الموضوع: حايسه ومحتاره بشهر العسل

السلام عليكم
لو سمحتوا حلو اللغز الله يخليكم
خطيبي عطاني الثقه بان اجهز سفرة العمر شهر العسل بس عندي عقبات كثيرة
الاولى انو الرحله في بداية ديسمبر تقريبا 8 او 9 لمدة 15 يوم فقط
ثانيا محدد لي بكج يكون بين 15 الين 18 الف ريال فقط يعني فقط
ثالثا يبي شي مرتب ومضمون ورمانتيك
فكرت في النمسا والمانيا وسالت صديقاتي الا راحوا ونصحوني مره مره بس المشكله انو راح يكون في عز الشتاء وهاي سيزون
سالت عن جزيرة موريشيويس فقالوا لي راح تكون الفتره فقط سبوع وغالي والاعظم والاردى انو حر ويمكن اعصارات والله يكفينا هالاجواء
فاحترت فكرت في استراليا وماادري فقالوا شوف جنوب افريقيا بصراحه اول ماسمعت استغربت وخفت اقول الى خطيبي وبيني وبينكم للحين ماقلت الى خطيبي
محتاره ومحتاسه ايش تنصحوني ايش رايكم ابي نصائح واسعار اهم شي اسعار واذا ممكن بكج بالتذاكر والفنادق والرحلات وخلوا التفاصيل باطلعها من المنتدى بس بليز شوفوا لي حل ترى استنى ردودكم على جمر والله يوفقكم

مواضيع عشوائيه ممكن تكون تعجبك اخترناها لك:

• الحمدلله على سلامه أم العيال وطاها فيل
• ادخلوا هنا
• أخواني
• الفزعة يا مشرفنا موضوع يهم الجميع
• التسوق في جنوب افريقيا
• مسافر سفاري الى كينيا اسبوع هل من نصائح يا احباب
• ابي المساعده وين ممكن نسافر؟؟؟؟؟
• وينك يا زاده الخياال تعال يا بعدي هنا
• عندي اسئله و ارجوا الاجابه عليها لو سمحتوا
• سؤال خاص والرد ابيه عاجل لو سمحتوا
• ناميبيا وبوتسوانا
• هل يوجد طيران من البحرين الى اريتيريا ؟
• بح بحكايتك ثمن وطن لك ينصت شاعريه اديس ابابا
• اديس ابابا العشق الممنوع
• الموضوعات المميزة في البوابة الإفريقية
• سبع ليال وثمانية ايام في اديس ابابا
• من لديه معلومات عن اريتيريا يتفظل يقولها
• استفسار عن الاخ كابيان
• عاجل لخبراء جنوب أفريقيا؟
• من ارخص فنادق كيب تاون

هلا أختي

أنا اليوم الفجر رجعت من جنوب أفريقيا

نظرتي الشخصية ما أحسها تصلح شهر عسل

أحسها يبي لها ناس متعودين على بعض .. لأنها كلها مغامرات


الفنادق غالية جدا .. ما تناسب ميزانيتك..

خصوصا إنتي بتروحين في الهاي سيزون ل جنوب أفريقيا

عموما .. خلال اليومين الجاية بأحط معلومات مختصرة ومفيدة عن جنوب أفريقيا

السلام عليكم
اتمنى تتقبلين نصيحتي المتواضعه,
شهر ديسمبر يعني اشطبي اوروبا نظرا لغلائها وبرودتها خصوصا انها ممكن تصادف مناسباتهم..

خيارات ثانيه, هي البلدان اللي عكس جونا (شتاهم صيفنا وصيفنا شتاهم) مثل استراليا و جنوب افريقيا..
خيار استراليا جميل جدا, ومن واقع تجربه لكنها ايضا غاليه خصوصا في هذي الفتره (سيدني من اغلى عشر مدن في العالم في الأوضاع الطبيعيه)

يبقى عندك جنوب افريقيا اللي مارحتها وكيب تاون اللي تسمى The fairest city
وهي ارخص بمراحل من استراليا واوروبا وفي نفس مستوى استراليا وارقى من اوروبا ..

اختلف مع الأخت رمانه, لأن من شهادة الكثير ان كل شي في جنوب افريقيا مناسب وفي بعض الأحيان ارخص من هنا, الا المواصلات مثلها مثل الدول الغاليه..

وبالنسبه للبرامج والمغامرات, انا بالعكس اتوقع انها افضل طريقه لكسر الحواجز بين المتزوجين الجدد خصوصا ان جنوب افريقيا تجمع بين الثنين الطبيعه الرومنسيه والبرامج الكثيره..

خيار اخر, هو شرق اسيا مثل سنغافوره اللي اسعاره ايضا جميله واخلاق شعبها راقي وجوها ماراح يكون سيئ في هذي الفتره, لكن ما اتوقع انها تكون مثل جنوب افريقيا..

والله يبارك لكم في زواجكم ورحله سعيده مقدما

بالبدايه اسأل الله أن يتمم لكما بخير
وألف مبروك مقدماً
بالعكس أحس أنها مناسبه جداً لشهر العسل
بل من أفضل الأماكن اللي زرتها
وأسعارها مناسبه جداً بإستثناء المواصلات
توكلي على الله وأستخيري ولن تندمي بإذن الله

طيب اذا ماعليكم امر كيف يكون البرنامج وتوزيع الايام والفنادق علما بان وكم التكلفه تقريبا

والله أنا مارحت جنوب أفريقيا بس أحس لو تروحين ارتيريا بيكون أفضل

هلا أختي ..

رجعت مرة ثانية ..

بأوضح لك ليش ما تصلح ..


فنادقها .. غالية جدا جدا..!! ( أتكلم عن الفنادق الحلوة اللي تصلح شهر عسل مب القست هاوسسسز )

الشقق فيها روعة بس مستحيل شهر عسل في شقة ..!

الأكل فيها رخيص

التمشيات .. كلها مغامرات .. من وجهة نظر امراة مثللك.. أحس ما راح تنبسطين مرة ..

لأنك مستحية خلقة ..!!

يعني المكان مو رومانتك ..!!


أني وي هذي وجهة نظر شخصية .. ومن تجربة عريقة في السفر

نصيحة أخيرة ( لا تسافرون على الخطوط السعودية )

تسلمون ماقصرتون ولاهنتون على ردودكم واقتراحاتكم
مشكلتي في الوقت لانو راح يكون في 9 ديسمبر فماادري كان بجد اختياري الاول والى الحين افكر فيه النمسا وبعدين استراليا وجنوب افريقيا الخيار الثالث
اممم اخت رمانه ترى ابي افهمك شي اني متعوده على خطيبي الحمد لله مره لان صار لينا سنتين وشويات خاطبين العام في الصيف رحتمع اهلي لندن وجاء خطيبي لندن وجلس ويانا فالحمد لله مسافرين ويا بعض ومتعودين على بعض
السؤال المهم جدا جدا وين الافضل في ديسمبر النمسا استراليا جنوب افريقيا
طبعا عارفه انو النمسا برد بس بجد خاطري فيها
والشي الثاني الميزانيه تقريبا 20 الف ريال بس فمن جد محتارين ابي اعرف رايكم وابي نصائح منكم وتسلمون على الردود

اذا الكلام كذا متعودين على بعض ج افريقيا ولاتشاوري انا رحت للاختيارات الاخرى عندك لكن ج افريقيا احسن وكثير مو شوي واذا الميانه طايحه عنديلكم شقق 5 نجوم بالوتر فرونت امنة جدا بس مافيها روم سرفس بس المطاعم تحتكم الا اذا ابتفسري وتطبخي وتنفخي ها ها ها سعرها خاص لي عشان اعرف صاحبة الشقة حدود 1500 راند لليوم بس والله روعة توني جاي منها