السلام وعليكم يا احلى اعضاء

اليوم بحط لكم كل الاماكن السياحيه اللي موجوده بالكويت

من مطاعم ومجمعات واماكن ترفيهيه ومتاحف وكل اللي اقدر اتذكره

بدايه بالمجمعات :
1-سوق شرق بمنطقه شرق على البحر ممتع لجميع افراد العائله
2-مارينا مول على شارع الخليج يصلح لجميع افراد العائله
3-الرايه سنتر في دسمان للماركات
4-الصالحيه للماركات
5-المهلب في حولي في الملابس الكاجوال ويصلح لجميع افراد العائله
6-شارع سالم المبارك بالسالميه في اغلبية المجمعات مجمع الفنار والبستان وزهره وتالا وبلازا وجاليريا 2000 وليلى جاليري والخ
7-مجمع البحر بحولي شارع تونس يصلح لجميع افراد العائله
8-مجمع بيروت بحولي قريب من المهلب
9-مجمع الكوت بالفحاحيل
10-ماجيك لاند في بو حليفه
11-اجيال مول في الفحاحيل
12-مبارك الصيفي بالفروانيه
13-العربيد بالفروانيه
14-الخيمه مول بالجهراء
15-مجمع المثنى عند الصالحيه
واذا ذكرت مجمعات انشالله اقولكم

بالنسبه للمطاعم :
1-شيليز على شارع الخليج
2-فرايديز على شارع الخليج
3-بوتيك برجر في مجمع الرايه انصحكم تذوقون الميني برجر روعه
4-برج الحمام
5-ميس الغانم
واعتقد الاخت ارنوبه ماقصرت عطتكم اغلبية المطاعم

بالنسبه للقهاوي :
عندكم
1-ستاربكس
2-سكند كب
3-ذا كوفي بين لاتيه
4-هاجن داز
5-مارينا كرست في قهاوي وايد ومطاعم منهم شوكليت بار وزعتر وزيت
وكلهم موجودين داخل المجمعات بس انصحكم بستاربكس البدع والقهاوي الموجوده بالصالحيه بلازا اللي مقابل مجمع الصالحيه

بالنسبه للاماكن الترفيهيه :
1-المدينه الترفيهيه (يوم الاثنين للنساء)
2-الاكوابارك (يوم الثلاثاء للنساء)
3-المسيله (السبت والاثنين والاربعاء للنساء)
4-صالة التزلج (الثلاثاء للنساء)
5-ابراج الكويت (من السبت الى الاربعاء شاي الضحى للنساء خوش ريوق)
6-المركز العلمي (انصحكم بالاكواريوم و باافلام الاي ماكس)
7-يوم البحار
8-سوق المباركيه
9-تقدرون تاخذون جوله لمدة ربع ساعه بالهليكوبتر تشوفون فيها معالم الكويت

بالنسبه للمتاحف :
1-متحف كي لاننسى بالشويخ

بالنسبه للشواطئ :
1-شاطئ الشويخ
2-شاطئ المسيله

بالنسبه للشوارع :
1-شارع الخليج
2-شارع الحب
3-شارع المطاعم
4-شارع البدع

بالنسبه للجزر :
1-جزيرة فيلكا (تحجزون من المارينا والشخص على مااعتقد 7 دنانير ونص)

بالنسبه للمنتجعات والشاليهات :
1-شاليهات الخيران
2-شاليهات الوطنيه
3-كمبنيسكي جليعه
4-منتجع هيلتون
5-منتجع النخيل

بالنسبه للفنادق :
1-فندق الكورت يارد ماريوت داخل مجمع الرايه
2-فندق الشيراتون
3-فندق الجي دبليو ماريوت داخل الصالحيه
4-فندق الشيراتون فور بوينتس
5-فندق المريديان عند الشيراتون
6-فندق المريديان بشارع الخليج

بالنسبه للمعارض النسائيه :
1-معرض بيت ديفا
2-معرض كاريزما
3-معرض بيت الشرق
4-معرض بيت بدره
5-معرض بيوت بهبهاني الشرق
6-معرض بيت لوذان

وانشالله تستفيدون من الاماكن واذا تبون اي استفسار امروني

مواضيع عشوائيه ممكن تكون تعجبك اخترناها لك: