ههههههههههههههه ياهلا فيكم اخواني لاتزعل اخوي راح اجاوب على اسألتك بس اتزقع باحيرك اكثر بس الله يستر والله يعينك يلا نبدا

هل ميزانيتك محدوده او مفتوحه؟( اكيد مو مفتوحه انت تعرف بنيان وزواج وتاثيث واسهم فكلوا مكمل بعضه المهم الميزانيه ماتتعدى ابد ابد ال20 الف)
هل تفضل الانتقال من مدينه الى اخرى؟ (اي افضل ماعندي مشكله سواء التنقل بالطائره القطار السياره)
هل تريد زيارة سفاري؟ (اكيد وبقوه بقوه وافضل ان نكون في جيب ومافيها سقف روعه )
هل انت من هواة البحر؟ (حاجه ابو يومين عند خطيبتي تموت في شي اسمه بحر)
هل عند استعداد انك تسوق هناك؟ (يعتمد على الميزانيه بس احب اكيد وانا مجرب في لندن السواقه فاخوك ماينخاف عليه شوي )
هل تحب الاماكن الهادئه او الصاخبه؟ (اولا افضل الاماكن الهادئه الرومانسيه لانها شهر عسل واكيد اموت في شي اسمه طبيعه خضراء بحيرات شلالات كهوف وغيوم ومطر على خفيف يالله بس اكيد لازم نمر على المدن والاسواق والسينما والاحتفالات الا في الطريق يالله ذكرتني بمانشستر ولندن )
هل انت من هواة الاكل في المطاعم؟ (اكيد بس افضل الفطور في الفندق ونلغي الغذاء والعشاء نطلع حرتنا فيه ناكل اكل )

وهذه بالنسبه لي هي الاسئله الاهم:
هل سبق ان سمعت عن جنوب افريقيا؟ هل انت راسم في بالك ان البلد خرافيه من وصف الناس؟( بصراحه انا اكثر من 20 واحد نصحني بشهر العسل بجنوب افريقيا اولا لجمالها وثانيا لحلاوة جوها في ديسمبر ثالثا للميزانيه حتى الاجانب الا وياي في الدوام قالوا ليي خوش اختيار ولما شفت الصور والتقاريق صراحه دار راسي فالله يوفق ويسهل
هل سبق ان سافرت الى بلد اّخر وتود ان نضع مقارنه بينهم؟ رحت بريطانيا لمدة شهرين في الصيف الا فات وجانا حر بغينا نموت بس يالله على طبيعتهم لان رحنا مناطق كثيره مره رحت شمال ايران يالله منطقه اسمها كلردشت عاليه جدا وبارده والغيم كل مكان حولك والشلالات وناسه بس هذه ابيها غير ابي استانس اذبحني على الطبيعه السبب الا خلاني اهون عن النمسا البرد والله ودي بقوه في النمسا

طبعا بدا ماانت اللي تسأل صار لازم تجاوب
اسمح لي وانا اخوك بس لازم اعرف متطلباتك عشان نختار لك المكان المناسب
اتمنى اخوي جاوبت لك على الاستفسارات واتمنى تكون فاهمني
انا بجد ابيك تسوي بكج فيه خيارات الا يبي حياه الله مااحد مجبور والا يبي يعدل او يزيد او ينقص فهو حر والا يبي يمشي بالحرف الواحد على البرنامج فهو حر اتمنى اني احصل على هالطلب منك اخوي والله يوفقك

مواضيع عشوائيه ممكن تكون تعجبك اخترناها لك: