الموضوع: غدا مسافره الكويت وعندي أسئلة

السلام عليكم ورحمة الله وبركاته

حبايبي أهل الكويت وخبراء هالبوابه

عندي عدة أسئلة واتمنى الاقي الاجابه عندكم

1- أريد أعرف أحسن المكاتب السياحيه الي تسوي القروبات السياحيه أسم المكتب وأي منطقه والشارع 2- أريد محلات أثاث تبيع الكنب الامريكي لاني تعبت وأنا أدور في الدمام مو محصله 3- الله رزقني في بنوته بعد أولاد عمره سنه وأريد لها ملابس وأكسسورات لوازم البنات ورضاعات غريبه وين أحصل ها في الكويت الدمام مافي شي متغير سمحوني على كثرة الاسئله

مواضيع عشوائيه ممكن تكون تعجبك اخترناها لك:

• فزعتكم يا اهل الكوويت
• استفسار هام لأهل الكويت ؟
• ابي موقع مطعم ريوق وحليب وهيل
• وتزينــــــــــــــــــــــــت الكويــــــــــــت
• هل يسمح بدخول دولة الكويت بالبطاقة الشخصية
• وين مطعم سلك اند سبايس ؟ رشح لنا مطعم صيني
• طلب مساعد عاجل
• ايجار السيارات في الكويت
• هلا اخواني واخوااتي الكويتين طلب الله لايهينكم
• اخواني الفززعه
• محتاج شقق سعرها معقول ياغالين
• ماهو أفضل فندق ممكن الواحد ينزل فيه بقرب الماريوت واسعاره معقولة
• هل يوجد مطعم البيك
• ▐♥▌حبيتـ أياآآميـ بيكـ ▐♥▌
• الموقع الالكتروني لمجمع اولمبيا
• ارغب بالسفر لكويت ايام العيد
• القُـرى التراثية بالكويت
• يا كويتيات يا ذويقات
• كيف الجو بشهر ابريل
• افتتاح عطورات بارفيوميري دكسيبسيون

مكاتب السفريات تتركز قي مبني الدولية في مدينة الكويت شارع فهد السالم خلف مبني الخطوط الكويتية

الاثاث متواجد بكل مكان ولكن بالنسبة للأسعار المعقولة ميداس في منطقة الضجيج بالقرب من المطار
وصفاة الغانم في منطقة الري

حياج الله بدولة الكويت الحبيبة ....
السؤال الأول وكالات السفريات تلقينهم بمنطقة حولي شارع ابن خلدون ومجمع الدولية بمدينة الكويت .
بالنسبة لسؤال أماكن الأثاث الأمريكي ماراح تلقينه بصفاة الغانم لأن هناك الأثاث صيني وماليزي بس التمشية بصفاة الغانم متعة وراح تلقين الأثاث الحلو والفاخر بمحلات ( ميداس بمنطقة الضجيج بالقرب من مطار الكويت وذي كاسل مقابل صفاة الغانم - محلات صوفا هاوس واللمسات الأخيرة بمجمع وارة بالشويخ وهو المجمع نفسه اللي فيه مكدونالدز الشويخ - وآي دي ديزاين بجانب لاند مارك منطقة الري - وعندج محل رومانتك ودومين بالشويخ وهمن لا يطوفج مجمع السن سيتي بالشويخ لأنه الأثاث فيه ماركات مثل Etro - Armani والكثير غيرهم .)

السؤال الأخير بالنسبة لملابس الأطفال تلقينهم بمحلات لحظة من فضلك بمجمع المهلب بالسرداب عندهم ماركات وايد مثل بربريز وكريستيان ديور ووايد غيرهم مع جميع تجهيزاتهم من حقائب الحفاظات والرضعات والملابس الداخلية والخارجية وهمن عندج محلات مون لايت تابع لمحلات الأسطورة بس متخصص للأطفال يقع بمجمع دانة بشارع سالم المبارك قريب من المارينا مول وروحي مجمع الأفنيوز والمارينا والفنار لآن تلقين فيهم أشياء حلوة وماركات جديدة وعندج كيدز بازل بمجمع الربيع مقابل لمجمع زهرة وبنفس الشارع اللي فيه المارينا والفنار ومجمع دانةوعندج سرداب مجمع مريم همن بنفس الشارع تحت محل Guess وفيه ماركات مثلdkny-kenzo-d&gوعندج محل لابين هاوس بمجمع الرايةلالالالالالالالالالايطوفج للبنات فيه ماركات وايد حلوة بمجمع الراية وجديدة وأكثرهم فرنسية ومو موجودين بالخليج كله إلا بالكويت .

بالنسبه لملابس البنوتات .. ازيد على كلام منورة الكويت ماماز اند باباز و بروي في الافينيوز ..

و الله يخلي لك البنوته و اخوانها

اختي حياج الله بالكويت
اذا تبين الاثاث ... شوفي ايكيا بالافينوز ...و تفضلي شوفي تقريري عنه بمواضيعي ...
و روحي ل سنتر بوينت في الشويخ او حولي او الجهراء ...له افرع كثيره ..رووووووووعه
فيه اثاث روعه و ملابس اطفال تجنن ..و فيه كل شي حلو و ان شاء الله يعجبج
شوفي تقريري عنه
لا تنسين التقرير و الصور

أشكر جميع الاعضاء على أجابتهم علي أسألتي وماقصرتو عسي عمركم طويل والا ماعنده بنت الله يرزق بنوته حلوه لان طعم الدنيا غير مع البنات الله يعطيكم العافيه

أحب أضيف ان محل لحظه من فضلك فتح له فرع في برج جاسم بجانب التامينات الاجتماعيه ( المبنى الجديد)وفيه أكثر الماركات للاطفال والكبار وتشكيله أكبر وغير عن اللي في المهلب,
في بالصالحيه محل فوق ايضا للاطفال
اما بالنسبه للاثاث اتمنى تزوين البيت الأمريكي بالشويخ باخر شارع الماكدونالد وكوتكمك وايضا هابيتات
مع أجمل التمنياتبقضء اقامة طيبه بكويتنا الحبيبه