الموضوع: استفسارات عاجلة لو سمحتو ياخبرااااء

السلام عليكم ورحمة الله وبركاتة
ومساكم الله بالخير والمسرااات
بصراحة ودي ادخل بالموضوع مباشرة وبدون مقدمات
انا سفري تقريبا بعد ثلاثة اسابيع وستكون الوجهه باذن الله الى المانيا وتحديدا ميونيخ اولا ثم سويسرا ثم النمسا وبعدها العودة الى ميونيخ
وبحكم انها سفرتي الاولى لاوروبا فلدي بعض الاستفسارات التي ارجوا ان تتسع صدوركم عليها :

1- هل الطبخ داخل الفنادق مسموح بحكم ان حجوزاتي ع الفنادق ال 4 نجوم غالبا ؟؟
2- هل دورات المياة العامة متوفرة داخل البلد وفي الطرق بحكم ان معي اطفال ؟؟
3- هل يحتاج تاكيد العودة عند وصولي للمطار مع العلم ان الخطوط الناقلة هي القطرية ؟؟
4- هل الافضل اسئجار سيارة ام الاتفاق مع سائق وماهو الارخص مع العلم ان رحلتي قرابة اسبوعين ؟؟
5- هل يوجد انظمة مهمة للسير بالسيارة هناك ؟؟

ارجوا الرد سريعا ، شاكرا لكم اهتمامكم ..

مواضيع عشوائيه ممكن تكون تعجبك اخترناها لك:

• جدولي في الريف الألماني ؟؟
• مساعد باماكن سياحيه في ميونخ لضروره
• رايكم في الجدول
• بخصوص فيزا الشنغن مصدرها من سفارة سويسرا وابدخل مطار ميوتيخ؟؟؟هل فيه مشكله
• يوم ساعدوني
• ابي رايكم بخط سير السفره مراح ياخذ من وقتكم شي
• عاجل.. مسافر لميونخ للعلاج وابحث عن سكن.. فزعتكم
• صلاة العيـــد في ميـــــونخ
• هل الرخصة السعودية الجديدة مقبولة في المانيا؟
• رحلة الى المانيا طلب مساعده
• الاوتلت والشوبنق ارجوا المساعده
• احداثيات ميونخ اوت لت مول
• أريد شقة ريفية بالقرب من دوسلدورف
• الرجاء وضع خطه لزيارتي الاولي لاوربا
• أرجو المساعدة اريد شقق فندقية في ميونخ
• بالصـــور المتعـــــة الحقيقيــــة في السفر للبـــــــلاد الأوروبيــــة
• ابي جدول لرحلتي لشهر العسل اذا تكرمتوو
• ساعدووووووني محتاجه خبرتكم
• ساعدوني بترتيب رحله راحة و وساعه صدر من بعد كرف الدراسة
• مدينة فرايبوغ الالمانية

وش دعوى ياشباب مافيه احد رد

1- بالنسبة للطبخ مافهمت قصدك يعني بتطبخ في غرفة الفندق ؟؟؟؟!!!! اظن الشيء هذا ممنوع دوليا واسمح لي اقولك ان فيه نوع من الفوضويه والمخاطره حيث انه مخالف لانظمة السلامه اذا تبي تطبخ استئجر شيء فيه مكان للطبخ
2-درورات المياه متوفره بكل مكان هناك ونظيفة ومعقمة ولكن بنظام اوروبي يعني سوي حاجتك اكرمك الله وامسح وامش لذلك يحتاج يكون معك قارورة مياه فارغه تستدخمها وقت الحاجه
3- بالنسبه للحجز حسب علمي ما يحتاج تأكيد لانك خلاص قصيت التذكره واستخدمت الذهاب تتصل فقط اذا بتغيير الحجز او تلغيه
4- بالنسبه للسياره التي بسائق مكلفه جدا جدا جدا لذلك يفضل استئجار سياره وتقودها بنفسك وطبعا تحتاج الى جهاز ملاحة بعض السيارات متوفر فيها اصلا وبعضها تحتاج الى اضافته اثناء الاستئجار ولكنه يكلفك قيمة لو اشتريته لذلك يفضل تشترية من هنا ويكون محمل عليه خرائط اوروبا كما ان جهاز الايفون والاي باد لو حملت علية نظام الملاحة توم توم يغنيك وبالنسبه للقياده هناك فهي تحتاج شخص يتبع الانظمة بشكل دقيق من ربط الحزام والالتزام بالسرعة القانونيه وعدم تغيير المسار الا باشاره واعطاء الاولية وتجنب مسار الباص او الترام ....الخ ومن اهم الاشياء مراعاة حقوق المشاة بتركيز عالي وهذي مع الاسف لسنا متعودين عليها يعني نشوف واحد واقف بيقطع الشارع ندرعم ما حسبنا له حساب هناك لاء من تشوف شخص عند خط المشاة يجب ان تتوقف وكذلك من تشوف علامة ستوب يجب ان تتوقف وكذلك المواقف يجب ان تقف بشكل نظامي ويجب معرفة انواع المواقف وهي تقريبا 4 انواع 1-مواقف برسوم وغير محدده بوقت يعني تقف وتحاسب بعد ما تنتهي لو تجلس يومين وغالبا ما تكون كبيره وربما بعدة ادوار ولها بوابه تسحب التذكره وتدخل وعند الخروج تحاسب وبعضها يوجد ماكينة حساب تدخل التذكره وتحسب لك التكلفه تدفعها وتعيد لك المكينه التذكره تاخذها معك وعند بوابة الخروج تدخلها وتفتح لك 2- مواقف برسوم ولكن بوقت محد فبعضها اقصى وقت ساعتين وبعضها ساعه وتصل في بعض الاحيان الى ربع ساعة فقط وتجدها غالبا في الاماكن المزحومة وسط المدن بحيث يكون امام كل موقف الة تدخل فيها الهلل بالكمية التي ترغب التوقف بها ساعه او ساعتين وهكذا وتطلع لك تذكره تضعها في مكان واضح داخل السياره على الطبلون 3- مواقف مجانيه ولكن بوقت محدد بحيث عندما توقف السياره تضع على الطبلون الوقت الذي وقفت فيه حيث ياتي عادة مع السياره ورقه عليها رسم ساعه وفيها عقارب متحركه تحركها وتحط الوقت الذي توقفت وفيه وتشوف كم اقصى حد للوقوف اذا كان ساعتين ترجع بعد ساعتين وهكذا
4- مواقف مجانيه وبدون وقت محدد وتجدها غالبا في القرى والارياف والاماكن الوسعه اخيرا اتمنى لك سفرا مريحا وممتعا تحيااااااااااااااتي

الف شكر لك اخوي والله يعطيك الف عافيه صراحه اجابه كافيه ووافيه ... اما بخصوص الطبخ لا طبعا انا اتكلم عن القعوه وماالقهوه وتعرف القهوه العربيه شي ضروري مااستغني عنه بعدين معي كوله تشتغل على الكهرب يعني المساله مهب دافور وشب ولا تشب ونار لا صاجه صغيره قد اليد تشتغل على الكهرب ... هي اشيااء بسيطه وخبرك عارف البزران مايعجبهم اي شي