الموضوع: ما رأيكم في مخطط رحلتي ؟ مع بعض الاستفسارات

السلام عليكم ورحمة الله وبركاته .. و مساكم طيّب ..
حبيت أستشيركم في مخطط رحلتي مع العائلة في الصيف بإذن الله تعالى وهو كالآتي ..
ميونيخ : ليلة
فيينا : 5 ليال
زيلامسي : 5 ليال
قارمش: 5 ليال
ميونيخ : 8 ليال
طبعاً اضطريت أقلل عدد المحطات عشان العائلة وصعوبة التنقلات
فهل لكم وجهة نظر عالمخطط ؟
وواجهت مشكلة وهي كالآتي :
حابين نروح لليورو بارك من وين نروح لها ؟
هل من قارمش أو من ميونيخ وطبعا على حساب تقليل عدد الليالي في وحدة منهم
لأني لازم أنام في اليوروبارك ليلة على الأقل .. أو ترشحون ليلتين ؟
وهل أحجز فندق في رست ؟ أو في فنادق اليور بارك نفسها ؟
بانتظاركم ..
تحياتي مقدماً ..

مواضيع عشوائيه ممكن تكون تعجبك اخترناها لك:

• ميوونخ أرجو المساعدة
• استفسارات قبل سفرتي
• استفسار عن أسواق كولون
• عاجل جائتني الرسالة التالية من بوكينج
• الشنقن من وين اطلعه
• مجموعة استفسارات الطيران ، جدول الرحله
• ابي خط رحله المانيا سويسرا فرنسا
• محتاجه مساعدتكم
• اي دولة من الاتحاد الاوروبي افضل في استخراج فيزا الشنغن
• السياحة في ميونخ شهر ديسمبر اللي عنده خلفية يفيدني
• استفسارات وابي اجوبه
• خبراءالقطارات بين ميونخ وزيلامسي و فينا
• رايكم عن خط رحلتي وبرنامجي
• أبي شقة فيها مطبخ في قارمش
• اللي راحوا المانيا قريب واللي عندهم خبره
• طلب برنامج سياحي لخمسة إيام في ألمانيا
• وش السواااااااة
• المساعده في تخطيط رحلة الى المانيا
• استفسار عن الطريق من ميونخ الى جنيف
• تقرير عن فندق رائع جدا

لازلت بانتظاركم ،،

مساء الخير

اولا اهم سؤال ماهي وسيلة التنقل سياره او قطارات ؟؟ ثانيا عدد افراد الاسره وهل في اطفال واعمارهم ؟؟

ثالثا ادخالك لفينا صعب الامور وجعل المسافات طويله . كان الافضل تبداون من فينا وتنتهون من ميونخ يالنسبه للمطارات .. الغاء فينا بحال ادخال الملاهي مع تبديل فينا بسالزبورخ النمساويه وايضا الاكتفاء بميونخ كعاصمه جميله لبفاريا

تحياتي وبنتظاركم

المشاركة الأصلية كتبت بواسطة ALI_Q8_77
http://www.arabtravelersforum.com/tr...5/#post6778795

مساء الخير

اولا اهم سؤال ماهي وسيلة التنقل سياره او قطارات ؟؟ ثانيا عدد افراد الاسره وهل في اطفال واعمارهم ؟؟

ثالثا ادخالك لفينا صعب الامور وجعل المسافات طويله . كان الافضل تبداون من فينا وتنتهون من ميونخ يالنسبه للمطارات .. الغاء فينا بحال ادخال الملاهي مع تبديل فينا بسالزبورخ النمساويه وايضا الاكتفاء بميونخ كعاصمه جميله لبفاريا

تحياتي وبنتظاركم



مساء الأنوار ..
التنقلات كلها راح تكون بالقطارات
عدد الأفراد 7 وما معنا أطفال .. لكن المجموعة مو حابين كثرة التنقلات
الكل فضّل نقطة البداية هي نقطة النهاية وما أخفيك " لحسابات مادية "
فيينا محطة أساسية في الرحلة وبطلب الجميع ..
بصراحة كنا ناوين نروح للملاهي من ميونيخ أو قارمش ونرجع في نفس اليوم لكن لما فكرنا فيها حسينا انها صعبة لذلك مضطرين ندخل رشت أو مدينة قريبة .. فأيش رأيك ؟

انتظرك ،، مع شكري الجزيل لك مقدماً ..

ادخال روشت صعب جدا خصوصا لو علمتي ان روشت نفسها ما فيها محطة قطارات اقرب المدن الي فيها محطه تبعد 10 دقائق تقريبا واتروحون منها الى روشت بالباص لكن الرحله طويله وفيها احيانا تغير او تغيرين بالقطار .. والفتره طويله نوعا ما

واشاسا رحلاتكم كثيره لهذا ممكن تكتفون بملاهي بارتر البسيطه مقارنة بملاهي يوربا بارك طبعا ملاهي بارتر بفينا

هذا رايي

يا هلا ومرحبا أخوي علي ..
طيب أيش رأيك لو شلنا قارمش من البرنامج .. ونروح لبادن بادن او رشت أو حتى اليوروبارك نفسها ..
ونعدّل في أيام ميونيخ إما بزيادتها او نقصانها ..؟

المشكله كل المشكله ان تنقلكم كثير ومتباعد وخصوصا ان الرحله بالقطارات مما يسبب ضياع وقت كبير

لكن الجواب ممكن ادخالها

ويكون بعد ميونخ ليله الى بادن بادن 3 او 4 ايام اليوم الاول راحه ببادن بادن والتمشي فيها اليوم الثاني خيارين اما اتشوفون الفندق اذا في مكاتب سياحيه يتعاملون معاه لتسير رحلات بالباص الى الملاهي او ركوب القطار من بادن صباحا جدا والوصل الى بلدة روشيتغاهم والنزول فيها واستغلال الباص الخاص المتجهه الى ملاهي يوربا بارك والعوده نفس الطريقه . الرحله من ميونخ الى بادن اغلبهم واكثرهم دايركت ..

من بادن الى غارمش تغير قطار بميونخ رحله طويله نوعا ما ..

من غارمش الى زيلامسي تغيرين قطار واحد بميونخ والثاني بسالزبورخ رحله طويله

من زيلامسي الى فينا تغير قطار واحد بالغالب بسالزبورخ 3 ساعات وثلث الرحله

من فينا الى ميونخ اغلب الرحلات تغير بسالزبورخ

تحياتي

مساك طيّب اخوي علي ..
راح أدرس الموضوع ،، شاكرة لك

انا جيكت على بعض الرحلات من بادن الى ميونخ مثلا تغيرقطار بكارلسروه .. واذا الى غارمش تغيرين كالرسلوره وميونخ

على راحتكم اتمنى لكم التوفيق

تسلم أخوي علي ما قصرت ،، بصراحة جالسه أعيد ترتيب الموضوع ، خصوصا اني كنت عامله الحجوزات ..
المشكلة ما لقيت حجز على الترتيب الجديد ،، لكن اعطيني يوم وأرجع استشيرك ببرنامجي الجديد ..
شكرا لك بحجم تعاونكم وأكثر ..

عزيزه وغاليه اخذي راحتج

تمنياتي لكم بالتوفيق

مساء الخيرات أخوي علي ..
أقدم لك المخطط الاخير للسفرة بعد إجراء التعديلات بناء على الأخذ بوجهة نظرك ..
بصراحة فيينا ما قدرت أشيلها ، لاننا حابين تكون في المخطط لكن حاولت أخفف من الرحلات وعليه راح تكون كالآتي :
ميونخ ( ليلة ) - فيينا ( 5 ليال ) - زيلامسي ( 5 ليال ) - ميونخ ( 13 ليلة ) وفي خلال 13 ليلة راح نزور اليورب بارك ..
وإذا راح نزور اليورب بارك رأيك نسكن في بادن بادن أو رشت أو في فنادق اليورب بارك نفسها ؟
وكم ليلة ؟
وكمان سؤال أخير ..
أيش تقييمك لشقق Apartmenthouse Stay Munich في ميونخ من حيث الموقع .. هل المحطة بعيدة عنها كثير ؟

تحياتي وشكري الجزيل لك ..

انزين انا بقترح عليج

اخر شي اجلسي بميونخ مثلا 4 ايام وبعدين اطلعو الى بادن بادن على الاقل 5 ايام وبعدين ارجعي مره اخرى 4 ايام ميونخ .. وشوفي لج سياره خاصه تنقلكم الى بادن بادن طالما عددكم كبير اوفر واسرع من احدى الشركات او الارقام الي انا كاتبها بالبوابه

وفي اقتراح بعد اخر هو ادخال سالزبورخ النمساويه بعد زيلامسي او قبلها 3 ايام ثم ميونخ ليلتين وبعدها الى بادن 5 ايام ثم ميونخ 4 ايام

الفندق الي ذكرتيه انقلي رابطه ..

تحياتي

يا هلا وغلا ..
أعجبني اقتراحك الأول بإدخال بادن بادن ..

تفضل الرابط
http://www.booking.com/hotel/de/stay...D1&aid=1329869

توقعت بتقولين هذي

لا طبعا ولا تفكرين

شوفي هذي ولا تخلينها مناسبه لكم صحيح 3 نجوم لكن جيده ومقبوله والاهم مناسبه لكم ومكيفه بعد وخطوات الى المارينا بلاتز بجانب محطة القطارات مشي ويمكم المطاعم العربيه وغيره

http://www.booking.com/hotel/de/adag...X1&aid=1329869

متوفره بالتواريخ الى حاطته انتي اعتقد 19 الى 23 ..ز شوفي باقي التواريخ واختاريها بكل الرحله او تحبين تاخذين فنادق 4 نحوم انتي

بنتظارج

لا اخوي هذي ما لقيت فيها
أنا أبيها من 28 / 6 - 11 / 7
وحابه نظام شقق سكنية ..

ما فهمت عليج

مو اتقولين بتروحين بادن بادن وبعدين ترجعون الى ميونخ ؟؟

عموما اذا حصلتي بالي ذكرتيها من ناحية سكن مقبوله لكن المسكله انها بعديه عن السنتر 5 كيلو وايضا غير مكيفه

دمتي بخير

صحيح راح اطلع لبادن بادن
أنا لقيت فيها إمكانية من 28 / 6 - 1 / 7 بس ،، معناته لما أرجع ميونخ مرة ثانية من 5 / 7 -11 / 7 ما فيه مجال للسكن فيها
راح أشوف خيار ثاني للسكن في هالفترة . وأرتب سكن بادن بادن ..
وأكيد راح أوافيك بآخر الأخبار

تحياتي لك ..

بالتوفيق

بنتظار جديدكم

مساء الورد ..
مرحبا أخوي علي أتمنى تكون بخير ..
عدّلت كل الحجوزات وغيّرت الأيام ، وصارت كالآتي :
بعد زيلامسي بتكون ميونخ ( 3 ) ليال في شقق Adagio Muenchen City
بعدها بادن بادن ( 4 ) ليال في Hotel Beek على هالرابط
http://www.booking.com/hotel/de/beeg...D1&aid=1329869

بعدها ميونخ والسكن في arthotel munich
http://www.booking.com/hotel/de/einh...X1&aid=1329869

ما رأيك في المخطط الآن ..؟ : )

هلا ومرحبا

ثبتي الحين على السكنين بميونخ ما راح انحصل لفضل منهم

ودي ببادن بادن اتشوفين غيره .. شفتي الموضوع الي انا كاتبه بموسوعتي الالمانيه الخاص عن السكن ببادن بادن او نسكن بروشت اوفر لكم

تحياتي وبنتظارج

يا هلا ومرحبا ..
طيب كويس كذا خلاص ثبتنا سكن ميونخ .. بالنسبة لبادن بادن راجعت مواضيعك والشقق لقيتها كلها محجوزة ما فيه مجال ابدا ..
بصراحة أعجبتني بادن بادن أكثر ، لكن راح أشوف ولا يهمك .. ولو أني أحس أن 4 ليال على روشت كثيرة ..
أيش مشكلة سكن بادن بادن حتى أقدر أبحث عن خيارات ثانية : الموقع ؟ الآراء ؟ أو أيش بالضبط ؟
الله يجزاك ألف خير أخوي علي .. تحرجنا بتعاونك ..
لا حرمك الله الأجر ..
تحياتي لك ..

مساء الانوار

مو مشكله بنحصل ببادن بادن ضواحيها روشت المهم سكن مريح

اكتبي لي التواريخ بساعدج ولا اتشيلين هم وذكرني بعددكم بعد مره ثانيه

وارد عليكم اول الليل ابشري

مشكور أخوي علي ما قصرت ..
الفترة من 1 / 7 - 5 / 7 ..
وكل ما كانت شقق سكنية كان أفضل لي ..
وعددنا 6
تسلم للمرة الألف ..

انتي الي كتبتيه فندق

انا حصلت لج اقرب

http://www.booking.com/hotel/de/merk...X4&aid=1329869

وهذا

http://www.booking.com/hotel/de/quel...X6&aid=1329869

صباح الخير أخوي علي ..
مشكور ما قصرت ..
لكن بالصدفة وأنا في المحيط حول الفندق اللي كتبت لي لقيت هالشقة
http://www.booking.com/hotel/de/ther...D1&aid=1329869
أيش رايك فيها ؟
كمان عندي سؤال ، لو سمحت : )
بعض الغرف تكون كحد أقصى لـ 4 أشخاص مثلا ويكتب في السياسات العامة أسفل الصفحة لا تستوعب إلا سرير واحد
ولما أدخل بياناتي للحجز يكتب لي سرير إضافي وجنبها مبلغ إضافة سريرين للليلة .. طيب كيف ؟
يعني ما عندهم مشكلة لاكثر من سرير إضافي ؟
تحياتي لك ..

هذي الشقق جيده جدا

النقطه الي ذكرتيها مو واضحه

لكن اعتقد تقصدين ان لما حجزتي كانت لشخصين وهي اصلا تكفي لاربع .. لهذا جعلو لكم خيار اضافة سريرين

تحياتي

مساك طيّب اخوي ..
لا مو كذا ، راح أحاول أوضح لك إياها ..
طبعا لما أبدأ البحث أكتب عدد الافراد ( 6 ) فيعطيني أسماء الفنادق ويكون مثلا من ضمن الخيارات غرفة محدد فيها من ( 2 - 4 ) أشخاص ومكتوب في السياسات العامة أنه الغرفة لا تستوعب أكثر من سرير واحد إضافي .. لما أبدأ اجراءات الحجز ألاقي مربع مكتوب عنده سرير إضافي لما أضع عنده إشارة صح يعطي سعر إضافة سريرين ..
سؤالي هو : هذا معناه أنه ما عندهم أي مشكلة في إضافة سريرين حتى لو أن الغرفة ما تستوعب إلا سرير واحد ؟
أتمنى يكون شرحي واضح ..
تحياتي