الموضوع: مساعدة جزاكم الله خير في تخطيط رحلتي العائلية

السلام عليكم ورحمة الله وبركاته
صباح الخير للجميع
ابي المساعدة الله لا يهينكم لأني احترت وضعت
انا قريت تقارير كثيرة واستفدت منها وجزاكم الله خير
بس انا ببالي مناطق ابي ازورها واحترت بالترتيب ووسيلة السفر
المناطق الي ودي ازورها
(فيينا_سالزبورغ_زلامسي_ميونخ_باريس)
خطتي هي :
من الرياض الى فيينا عن طريق الخطوط القطرية (4) ليالي
فيينا الى سالزبورغ (ليلتين) عن طريق القطار
سالزبورغ الى زلامسي (5) ليالي عن طريق القطار
زلامسي إلى ميونخ (3) ليالي عن طريق القطار
ميونخ إلى باريس (5) ليالي عن طريق الخطوط الفرنسية
عدد الايام كاملة (19) يوم
الي حيرني احس انها راح تكلفني كثير وذلك لغلاء تذاكر القطار ، والسفر بالطائرة الى باريس
وش تشورون علي جزاكم الله خير
وهل استئجار سيارة افضل
اعضاء السفرة انا والمدام وطفلين اعمارهم (9____4)
ويا ليت بأقرب وقت
وفقكم الله

مواضيع عشوائيه ممكن تكون تعجبك اخترناها لك:

• ساعدوني في ترتيب الجدول الله يرضى عليكم تعبت
• استشاره في فنادق ميونخ
• مدينة كالون ضرورى
• عااااااااااااااجل مطلوب سكن في باد غودسبيرغ
• اقتراحاتكم وارائكم اصحاب الخبرة
• ما أفضل نصيحة للمواصلات من دسلدورف إلى ميونخ
• استفسار بخصوص الشنغن من مكتب الرياض
• استفسار عن اجار سيارة ديزل كشف قير توماتيك
• ماخاب من استشار الوصول الى ميونخ والعودة من ميلان خط سير الرحلة العائلية
• الحجز من
• برلين مدينة اخرى تقترحونها ؟
• ابحثو لي عن مدينة المانية قريبة من الحدود النمساوية
• بسافر انا وولدي اروح ايطاليا او المانيا افضل لولدي
• خطتي للسفر لهذا العام إلى ألمانيا والنمسا وسويسر
• مشكلة بالحجز وتغيير الفيزاء
• محيوس و خمسة أسئلة يرجة نقا تاموضوع لساحة الاستفسارات بعد الرد
• فزعتكم حجز فنادق عن طريق مواقع غير البوكينق
• ضيف عليكم و أبي رأيكم و مشورتكم
• تحذير من شركة ثرفتي وبتشبندر
• استفسار بخصوص الشنقن حالة خاصة

يعتمد على الميزانيه كم تقريبا

ولو الغيت باريس من المخطط بيكون اقل تكلفه والمتعه موجوده بباقي المدن واريح من الطيران الداخلي

تحياتي

جزاك الله خير أخوي على الرد السريع
طيب لو الغينا باريس وش تنصحني بالخمس ايام وين اخليها فيه
خلنا نقول اني لو اخذت سيارة بسالزبورغ من الحدود المانيا ودخلت فيها زلامسي وبعدين رحت ميونخ
(الخمس ايام) ، وين تنصحني فيها ، هل اروح لبادن بادن و رست(يورب بارك) وفرانكفورت على سبيل المثال واخلي عودتي من فرانكفورت
والميزانية 30000 سكن وطيران وحجز سيارة وقطارات هل تكفي
من غير المصاريف اليومية طبعاً
تحملنا
وجزاك الله خير

اولا

متى السفر ؟؟؟ وهل فكرت السياره مقتنع فيها او لا ؟؟

تحياتي وابشر

هلا بمشرفنا الغالي
والله السيارة كانت من ضمن خططي وبعدين الغيتها قلت يمكن تبهذلني هناك، وكل ما اقرى تقرير يرجعني افكر فيها
فقلت على شورتك باني الغي باريس من الخطة وراح تصير بأذن الله
الرياض - فينا (طيران) 4 ليالي
فينا- سالزبورغ (قطار) ليلتين
زلامسي (سيارة) 5 ليالي
ميونخ (سيارة) 3 ليالي
وعندي باقي 5 او 6 ليالي ودي اشوفلها مناطق ثانية
حيرتني التقارير جزاهم الله خير
ودي برست على شان يوربا بارك وودي بقارمش وودي بفرانكفورت للتسوق
أو اني ازود الايام بميونخ وكل يوم ازور منطقة حولها
دوخه
ورحلتي راح تبدا بأذن الله بــــــ 23-5-2013
وانا مستعجل على شان تذاكر الطيران وهذا الي لخبطني بالتفكير شوي
وما اقول الا جزاك الله خير ووفقك الله لما يحبه ويرضاه

دخلت على الخرائط وسويت التالي وابي رايك فيه
ميونخ (4) ليالي ومنها اروح لقارمش اتمشى فيها (90) كيلو تقريبا
بادن بادن (3) ليالي 321 كيلو ومنها ازور يوربا بارك
وبعدين اروح لفرانكفورت اجلس فيها (ليلتين) 175 كيلو ، واسلم السيارة فيها واستخدم القطار او الباصات مو عارف، وعدم رغبتي باستخدام السيارة بفرانكفورت هو كبر المطار حسب التقارير واخاف اتبهذل
هذي بعض الاقتراحات وننتظر اقتراحك عسى ربي يطول بعمرك ويجزاك خير

مرحبا

اولا ضروري تضيف الخمس ليالي او بالامكان الاستغناء عنهم ؟؟

ممكن تضيف الاتي بادن بادن وبعدها فرانكفورت ليلتين للتسوق


لازم تكون معاك سياره واتسلمها اول يوم وصول بفرانكفورت

هذا المخطط كما انت شايف فيه تنقل كثير فهل هذا مناسب لك

او انشيل تماما بادن بادن ويكون بعد ميونخ فرانكفورت واتزيد ليالي سالزبورخ وزيلامسي ليله لكلا منهم

بنتظارك وابشر

فعلا تخطيط موفق أتمنى لك رحلة ممتعة.
كنت بقترح عليك قضاء باقي الأيام في سويسرا لكن بما إنك حجزت وانتهيت الله يسهل عليك. من الموبايل

الله يعافيك
والجميع ما قصر معاي
الله يوفقكم بأذن الله
وما نستغني عن النصائح

السلام عليكم

مخططك ممتاز الحين

وانصحك باخذ نظره على المواضيع المثبته ببوابتين النمسا والمانيا لكي تستفيد بشكل عملي واتشوف الي يعجبك وتختاره

واذا في اي استفسار بعد المشاهده ابشر

تحياتي

جزاك الله خير