الموضوع: مساعدتكم لقضاء شهر عسل فى شرم الشيخ؟

السلام عليكم ورجمته الله وبركاتهكان عندى استفسار بخصوص شهر عسل فى مصر باذن الله هيكون على اول شهر سبتمبر عارف ان لسة بدرى بس لازم التخطيط المسبق الجيد فارجو منكم جدول بالمدن او الاماكن مع توزيع الايام
الاسنفسارات:
1-هل الجو فى هذا الوقت انشاء الله يكون مناسب؟
2- كم عدد الايام المناسبة لقضاء شهر عسل هل 7 او 10 ليالى تكفى؟
3- هل شرم الشيخ تكفى ولا ممكن اوزع الايام بينها وبين الغردقة ولا هتبقى هى هى زى شرم ومكررة؟
4-اسماء افضل الفنادق وتكون قريبة لاهم الاماكن وتكون طلتها كويسة زى مثلا خليج نعمة مااحسن فندق قريب له؟
5-وبالنسبة لحجز الفنادق يفضل من بوكينج ويكون بدرى ولا قبلها بشهرين يكفى بحيث يكون الاسعار مناسبة ؟
6-وايضا حجز الطيران ماهو الوقت المناسب للحجز ولا عادى قبلها بشهر كدة يكفى؟
معلش عارف الاسئلة كتير بس عايز مساعدتكم لقضاء شهر عسل كويس

مواضيع عشوائيه ممكن تكون تعجبك اخترناها لك:

• أكســـير وصـــاحبه في بلاد أحـــفاد الفــراعنة تقرير مصوّر مُختصر
• ارجو الرد السريع تكسي من المطار الى القاهره ؟
• استفسار عن اماكن سياحية قريبة من المطار
• كيف بيكون الجو في شهر مارس في القاهرة وشرم الشيخ
• انوي السفر الى القاهرة بعد عيد الاضحى الرجاء مساعدتي
• طلب مستعجل جدااا
• خبراء وعشاق شرم الشيخ لدي إستفساروشكراً
• وشربت من نيلهــا
• هل توجد شقق مفروشة في مدينة الرحاب
• ارجو المساعدة بسرعة
• أول مره أروح مصر أررررجو المساعدة
• ماذا تعرفون عن بورتو مارينا
• قرب الموعد وين اروح
• هل هناك شي في القاهره اسمه المعموره
• أريد شراء شقة في القاهرة
• سفرتنا لمصر من الى فبراير
• ماالجديد في القاهرة
• رحلتي للقاهره بعد اربع ايام افيدوني
• إلى رسامة مصرية و الشايب العاشق و أمير مصر و عبلة محي الدين
• شقه في القاهره

المشاركة الأصلية كتبت بواسطة yasser.aref
http://www.arabtravelersforum.com/tr...2/#post8147535

السلام عليكم ورحمة الله وبركاته كان عندى استفسار بخصوص شهر عسل فى مصر باذن الله هيكون على اول شهر سبتمبر عارف ان لسة بدرى بس لازم التخطيط المسبق الجيد فارجو منكم جدول بالمدن او الاماكن مع توزيع الايام
الاسنفسارات:
1-هل الجو فى هذا الوقت انشاء الله يكون مناسب؟

الجو عادة رائع في تلك الفترة ... والله أعلم في ضل التقلبات الجوية التي نعيشها

2- كم عدد الايام المناسبة لقضاء شهر عسل هل 7 او 10 ليالى تكفى؟


أولا تحدده امكانياتك المادية وثانيا العروسة


3- هل شرم الشيخ تكفى ولا ممكن اوزع الايام بينها وبين الغردقة ولا هتبقى هى هى زى شرم ومكررة؟

لو المدة 10 أيام ممكن تقسمها بين شرم الشيخ والقاهرة .. بحيث يكون وصولك للقاهرة ومغادرتك من شرم أو العكس
لأن الغردقة نسخة باهتة من شرم ما تتميز به عن شرم هو وجود مركز المدينة وأسواق قديمة لأنها عامرة بالسكان
أما شرم فهي مدينة سياحية بحتة كلها جديدة فنادق ومنتجعات حتى السوق القديمة هي جديدة

4-اسماء افضل الفنادق وتكون قريبة لاهم الاماكن وتكون طلتها كويسة زى مثلا خليج نعمة مااحسن فندق قريب له؟

أنصحك بفندق ستيلا دي ماري قريب لخليج نعمة والممشى الشهير وريق وهادي وجوه رومانسي ينفع لقضاء شهر عسل

5-وبالنسبة لحجز الفنادق يفضل من بوكينج ويكون بدرى ولا قبلها بشهرين يكفى بحيث يكون الاسعار مناسبة ؟

ممكن من بوكينغ كوم وأجودا أو عن طريق مكتب سياحي في القاهرة وعليك المقارنة وإختيار الأوفر
والحجز المبكر مستحب عن طريق المواقع لكن المكاتب تنزل التسعيرات الجديدة لكل فترة قبل شهرين ثالثة على الأكثر .

6-وايضا حجز الطيران ماهو الوقت المناسب للحجز ولا عادى قبلها بشهر كدة يكفى؟

الطيران كذلك ممكن تبدأ البحث إبتداءً من شهر 2/3 . لكن لا تحجز إلا وإنت متأكد من تاريخ السفر أو إمكانية التغيير أو الإلغاء .

معلش عارف الاسئلة كتير بس عايز مساعدتكم لقضاء شهر عسل كويس




وماله يا سيدي نستحملك عريس ومن حقك تتدلع وإحسب تعبنا في خدمتك نقطة منا للعروسة
لو حضرتك مصري فقسم المدة بين شرم ونويبع أو ذهب أو الإسماعلية أو مارينا ... وشوف المكاتب السياحية في وسط البلد يقدموا عروضات كويسة للمصريين
وربنا يتمم لك بخير ومبروك مقدماً

الف شكر أخت تونسية ماقصرتيش والله ونصايحك دى غالية وهتفيدنى كتير وانا اسكندرانى اصلا بس مقيم فى السعودية وكنت ناوى على ماليزيا بس صعب خصوصا ان هطلع من القاهرة فقولت فى مصر احسن وهشوف الفندق اللى قولتى عليه فى شرم يتبقى كدة يا دهب يانويبع حسب الاقرب لشرم ويكون مكانه مناسب لشهر عسل وكم يوم يكفى فى دهب او نويبع ممكن 3 ليالى؟

الأقرب إلى شرم ذهب و-3 ليالي كويسين وأنصحك بفندق
Le Meridien Dahab Resort
NESIMA RESORT
أو Red C Villas

ماشاء الله عليكى افدينى والله كتير خلاص باذن الله 7 ليالى فى شرم و3 ليالى دهب بس باقى اخر سؤالين خلاص 1-هل اروح دهب الاول بعد كدة شرم ولا العكس ؟
2-فى فندق ستيلا دى مارى فى انواع غرف كتير ايه انسب غرفة ؟
3-وفى فندق موفنبيك بيشكروا فيه اوى ايه رايكم فيه؟

بعد بحث طويل عملت الجدول الاتى:
1-الاسكندرية:2 ليالى فندق (Mercure Alexandria Romance)

2-دهب:3 ليالى فندق (Le Meridien Dahab Resort)

3-شرم الشيخ:5 ليالى فندق (Stella Di Mare Beach Hotel & Spa)
المواصلات:
1-الاسكندرية - شرم الشيخ:طيران او باص
2-شرم الشيخ - دهب : باص
3-دهب - شرم الشيخ: باص
4-شرم الشيخ - الاسكندرية: طيران او باص
هل الجدول كدة مريح ومش مزدحم وكمان الترتيب صح ولالا خصوصا اول ماوصل شرم اروح الاول دهب ولا هتبقى مرهقة وبالنسبة لحجوزات الباص خصوصا من المطار لدهب بيبقى اول مانزل المطار ولا قبلها اكون حاجز
لو فى حجز باص اصلا اونلاين ولا اقضيها تاكسى احسن؟

المشاركة الأصلية كتبت بواسطة yasser.aref
http://www.arabtravelersforum.com/tr...0/#post8148690

ماشاء الله عليكى افدينى والله كتير خلاص باذن الله 7 ليالى فى شرم و3 ليالى دهب بس باقى اخر سؤالين خلاص 1-هل اروح دهب الاول بعد كدة شرم ولا العكس ؟

حتى تكسر الروتين اقترح عليك شرم 4 ليالي في ستيلا دي ماري ثم ذهب 3 ليالي والرجوع لشرم لتكون الليلتين الأخيرتين في فندق سافوي شرم الشيخ الذي يقع في قلب السوهو سكوير المنطقة الحيوية الأخرى في شرم

2-فى فندق ستيلا دى مارى فى انواع غرف كتير ايه انسب غرفة ؟

لو عايز اطلالة على البحر إحجز غرفة ديلوكس مزدوجة بالدور 7 و 8.

3-وفى فندق موفنبيك بيشكروا فيه اوى ايه رايكم فيه؟




ما يعيب فندق موفنبيك هو بعد الغرف عن الخدمات والسلالم الكبيره المزعجه وعدم وجود وسائل للتنقل داخل المنتجع. ويبعد عن ممشى خليج نعمه حوالي نص ساعه مشي والطريق متعب لأن الفندق في مرتفع يعني صعود ونزول وهد حيل . ستيلا دي ماري أحسن فندق بشرم الشيخ بالنسبة لشهر العسل . هادئ ورومانسي جداً وبرامجه متنوعة لكن رغم قربه للمشاية في نعمة باي إلا أنه لا يوجد طريق مباشر من الفندق لها لذا الفندق يوفر خدمة باص مجاني للحرفاء وأنصحك بالحجز فيه من الصبح حتى تضمن أماكن في الوقت الذي تختاره .

ولو عندك استفسارات أخرى إسأل براحتك أنا تحت أمرك .

المشاركة الأصلية كتبت بواسطة yasser.aref
http://www.arabtravelersforum.com/tr...7/#post8148787

بعد بحث طويل عملت الجدول الاتى:
1-الاسكندرية:2 ليالى فندق (Mercure Alexandria Romance)

2-دهب:3 ليالى فندق (Le Meridien Dahab Resort)

3-شرم الشيخ:5 ليالى فندق (Stella Di Mare Beach Hotel & Spa)
المواصلات:
1-الاسكندرية - شرم الشيخ:طيران او باص
2-شرم الشيخ - دهب : باص
3-دهب - شرم الشيخ: باص
4-شرم الشيخ - الاسكندرية: طيران او باص
هل الجدول كدة مريح ومش مزدحم وكمان الترتيب صح ولالا خصوصا اول ماوصل شرم اروح الاول دهب ولا هتبقى مرهقة وبالنسبة لحجوزات الباص خصوصا من المطار لدهب بيبقى اول مانزل المطار ولا قبلها اكون حاجز
لو فى حجز باص اصلا اونلاين ولا اقضيها تاكسى احسن؟




لو السفر بالطائرة يستحسن شرم/ذهب /شرم لأن محطة الباص في شرم بعيدة عن المطار وستحتاج تكسي .
لو السفر بالباص ستكون محطة الوصول الأولى في شرم الشيخ بمجمع مواقف الدويسات أين تجد باص ذهب .

للإستعلام وللحجز
العروسة أو حد من أقاربك يسأل في :
1/ الجوباص
مكتب حجز سيدى جابر ..( مول الملتقى سيدى جابر )
محطة ومكاتب حجز ابيس ..( أسفل كوبرى أبيس )
مكاتب حجز محطة الرمل ..( اسكورت للسياحة محطة الرمل )
للأسف كانت فيه إمكانية الحجز بالنت لكن في الوقت الحالي هاته الخدمة متوقفة في الموقع الرسمي للشركة .
2/ عن طريق الشركة القابضة (فرع غرب ووسط الدلتا )
محطة 15 مايو. ش. فيكتور عمانويل - بجوار مبني الشركة الرئيسي. سموحه
مكتب المنشية ميدان سعد زغلول -محطة الرمل
محطة محرم بك الموقف الجديد - محرم بك
***
يتم الوصول إلى دهب عن طريق شرم الشيخ وهناك الباص أو التاكسي ويعتبر الباص أرخص وسيلة للوصول إلى دهب وهو ينطلق يوميا من شرم الشيخ إلى دهب في الأوقات التالية :
الساعة 7 صباحا .. الساعة 8 صباحا .. الساعة 9 صباحا .. الساعة 2.30 بعد الظهر .. الساعة 5 مساء .. الساعة 8.30 مساء .. الساعة 10 مساء .. الساعة 12.30 بعد منتصف الليل ..
السعر للشخص 40 جنيه مصري


و من دهب إلى شرم الشيخ في الأوقات التالية :
الساعة 8 صباحا .. الساعة 8.30 صباحا .. الساعة 10 صباحا .. الساعة 11.30 صباحا .. الساعة 12.30 بعد الظهر .. الساعة 2.30 مساء .. الساعة 4 مساء .. الساعة 5.30 مساء .. الساعة 8.30 مساء ..الساعة 9.30 مساء .. الساعة 10.30 مساء ..
السعر 40 جنيه للشخص

** الإنتقال من مطار شرم الشيخ مباشرة إلى دهب عن طريق تاكسي المطار يكلف 250 جنيه مصري ( للفتك والمصري ) والرحلة تستغرق من ساعة ونصف إلى ساعتين حسب السيارة والتوقف لأخذ صور .

برأيي لو ستسكن في الإسكندرية وستسافر بالباص لشرم بلاش ذهب .
قسم جدولك على مدينتين أريح .
إما الإسكندرية/شرم
أو شرم /ذهب

شكرا اخت تونسية وخلاص بقى ده الجدول النهائى انشاء الله:


1-الاسكندرية:2 ليالى فندق (Mercure Alexandria Romance)

2-شرم الشيخ:4 ليالى فندق (Stella Di Mare Beach Hotel & Spa)
3-دهب:3 ليالى فندق (Le Meridien Dahab Resort)


2-شرم الشيخ:3 ليالى فندق (Savoy Sharm El Sheikh )المواصلات:1-الاسكندرية - شرم الشيخ:طيران2-شرم الشيخ - دهب : باص3-دهب - شرم الشيخ: باص4-شرم الشيخ - الاسكندرية: طيران
ويارب يكون ده الفاينل انشاء الله وربنا يسعد كل العرسان الجدد

شكرا اخت تونسية على تعاونك الصراحة عارف ان تعبتك معايا بس بالنسبة لاسكندرية دى لابد منها عشان هعمل فرحى هناك فلازم فندق يومين كدة بعد الفرح وبعد كدة ننطلق لرحلة شرم ودهب وباذن الله هروح طيران لشرم ااريح ودهب وشرم باص قدام المسافة قريبة وانا عملت الجدول فوق اهو زى ماقترحتى عليا بس يارب مايكون متعب ويكون فيه اكشن

ما فيه تعب ولا حاجة . على قلبي زي العسل
الجدول ما شاء الله ممتاز . وأكيد محتاج يومين راحة بعد الفرح وعشان الأهل يفرحوا بيكم في يوم الصباحية .
وبما أنك اخترت السفر بالطائرة لشرم الشيخ فلن يكون هناك تعب . بالعكس حلو التغيير تحس نفسك زرت أكثر من مكان حتى ولو غيرت بس الفندق في مدينة وحدة . والعروسة هتنبسط كثير خاصة لو البرنامج يكون مفاجأة .
وأنصحك بالحجز المبكر للفنادق والطيارة لشرم لضمان أقل سعر .


ولا تنسى لما تقرب الرحلة تمر هنا عشان نزودك بالأماكن السياحية والمطاعم واللذي منه


ربنا يوفقكم ويسعدكم وتكون حياتكم كلها عسل في عسل .


وأي خدمة يا باشا

الف شكر اخت تونسية واكيد انشاء الله هرجع هنا تانى عشان الجدول اليومى وهعزمكم عالفرح كمان وربنا يوفق الجميع فى حياته

سؤال بخصوص فندق سافوى شرم الشيخانا حجزت فى غرفة ثلاثية مزدوجة مطلة عالحديقة هل مناسبة وهى دور ارضى ولا فى منها علوى اصل سعرها مغرى عن النوعين التانيين ل 3 ليالى
ثلاثية عالحديقة :1888 جنيه
مزدوجة على حمام السباحة:2500 جنيه
مزدوجة عالبحر:2725 جنيه