الموضوع: سؤال عن بعض الأماكن في البحرين

السلام عليكم
الحقيقة انا مستمتع لمشاركة الأخوة الأعضاء بالمنتدى وكثيرا ما استفدت من هذه المشاركات حيث أني كثير السفر للبحرين هذا البلد الغالي علينا ولي في البحرين أصدقاء منذ أيام الدراسة الجامعية وحتى الآن ولم تنقطع هذه الصداقة .
والحقيقة اني في كل مرة أزور البحرين أتعرف على مناطق جديدة لم أزرها في السابق ن ولي رغبة بعد اسبوعين إنشاء الله بزيارة البحرين وأود أن يفيدونني الإخوة على الآتي :
1- أين تقطع السلمانية -المجمع والمطاعم (إذا ممكن وصفها من جهة مسجد الفاتح بالجفير ، أومن جهة الدبلومات)
2- الشيخ عزيز بالسلهة .
3- مجمع يتيم
4-السوق الشعبي بالمنامة
5- المدينة المائية (أكوابارك على ما أظن).
راجيا موافاتي بالرد مشكوريييييييييييييين

مواضيع عشوائيه ممكن تكون تعجبك اخترناها لك:

• إيش رايكم في هذي الفنادق
• أحسن المقاهي
• تخفيض بالفنادق لمن يحمل الجنسيه الامريكيه؟
• بعض المعلومات عن مملكة البحرين
• شقق رامي و أيهم أفضل للعوائل
• ساعدوني مزعل المدام وبراضيها بسفرة للبحرين
• ابي توصفون لي فندق الموفنبيك
• مدري وش اكتب موضوعبس طامع في مساعدتكم
• برنامج آي فون مجاني للتحقق من زحمة جسر الملك فهد
• لوسمحتوا بغيت شركات نقل اثاث من الكويت الى البحرين
• بسألك عن البحرين ،،،،، كيف اهل المنامة عادهم يذكروني
• البحرين في اكتوبر
• ساعدوني يابحرينيات
• سؤال ؟؟
• سطب لمبه نور السيارة الخلفي مكسور
• وش الفندق اللي تنصحوني فيه بالبحرين
• السلام عليكم
• فندق في الجفير
• خبراء البحرين بليز
• اريد جدول سياحي تجديد شهر عسل في البحرين

مادري اشتقصد من السلمانيه وبعدين حاط بين قوسين المجمع والمطاعم ؟؟؟

يعني تبي تعرف وين منطقة السلمانيه ؟؟ لاني ماعرف هناك مجمع و مطاعم ؟؟؟

ايضا اول مره اسمع عن شي اسمه الشيخ عزيز بالسهله ؟؟

ان شاء الله حد غيري يفيدك !!

السوق الشعبي بالمنامه .. تدخل له من اشارة فندق الريجنسي

ومجمع يتيم بوسط سوق المنامه .. هالاماكن مايبي لها دلاله ,,,

ان وصلت الريجنسي اعتبر نفسك وصلت سوق المنامه و مجمع يتيم ,, بس اسال هناك

المدينه المائيه

عليكم السلام ورحمة الله
مسجد الشيخ عزيز يصير في منطقة السهلة في اطراف المنامة من جهة مدينة عيسى
موقعه جمب الجامعة العربية المفتوحة ضبط
والسلمانية ما فيها مجمعات المجمعات في وسط المنامة اكثر شي
مجمع السيف ومجمع البحرين ومجمع الدانة

مشكورين ويعطيكم العافية
بس إذا تسمحون كيف اروح للشيخ عزيز من طريق مجمع السيف أو البحرين
وبالنسبة للسلمانية أتصور كانت هناك مشاركات من الإخوة حول بعض المطاعم بس ما أدري شنو هالمطاعم
وبالنسبة للمدينة المائية تقولون ماهي ناجحة يعني ما تسوى نروح لها ؟

المدينة المائية ما تسوة
مهي بحلوة
اخوي مسجد الشيخ عزيز لو ما تجي على شارع السيف يكون اسهل واسرع لك
يعني اذا جيت البحرين ووصصلت للكوبري للي يجيبك للسيف ما تجي عليه تروح على الخط تكمل بعدها يجيك الكوبري الثاني هو اللي تاخذه اذا سرت عليه هذا الكوبري الثاني تشوف مسجد على الشارع بالضبط وجمبه الجامعة العربية المفتوحة هذا هو مسجد الشيخ عزيز

السلام عليكم،،
الأكوا بارك هو مشروع لم يكتمل بعد،، لا يزال في طور الإنشاء لحد الآن،،
.
.
والذي يقصدنه الأخوات هو بركة مفتوحة للسباحة بالتذاكر،، يعني بفلوس،، وهو مشروع بسيط لا يستحق ذكره،، ولكنه ليس الأكوابارك المنتظر إنشاؤه ..؛
.
.
أما عن مجمع السلمانية،، ربما أنت خلطت بين (مجمع السلمانية الطبي) وهو الإسم الجديد لمستشفى السلمانية الأكبر في مملكة البحرين وبين مجمعات منطقة ضاحية السيف (مجمع البحرين والدانة والسيف والعالي) وهي مجمعات قريبة من بعضها كل له طابعة الخاص ..؛
.
.
أما عن السوق الشعبي في المنامة فلا يفوتك لأنه الأكبر في البحرين وهو السوق الأساسي والذي لا غنى عنه ..؛

مشكورين ويعطيكم العافية