الموضوع: هذا ماحصل لي في سوريا عندما احتجت صرف ببطاقة البنك بااحد المحلات للصرافة

اخواني الاعضاء السلام عليكم ورحمة الله وبركاته
حاولت البحث عن صراف الي في سوريا ولاكن للأسف طلع صراف البنك عطلان قال رجل سوري تعال معاي فانا عندي محل للصرافه لجميع البنوك السعودية وذهبت معه الى المحل قال لي كم المبلغ الذي تريد صرفه بالريال السعودي قلت له اريد الف ريال سعودي وطلب مني بطاقة البنك وادخلت الرقم السري قال لي انتظر لحظات لاكن قال املأ البينات بهذه الورقه الاسم ورقم البطاقه الشخصية واسم البنك والمبلغ المسحوب تمت العمليه واعطاني المبلغ كاملا 14000 ليرة سورية .
وطلبت منه سند لهذه العمليه
لاكن قال لي لآيوجد الآ سند واحد وانا احتاجه مع الورقة التي كتبت فيها المعلومات لأرسالها للبنك .
وقال لآتخف اي مشكلة تواجهك راجعنا ونحن هنا لاننصب على احد .
وفي اليوم التالي رجعت للسعودية وبعد التشييك مع البنك طلبت كشف حساب وشاهدة آخر عملية مكتوب
( سحب دولي نقاط بيع بمبلغ 2000 ريال ) وهذا دليل ان النصاب سحب 2000 وليس 1000 كما اتفقنا
وحاولت الأتصال بهم ولكنهم قالو لي لآتخف اذا وجد مبلغ مسحوب بالخطا سوف نقوم بارساله على حسابك
ومازالت الأتصالآت قائمة بيني وبينهم .
ارجوا من الأعضاء الكرام المشاركة وهل احد من الأعضاء قد اجرى عملية سحب بنفس الطريقة .

مواضيع عشوائيه ممكن تكون تعجبك اخترناها لك:

• بالإضافة إلى مصر سوريا
• انا في سوريا
• يا رايح سوريّة لا تفوتك صلنفة
• هل اسكن في مشتى الحلووو او ساعدوني
• باب الحــــارةأحداث الجزء الثاني
• باركوا لي رزقت بنتاً جميلة تشبهني
• استفسار بسيط جدا
• صرف الليرة السورية
• تراي جاي تعبان وابغى فزعتكم وطحت عندكم
• الأسبوع القادم عاجل
• استفسار
• من حمص قبلنا التحدي يالمهندس الأول
• الرئيس الأسد يفتتح المشروع السياحي الكبير فندق فورسيزنز
• اخبرونى عن اسعار شقق التمليك فى حمص
• سعر الصرف اليوم الثلاثاء
• الشيكات السياحيةفي سوريا
• انا امس قادم من الشام
• منو الشاطر يعرف اين هذي الصوره
• رحـلـه الى ســوريـــا الحبيبه
• كيف الطريق الى سوريا

اخي الكريم سبق وان تكلموا الاخوان في المنتدى عن هذا الموضوع وحذروا منه كثيراً

بأنه يجب ان لاتثق في اصحاب المحلات لان الذمة معدومة بنسبة 95% لدى اصحاب محلات

الصرافة ويوجد في سوريا اكثر من جهاز للسحب الآلي يعني منت مجبور عليهم .

على العموم اتمنا انها ترجع فليساتك مع اني اعرف واحد صارله نفس اللي صارلك

وراحت عليه فلوسة هذي الحقيقة تقبلها بصدر رحب

وتقبل تحياتي ،،،،

وقعت في المحظور يا جبل رعوم

الله يعوض عليك

لعل هذه الحادثة تكون درسا لك ولغيرك
وقل على فليساتك السلام

ابشر بالعوض

بطاقة الصراف لا تستخدمها الا في حالة الطواريء
ولا يكون رصيدها اكثر من 2000 ريال

السلام عليكم ...........
أخي الكريم جبل رعوم .....
والله العظيم نفس الذي صار لي والمحل مقابل وزارة المالية اسمه الخليج العربي احذروا منه وبلغوا احبتكم من الذهاب اليه فقد طلبت منه 1000 ليرة سورية وعندما رجعت وجدتها سحبوا 2000 ليرة سورية
حسبي الله عليهم الله لا يحللهم ولا يبيح منهم ...........:110:

اي والله العوض على الله لاتدور قروشك عندهم .

انا حصلت معي نفس القضيه لكن الحمدلله استطلعت اطلع منها متغلب عليهم وناصب عليهم بعد ههههههههههه , اتذكر رحت لاحد المحلات لاسحب مبلغ 500 ريال سعودي مايعادلها بالليره السوري , فلما وصلت للمكتب عند شخص اعتقد اسمه ابوفيصل محله بالمساكن اعتقد محل الشروق او حاجه زي كذا ( المحل صغير جدا مدخله على الشارع بسوق المساكن قريب من الاشاره) المهم .. قال والله ماعندي مكينه سحب لكن ابخليك تروح مع واحد عندهم بالمكتب الثاني ماكينه سحب وتقدر تسحب منهم , الاخ اللي اخذني جلس يحكيني ويقص علي قصص وكنوع من التفاخر وعلى انه فاهم وانه صاحب مبدء واخلاق ومن هالكلام الفاضي .. وصلنا المحل وكان قريب من الاشاره محل كبير واستغربت ان المحل مليان بأدوات عزف وطبول ومن هالامور وكانه محل تأجير وبيع ادوات طرب , طلب مني بطاقه الصراف واعطيته اياه وثم طلب بطاقة الاحوال (فشككت بالامر ) تجاوبت معااه لكون لايملك شيء ولايقدر يسوي شيء , قال كم تريد ؟ قلت اريد مايعادل 500 ريال فقط وحسب المبلغ اثناء ذاك كان سعر الصرف 15.6 ووضع المبلغ بالماكينه ومشى عليها البطاقة وقال دخل الرقم السري ! وانا ادخل الرقم السري تفأجات اشوف رقمي السري مكشوف واستطيع اقراه (الامر اللي بدء يحيرني خصوصا انه مو اول مره اصرف بالبطاقه او اسوي عملية سحب ) بعد كذا طلب تصوير بطاقه الصراف وبطاقه الاحوال بالخارج بحجه انه مافي ماكينه تصوير هنا واقنعني انه لاسباب امنيه وانه مصور كذا شخص قبل !! المهم انا قلت له مافي مشكله خصوصا انه الرقم السري معاي والبطاقة وحدها لاتكفي انه يسوي شيء ! اتأخرت العملية بالتنفيذ وبدءت بالقلق ان الماكينه نفسها لاتعمل وجلست اتصل على رقمي المجاني واتأكد من رصيدي وبعد قليل اتصل احد الاشخاص على الهاتف ورد عليه صاحب المحل وقاله قفل قفل احنا نجري عمليه سحب بالماكينه !!! بعد قليل قال لي تمت العمليه وجلس يكتب الايصال يدوي ههههههههههه وقتها بس خلالاص انا تأكدت انه حرامي لان كنت مقدم حسن النيه فيه ! قمت اتصلت بالمجاني وتأكدت من الرصيد وشغلت له السبيكر وخليته يسمع بأذنييه انه سحب صرافي الي بمبلغ 723 ريال هههههههه وفجع فجعه وجلست ارفع صوتي عليه وامصخره مصخره وجلسوا ينكروون ولكن اين المفررررر التهمه واقفه عليهم زي الشمس !! تخيلووو ايش سويت هههههههههه قلت له الحين ترجع المبلغ وانا بطلت اتعامل معكم ياحراميه والا من كثر الخوف قالوو خلاص نصررف لك احنا ولاتزعل كم سعر الصررف ؟ قام خويي قال سعر الصرف الحين 16 هههههههههه قالوو ولووو مو 16 قال الا هو 16 و تخيلوا صرفت بهالسعررر وانا كسبااااااان اخذت مبلغي وزياده ولكن اللي احزني انه اشوف البووك اللي معااه مستعمل وبكثررره هذا يدل على نصبه على كثير من الاخوان


فالرجاء يا اخوان نهائي لاتثقون في اي مكتب صرررافه نهائيا ولا اي محل بسوريا مهما كان سعر الصرف مغري

السلام عليكم ورحمة الله وبركاته
يا أخي الكريم أسأل الله تعالى أن يعوضك، ولكن بارك الله فيك كيف تجري عملية مصرفية بهذا المبلغ دون فاتورة ؟

الله يعوض عليك

اخي الكريم الله يعوض عليك

لاتزعل علي بصراحة مازال اغلب الاخوان المسافرين الى الخارج يقولوا طيبين احنا بس انا بصراحة

اسمية فداغة ياعزيزي في الصالحية اكثر من كبينة صراف تدخل بنفسك وتصرف والله جاني واحد من الي

تقول عليهم طردته...

الاخوة الافاضل هذه هي الشركة التى نصبوا علي الحذر الحذر منها
بلغوا كل شخص يريد الذهاب الى سوريا عدم التعامل مع هذه الشركة
http://www.l22l.com:112:

احمد ربك ان الخساره 1000 مهو مبلغ كبير
والله يعوضك خيرا

اخوااااااااااااااااااااااااااااااااااااااااااااااا اااني

اي واحد يسوي عملية سحب من الصرافين يسحب برنت ويشوف كم المسحوب

واذا قالك الصراف العملية مانجحت ولازم اعيدها اعرف انه اكبر نصاب ولاتنسى البرنت

الله يعوضك بخير منه انشاالله نيتك صافيه اخوي ابشر بالعوض

بالنسبة للصرف وجدت أنسب صراف هو بنك ديمو الفرنسي ... ولا أنا غلطان أحد جرب أحسن منه ..

احذروا صرف العمله او استخدام كرت البنك او الفيزا مهم كانت الاسباب من دمشق او الحدود الاردنيه جماعه متشابهين نفس الاخلاق مال الحرام عندهم حلال بس انا ماازعل منهم وبس ازعل على ربعنا الى الواحد رايح وفى جيبه 1000 ويبدا تانى يوم يورط نفسه مع النصابين وداير بالكرت كانه بيل جتس على مبلغ زهيد داسه فى البنك سوريا لاتمانع لو احضرت معاك مليار ليره بس كيف تحافظ عليها هناك بس الى يستقبل ضيوف من الجنس الناعم بيته الى مستاجره ماهو امان عشان كده كل يوم يدور صراف عشان يسحب . وانا اشوف نوع من هذه الاشكال الى مسوى نفسه ولد فاهم وهو الناطور تضحك احسن له سياحة ربوع بلادى وسامحونا ................والله من القهر انفعلت وكتبت.

الحمدلله علي السلامه

وانا سبق وان حذرت ان لا يجب ان تصرف من محلات الصرافه العاديه الا من البنك والحمدلله الشام يوجد

بها الكثير من مكائن الصرف الآلى

وسأل الله ان يعوضك عليك

أخي الكريم الرحال الأزرق.................
لقد جربت بنك بيمو السعودي الفرنسي وسحبت 3 مرات ولما جيت السعودية تفاجئت أنهم زادوا علي السحب مرتين بمعنى آخر صارت 5 مرات بزيادة قدرها 3000ريال سعودي ولما اشتكيت عند مصرف الراجحي ردوا 1500 ريال والباقي له اكثر من سنة وما شفت شي,,,, مو بس بنك بيمو حتى ايضا المصرف العقاري صارتي لي نفس العملية اسحب 3 مرات واجي السعودية صارت 5 مرات .....
احسن شي جب فلوسك معك ولا تسحب بتاتا ابدا ابدا....:112:

أول شئ أحسن الله عزاك الشئ الثاني أنا أتنصب علي عيني عينك يعني تريد ولا شوف غيري المهم طلعت أنا وزميلي العزيز يوسف الشمري العام الماضي وعملنا حسابنا بالدراهم ومع الوقت خلصت والحمدلله ماأخذت معي بطاقة صراف لكي لا أقع بالنصب وفق تحذيرات سابقه من أخوة ورحت لأقرب محل صيرفه وكنت ساكن في برزة مقابل نادي قاصيون للأحتفلات أشار علي صاحب المحل (النصاب) بأنه أي شخص في السعودية يقوم بأيداع المبلغ الذي أريده في حساب في بنك الراجحي بأسم عميل سوري طبعآ بالريال السعودي والذي يقوم بالأيداع لي يرسل نسخة من الأيداع على فاكس المحل لكي يقوم أوخونا بالتأكد وأعطائي مايلزم من المال عملية النصب بدأت بقوله راح أصرفلك الريال ب12.5ليرة سوري رغم أن الصرف بالحميدية ب14ليرة سوري وبعد جدال رخضت للأمر الواقع بحكم أن الأموال التي أودعها أخي صارت في حساب زميله وخرجت من المحل مرددآ حسبنا الله ونعم الوكيل..., فأعتبروا من قصتي

من الغباء أن يعمل الإنسان ذلك ..

يا ناس في إنتر نت الآن يعني مافي حد له عذر لأن المنتديات مليئة بالتجارب والأحداث وهذه نعمة من الله من الله علينا بها لذلك علينا الدخول والبحث على الأقل قبل شهر من موعد سفرنا ولا يقتصر ذلك على منتدى معين بل يجب أن تتنقل من منتدى إلى منتدى بحثاً عن المجهول الذي ترغب الحصول عليه .


أما عنك أخي الكريم فلا تعليق مهما قلت لا تعليق.

إحمد ربك جت على الفين ريال ولا عاد تعودها .................

ما اقدر اقول الا الحمدلله اللي نجاني منهم 3 مرات !!!
1- رحت اسحب من البنك العقاري والالة ما رضت تسحب ( حسابي على بيت التمويل الكويتي )
2- رحت اسحب من البنك الفرنسي السعودي ونفس الشي
3- قالي سايق التكسي ان في محل تقدر تسحب عن طريقه اللي تبي .. يوم وصلناه ولا الموظف طالع .. لوول
الله ستر عاد كنت ابي اسحب 1000 دينار كويتي .. كان الحين قاعد اطر الليرة هههههه
للاسف ان وضع دمشق مثل جذيه !!
الحل اللي اتبعته خليت اهلي بالكويت يحولون لي المبلغ على حوالة باسمي ووصلت خلال 3 ساعات .. ومن حظي السعيد ان الدينار كان بـ 178 رغم ان اليوم اللي قبلها كان 176 .. فلله الحمد ..

يا أخي اكبر خطا انك تسحب ببطاقة الصراف من ( محل )
والله العظيم نصيحة أخ لكم اذا في يوم احتجت للصرف بالبطاقة ابحث جاهدا عن ماكينة صراف الي واسحب بنفسك ( ولو اني ما انصح باستخدام ذلك الا في الضرورة )

إخوتي أعضاء المنتدى الكرام
السلام عليكم ورحمة الله وبركاته
أود أن أشارك بهذه النصيحة البسيطة لأحبابنا في هذا المنتدى الكريم - رداً لبعض جميلكم

نصيحة لكل مسافر خصوصاً للدول العربية -- لا تتعامل مع الصراف الآلي ولاتحمل ريال سعودي أو غيره
خذ معك دولارات و صرف حسب الحاجة فالعملات العربية - قيمتها أقل بكثير لدى معادلتها بالدولار واصرف على قدر حاجتك -- فحتى في بلدك قد تتعرض لمشاكل في السحب والمبالغ المنقولة من بنك لآخر - والأهم البعض يستعمل بطاقات الفيزا ويدفع بالربا وهو من أكبر الكبائر

- لاتعطي بطاقة السحب لأي شخص مهما كانت الظروف

- في الحدود لاتتعامل مع أي شخص بتبديل العملة وعليك بالمصرف حال حاجتك والسعر لديه غالباً أحسن من الصرافين - وحال سفرك بين الأردن وسوريا هناك تجار عملة في الإستراحات و الحدود فلا تتورط معهم

- للذين يتوقعون صرف كميات كبيرة يمكنك التحويل من بلدك باسمك على أن يكون سفرك في غضون يوم أو يومين - أو تحول لقريب أو ثقة مقيم جهة سفرك

- حال اضطرارك للصرف خارج البنك صرف كمية قليلة حتى لاتغبن في السعر - وسجل عنوان المحل أو خذ كرته التجاري

- في المطاعم والفنادق ادفع بالعملة المحلية ولا تتباهى بالدولارات وهذه النصيحة خصوصاً لزوار لبنان حيث التسعير بالدولار ورد العملة بالمحلي والسمسرة للجرسون وبخشيش 10 إلى 20 دولار (للفقراء طبعاً) ويقول لك لايوجد نصب في لبنان ---

- هناك فئات احذرها عموما و لاتتعامل معهم إلا قدر اللزوم مثل السائقين - عمال الفنادق والإستقبال و المطاعم - الباعة المتجولين - رواد وموظفوا الأماكن المشبوهة (عافانا الله- الواجب اجتنابهم وأماكنهم) - أصحاب الملل والنحل المنحرفة فكل مافيهم يدل عليهم

-أخيراً لو اشتريت جريدة الثورة في سوريا هناك تسعير يومي للصرف الرسمي - في الأردن الدستور أو الراية - في مصر نفس الشيء كما أظن

للعلم - سعر صرف الدولار منذ يومين 51,65 ليرة سورية (في المصرف التجاري) وهذا أعلى من الصرافين الذين يعطونك حوالي 51 ليرة للدولار

و السلام عليكم ورحمة الله وبركاته

الله يخلف عليك بخير ونصيحه للأخوه الكرمأان يتجنبوا الصرافيم وخاصه (بالمرجه) منطقه في وسط البلدبدمشق وانصحهم بأخذمايحتاجونه نقدآ ثم يقومون بصرفه بالليره على قدر الحاجه والأستغنأ عن صرافات البنوك السوريه لأنها تقوم بصرف 1000 ريال ب10000ليره مع أن الأصل تصبح 13600

وش الي كرهني في سوريا الا هالحركات

والله ان الي صارلك صارلي في بلودان سحبت على الفيزا 600 دولار ولمى رجعت السعودية اكتشفت انه ساحب 1600 دولار والحين انا والبنك مشاكل

راجع البنك يمكن يكون خطأ او تقدر تطالب اللي سرقك


وفيه خدعة ثانية يسألك كم تبي من المبلغ تقول 1000 ريال ويسحب الف دولار ويعطيك في الدرج فقط الف ريال

اعزائي واحبابي وخصوصا اخي العزيز جبل رعوم دائما نكرر ونقول لا احد يذهب الى الصرافين لانهم نصابين وحراميه
ولكن لا حيات لمن تنادي والله العظيم انني اتاثر لما يحصل لاخواني السعوديين في دمشق يا اخوان
لا احد يصرف من الصرافين سواء ببطاقه الصراف او الفيزا لانهم يسحبون مبالغ كبيره عليها ولا
تعرف الا عند وصولك السعوديه
الرجاء من الاخوه الصرف ببطاقه الصراف من مكائن الصرف الالي وهي متوفره في دمشق ومنها

- البنك السياحي اعتقد هذا اسمه مقابل مشفى حاميش
-البنك السياحي المرجه
-البنك السعودي الفرنسي
-فندق المرديان اعتقد عند صراف
(اواخذ دولارات وتبديلها بليره في سوريا)

تحياتي للجميع
وحدااني

اخواني اعضاء المنتدى
السلام عليكم ورحمة الله وبركاتة
في الحقيقة يجب على الجميع اخبار كل من يعز عليهم بخصوص هذا الشيئ بالدات
حقيقة سوريا تفتقر تماما لامن المعاملات الماليه والبنكيه ..
واحذر كل الحذر من جميع المحلات التي تحمل شعارات الماستر كارد والفيزا برؤيتك لها ثق تماما انها وكر للنصب على السدج والمساكين ..
وافضل ان تحمل فلوسك كاش معك تصرف منها على قدر حاجتك يعني مثلا باليوم 200 ريال او اكثر على حسب الحاجة .. وحاول ان تكون مراقب لسعر العملات وان تبحث عن السعر الافضل
وكن فطن هنا حيث ادا وجدت السعر المقارب للصرف
ان لاتسلمة المبلغ الا من بعد عد المبلغ بيدك واكرر ان تعد المبلغ لانهم في بعض الاحيان يقومون بعد المبلغ اكثر من مرة اي انهم يعدون الورقة مرة واثنين حتى توهم انه المبلغ الصحيح .. لاتخف منهم جادل وارفع صوتك ان لزم الامر واسترجع نقودك المهم ماتخرج من المحل الا وانت ماتكد انه المبلغ صحيح
ولايوهمك او يغريك ببعض الاشياء حين الصرف كمثل يقلك بدك اغراض هدايا وياخدك باللسان المعسول
انا حقيقه حصل معي هالشيء وقعدت اضحك لين طلعت عيوني هذا الكلام قبل 5 سنوات كان مافيه صرافات اليه وكنت احتتاج لمبلغ معين كنت اعرف احد المكاتب وقلت له ابغى مكتب اصرف منه قال انا حقيقة ماعندي لكن روح للحمديه بتلقى كثير المهم رحت واتفقت مع المكتب على 2000 دولار المشكلة ماشوف عنده مكينه صرف .... قلي عطني البطاقة .. عطيته البطاقة .. تخيلوا وش قعد يسوي .. اولا اخد رقم البطاقة وتاريخها وكتبها بورقه وقلي وقع قلت له ماوقع غير بعد اتمام العمليه .. المهم ياحباب الرجال اخد البطاقة وقعد يمررها على جهاز الفاكس ياقعدت اضحك المهم قلت له شايفني غبي
عطني الورقه الي كتبت بها الرقم وهات البطاقه .. قعد يقلي لا هذا فاكس مدمج بيه جهاز الصرف
قلت ايه المهم كنت ناوي عليه لكن ربك ستر
اما اذا كنت تمر بمأزق وتريد الصرف عن طريق الفيزا
حقيقة انصحك بالفنادق الكبيرة مثل الشيراتون او السميراميس ادهب للرسيبشن وقلهم بدي اصرف عن طريق الفيزا او الماستر كارد .. لانه في حال النصب يمكنك الرجوع لهم باسهل الطرق
اما اذا كنت تريد السحب عن طريق بطاقة الصراف العادية عليك بالصراف الالي وانصحك بصراف الفرنسي السعودي وابتعد عن صراف العقاري حقيقه ناسي اسمه المهم هو العقاري او شي من هذا القبيل..
خلك داهيه ......... وعيش سياحتك وانت مرتاح البال
تحياتي

الله يعوض على الجميع . الاخوه الاعضاء البعض منكم اشار الى ان الشخص يحمل معه نقوده وانا هنا لا اخص احد بعينه ولكن بعض المسافرين يستقبل نواعم في شقته مما يعرضه في غفله لسرقة كامل المبلغ
اللي بجيبه واتذكر اني سحبت مره واحده من صراف آلي بوسط اللاذقية وقد طلبت 500 ريال وصرفها
لي بمبلغ 7000 الآف ليره واعتقد أن الصراف الآلي آمن بكثير من غيره ومن يستطيع ان يحرص على نقوده
فالأفضل أن يحملها معه ونصيحة للأعضاء الكرام ( الثقة امنها عند منفذ بلدك وأنت خارج لحين العودة)
ودمتم سالمين ،،

الله يعوض على الجميع إن شاء الله ولعله إنه درس لينا نستفيد منه وقانا الله وإياكم شر هذه المواقف الحرجه .

انا استخدمت مكائن صراف كثيرة في سوريا وكان المفاجأة هذا العام هي ان

البنك البريطاني يحسب عليك سعر افضل من لو حملت معك كاش وذهبت للصرافين
اما الراجحي فكان سعرة اعلى بشيء بسيط من الصرافين
وعن مكائن السحب السريع يوجد كثير من الات الصرف
1 - في الزبداني تم تركيب هذا العام مكينة عند المهرجان
2 - في دمشق طريق المزة النازل وفي وسط البلد بالقرب من الحميدية والصالحية اكثر من اربعة مواقع
في حمص بنك بيمو السعودي الفرنسي

الله يعوضك بخير منه انشاالله نيتك صافيه

الله يعوض عليكم جميعا
واللي يبي سلف انا حاضر:11ight:

بالنسبه انك سحبت 1000 ريال وماخذين 2000 ريال ان شاء الله تجدها بعد 10 ايام تنزل بحسابك

ونصيحه لاتسحب الا من بنك معترف

واذا بسوريا افضل سحب صراف عن مجرب لمده سنه لم يحصل شي معي هو البنك الفرنسي وانتبه من الاطفال اللي جنب الصرافه تراهم اذيه

واللة العظيم قهر كأن الموقف صار لي انا يأخي كيف يرضي ذلك النصاب ياكل حرام لا ويقول نحن ماننصب علي احد وانا اقول المفروض الواحد يفترض سوء النية مش حسن النية مع تلك العينة من البشر

مساك الله بالخير اخوي
كيف حالك

انا بقول لك وانا جربتها
ترا مافيه فرق بين صرافة البنوك واللي يسحبون لك نفس المبلغ مايفرق
لاكن الفرق انه السحب عن طريق المكاتب تاكد انه النصب جايك

انا حصل لي موقف اقوى من كذا بس اخوك يعجبك بالموقف

** نصب عن طريق التليفون
انا مريت على شارع برزه وكنت ابي اتسوق واظطريت اسحب فلوس المهم وصلت عند محل قال لي تفضل عندنا سحب
واتصل بالتليفون على واحد يقول لي انه مدير بنك الراجحي بفرع بسوريا مدري والله وش قصته
وطلب مني رقم البطاقه
وقال لي ادخل الرقم السري عن طريق التليفون؟؟؟؟؟!!!!!!!!!!!!!!

انا في اللحظه هذي ثارت اعصابي وقلت له هذي الحركه العبها على غيري
واخذ السماعه وارميها
وسكرت بوجه المدير المزعوم واشوي قال لي صاحب المحل وهم ثلاثه الموجودين حنا شرفاء وش دعوه اللي يقول عند ملين ريال بحسابك
قلت له بحسابي اشتريك انت ومكتبك هذا
واعطاني كرت ورميته بوجه وقلت له خليه لامثالك لاني ماتعامل مع ناس ماتعرف الله

***** بعد سالفتي باسبوع قابلت سعودي مع صوري يتكلمون بصوت رفيع والسعودي بصرحه شيبه
وفزعة له
طلع الرجال منصوب من بطاقة الصراف 5000 ريال


اتمنى تخلون بالكم على انفسكم
ونصيحه اصرف لك من هنا وريح بالك

اشكر جميع اخواني الاعضاء على ماقدموه من نصائح وتجارب قد حصلت لهم والانسان لابد ان يتعلم من الخطاء والصح لاياتي الابعد الخطاء اتمنى من الاخوان المسافرين ان ياخذوا الحذر الحذر من هؤالاء النصابين والله يعوضنى على ماسلبى منى !!!!!!!!؟؟؟؟؟؟.......درس لاينسى...................................

اللهم اكفنا شر النصابين و ابعد عنا الحرام واولاد الحرام

لا حول ولاقوة الا بالله الحذر يا اخوان الله يعينك

اي والله العوض على الله لاتدور ريال

المفروض كل واحد منا يسافر للشام أو مصر أو تركيا ياخذ كاش أو شيكات سياحية أو يذهب إلى مكائن الصرف الآلي ولاتنسوا ان مكائن الصرف الآلي تراها تأخذ كومة من الدراهم حتى لو كانت بطاقة الصراف عادية أي ليست فيزا حتى لو تأخذ 10 ليرات الصراف الآلي سوف يأخذ منك ولكنه يبقى أرحم من النصابين والحرامية والمهم في الموضوع ليش النصب بهذه الطريقة والاستهتاربنا بتلك الطريقة والشرهة ماهي عليهم الشرهة على اللي يسافر لبلادهم ودمتم!

عيني عينك النصب في سوريا