتح الاسلامي

مع خالص تحياتي

شكراً اخوي كفيت ووفيت