الموضوع: من ميونخ لباريس

السلام عليكم ورحمة الله وبركاته


احنا بأذن الله خططنا لسفرة الى ميونخ الوجهه الاساسيه بس ماودنا نقعد فيها طول مدة الرحلة تقريبا 20 يوم نبي نوزعها ودنا بزيلامسي وباريس .. زلمسي امرها هين قطار من ميونخ لزيلمسي جم تكلفة التذكرة ووين اقدر احصلها احجز من ديرتي ولا من هناك وهل التذكرة تكون ذهاب واياب لان نبي باريس بعد ؟! وشنو افضل فنادق بزيلامسي تكون تطلع على بحيرات ومناظر جميله !!!

تقريبا نبي نقعد بزيلامسي 3 ايام حدنا بعدها نبي باريس وراح تكون 10 ايام تقريبا بطيران اقتصادي من ميونخ لباريس افضل او من زيلامسي وشنو الاقرب ؟؟ ادري استفسارتي وايد اعذروني
شنو افضل طيران اقتصادي ويكون دايركت وبسعر بسيط احنا 6 اشخاص وسمعت ان لازم فيزا شنغن شنو قصتها هالفيزا ووين اسويها بالكويت او هناك ودي اضبط كل الشغل هني قبل لانروح ونتوهق هل اهيا تختلف عن الفيزا العاديه او نقدر نسوي فيزا شنغن بدون لانسوي فيزة المانيا اقصد شاملة يعني او لا وجم سعرها بالتحديد!!!

وبخصوص باريس غالية حيل الشقق هناك ابي قريبه من الشانز وايفل وهالمناطق يعني 10 ايام جم يبيلها ميزاينة وبخصوص تذكرة ديزني شلون احصل عليها وتكون سعرها زين ؟!!

بليززززززز ابي منكم اقوى مساعده وانا ماسجلت هني الا انا واثقه فيكم لأن اهلي حاطيني القايد مالهم وعلى ابو انا عارفه كل شيء ومعتمدين علي لاتفشلوني عفيااا وشاكرة لكم وترا مازال عندي الاف الاسئلة بأنتظاركممممم !!

مواضيع عشوائيه ممكن تكون تعجبك اخترناها لك:

• ممكن المساعدة في اختيار فندق
• الأمان في ميونيخ
• أسم الفندق
• فرانكفورت وقارميش
• استفسار عن برلين
• حد عنده فكره عن هالفندق ü
• أبي فزعتكم يالربع في حجز سيارة
• اقدر انزل في المانيا واتمشى في ستراسبورغ؟؟؟؟؟؟؟
• ياايها العربان المسافرون عندي سؤال لكم ياحلوين
• ممكن مساعدةاول سفره لأوربا
• من له خبره في هذا المكان
• رايكم بهذي الفنادق
• رحلاتي اليوميه ايش الترتيب؟
• ساعدوني في سفرتي للصيف
• ايش افضل السكن في رست او ستراسبورج ؟
• جدول سياحي الي المانيا
• وش رايكم بهذا الاوتيل في ميونخ
• ميونخفريبورج مع رحلة شموخ الأوروبيـــــهفرنساسويسراالنمساالمانيا
• بليز ساعدوني استفسار عن استخراج فيزا ألمانية لأول مره
• النت في اوربا

وينكم بليززز ناطرتكم !!!!!!!!!!!!!!!!!!!!!

تذاكر القطار تأخذينها من هناك

و الشنقن اهم شي خذيها متعددة و المكاتب هي تتكفل بهالاشياء طبعاَ يأخدون عموله حق اتعابهم


تداكر ديزني تأخذونها من نفس ديزني

مرحبا أختي
أنا أقترح دام أن محطة الوصول الأولى هي ميونخ
أن تروحون من ميونخ لزيلامسي عن طريق القطار وشراء التذاكر يكون من محطة القطارات الرئيسية
وسعر التذكرة الواحدة حوالي 40 يورو هاب فقط وفيه فندق بزيلامسي مطلع على البحيرة وموقعه استراتيجي هو فندق القراند
أما الذهاب إلى بارييس فأنا أنصح ومن خلال تجربة
أنه لا بد من الرجوع إلى ميونخ والذهاب عن طريق الطيران إلى باريس
ونصيح إذا أردتي حجز الطيران من ميونخ لباريس أن تحجزي ذهاب وإيام لكي تكون أرخص حتى لو لم تستخدموا الإيام
لأن حجز تذكرة ذهاب راح يكون سعرها دبل الدبلات مثلاً أنا لما حجزت ذهاب من ميونخ لباريس كان سعرها بأ 2500 ريال سعودي
ونصحني صاحب المكتب بأني أحجز ذهاب وإيام مع إني لن أستخدم الإياب
ولكن طلع سعرها بـ700 ريال سعودي للشخص الواحد

وإليكي رابط رحلتي لفيينا وزيلامسي
http://www.arabtravelersforum.com/travel454974/

وهذا رابط رحلتي لميونخ الألمانية
http://www.arabtravelersforum.com/travel513660/

ودمتي

مشكورين على الردthe wishes and yuko

الحين التذاكر مالت ديزني ومالت القطار وكل شيء من هناك حلو .. بس وين بالظبط اخاف اتوهق مااعرف اي صوب لاني مو خبره بهالديره !!

واخوي يوكو شنو تعتقد افضل اذا معاي الوالده تعبانه فسالفة انا نروح ونرد لميونخ وعقب من ميونخ لباريس ونرد مره ثانية لباريس شوي حوسه !! ايهو احسن تكون الوجهه الاساسية باريس ونقعد اسبوع وبعدها طيران لميونخ ومن ميونخ وزيلامسي وخلاص وياليت اعرف اذا اقدر احصل wheelchair للوالده اهيا ريولها شوي يتعبونعها !!

وشنو افضل طيران اقتصادي ؟! من ميونخ لباريس او من باريس لميونخ

واذا بقعد اسبوع في باريس واحنا 6 اشخاص ونبي نروح المعالم ونتمشى جم يبيلنا ميزانية يعني بحدود جم تقريبا!!! سمعت انا باريس ححححححيل غالية وشنو الافضل من حيث السكن فندق او شقة لان الوالده تفضل الشقه بس احنا نبي الاقل تكلفة !!


بليز ناطرتكم !!!!!!!!!!!!!!!!

الحين التذاكر مالت ديزني ومالت القطار وكل شيء من هناك حلو .. بس وين بالظبط اخاف اتوهق مااعرف اي صوب لاني مو خبره بهالديره !!




حق القطار فيه مكتب قريب لفندق كنكورد لافاييت
و ديزني مثل ماقلتلك من نفس ديزني

و اسآلي حقين الفندق و هم يدلونك


و المعذره ع التأخير