الموضوع: اول مره ازور المانيا وخططت لنص الرحله وباقيلي بس فرانكفورت ومحتااره ابي رايكم

بسم الله الرحمن الرحيم


بما ان المنتدى هذا شي مو طبيعي وااايد نفعني لتخطيط رحلتي وما شاءالله الاعضاء والمشرفين وااايد متعاونين


حبيت اخذ رايكم بتخطيط سفرتي بما اني اول مره ازوور هذي البلدااان والصراحه واايد متشوقه ازورهم من تقاريركم الي توسع الصدر




مخطط سفرتي انا وزوجي وبنتي بيكون ان شاءالله
التاريخ من 5-9 لي 22-9
من تاريخ 5 -8 باريس
من تاريخ 8-15 سويسرا
من تاريخ 15 - 22 المانيا


خلصنا كل الحجوزات والحمدلله من تذاكر على اللوفتهانزا
والفيزا من مكتب وكان جدا سهل الحمدلله
وحجز الفندق الي بباريس بالشانزلزيه
وحجز شاليه في سويسرا
باقيلنا حجز السياره
والطيران الداخلي من باريس لي سويسرا
وباقيلنا المانيا الي ليلحين محتارين فيها شوووي


وهني ابي مشورتكم وادري انكم مارح تقصروون معاي




حجزنا فندق على بحيرة تيتسي BRUGGER' S Hotelpark am See

لمده 3 ليالي وانا شوي متردده فيه مادري ليش
وخذينا الغرفه الديلوكس مقابل البحيره

المخطط
اول يوم بنتمشى بالمنطقه نستكشفها ونريح فيها من بعد رحله مدتها 3 ونص
ثاني يوم ان شاءالله ناوين على يورب بارك
ثالث يوم بنتمشى ونستكشف البلاك فورست يعني تلفريكات وزحلاقيات صيفيه انا حاطتهم في بالي
واليوم الرابع نودع المكان ونروح الى فرانكفورت
وهني المشكله
ليلحين ما لقيت فندق عجبني وحسيت فيه المواصفات الي ابيها
ابي فندق يكوون بنص السنتر مع العلم ان معانا سياره بيكون بس احب اكون بالسنتر
وبيكوون وجودنا في فرانكفورت للتسوووق بدرجه اولى وقعد نفكر انا وريلي نروح هولندا يوم ونرد من فرانكفورت نزوور الاوت لت الي على حدود هولندا والمانيا


وليلحين محتارين بموضوع السياره
نردها اول مانطب فرانكفورت لانها مارح تفيدنا وايد
ولا نخليها ما تفرق على 4 ايام ؟؟؟
يعني مايسوى سعر هال4 ايام بسعر التكسي حق المطار ولا شرااايكم ؟؟؟

مواضيع عشوائيه ممكن تكون تعجبك اخترناها لك:

• استفسار عن خط الرحلة وخيارات السكن فرانكفورت، بادن بادن، كونستانس، مونتريو
• معالم هيدالبيرغ
• خبراء المانيا ممكن شوي
• بالنسبة لفيزة الشنغن الالمانية
• ماركه هولستر
• اوت لت انجلوستاد ولا اسكادا ؟ ايهما الافضل في ميونخ؟؟
• من يستطيع ذالك ارجو منه ان يساعدني وانا مش هـــ قصر معاه
• استفسار ايهما افضل للسكن فرايبوغ او رست او ستراسبورغ
• مدينة
• هل الطفل بعمر سنوات يحتاج فيزا
• مساعدتكم ميونخ دوسلدوورف
• تحذير للمغادرين من مطار فرانكفورت
• ودى ازور اليورب بارك زيورخ وانترلاكن و ستراسبورغ
• ارجو المساعدة بإقتراحاتكم لرحلتي لألمانيا يوم
• تكفون سااعدوني ايجار السيارة سفري بكره
• مكتب لاستخراج الفيزه الالمانيه في جده
• لا تخلون اخوكم
• الرجا المساعده بوضع برنامج
• ابغا اعرف
• البحث عن شقة في برلين

أنصحكم بفندق جميرا أو ويستن أو فندق أدينا (شقق فندقية)
أما بخصوص السيارة فأنصحكم برد السيارة إذا سكنتو بالسنتر, لأنكم ماراح تحتاجونه وتوفرون عليكم الإيجار وقيمة الباركنغ في الفندق

مشكور اخوي ما قصرت
بشوف الفنادق الي اقترحتها علي وان شاءالله الاقي الي يعجبني


وهذا الي بنسويه باذن الله على السياره

انا ما زلت محتاره بفندق فرانكفورت ابي اقرب فندق مشي للسنتر والسووق
اتمنى احد يرد علي يفيدني

لا زلت انتظر ارائكم