الموضوع: رايحة ميونخ وابغي مساعدة منكم ضروري

السلام عليكم ، انا عضوة جديدة في المنتدى ، صراحة منتداكم وايد ساعدني في كل رحلاتي السابقة.
انا سجلت في المنتدى لاني ابغي مساعدتكم في اول سفرة لاوروبا وبيكون معاي زوجي وطفلي عندي بعض الاستفسارات وابغيكم تساعدوني
- كيف الجو بيكون في اخر شهر مايو
- وين اقدر احصل حليب طازج في المانيا وشو انواعه علشان طفلي ما يشرب الا حليب الطازج مثل حليب المراعي؟
- هل فيه مطاعم عربية قرب المارين بلاتزو شارع الكاربلاتز؟
- بكم التذكر اذا نبغي نورح الى زيلامسي وسالبورغ وقارمش وكم المسافة بالقطار؟ وهل القطار يودي دايركت من ميونخ الى هالمناطق؟ وشو اسم المحطة اللي المفروض نطلع منها من ميونخ؟ انا شفت في الخريطة محطة قطارات وراء فندق ادقييو هل هي نفسها المحطة؟

مواضيع عشوائيه ممكن تكون تعجبك اخترناها لك:

• استفسار عاجل عن فرانكفورت
• غارمش او كاربون
• هل فى اعتراض دخول الى البلدين لانه اصدار الشغن من السفاره ايطاليه
• سؤال
• طبيب اسنان مصرى
• استفسار من ذوي الخبرة ما استغني عنكم
• ماذا تعرفون عن باد ويسي؟
• من ميـونـخ الــى زيـل ام ســي إستــفسار
• ارجوووووو المساعدة عااااااااااجل
• جولة في القطار
• نصيحتكم في اختيار اوتيل في مكان حيوي ونظيف وسعره معقول في ميونخ
• ارجو المساعده في التخطيط لرحلة اوروبية
• وش السواااااااة
• بخصوص مواقع الحجز
• اليورو بارك جدولي بالمانيا الجديد
• قلق وربي الرجاء المساعده
• استفسار عن دفع مبلغ التذاكر
• اود الاستفسار عن هامبورغ ؟ ؟
• وتحققت الامنيه
• من ميونيخ الى سالزبورغ والاحداثيات

المشاركة الأصلية كتبت بواسطة happyday
http://www.arabtravelersforum.com/tr...5/#post6774297

السلام عليكم ، انا عضوة جديدة في المنتدى ، صراحة منتداكم وايد ساعدني في كل رحلاتي السابقة.
انا سجلت في المنتدى لاني ابغي مساعدتكم في اول سفرة لاوروبا وبيكون معاي زوجي وطفلي عندي بعض الاستفسارات وابغيكم تساعدوني
- كيف الجو بيكون في اخر شهر مايو
- وين اقدر احصل حليب طازج في المانيا وشو انواعه علشان طفلي ما يشرب الا حليب الطازج مثل حليب المراعي؟
- هل فيه مطاعم عربية قرب المارين بلاتزو شارع الكاربلاتز؟
- بكم التذكر اذا نبغي نورح الى زيلامسي وسالبورغ وقارمش وكم المسافة بالقطار؟ وهل القطار يودي دايركت من ميونخ الى هالمناطق؟ وشو اسم المحطة اللي المفروض نطلع منها من ميونخ؟ انا شفت في الخريطة محطة قطارات وراء فندق ادقييو هل هي نفسها المحطة؟





اختي الكريمة
انا رحت لميونخ اخر شهر جون يعني بعد الشهر اللي انتي ناويه تروحين فيه .. وكان الجو برد شوي اخر الليل
كان معي ولدي وكنت ماخذ معاي بلوفرات ضروري


الحليب متوفر عندهم وله انواع كثيره وطعمه طبيعي مو مختلف عننا .. اذكر ولدي تقبل طعمه عادي ( يعني لاتوسوسين واجد في الموضوع ) اعرف الولد مسؤوليه بس عادي كل شي يمشي هناك لاتشغلين بالك


المطاعم كثيره .. فيه قبال محطه القطار الرئيسيه مطعم عربي وعنده شاورما وبرغر و و و .. وفيه مطاعم ثانية كثير


بالنسبه لاسعر التذاكر مو غاليه .. اذكر بحدود 350 ريال او 400 للعائله كامله


المسافه بين ميونخ وسالسبورغ حدود 150 كيلو تقريبا ساعه وشوي بالقطار وبين ميونخ وزيلامسي 190 كيلو يعني ساعه ونص تقريب بالقطارانا ما اعرف وين راح تسكنين لكن في الغالب راح تسكنين وسط ميونخ وفيها محطه القطارات الرئيسيه main station ومنها راح تنطلقين ..
طبعا انصحك بالسكن في هذه المنطقه لقرب الاماكن الحلوة وكذلك يكون تنقلكم سهل .. مجرد تاخذون اغراضكم وتروحون مشي لمحطه القطار وتطلعون للمدن اللي تبون


ملحوظة :
انا ما اعرف متى رايحين ومتى تبون القطار علشان اشيك لك الاوقات والاسعار .. انا اعطيك حدود الاسعار لاني ماني عارف مواعيدكم


تحياتي لك

مشكور اخوي ، صراحة طمنتي بخصوص الحليب (كنت احاتي ولدي في السفر)
نحن ان شاء الله بنسكن قريب من المارين بلاتز في فندق Adigio ، كم تبعد محطة القطار الرئيسية؟؟ يمكن نطلع من ميونخ الى قارمش في 21 مايو والى زيلامسي في تاريخ 23مايو وسالبورغ في 29 ، بغيت اعرف هل فيه قطارات تطلع هالاماكن الصبح على الساعة 9 او 10 مثلا علشان نستغل الوقت وترد على الساعة مثلا 6 بعد العصر؟؟ وهل قطاراتهم درجات ؟؟ طبعا نحن ما راح نبات في هذه الاماكن في نفس اليوم راح نرجع ميونخ ؟

المشاركة الأصلية كتبت بواسطة happyday
http://www.arabtravelersforum.com/tr...5/#post6774825

مشكور اخوي ، صراحة طمنتي بخصوص الحليب (كنت احاتي ولدي في السفر)
نحن ان شاء الله بنسكن قريب من المارين بلاتز في فندق Adigio ، كم تبعد محطة القطار الرئيسية؟؟ يمكن نطلع من ميونخ الى قارمش في 21 مايو والى زيلامسي في تاريخ 23مايو وسالبورغ في 29 ، بغيت اعرف هل فيه قطارات تطلع هالاماكن الصبح على الساعة 9 او 10 مثلا علشان نستغل الوقت وترد على الساعة مثلا 6 بعد العصر؟؟ وهل قطاراتهم درجات ؟؟ طبعا نحن ما راح نبات في هذه الاماكن في نفس اليوم راح نرجع ميونخ ؟



اذا هذا adagio muenechen city هو الاوتيل حقكم ، فهو يبعد 600 متر عن المحطه يعني 5 دقايق مشي .. موقعه حلو


شيكت لك في موقع realeurope لكن يبدو لي فيه صيانه .. يعني ممكن الليل يفتح الموقع
وشيكت لك في موقع Qbb بنفس الاوقات اللي قلتي
مثلا الصباح من ميونخ الى زيلامسي .. الرحلات عندك من 7.30 وكل ساعه رحله .. والعودة كذلك هناك كذا موعد والخيارات كثيره
والسعر مختلف بين 44 يورو و 20 يورو للشخص ( رحله ذهاب فقط)
طبعا حسب الكلاس .. وغير كذا متى ماكان هناك توقفات اكثر للقطار راح يكون السعر اقل ولكن قد يؤخر موعد الوصول لكثره التوقف


تحياتي

نعم اخوي هذا الفندق اللي بنسكنه , مشكور اخوي وما قصرت

اخواني ، عندي استفسرار ثاني بعد عن قارمش. لما نوصل قارمش بالقطار هل نحتاج تاكسي علشان نسير السنتر والبحيرة والاماكن الثانية والا عادي نتمشى ؟ وبعد ابغي اعرف شو اهم الاماكن الحلوة في قارمش وهل في مطاعم عربية . نحن راح نروح ونرجع بنفس اليوم . وهل فيه رحلة لقارمش من محطة ميونخ الصبح على الساعة 9 مثلا والرجعة بالقطار على الساعة 5 مساءا؟