سفره كانت اكثر من رائعه بدايتها كانت في برلين اللي بجد توفقنا فيها واجمل ذكرياتي كانت فيها
الصور راح تتكلم اكثر مني اذا تذكرت شي بقوله مقصدي من هذا التقرير اني اخليكم اتشوفون شكل برلين في ديسبمر والله روووووووووووووعه ومن الحين اقولكم الصور جدا جدا متواضعه بس انا لاني احب منتدى العرب المسافرون علشان كذا ودي افيد الكل لو بشي بسيط واسمحولي مقدما على القصور
سفرتنا كانت في شهر 12 بس كم بالضبط ماتذكر اختكم فيها نسيان عجيب غريب اسمحوليمدة السفره تقريبا 16 او 17 يوم
الرحله كانت على القطريه الساعه 2 فالليل اقلعنا والوجهات كانت
برلين - روما - فيينا - كوبنهاجن-مالمو وكل التنقلات كانت بالطيران الاوروبي ... مفروض ان بعد فيينا انروح باريس بس دوم كل مانخطط انروح لها ماتكنتب لي ماعرف ليه رحت لها مره ومن قلب خاطري ارجع لها
انصحكم اتسون مثلنا نحجز بس حق اول محطه وبعدين واحنا هناك نقرر وين نبي انروح .. سوري دوشت لكم راسكم
المهم لكم ان تتخيلو فرحتي وانا رايحه المطار قمه في السعادهالحمدالله والشكر اللي يشوفني يقول ماقد سافرت
حجزنا كان على البزنس والطيران طبعا واكيد على القطريه احسن طيران في الشرق الاوسط
هاذي الصوره في المطار قبل لاتطير الطياره واسمحولي على الحوسه في الصحن ترى متشاركين انا وزوجي في صحن يابلفيت تخفيف
توقعت اني بنام في الطياره بس للاسف ماقدرت اناملان القطريه اذا الوجهه ماكانت عالميه مثل لندن او باريس او فرانكفورت يودون الركاب بطياره صغيره والسبب الاساسي أن الركاب شوي والبزنس فيها مب اوكي الكرسي مايقلب سرير ماعرفت انام وزوجي مشاءالله عليه ناااام وانا تميت قاعده يمكن نمت اقل من نص ساعه قمة التعب
وبحمد الله وصلنا بس شفت برلين سبحان الله دخلت قلبي وحبيتها من وانا في الطياره
هنا برلين تبتسم لي وتناديني وتقول تعالي بدون شعور شفت نفسي ابتسم وابي انزل بسررررعه
مع ان المطار قديم وصغير بس مريح يجنن من الطياره على طول على باب المطار قررريب ولما تدخلون المطار جنب الشرطه سير الشنط اقولكم يجنن المطار صغيرون احسن من المطارات الكبيره المتعبه
هاذي الصوره الوحيده اللي صورتها في المطار مع ان وصلنا الصبح بس مثل ماتعرفون في الشتا الشمس تتاخر لين تشرق
http://www.booking.com/hotel/de/conc...X1&aid=1329869
السكن كان في هذا الفندق .. احلى مافيه موقعه خطيرررر والغرف وسيعه بس مايستحق 5 نجوم وهذا شي طبيعي على اوروبا والعيب الكبير ان الغرفه مافيها ارسال ابدا ابدا كنت اعاني اذا بكلم حد الارسال بس حبه وحده بس وترجع تختفي دوم لاصقه عند الدريشه احاول اصيد ارسال ولافي فايده لازم نطلع برى
بعد ماوصلنا الفندق قالوا لنا الشيك ان الساعه 2 الظهر واحنا واصلين الساعه 8 او 9قصدها انروح نادي صحي واحد للنسا والثاني للرجال وتعرفون هم ماعندهم خصوصيه عادي اي حد يدخل حتى مفتاح الباب مافي بس حظنا ان ماكان في حد حطيت فوطه وصليت عليها الله يتقبل يارب الوضع كان صعب جدا للصلاه مافي خشوع .. وبعدها لبسنا ملابسنا الشتويه وطلعنا وياااامحلا برلين حب من اول نظره
هذا اول منظر استقبلني وكنت سعيده حدي حدي حدي
كنا نبي انضيع وقت رحنا تريقنا في كوفي شوب وحبيناه صرنا كل صبح نتريق فيه وبعدها شفنا باص سياحي مدته ساعتين قررنا نركبه علشان انضيع الوقت واول ماركبته قعدت اعيوني تسكر صرت انام وارجع اقوم ولاقمت اصور وبعدها ارجع انام
هذا سور برلين المشهور
اللي يميز برلين ان اكشاك الكريسماس في كل مكان بتشوفونها معاي في الصور الجايه وين ماتلفون وجهكم بتحصلون مجموعة اكشاك جد قمة المتعه منظر العيد وفرحة الناس بالعيد شي يبهج النفس
حبيت هالعجوز
الى هنا والنوم بدا يلعب فيني بكمل معاكم عقب .. سي يومواضيع عشوائيه ممكن تكون تعجبك اخترناها لك:
- استفسارات عن رحلتي الي ميونخ المانيا
- استفسار عن معارض المرسيدس المستعمل في المانيا والمدن التي توجد بها المعارض
- اريد الذهاب من ميونيخ الى بروكسل في بلجيكا بالمترو
- شقق سكنيه في ميونخ
- وسيلة تنقل وهمية
- براشوت بالمانيافرانكفورت
- استفسار اين جد عبوات الغاز المستخدمة في الرحلات في ميونخ يوجد صورة
- أنا في ألمانيا الان و لا أعرف أين أذهب بالحر ؟؟
- أبي كل شي
- الفزعة يا اخوااان ؟؟
- استفسار عن إرسال تأكيد الحجز على الإيميل
- بخصوص الميزانيه وتقسيمها
- افضل الأسواقــــ في رست أو ضواحيهـــا مساعدهــــ
- المنتزهات من وين أروح لها ؟؟
- جدول 14 يوم عسل في المانيا والنمسا
- بشأن اختيار فندق مناسب للسكن في ميونخ من بين مجموعة فنادق أفيدوني
- تم الحجز جدة فرانكفورت جدة
- عاجل بكرع موعدي مع السفارة الالمانية بالرياض افيديوني
- مساعدة يا إخوان ، جزاكم الله خير
- السلام عليكم ممكن تساعدوني ف كل شي
رد مع اقتباس
اتحسون باجواء العيد والفرح والالعاب ونصيحه من اختكم اللي يبي يستمتع في ديسمبر يختار دوله فيها ثلج لان الثلج هو اللي يحلي الاجواء ..
الا وحده مسكينه متسلقيه على ظهرها أزلقت على ثلج عليه ماي صاير جليد وشكلها انكسرت حاولو يشلونها وهي تصااااارخ وجابو الاسعاف لها ... اشكثر يطيحون قدامي بسبب الثلج لان اول 3 ايام كان كله سنو بعدها نزل مطر صار الوضع مأساوي كل شوي الاسعاف يشلهم ماتهنو في عيدهم مساكين 
وبخصوص المواقف سالت زوجي يقول تقريبا حق يوم كامل بحدود 18 يورو مب متاكد بالضبط بس يقول في هالحدود .. وصدقت لايعلى على القطريه خصوصا الشاشه والافلام اللي عليها الواحد مايحس بوقت الرحله من كثر مايشوف فلم ورى فلم لحد مايوصل
المفضلات