الموضوع: اللي يبي يتابع كأس العالم بالبحرين وين يروح؟؟؟

أنا رايح البحرين في مهمة عمل لمدة اسبوع في وقت مباريات كأس العالم

تكفون دلوني على فندق عنده اشتراك الا ار تي أو أي مكان بس يكون محترم

والله يعطيكم العافيه

أبوهــــــلا

مواضيع عشوائيه ممكن تكون تعجبك اخترناها لك:

• سائق يوديني من مطار البحرين الى الدمام والعكس
• إستفسار عن حلويات طارق ؟
• شقق رويال هاوس العائلية البحرين
• سوال
• اهل البحرين تكفون
• البحرين وجهة السياحة الخليجيه
• هل يوجد نادي رياضي نسائي في البحرين؟ ارجو المساعده
• مطعم راقي عائلي بالبحرين
• إقفال جسر الملك فهد للصيانة ؟؟
• عندي استفسار عن البحرين
• جزيرة حــــــــوار
• سؤال بخصوص دخول النساء البحرين ببطاقة الهوية
• سؤال عن الشقق المفروشة في مدينة عيسى وماجاورها للاهميه
• مكتب حجوزات الفنادق في الجسر بين السعودية والبحرين ؟؟
• سعودية تبي فزعتكم ياهل البحرين
• اروح بكرا البحرين والا انتخابات مايصلح ؟؟
• ودي اروح البحرين اليوم كيف الاوضاع
• السيارة بأسم الوالد وما جا معنا نقدر ندخل؟
• ممكن اعرف احلى شقق بالجفير ضرووري
• ابغي فندق في البحرين 4 نجوم

هلا بيك في البحرين بين اخوانك
والله يالغالي في امتاكن كثيره عندك فنادق و مقاهي
حدد وين ساكن وانا اضبطك انشاء الله

تسلم لي يا بو سلمان
هذا و الله عشمنا فيكم يا هل البحرين و مو غريبه عليكم

يالشيخ (أحلا كلمه بحرينيه اسمعها من أطيب ناس) انا لحد الان ماحددت
المرات اللي راحت كنت اسكن في نوفوتيل الدانه
الحين أبي فندق بنفس المستوى بس يكون فيه اي ار تي كأس العالم أهم شي
أو كوفي شوب راقي تكون فيه جلسات خاصه عشان الواحد يصارخ و يناقز بدون ما احد يشوفه هههههه

و يعطيك الف عافيه

وينك يا بوسلمان
مازلنا في الانتظااااااار

تحياتي لكم
أبوهـــــــلا

اخوي اعتقد كل المقاهي و الكوفي شوبات راح تنقل كاس العالم ,, و عندك مجمع العالي بقسم المطاعم فيه شاشات تلفزيون متعددة و كبيرة ,, و كلها راح تنقل كاس العالم ,, و بالنسبة عن الفنادق مادري ,, لاني بحريني و ما اسكن في فنادق البحرين بطبيعة الحال فماعندي فكرة ,, بس اتمنى اني اكون افدتك .

و حياك الله ياخوي في بلادك و بين اهلك في البحرين ..

مشكوووور اخوي راشد
أكيد أفدتني و ما قصرت
مجمع العالي حلو بس شرايك وش أفضل مقهى أو قعده حلوه جربتها؟ علما بأني لا أدخن و لا أشيش و أفضل الأماكن الهاديه و أفضل لو يكون فيه قعده خاصه عشاني أحب أطامر مع كل هدف خخخخخ
يعطيك الف عافيه

المشاركة الأصلية كتبت بواسطة AbuHala


أنا رايح البحرين في مهمة عمل لمدة اسبوع في وقت مباريات كأس العالم
تكفون دلوني على فندق عنده اشتراك الا ار تي أو أي مكان بس يكون محترم
والله يعطيكم العافيه
أبوهــــــلا




فندق الخليج
مقهى الامازون

يا سلااااام عليك يا دنيا فاتازي

تعجبني و الله

يسلمووووا

تعاااااااال
ما قلت لي وين مقهى الامازون هذا؟
فندق الخليج هو اللي قرب السيف؟

تحياتي

------------------
------------------

هلا والله اخوي ابو هلا ,,

يالغالي اعتقد الاخ يقصد مقهى (لاميزون كافيه) , و هو موجود له فرع في منطقة الزنج بجانب بيتزا هت ,, و فرع آخر بضاحية السيف قرب فندق الريتز كارلتون ,, و المقهى يعتبر راقي و هادئ ,, بس القعدة اذا قصدك خاصة بساتر و جذي لا مافيه ,, بس انه القعدة حلوة , و عندك بعد الكوفي شوبات فوق في مجمع الدانة , شوف اي كوفي شوب يعجبك و يكون فيه تلفزيون ,, و اقعد و طالع الناس رايحة و رادة , و انت تشوف المباراة و تشرب الكوفي مالك , او ملك شيك اذا ماتبي كوفي , يعني اعتقد هذي افضل الكوفي شوبات اللي اقدر انصحك فيها حاليا ,, و تقدر توصل لها و لموقعها بسهولة ,, و اي خدمة اخوي احنا حاضرين ,, و حياك و مرحب فيك مرة ثانية في بلادك البحرين .

المشاركة الأصلية كتبت بواسطة rashed2002


هلا والله اخوي ابو هلا ,,
يالغالي اعتقد الاخ يقصد مقهى (لاميزون كافيه) , و هو موجود له فرع في منطقة الزنج بجانب بيتزا هت ,, و فرع آخر بضاحية السيف قرب فندق الريتز كارلتون ,, و المقهى يعتبر راقي و هادئ ,, بس القعدة اذا قصدك خاصة بساتر و جذي لا مافيه ,, بس انه القعدة حلوة , و عندك بعد الكوفي شوبات فوق في مجمع الدانة , شوف اي كوفي شوب يعجبك و يكون فيه تلفزيون ,, و اقعد و طالع الناس رايحة و رادة , و انت تشوف المباراة و تشرب الكوفي مالك , او ملك شيك اذا ماتبي كوفي , يعني اعتقد هذي افضل الكوفي شوبات اللي اقدر انصحك فيها حاليا ,, و تقدر توصل لها و لموقعها بسهولة ,, و اي خدمة اخوي احنا حاضرين ,, و حياك و مرحب فيك مرة ثانية في بلادك البحرين .



======================================
AbuHala هلايك عرفت العنوان الف الف الف شكرrashed
فندق الخليج على شارع الكورنيش وانت طالع من منطقة الجفير على طوول قدامك عند الاشارة

يعطيكم ألف عافيه اخوي راشد و دنيا فانتزي
وبيض الله وجيهكم و ماقصرتوا

خلاص بمر عليهم كلهم و اشوف احلا قعده وين

تمنياتي لكم بالتوفيق
أبوهــــــلا