السلام عليكم
يوم السبت تاريخ 5/10 بالليل توجهت للبحرين ووصلت الصباح حوالي الساعه 10البحرين طبعا انا جاي من مدينة بعيدة
دخلت الجسر اول شي الجوازات السعودية ومشت الامور البحرينية مشت الا اخر مكتب حق التامين الظاهر قالي وقف يالحبيب عليك مخالفة عدم ربط حزام الامان ورحت دفعتها 50 ريال الغريب كانت فيه مخالفة ثانية بنفس الورقة وهي الدوران الخاطئ بس شكلهم نسوها ههههههههه
المهم توجهت حوالي الساعه 9 للبحرين ابي شارع المعارض ياللييل وصار لي ساعه ادور على البنايات الكبرى الي بالمنامه المشهورة اخبر طريق يروح للشارع اذا صارت المنطقة الدبلماسية على يمينك فيه اشارة تاخذ يمين مقفل الاشارة
دخلت جوا بس ما فيه فايدة بعد عدة محاولات جيت الشارع ههههههههههه جنني هالشارع
المهم
اخذت شقة صغيرة بفندق عادي ب 400 ريال وبعدها استحمام واحلى غدوة بمطعم اليمن السعيد الي بشاعر المعارض ( مايعرف غيرة) وبجنبه مقهى صراحه شي ثاني مرة اجية عنده شيش وعنده شاي مغربي ممتاز جدا
شيشة وشاي مغربي وبعدها فا نتا فروالة ههههه( العن ام الحوس) ب 35 ريال بس صراحه كلام خصصواصا الصبحيات يحطون ام كلثوم جو صراحه
انا جلست يوووم وثاني يوم العصر اخذت الشنطة وعلى السعودية وليتني صممت على رايي يوم و صلت الشارع الي به الكباين الي تاخذ الرسوم قلت ياولد خلني ارجع لمجمع السيف اخذت يمين وبعدها يسار واخذني طريق لحد ما وصلني لجامعة البحرين اشوف لفات للمنامه بس كنت اتردد اقول لا خلها لاخر الشارع يمكن فيه طريق مختصر
الحمدد لله انه بالنهار لو بالليل شكلي ادخل البحر بسيارتي
ملاحظات على سفرتي
الاماكن السياحية امان لله الحمد والوضع عادي لدرجة اني قمت اتمشى بشارع المعارض بين العماير ولاش فت اي شي مو طبيعي السلبية بوجهة نظري عدم وجود دوريات كافية بالشارع مع انه امان لاكن لازم يكون نقاط تفتيش مثل ماهو موجود بالسعودية تمشي 200 كيلو فجاة تلقى تفتيش
بالنسبة للاسعار اشوف فيها ارتفاع يعني عندك كوي غترة ب 4 ريال
بس الي عجبني صراحه العصائر الطبيعية صراحه احس انها اطعم والذ
بعد وش بقى
ما بقى الا سلامتكم
تذكرت دخلت محل كمبوترات صراحه اسعار خيالية كمبيوتر ب 1080 دينار بحريني عشر الاف سعودي هههههههههه
استغربت صراحه هل للمواصفات دور ما ادري
بالنسبة لل مجمع السيف شفت تخفيضات يعني اغلب البلوزات ب 8 و7 و6 دنانير
ايه وجيت مطعم العراقييين صراحه غالي انا ما طلبت منه بس لما دخلت شفت واحد طلب صحن مشويات يوم قريت بقائمة الطعام طلع سعرة ب45 ريال نفر بالمبلغ هذا قوية اشوي خصوصا انك ماتضمن انه نعيمي وطازج
ما فيه اي مطعم يقدم لحم نعيمي طازج الامطاعم الازرق بالاردن مطاعم شعبية وبجنب كل مطعم شبك بهم خرفان واذا تطلب اكثر من 6 كيلو يحق لك تطلب منه يذبح لك حدى الخرافان
اما بالسعودية ولا مطعم يقدم لحم طازج واتوقع بالبحرين بعد
شكرا لكممواضيع عشوائيه ممكن تكون تعجبك اخترناها لك:
- احتاج مساعدتكم ضروري يا اخواني
- ساعدوووني ؟
- ضروري حالا
- بسألكم ياهل البحرين ممكن تساعدونا
- تقريري عن أحدث فنادق البحرين ماجستيك أرجان من روتانا
- عدة إستفسارات اتمنى الاجابه
- بعض الاستفسارات من الاخوة الكرام
- بسالكم عن السكن في البحرين في منطقة قريبة من عيادة مامون الريفي
- استفسار
- استفسار لاهل البحرين
- مساء الحب يالبحرين مساء الحب جارتنا
- إستفسار لاهل البحرين الاكارم
- الحذر كل الحذر من نصب التايم شير المشاركة بالوقت
- هل الجامعات الخاصة تعطل يوم غد ام لا افيدوني الله يرحم والديكم
- ماهي الفنادق أو المنتجعات التي بها مسبح خاص في البحرين؟
- مسجد الخميس
- ممكن اسم شقق شبابيه رحله شبابيه
- رجعت من البحرين للرياض ومعي فلوس بحرينية وين ابدلها فيه
- سؤال عن العطارة بالبحرين
- تقدر تشوف الزحمه قبل ماتقرر انك تروح البحرين
رد مع اقتباس
المشاركة الأصلية كتبت بواسطة check out
المفضلات