الموضوع: اول مره ازور المانيا وخططت لنص الرحله وباقيلي بس فرانكفورت ومحتااره ابي رايكم

بسم الله الرحمن الرحيم


بما ان المنتدى هذا شي مو طبيعي وااايد نفعني لتخطيط رحلتي وما شاءالله الاعضاء والمشرفين وااايد متعاونين


حبيت اخذ رايكم بتخطيط سفرتي بما اني اول مره ازوور هذي البلدااان والصراحه واايد متشوقه ازورهم من تقاريركم الي توسع الصدر




مخطط سفرتي انا وزوجي وبنتي بيكون ان شاءالله
التاريخ من 5-9 لي 22-9
من تاريخ 5 -8 باريس
من تاريخ 8-15 سويسرا
من تاريخ 15 - 22 المانيا


خلصنا كل الحجوزات والحمدلله من تذاكر على اللوفتهانزا
والفيزا من مكتب وكان جدا سهل الحمدلله
وحجز الفندق الي بباريس بالشانزلزيه
وحجز شاليه في سويسرا
باقيلنا حجز السياره
والطيران الداخلي من باريس لي سويسرا
وباقيلنا المانيا الي ليلحين محتارين فيها شوووي


وهني ابي مشورتكم وادري انكم مارح تقصروون معاي




حجزنا فندق على بحيرة تيتسي BRUGGER' S Hotelpark am See

لمده 3 ليالي وانا شوي متردده فيه مادري ليش
وخذينا الغرفه الديلوكس مقابل البحيره

المخطط
اول يوم بنتمشى بالمنطقه نستكشفها ونريح فيها من بعد رحله مدتها 3 ونص
ثاني يوم ان شاءالله ناوين على يورب بارك
ثالث يوم بنتمشى ونستكشف البلاك فورست يعني تلفريكات وزحلاقيات صيفيه انا حاطتهم في بالي
واليوم الرابع نودع المكان ونروح الى فرانكفورت
وهني المشكله
ليلحين ما لقيت فندق عجبني وحسيت فيه المواصفات الي ابيها
ابي فندق يكوون بنص السنتر مع العلم ان معانا سياره بيكون بس احب اكون بالسنتر
وبيكوون وجودنا في فرانكفورت للتسوووق بدرجه اولى وقعد نفكر انا وريلي نروح هولندا يوم ونرد من فرانكفورت نزوور الاوت لت الي على حدود هولندا والمانيا


وليلحين محتارين بموضوع السياره
نردها اول مانطب فرانكفورت لانها مارح تفيدنا وايد
ولا نخليها ما تفرق على 4 ايام ؟؟؟
يعني مايسوى سعر هال4 ايام بسعر التكسي حق المطار ولا شرااايكم ؟؟؟

مواضيع عشوائيه ممكن تكون تعجبك اخترناها لك:

• طلب مسااااااااااااااااعده عاجلة لو سمحتوا
• صراحة انصدمت من اعضاء المنتدى
• أنا في اليمن وأريد الدخول لألمانيا نرجو المساعدة
• اقتراحتكم لجولتي الاوروبية
• رشح لي فندق بموقع متميز
• ساعدوني في تعبئة الابلكيشن
• كيفية طلب فيزا لألمانيا
• قطار من مدريد الى مدينه المانيه
• من فضلكم خدمة عالجله جدا
• استفسار
• الله لايهينكم ممكن
• أستفسار
• رايكم يهمني في مخطط رحلتي مشرفنا العزيز وبقية الخوان
• شور رايك في مخطط رحلتي
• أرجوكم سكن فالريف البافاري
• عندي إستفسار بخصوص الرحلة من الرياض إلى إي برلين أو مدينة أخرى أرجو منكم الإفادة
• سكن طلاب مشترك في فرانكفورت مستعجل
• فنادق في بادقودسبيرق وكم تبعد عن سيتي سنتر
• من مطار ميونخ ايش اسم المحطه الي توصلني الى السنتر بليززززز ساعدوني
• لخبراء المانيا اتمنى الاجابة

أنصحكم بفندق جميرا أو ويستن أو فندق أدينا (شقق فندقية)
أما بخصوص السيارة فأنصحكم برد السيارة إذا سكنتو بالسنتر, لأنكم ماراح تحتاجونه وتوفرون عليكم الإيجار وقيمة الباركنغ في الفندق

مشكور اخوي ما قصرت
بشوف الفنادق الي اقترحتها علي وان شاءالله الاقي الي يعجبني


وهذا الي بنسويه باذن الله على السياره

انا ما زلت محتاره بفندق فرانكفورت ابي اقرب فندق مشي للسنتر والسووق
اتمنى احد يرد علي يفيدني

لا زلت انتظر ارائكم