الموضوع: بخصوص استلام سيارة من ميونخ ما افضل مكان

سلاااااااااااااااااام

بإذن الله رحلتي الى ميونخ في اغسطس

الرحلة تهبط في مطار MUNICH DE MUNICH INTERNATIONAL

وحجزت السيارة من شركة sixt وحددت الاستلام من Munich Bayerischer Hof


هل موقع الاستلام جيد؟ هل هو في المطار او قريب من المطار ؟

خاصة ان معي عائلتي وعفش كثير


مانستغني عن رأيكم



وسلاااااااااااااااااااااااااااام

مواضيع عشوائيه ممكن تكون تعجبك اخترناها لك:

• دخلت كولون بفيزا من السفاره الاسبانية
• استفسار حول خط الرحلة
• مين يساعدني في برنامج الرحله
• خبير بون باد غودسبيرغ تحديدا
• ممكن فنادق مناسبة في قارمش ؟
• ياهل المانيا ساعدوني في انتظاركم
• الحقوا علينا يامشرفي المانيا
• المانيا سويسرا النمسا ارائكم
• لا عدمناكم ممكن رابط حجز موعد بالسفارة بالرياض لاستخراج التاشيرة
• النقطة الاخيره ياخبراء المانيا
• ارجو المساعدة في موعد الحجز
• الى خبراء المانيا
• مساعدة في ترتيب البرنامج لـ ليالي انطلاقا من
• خبراء فرانكفورت استفسار وفقك الله
• رأيكم في جدول رحلتي واقتراحاتكم
• ممكن ترجمه الابلكيشن
• سااااااعدوني بلييييز مليت والله من كثر ما ادور
• ماهي اﻹجراءت السليمه في حالات الحوادث لا قدر الله؟
• دليل ميونخ السياحي بالصور الجزء الأول
• أفيدوني بخبراتكم يالغالين

أخوي مكان الأستلام ليس في المطار ولاقريب منه


مكان الأستلام يقع في وسط مدينه ميونخ
ومن المطار الى وسط ميونخ حوالي مساااافه 36 كيلو


دام معك عفش كبير أنصحك تغير موقع الأستلام وتخليه في المطار

مشكور اخوي ملوك على اجاباتك الرائعه.


بالامكان اخذ تاكسي اذا كنت حاجز وخالص.
مع التحية

سلاااااااااااااااااام

كتبت رد طوله كيلو وللأسف اضغط ارسال ولا راح ..... نكتب من جديد


يعطيكم العافية يا مللوك و قايد عنادك وبيض الله وجيهكم

جالس اجرب في تعديل الحجز ، او عمل حجز جديد

لاحظت ان تغيير مكان الاستلام الى المطار يزود التكلفة يوميا 32 دولار !!!!

32 * 15 يوم = 480 دولار !!!!

وش رأيكم؟؟؟ هل اخلي مكان الاستلام في المطار واتحمل فرق السعر

او استأجر تاكسي فان يوديني للفندق مكان سكني واستلم السيارة من مكان قريب من الفندق؟؟

وكم يكلف التاكسي - فان - من المطار الى محطة Isartor S-Bahn بمنطقة Lehel

اسكن في http://www.booking.com/hotel/de/appa...king_confemail


وش الأفضل برأيكم لاعدمتكم


وسلاااااااااااااااااااااااام

انا من رأيي التكسي افضل واذا تبي تضمن السعر الممتاز
هذا موقع ممتاز وبيفيدك
http://www.taxi-muenchen-online.de/engl/zevorb.htm

ماشاء الله عليك قايد عنادك راائع بصراحه

خبره ورد مقنع بصراحه الله يجزاك بالجنة يالغالي ويكسبك الاجر

بيض الله فيسك يا القايد

توكلنا على الله واخذنا بشورك

مكان الاستلام بجوار السكن ، 3 كيلو فقط

ومن المطار ناحذ تاكسي

ماقصرتوا جميعا


وسلااااااااااااااام

المشاركة الأصلية كتبت بواسطة mazmaz_0
http://www.arabtravelersforum.com/tr...4/#post7721294

ماشاء الله عليك قايد عنادك راائع بصراحه

خبره ورد مقنع بصراحه الله يجزاك بالجنة يالغالي ويكسبك الاجر



ويجزاك ووالديك الجنه ونعيمها يارب

المشاركة الأصلية كتبت بواسطة ساري نجد
http://www.arabtravelersforum.com/tr...4/#post7721444

بيض الله فيسك يا القايد

توكلنا على الله واخذنا بشورك

مكان الاستلام بجوار السكن ، 3 كيلو فقط

ومن المطار ناحذ تاكسي

ماقصرتوا جميعا


وسلااااااااااااااام



خير من توكلت عليه
ربي يسهل دربك
واي خدمه حاضرين
تحياتي

يا مال العافية يالغالي

سؤال ع الطاير

الآن موقع سكست اذا حجزت منه سيارة فان عائلية يقول لك ان السيارة غير محددة النوع

يعني ممكن مرسيدس او فولكس واجن او غيرها ،،،،

هل فيه طريقة بحيث امر فرعهم بالرياض واحدد النوع وكذلك نوع الوقود ؟ لأن الغالبية تمدح الديزل اوفر من البنزين

وتشكرات افندم

الخيارات بالنسبة للوقود على حسب التوافر
لكن سيكست تحرص على ان توفر خيارك .... واذا ماكان فيه يسوون لك اب قريد بنفس سعرك
مافيه داعي تتعنى وتروح فرع الرياض
تحياتي

الله لايضرك

اجابات وافية وشافية

عز الله انك ماقصرت


الحي يحييك وبس

سلاااااااااااااااااااااااااااااااااااااااااااااام

القطار أفضل وأوفر إذا كانت العائلة كبيرة والعفش كثير ,, والأفضل استلام السيارة من مطار ميونيخ .




بالتوفيق

المشاركة الأصلية كتبت بواسطة ساري نجد
http://www.arabtravelersforum.com/tr...4/#post7722174

الله لايضرك

اجابات وافية وشافية

عز الله انك ماقصرت


الحي يحييك وبس

سلاااااااااااااااااااااااااااااااااااااااااااااام

اقل شي ممكن اقدمه لك ولجميع الاخوان

سفر مشمول بحفظ الرحمن ان شاء الله

والله انا اللي سويته يا طويل العمر اني حجزت في فندق NHوهو يبعد عن المطار 5 دقايق بالباص حقهم
الباص يكلف على الشخص 5 يورو ( تدفع عند مغادرة الفندق )


نزلت اغراضي وارتحت
بعدين اخذت الباص لين محطة القطار الموجودة في المطار
ورحت لين مكتب سيكست الموجود في محطة Stachus الموجودة وسط ميونخ
3 دقايق تقريبا مشي من المحطة لين مكتب سيكست


بالنسبة لسيكست للأمانه ما قصروا
والسيارة جدا نظيفة


انا طلبت مرسيدس سي كلاس
لكن لما وصلت قالت بنعطيك أودي A4


قلت معصي ابغى سيارة فل سايز ( مع اني انا وزوجتي بس )
لكن كنت ابي المرسيدس


المهم جلست تطقطق عالجهاز شوي
وراحت لمكتب ثاني تدور مفاتيح
قالت فيه نفس اللي تبي لكن واجن ( بقس )
قلت ابدا السيارة كبيرة مره علي مابيها
والقير عادي بعد,,


قالت طيب دقيقة,
وراحت ورجعت وقالت فيه BMW X1
انا حسبتها الصغيره هذيك, بس قلت ابتأكد قلت لها ما اعرفها
قالت دقيقة, وبحثت في قوقل الصور وطلعت لي صورتها وعجبتني


طبعا سوت ابقريت بنفس السعر
وفوق ذا فيه نافيقيشن
أوتوماتيك + ديزل
2013 ماشية 14 الف


نصف التانكي مشاني 450 كيلو متر..


يعني توكل على الله وخذ من سيكست
ان شاء الله راح تكون تجربة حلوة,,

على فكرة

ركز على التواريخ
انا لما رجعت البيت جلست اقرا في العقد
لقيت انها منقصه يوم من الحجز


ورجعت لهم اليوم الثاني وزادوا يوم




التأمين 0
لكن سحبوا مني دبل المبلغ
- السيارة كانت ب 551 يورو ( قبل زيادة يوم وتعديل وقت التسليم )
وسحبوا مني 1102 يورو

انا ماخذ من يورب كار مرسيدس سي كلاس فل كامل وجا نفيقيشن فوق البيعه
السعر مع تأمين صفر
1100 يورو اخذو مني 1573 يورو فقط
بأكياسها من الموبايل

حجزت من النت على شركة هرتز والاستلام من مطار ميونخ ولم استلم السيارة من الشركة بسبب ان الفيزة غير محفورة اخذت تكسي فان من المطار ووصلت الى البيت وانا مرتاح واستأجرت من احدى شركات التأجير وطاح اكثر من ثلث المبلغ مع معرفة السيارة ونوعها وعلى الزيرو وقالوا اذا بتجي مرة ثانية حنا نستقبلك من المطار ونودعك مجانا . بالتوفيق اخوي

المشاركة الأصلية كتبت بواسطة M.F.Alshehri
http://www.arabtravelersforum.com/tr...8/#post7726328

التأمين 0
لكن سحبوا مني دبل المبلغ
- السيارة كانت ب 551 يورو ( قبل زيادة يوم وتعديل وقت التسليم )
وسحبوا مني 1102 يورو



اعتقد وحسب مافهمت انهم حجزوا مبلغ 1102 وبعدين اخذوا اللي لهم 551 ورجعوا لك الباقي .. صح فهمي؟؟؟

المشاركة الأصلية كتبت بواسطة قايدعنادك
http://www.arabtravelersforum.com/tr...6/#post7728586

انا ماخذ من يورب كار مرسيدس سي كلاس فل كامل وجا نفيقيشن فوق البيعه
السعر مع تأمين صفر
1100 يورو اخذو مني 1573 يورو فقط
بأكياسها من الموبايل



نفس السؤال .... 1100 يورو هي اللي سحبوها و 1573 يورو حجزوها بس ؟؟

المشاركة الأصلية كتبت بواسطة البافاري 1
http://www.arabtravelersforum.com/tr...8/#post7733478

حجزت من النت على شركة هرتز والاستلام من مطار ميونخ ولم استلم السيارة من الشركة بسبب ان الفيزة غير محفورة اخذت تكسي فان من المطار ووصلت الى البيت وانا مرتاح واستأجرت من احدى شركات التأجير وطاح اكثر من ثلث المبلغ مع معرفة السيارة ونوعها وعلى الزيرو وقالوا اذا بتجي مرة ثانية حنا نستقبلك من المطار ونودعك مجانا . بالتوفيق اخوي



معقوله يكون سعرهم عند موقع الشركة اقل من النت 30% ،،، مع انها مجازفة بصراحة

المشاركة الأصلية كتبت بواسطة قايدعنادك
http://www.arabtravelersforum.com/tr...0/#post7722060

الخيارات بالنسبة للوقود على حسب التوافر
لكن سيكست تحرص على ان توفر خيارك .... واذا ماكان فيه يسوون لك اب قريد بنفس سعرك
مافيه داعي تتعنى وتروح فرع الرياض
تحياتي



اثناء الحجز وانا اخوك ،،، كل الخيارات المتاحة هي فئة السيارة

يعني ما اقدر احدد نوع الوقود او القير عادي او تماتيك

او موجوده هالخيارات وانا ما انتبهت لها !!