الموضوع: إستفسارات مهمة جدا جدا جدا

انا ان شاء الله حأصل دمشق فترة الحج بنصف الليل , الطائرة تصل حوالي 1 ليلا , إن شاء الله يكون في باصات رخيصة متوفرة وغالبا سابقى بالمطار للصبح , لأنه اول مرة اروح سوريا وما حأعرف انزل فين بنص الليل والصباح ليه عيون

عموما انا ناوي انزل على منطقة الصالحية , سمعت فيها شقق مفروشة , ممكن احد يأكدلي وانا ميزانيتي ضعيفة , شخص واحد وابغى شقة او غرفة بحدود 500 ليرة يوميا , بس اهم شي تكون نظيفة وامنة , يعني فندق ابو نجمة

بس تكون امنة بحيث ما يهجم علي احد النصابين وانسرق , ونظيفة لأنه سمعت انه الصراصير الكبيرة منتشرة بكثرة في الشقق المفروشة والغير نظيفة

ياريت الي عنده رقم تليفون لفندق او شخص يؤجر , ما يبخل علينا

وانا ودي استأجر وأدفع يومي , كل يوم بيومه , لأنه ممكن أنزل على محافظات ثانية
بس في صديق كلمني , إنه الشقق المفروشة يجبروك تكتب عقد , ولو كان يومي راح يأخذوا قيمة العقد مثل قيمة إيجار الشقة , مثلا قيمة إيجار الشقة 500 , والعقد راح يطلبوا 500 , وهكذا كل يوم , بحجة إنه راح يعمل عقد جديد, وكمان يطلبوا إنه يحجزوا معاهم جواز السفر , فهل هذا الكلام صحيح ؟؟

وشكرا

مواضيع عشوائيه ممكن تكون تعجبك اخترناها لك:

• مجموعة خرائط لسورية الحبيبة
• رحله الى سوريا تصوير اكثرمنه تقرير
• فندق رمسيس حلب
• ايهما افضل روتانا المزه ام الاجنحه الملكيه
• قصة اخوكم الأنبار بأختصار
• الحذر الحذر من
• استفسار بسيط
• احتاج للمساعده بسرعه لاني اريد ان ابدا كتابة تقريري المصور عن سوريا وتركيا
• كيف الأوضاع في سوريا اليوم
• اليوم وصلت من سوريا
• ألف مبروك لمشرفنا الجديد النورس العربي
• جديد الاوضاع في سوريا تغير كامل
• رحلتي والمدام الى بلاد الشام
• سؤال عن مكان في سوريا دمشق
• العنصرية في سوريا
• للتوضيح موضوع ما هَكَذا يُعَامَلُ الضَّيفُ يا أهلَ الشَّام
• سوريا اصبحت مركزا اقليميا للسياحة العلاجية
• عاجل بليز ساعدوني
• بيت جن في نهاية فصل الشتاء بالصور
• التامين

هلا فيك
العقد من صالحك في كل شيء
والغرف اللي بقيمة (500) ليرة كثيرة واغلهبا في المرجة وهي رديئة المستوى جداً وأقرب إلى الزبالة
نصيحة إذا كانت ميزانيتك غير جيدة أستخير عن هذه السفرة

وبالتوفيق لك

وانا من رأي الاخ الاتجاه الشمالي

احسن ما تسكن بهل الشقق الوسخة وترجع تكتب تقرير تقول فيه سورية وسخة

يعني ممكن تلاقي عندكم شقة امنة ونظيفة وخالية من الصراصير والنصابين وبمكان امن ب40 ريال ؟؟؟؟؟؟ سوريا اسعارها مو رخيصة لهل الدرجة

الصالحية لايوجد بها شقق مفروشة ابدا هي عبارة عن سوق...... بتلاقي شقق مفروشة بمنطقة قريبة من بوابة الصالحية اسمها البحصة

يعني الافضل تزيد الفلوس شوي وتلاقي غرفة احسن

وزواج موفق

بارك الله فيكم ومشكورين

لا أكيد ما راح أفكر أسكن بشقق تكون زبالة , وأبدا أنا أحب سوريا جدا

ومستعد أزود الميزانية شوية , يعني أوك 1000 ليرة باليوم كويس وألاقي شي نظيف ؟؟؟؟

بس أنا خايف أروح منطقة وأقولهم ميزانيتي ألف ليرة ويعطوني شقة ما تسوى الخمسامائة ليرة وأخذها بألف !

لالا لاتقول على ميزانيتك عندك اكثر من فندق بمنطقة اسمها البحصة وهي قريبة من مركز البلد واسأل فيها لف شوي من غير ماتقول عالميزانية اهم شي فاوض وخليك حازم وادخل على الفنادق الكبيرة يعني تكون مبينة فندق مو كم غرفة ببناية ...كان في احد الاعضاء بيمدح بفندق اسمه القصر الفرنسي قريب من البحصة بتقول للتكسي مواجه سينما السفراء او المركزالثقافي الروسي بشارع 29ايار عند شاورما ابو العبد المنطقة هنيك كتير المنطقة معروفة ونظيفة لااقول راقية بس جيدة نوعا ما وسمعتها جيدة مو متل منطقة المرجة سمعتها سيئة عنا

أختي الشامية
بارك الله فيكي ومشكورة على هذه المعلومات والإفادة

انا إن شاء الله حأنزل وأدور في هذه المنطقة , بس خوفي إنه يضاعفوا السعر لي بسبب اللهجة ومن السعودية , لكن إن شاء الله أتوفق وأجد المناسب

طيب بالله كم سؤال كمان والله يجزاكي كل الخير

- وصول طائرتي حوالي الساعة 2 بالليل , هل أخذ تاكسي مباشرة ولا أنتظر الصباح أأمن وعشان ما ينحسب علي يوم كامل وهل يوجد ميكرو أو مواصلة غير التاكسي من المطار على البحصة ولأنه ما عندي شنط وأغراض كثيرة
- ما أفضل شريحة جوال لمدة أسبوعين , في شركة عندها عروض كويسة مكالمات موبايل داخلية
- أنا إن شاء الله حاب أزور أغلب محافظات سوريا وخصوصا إلي فيها بحر , مثلا الالاذقية وطرطوس , ويمكن أزور حلب وحمص ,, هل راح أتغلب بفندق هناك , والالاذقية هل يوجد بها كورنيش مثل طرطوس بس ما يكون محدد , لأني ما أحب نظام الشاليهات
- ياليت لو ذكرتي لي برنامج فين أقدر أتفسح كشخص لوحده في دمشق , مثال بلودان والزبداني والأرض السعيدة وهل في برامج أو حفلات غنائية لفنانين بالعيد

وشكرا

وصول طائرتك باذن الله الساعة 2 لوقت ما تخلص اوراقك يعني بدك حوالي ساعة , عندك مشكلتين اذا اخذت تكسي وبالمطار مافي الا تكاسي من المكاتب داخل المطار يعني مافي تكاسي عادي الصفراء وهذا لايمنع انه ممكن ينصبوا عليك يعني بتطلب سيارة صغيرة بيجيبوالك سيارة كبيرة وتقريبا اجرة التكسي للبلد حوالي 700ليرة..... وممكن التكسي يوديك اي فندق يكون متعامل معه له نسبة لهيك انا راي اتعذب شوي بالمطار (بس في شوية عذاب لانه مطارنا مو مرفه) وهلئ توقيتنا شتوي يعني بيبدئ النهار بكير وتاخد باص المطار رخيص وامن وظريف ومين ما سألت رح يجاوبك بما انه ما معك امتعة كتير وبتكون كمان هيك وفرت ليلة بالفندق احسن ما يحسبوها عليك مشان ساعتين والتكاسي بوسط البلد رخاص وممكن تستفسر من الاشخاص بالشارع عن فنادق وعناوين وبرأي هيك افضل.

بالنسبة للموبايل عنا شركتين الاثنين اسوء من بعض لانه بيحسبوا سعر المكالمة بالدقيقة وليس بالثانية يعني لو فتحت الخط وقلت فقط الو بيروح من عندك 10 وحدات بس براي خذ سيرياتل تبع هلا شباب ولاتضيف عليها وحدات يمكن بتشتغل لمدة شهر فيها وحدات كافية واذا اضطريت بتزيد عليها

بالنسبة للاذقية وطرطوس لا اعتقد رح تتغلب بهذا الوقت بالفنادق والذهاب للمحافظات سهل خذتكسي وقله بدي الكراجات حلب (هيك اسمها بس بتروح لكل المحافظات) بحرستا وهنيك حتلاقي عشرات مكاتب البولمانات اختاري لي بيناسب وقتك ورخيصة حواالي 150 ليرة
واللاذقية فيها شواطئ حلوة متل الشاطئ الازرق وفيه فنادق فخمة وفي منطقة جميلة فيها مطاعم اسمها الطابيات

بدمشق عندك شوارع فيها اسواق متل الشعلان والحمرا عندك مولات متل الشام سيتي سنتر بكفرسوسة عندك مطاعم حلوة بالشام القديمة متل بيت جبري قريب من الجامع الاموي عندك ابورمانة المنطقة المحيطة بالسفارة السعودية فيها مطاعم وكافيهات وكمان المنطقة المحيطة بفندق الشام حلوة ....عندك جبل قاسيون بس خذ التكسي فقط توصيله يعني شوف صاحب تكسي يكون عجوز وقله فقط توصيله وخود معك صاندويشتك لانه كل المطاعم الصغير هنيك نصابين بس في مطعم عادي اسمه احلى طله بس اسعاره ماشي حالها مو رخيصة بس مو نصاب متل الباقي لانه مطعم كبير
روح بلودان حلوة بس هلئ برد الزبداني بهي الفترة تجاوزها ما فيها شي بالبرد وطبعا عندك الارض السعيدة (اكيد رح تلعب بهي اللعبة يلي بدور وبتحط اغاني والشباب بترقص بشوف اغلب الشباب خاصة السعودي بيلعبوا هاللعبة)واذا وصلت لطريق المطار روح القرية الشامية تبع باب الحارة حلوة بتسلي وكبيرة

اما من ناحية الفنانين للاسف ما لي صحبة بهيك روحات
وموفق اخي الكريم

بارك الله فيكي أختي الشامية ومشكورة جدا ما قصرتي أبدا