الموضوع: سؤالى عن المعيشة بالكويت ؟

الي اهل الكويت الكرماء:24:

زوجي رايح الكويت للعمل في مجال التدريس , لاول مرة يزور الكويت , و انشاء الله انا راح اروح بعد ما يستقر. , ارجوا منكم اخواني و اخواتي الكرام بالكويت انكم تفيدوني بالمعلومات عن.
الاسعار و الحياة بالكويت
اسعار المعيشة , يعني بالنسبة لشخصين
كم المعاشات بتكون,
كم بيكون ايجار الشقة بغرفتين بالكويت , يعني بمكان كويس بس مو كثير غالي.

ايش الاشياء يالي لازم نحطها ببالنا قبل ما نستقر هناك, و الاشياء الي لازم نتجنبها.
زوجي سيدهب و ليس لديه اي معرفة هناك, يعني كثير بالي مشغول .
اعرف ما احد راح يعطيني المعلومات الصادقة غير اهل الكويت الكرام نفسهم.

دعائي لكم بالخير مع جزيل الشكر

:x1:

مواضيع عشوائيه ممكن تكون تعجبك اخترناها لك:

• لمعرفة حالة الطقس في الكويت ادارة الارصاد الجوية
• سؤال لاهل الكرم والجود
• انوي القدوم الى الكويت و من هناك اريد السفر الى سوريا
• استفسار للسفر الى الكويت
• استفسار عن مسمي وظيفي
• أهلا و مرحبا بكم فى أكوا بارك أول مدينة مائــية فى الكويت
• ممكن اقرب شقة حلوة ورخيصة
• عودة طيران الوطنية
• جزيرتي وربة و بوبيان معلومات صور مشروعات بيئة
• ســؤال للأخــوه الكــويتييـن ؟
• موعد المسرحيه خاربه خاربه ؟؟
• أول مرة مع الخادمة؟
• مبروووك لاهل الكويت و زوارها بشاره
• اريد وظيفة بالكويت يا شباب
• اي فندق اختار؟؟ عاااااااااجل
• استفسارات حول الكويت
• حياااااكم ريوق اي هوب
• القرية التراثية مشروع كويتي وأفتخر بحلته السادسة
• أربعة رايحين أرابيلا
• أهـل الكويت ارجوااا المساعـده

الاسعار و الحياة بالكويت
اسعار المعيشة , يعني بالنسبة لشخصين
كم المعاشات بتكون,
كم بيكون ايجار الشقة بغرفتين بالكويت , يعني بمكان كويس بس مو كثير غالي.






اهلا و سهلا
حياكم الله بالكويت



الاسعار و الحياة بالكويت
اعتقد رخيصه و يتوافر و بكثره الاسواق الشعبيه و السوبر ماركات الكبيره
" كأسواق المعلم . المحاميد , طيور الجنه , رامز , لندن , النقي , كارفور , لولو هايبر "



المعاشات
على حسب مهنه زوجج..
الصراحه ماعندي فكره =)



كم بيكون ايجار الشقة بغرفتين بالكويت , يعني بمكان كويس بس مو كثير غالي.
لنفرض انكم سكنتم بـ منطقة حولي "اغلب الوافدين من جنسيات عربيه يسكنون فيها"
الاجارات بين 100 - 250 دينار مو اكثر شامله الماي و الكهربا..
منطقه حولي حلوة كلها اسواق "مولات" و محلات جميع الانشطه "ملابس اجهزة" و فيها مدينه العاب و مطاعم كثير..



هذا الموقع راح يفيدكم انتي و زوجج..
http://www.ewaseet.com/classifieds.p...country_id=ALL

أهلا/

بصراحة اعتقد أن الحياة غالية بالكويت. وهذا رايي.

1- السكن أغلى شي. و سعر السكن يعتمد على موقعه. شقة غرفتين يتفاوت سعرها بين 150 دينار (أقل شي) إلى ما شا الله. يعني يمكن توصل أكثر من 300 ديار شهرياً في مناطق داخلية أو مناطق راقية.

2- ما أتوقع فيه أشياء لازم تتجنبوها !!! الكويت ترى مثل أي بلد خليجي أو حتى عربي.

3- المعاشات أو الرواتب ، إذا كان الزوج توظف و خلص، لازم يقولون له الراتب !!!!! أما إذا للحين ما انقبل قبول نهائي ، فالرواتب في السلك التعليمي تعتمد على التخصص (لغة عربية - إنجليزي - كيمياء ... ) و الخبرة و المقابلة الشخصية حسب ما قال لي واحد يشتغل بالوزراة.

هذا اللي عرفته من سؤال بعض الأصحاب.

4- أسعار السلع ، خاصة بعد فك ارتباط الدينار بالدولار. صارت نسبياً أغلى من دول مجاورة. لأن الدينار الكويت ارتفع سعره.
بالإضافة إلى موجة الغلاء اللي شملت العالم كله.

في النهاية ، هذا الواقع من وجهة نظري، ويمكن لباقي الأعضاء وجهات نظر مختلفة.

السلام عليكم :
اولا الايجارات مثل ما قالوا الاخوان لكني انصحج تسكنين في منطقة هادية لان حولي زينه بس في الويك اند ما تقدرين تدخليها من الزحمه :112: وكذلك الفروانيه مثل حولي اجاراتها رخيصة وكلها وافدين عرب لكن مزعجه في الليل والازدحام مو طبيعي بالنسبه لي انصحج في السكن في مناطق سكنيه مثل الرميثيه او سلوى او مشرف وبيان وبعد لاانسى الجابريه حلوة وفيها ايجارات زينه وقريبه من حولي والسالميه لكنها اهدى اما بالنسبه للمعيشه مثل ما تفضل اخوي همبكه في المحلات او الاسواق الشعبيه وبالاضافة هناك جمعيات تعاونيه اسعارها مراقبه من البلديه وكل منطقه فيها جمعيه تعاونيه متوفر فيها كل شي .
ماتحتاجين لشي تجيبينه من ديرتج لان الكويت فيها كل شي.
واي خدمه انا حاضرة:115:

شكرا جزيلا لكل من اهتم بسؤالي و جاوب على استفساراتي
اخص الاخوة الكرام revelation , hambka , و الاخت الفاضلة goree flower
صحيح اهل الكويت بيهم الخير

اختي الفاضلة , goree flower

تعتقدي اني راح انسجم في الكويت , خصوصا انا متعودة على كل خواتي ساكنيين جنبي , و حياتي بين اخواتي بلندن و ليبيا, يعني ممكن اكون حياة اجتماعية تعوضني شوي عن بعدي عن اهلي .
بالنسبة ليا انا متخرجة من من كلية الاعلام, و زوجي خريج جامعة , احياء, تعتقدي انوا ممكن نلاقي شغل بالكويت, خصوصا انوا جاي الشهر الجاي يقدم على وظيفة بالتعليم , بما انوا خبرتوا اكثر بالتجارة. يعني جاي و ما يعرف اي احد .

تعتقدي انها مغامرة ما تستحق انوا الانسان يخوضها .
صدقيني نصيحتك راح تكون من دهب بالنسبة لي, و انتي من اهل البلد و خبيرة اكثر .

ربنا ما يحرمك من اهلك و كل احبابك و يوفق طريقك .

MOON

عزيزتي :
اعتقد انك راح تنسجمين وايد بالكويت لانها دوله منفتحه وفيها جاليات وايد من كل دول العالم العربي اما بالنسبه للتعليم لزوجك ممكن يلقى وظيفه لاني قرات في الجرايد في الفترة الاخيرة انهم يريدون معلمين احياء وعلوم للمرحلة الثانويه.
اما بالنسبه لك فحظك ان في الكويت قنوات كويتيه خاصة مفتوحة جديدة مثل قناة الوطن والراي وفلاش وسمايل وبحري وفنون وغيرها وايد وممكن تشتغلين فيها اذا حبيتي خاصة انك اعلامية او اذا تحبين تكونين محررة في جريده كذلك في الكويت في اكثر من احدى عشر جريده خاصة لانهم من فترة بسيطة سمحوا بقانون المطبوعات .
وتسلمين وحاضرين لاي سؤال

يا الله على اهل الكويت شعب سنع تحياتي جيلاني السوداني