مخططي الاوروبي وآرائكم

**ahmed3** · 02-02-2015, 10:31 AM

السلام عليكم ورحمة الله وبركاته

ادري ازعجتكم بكثرة استفساراتي .. بس ماعليه تحملوني ..

الرحلة مدتها ثلاث اسابيع .. انا وزوجي وعيالي .. وسيلة التنقل سيارة ..

" فرانكفورت -بادن بادن -لويزرن -انترلاكن -تايرول - قارمش "

المطلوب : رأيكم بالمخطط ..

قسمو لي الايام لكل مدينة ..

اذا في تعديل على خط سير الرحلة وضحوه لي ..

خاطري اسكن في يورو بارك ليلة ..عطوني رايكم ..ومتى اسكن ؟؟

وخاطري اسكن في كوخ .. عطوني احسن مكان اسكن فيه ..

واذا عندكم اي توصيات ..

وشكرا مقدماً

مواضيع عشوائيه ممكن تكون تعجبك اخترناها لك:

**alifun** · 02-02-2015, 10:32 AM

مرحبا

اولا العيال كم اعمارهم ؟؟؟ ثانيا تايرول اقليم وليس مدينه انتي تبين اي مدينه او قريه باقليم تايرول ...؟؟؟ لويزرن قريبه من انترلاكن فيكفي الاقامه بواحده وزيارة الاخرى منها .. وهذا الكلام ينطبق تقريبا على اقليم تايرول وغارمش تقريبا بالمسافتين ساعه وربع

ثالثا ؟؟ العوده من وين ميونخ وله فرانكفورت ؟؟ واخيرا متى السفر ؟؟

دمتي بخير

**ahmedali** · 02-02-2015, 10:32 AM

شكرا اخ علي على الاهتمام

عيالي اعمارهم من 6 الى 12 سنة

تقصد ان تايرول مو لازم الاقامة فيها يعني زيارة ..

شنو تقترح علي الاقامة في انترلاكن والا لوزرين ؟؟

ان شاء الله السفر بيكون شهر 8 .. وراح احجز على الاماراتية .. راح احجز هالشهر ..

انا اقترحت تكون المحطة الاولى فرانكفورت والمحطة الاخيرة ميونخ ..انت اشرايك ؟؟

سمعت ان بادن بادن مدينة هادئة وكل شي يسكر الساعة 6 اقترحو علي السكن في ستراسبورغ او فرايبورغ وقالو انها قريبة منهم ..

ممكن اتنسق لي رحلتي مدتها 21 يوم منهم يومين السفر ..واشرايك باقامة ليلة في يورو بارك والا مكلفة ؟؟

اسمحلي على كثرة الاسئله ..

وشكرا

**ahmed2** · 02-02-2015, 10:32 AM

مرحبا

اولا رايي ونصيحتي بمخطط على حسب طلبج واقتراحج بيكون الاتي ..

النزول فرانكفورت ليله راح او ليلتين لو حبيتو اتشوفنها .. ثم بادن بادن لو تحبين مكان راقي وجميل جدا جدا والسكن بفنادق .. او تسكنين ببلدة روشت الي فيها الملاهي لكن السكن اغلبه شقق 4 او 3 نجوم او سكن عائلي .. ثم الى انترلاكن ثم الى اقليم تايرول والخيارات كثيره كتبت عنها بموسوعتي النمساويه الاجزاء الاربعه للريف النمساوي .. مثل انسبروك وهي الاجمل والاكبر وتعتبر مدينه وهي عاصمة الاقليم او البلجه المرتفعه الجميله سي فيلد ... ثم غارمش او ميونخ على حسب رغبتكم ومنها العوده الى الوطن وفي خيار مثل سالزبورخ النمساويه