الموضوع: ماذا أعمل اذا وصلت مطار القريات؟

[align=center]أخواني الاعزاء في المنتدى .
سؤالي الي ماراح تبخلون علي فيه بالاجابة انشاءالله
هل سأجد في مطار القريات شركات ليموزين أو تاكسي لإيصالي الى سوريا أو نقل جماعي بالمطار بالله عطونا اجابه واضحة ولاتبخلون علينا يالنشامى :110: وكم اسعارهم بانتظاركم يالغالين . [/align]

مواضيع عشوائيه ممكن تكون تعجبك اخترناها لك:

• عصابة استخباراتية والهدف الشاب السعودي خاصه والخليجي
• ممكن مساعدة
• ملاحظاتي علي سوريا
• الى كل من يحب سوريا ارجوا الدخول
• ممكن تعطوني نصائح الى سيدهب الى سوريا
• بخصوص السيارة ؟؟؟
• عادة التلبيسة في سوريا هل تعرفها وماذا تعرف عنها ؟
• المكتبات التجارية في سوريا
• صور ساخنة من حماه اغاني النواعير اليوم
• أطفال يدخلون أوكار الضباع لصيدها وكبار يدهنون أعضاءهم بدمائها تحقيقات
• جَوْلَةْ دِمَشْقِيَّـــةْ
• عين البيضا هي نبع مياه تتوسط ثلاث قرى في اللاذقية
• موضوع هام لكل ما سافر أو يود السفر إلى سوريا
• رحلة أبو مبارك في دمشق الشام صور و صور
• بدى وصف دقيق لطريق الرياض دمشق الاذقية
• تجاربكم في سوريا
• رحلتي الى تدمر و صورة منها قوس النصر و الشارع الطويل و المسرح
• نداء نداء نداء لخبراء الشام
• احصل شقق؟
• كشكـــــــــووووولسياحي

هلا بك اخي swcc معنا وحياك ..

ابشر انت تامر أمر.. موجودين لخدمه الغالين ...

اول ما توصل مطار القريات بسلامه انشاء الله ... فيه تكاسي سعوديه في المطار يوصلونك للدمشق

واذا ما حصلت او ما تفقتوا على السعر خله يوصلك لمحطه الفهد قبل منفذ الحديثه .. وهناك بعد فيه موقفه تكاسي سعوديه .. شوف الي يناسبك وسعره معقول وتوكل على الله معه ...
واذا كنت تبي باصات ... بس ما انصحك فيها .. فيه في محطه الفهد مطعم اساله عن الباصات الي متجهه للشام .. وسعر الباصات 100 ريال للشخص ويمكن أقل ..

اما سعر سيارات التكاسي تقريبا 350 ريال سوا لوحدك ولا مجموعه ...
اذا كنت لوحدك انتبه لا يضحكون عليك ممكن يقولك بأخذك مشوار للحالك ماني منتظر احد ويرفع عليك السعر .. طبعا السعر المناسب سوا مجموعه او لوحدك ما بين 300 حتى 370 ريال ....

ولا تنسى الرجعه خذ رقم الي بيوصلك للسوريا دق عليه قبل ترجع بيومين وتفق معه يجيك في دمشق
طبعا بنفس السعر واذا زاد ممكن يزيد شي بسيط ..

لاءن لو اخذت تاكسي سوريا في الرجعه راح تبهذل كثير من المنافذ والجمارك وخاصه الجمارك السعوديه

وفيه نقطه اخيره اتفق مع صاحب التاكسي يوصلك للشام ترا بعضهم اذا وصل الحدود السوريه نزلك وخلاك قالك هذي سوريا وبأخذ لك تاكسي سوري يوصلك للشام ... خله يوصلك هو على اتفاقكم..

اتمنى اني وضحت الي تبي اخوي swcc وتروح وترجع با السلامه ...

والله ماقصرت وبيض الله وجهك

ماشــــــــــــــاءالله ماقصر الاخ سعودي ................
بعدين مثل ماقال الاخ سعودي .. اتفق او بالاصح اشرط عليه يوصللك لين دمشـــــــــــــــــــــق .
لان مره سوها واحد شوفير .. وصلني لين الاردن وقال انا ادبرللك سياره ومن هل الكلام وقلتله معصي توصلني لين دمشق .. لانه مالك بدوخت الراس تركب سياره من السعودية بعدين سيارة من الاردن فيها تعب عليك .. وعن السعر وصلني 250 ريال . رايح و250 راجع بس الكلام هذا في اجازة الحج .. احين امكن ازود بـ100 ريال
واعتذر على الاطالة بس والله من حرصي انه مااحد يضحك عليك ....

وشكر الله لكم .

للمعلومية

المسافة من القريات الى دمشق لا تتجاوز ال280 كلم.

بالاضافة انك راح تعدي من الحدود السعودية الى الاردنية ثم الى السورية .

العودة اصعب قليلا حيث ان الجمارك السعودية قد تأخذ وقتا اطول ،، لذلك احسب حسابك وتعال قبل موعد طيارتك بوقت كافي.

واما بالنسبة للاسعار فما عندي اي فكرة عنها لاني دائما اروح بسيارتي الخاصة. واعتقد ان سعودي كفىووفى واعطاك المفيد.

وبالسلامة :107:

اخوي swcc بضيف على كلام اخوي سعودي محطة الفهد أرخص من المطار وفيه تكاسي سوريه وسعودية سيرات خاصة تلقاهم واقفين السعر الروحه صح 350 ريال خاص لحالك يعني اشترط عليه ما يركب احد من الحدود الرجعه مو شرط تتفق معه رح للبرامكة تلقى مليون تكسي وسيارات سعودية خاصة واقفين بالبرامكة موقف الباصات تقدر تاخذ تكسي سوري رسمي من المكتب بـ 4000 ليرة وتقدر تاخذ من برا المكتب بـ 3500 أو 4000 أو أكثر حسب نوع السيارة ومكيف ولا بدون مكيف بس انصحك تروح لهم قبل ما تسافر بيوم أو يومين تتفق مع المكتب او صاحب التكسي اضمن وأكثر شي تلقاهم من الساعة 9 الصباح الى 9 المساء
وحشتني الشام :110:

تحياتي طيار2006