الموضوع: هل التقديم على مكتب التأشيرات الموحد يتطلب حجز موعد مسبق؟؟؟؟

السلام عليكم جميعاً

ان شاء الله في الايام القادمه ابقدم على مكتب التأشيرات الموحد اللي بأم الحمام
وحسب قرائتي بالمنتدى المستندات المطلوبه هي
1- الجواز
2- صوره شخصية واحده بخلفية بيضاء 3.5×4.5 مكشوف الراس
3-حجوازات الفنادق في جميع الدول الي بتسكن فيها مقبول من موقع بوكنج(يجب ان يكون عدد الايام التي راح تسكن فيها بالمانيا اكثر او يساوي من عدد ايام السكن في الدول الاخرى على شان تستخرج التاشيره من السفارة الالمانية)
4-صورة من الجواز الصفحة الاولى واذا كان يوجد تاشيره سابقة صوره الصفحة الموجود بها التاشيرة
5- وثيقة تامين للسفر من شركة التعاونية لمدة الاقامة هناك
6- تعريف بالراتب من جهة عملك ويكون بالانجليزية
7- مل النموذج رقم 1 والنموذج رقم 2 والنموذج رقم 3 بالانجليزيه
9-التوقيع على الجواز ويكون التوقيع على النماذج مطابق لتوقيع الجواز
10-350 ريال لكل جواز

عندي سؤالين ارجو مساعدتي

الاول هل التقديم على مكتب التأشيرات الموحد يتطلب حجز موعد مسبق؟؟؟؟

الثاني بالنسبه لتعريف الراتب كيف اترجمه الى الانجليزيه هل هناك مكتب ترجمه معتمد من قبل السفاره الالمانيه؟؟
وحسب استفسارات الأعضاء قريت انه اذا ترجمت تعريف الراتب من مكتب ترجمه لازم اصدقه من وزارة الخارجيه هل صحيح الكلام هذا؟؟

مواضيع عشوائيه ممكن تكون تعجبك اخترناها لك:

• محتاجة جدول لسفرتي
• الرجاء المساعدة بخصوص السفر
• استفسار ارجو المساعدة من المشرفين والاعضاء
• بعد اذنكم ابغى شقه بمدينة ميونخ بالشهر
• نصيحتكم بالسكن لعده مدن
• ارجوا المساعده لشراء شاحنه من المانيا
• استفسار عن فندق
• بليز خطة سفر لشهر العسل
• غارميش وزيلامسي وميونخ الفزعة يامشرفنا علي
• تكفون اقـدر استرجع مبلغ الطـيران ؟ خطوط والفرنسية والسعودية
• الانتقال من المطار
• مساعده عاجلااااااا
• السفر لألمانيا و النمسا ،، وإستخراج الفيزا
• المساااااعد الالمانيه الفزعيه
• الرخصة السعودية
• غارمش شتوتغارت بادن بادن فرانكفورت ميونخ
• ممكن ياى الغاااالي مساعدة
• فيزا عمل للتنقل بين دول اوروبا
• مساعدة في توزيع الايام بين المانيا النمسا و سيويسرا
• بسافر ع كاسل محتارة؟؟

والله ياخوي هذا كلام يحي الصرابي الي مكتبه معتمد من سفارة المانيا ، بس في النهاية وبعد عدة استفسارات من الناس اللي راحوا قبل كذا الى المانيا ترجمته من معهد للغة الانجليزية عندنا في القصيم مرخص له بالترجمة وتم تصديقة من قبل المعهد والادارة اللي انا تابع لها ، وانا مثلك ان شاء الله اسبوع الاجازة رايح اقدم اوراقي للسفارة وفي بالي نفس اسألتك ، بالاضافة ودي اعرف اعبي الابلكيشن اللي موجود بموقع السفارة المترجم ، او الابلكيشن اللي منزله واحد من الاعضاء .

تبون العلم الاكيد من الاعرابي بن يعرب دام ظله :
1- التقديم على المكتب اللي بحي المربع بالرياض لايحتاج موعد .. وانما لازم تروح بدري وتجلس لك كم ساعه لان الوضع زحمه وان ماجيت اول النهار رحت فيها
لاتخيل انك لحالك .. قدامك عشرين سوداني ومصري وكل واحد معه يجي عشره او 15 جواز (تذكر فلم لست وحدك )

2- ترجمه التعريف من اي مكتب ترجمه بالشارع .. يترجمونه لك بورقة جديدة ويضمونه مع الاصل ويختمونهن سوا بختم مكتب الترجمه بــ 30 او 50 ريال وانت ماشي
وبدون تعقيد .. وكل المكاتب كذا .. حتى مافيه مكاتب محددة ..

((**لايوجد تصديق من الخارجيه ولا يحزنون والكلام هذا كله فشتك ))
((**يقوله راعي المكتب ممكن عشان ياخذ عليك قروش اكثر وتحسب انه بيصدقه من الخارجيه ))


انا قبل فترة مترجم التعريف (اخذته من عملي بالعربي ) ومترجمه من بريدة المقدسه


استمتعوا برحلتكم .. وتذكروا تجربه المانيا تجربه فريدة .. واذا دخلتوا مدينه فراكفورت فانظروا الى مدخل المدينه ستجدون (عباتي ) عباه الاعرابي معلقه على مدخل المدينه ..

دمتم بحفظ الله


الاعرابي كوربوريشن .. نو ليمتد انفورميشن

المضحك ان ولدي اسمه : نايف بن فهد نفس اسم صاحب الموضوع
يعني المفروض ان تاخذ الاعرابي معك على حسابك ..

معلم نت من القصيم
والاعرابي من القصيم
وانا من القصيم

والله شي غريب
وش هالصدفه

مشكوووور اخوووي معلم على مرورك
اتوقع ترجمه من اي واحد ويمشي الحال

المشاركة الأصلية كتبت بواسطة الإعرابي 411
http://www.arabtravelersforum.com/tr...5/#post6730439

المضحك ان ولدي اسمه : نايف بن فهد نفس اسم صاحب الموضوع
يعني المفروض ان تاخذ الاعرابي معك على حسابك ..



اخوووي الاعرابي
هلا وغلا
اجل فلم لست وحدك
شكلي ابنام عند بابهم
والترجمه من اي واحد بالطريق
الله يعين

اجل ولدك نايف بن فهد
سميي
الله يخليه لك

وابشر بالسفره ما طلبت شي

دامك من القصيم شف مكتب الترجمه ببريدة باخر شارع الخبيب من
الجنوب جنب محطه النقل الجماعي الاوله
وسليم الله يسلم ..
ويارااااكب اللي ورد العصر برلين .. عند الخواجات موردين الفلافو*
ولااوصيك بعزبة السنيدي .. ولافهقت فرانكفورت مع الظهره حول المراوح الكبار ..
عان الصفصافه مدري البلوطه الشجرة الكبيرة اللي عند المحطه ..
اضبط الدله تحتها .. والله ان تشوف مناير الدليميه وانت بالمانيا

واخيرا اخوي الكريم تروح وترجع بالسلامه


*الفلافو : جمع فلفو .. ويقصد بها الشاحنات الفلفو

أهلا يا نايف ، وشكرا لك على تساؤلاتك ومعلوماتك القيمة
وبودي أن أن أستفسر منك ومن الأعرابي عن جواز الطفل .. كيف ممكن أن يكون توقيعه على الجواز والابليكيشن ... هل أتركه فارغ أم أوقع عنه ؟

استاذ خالد .. جواز الطفل .. في خانه باخر الابلكيشن تحت للي تحت السن المطلوبة
يوقع عنهم ولي الامر .. ومذكورة صفته بالنسبه لهم
تلاقيها .. دقق بالابلكيشن وتحصلها .. وكقاعدة عامه اقولها للاخوة والاخوات من العربان اجمعين


اللي يشكل عليكم .. ضع اشاره بسيطه او احفظ رقم المربع واتركه فاضي .. لان الموظف مايطالبك
بانك تعبيه كامل .. لعبوا علينا عبيناه كامل ويوم جينا ونص الناس اللي يكمل لهم الموظف .. عب اللي تعرف


وكتبه من بريدة المقدسه :
الاعرابي .. دام ظله