المشاركة الأصلية كتبت بواسطة qqq123
http://www.arabtravelersforum.com/tr...2/#post5496652

مرحبا بالشباب

اتمنى لكم رحله سعيدة . بالنسبة للنخيل خير الاختيار منتجع متكامل وامان عالي . واكرم البوابين تهنى امورك. بالنسبة للشغاله هي من ضمن حساب الشقة وتبقى معاكم من الصباح الى العشية. ولكن لاتبخل عليها هي خاصة لانهم المحتاجين وهي اللي بتهتم في نظافة المكان وراحة اهله .واذا زودتها مئة درهم تبقى معاك الى الوقت اللي يناسبك .
بالنسبة للمنتجع هذا رقمهم وتقدر تحجز من قبل تروح هناك وتشيك معاهم قبل وصولك 0021224308075
واذا تبغى شغاله عندهم على كيف كيفك نظافه واهتمام وامان وتطبخ طبخ فيه ثنتين مجربين تقدر تطلبهم من الاستقبال وتنسق مع الشغاله من قبل على اساس ما ترتبط مع احد من الزبائن وعندي ارقامهم .
والمنتجع بشكل عام اكثر من راقي وامان ونظافه وفخامه وخدمات عالي العال وفيه قناة في التلفزيون في الشقه خاصه بالمنتحع واحرص على زيارة كل موقع فيه للاستمتاع بالخدمات المتوفره .
بالنسبة للسعر للشقه ( 3 غرف منها غرفه ماستر+2 صالون + 2 دورات مياه + مطبخ+غرفة شغاله) والشقه تكون دورين الارضي الصالونات والمطبخ ودورة مياه ، والدور العلوي الغرف ودورة مياه، وسعرها تقريبا 2300 درهم

بالنسبة للتنقل افضل لكم تستأجرون سيارة من مطار كازا وتبقى معاكم لحد المغادرة واتنوا تسوقون ترى الوضع ايزي وممتع بس ضروري جدا تلتزمون بالانظمه المرورية لانهم حريصين عليها وتلاقي تصوير على الطريق قبل توصل للنقاط ، والمسافه حقها 3 ساعات طريق هاي واي .
بالنسبة للتمشية فيها كثيرة ( علي بالفلاح : ممتع جدا ويبدأ من 8 مساء الى الساعه 12 تقدر تدخل مع وجبة العشاء بمبلغ 400 درهم للفرد ، او دخول فقط مع مشروب بموجب الفاتورة بمبلغ 100 درهم. وبرنامجه ممتع )
غيرها اوكيمدن + اوريكا : تمشة نهار وكلها في نفس الاتجاه وهي عبارة عن شلالات وجبال الثلج ولكن خلال فترتكم الثلج بيكون غير موجود والتزلج مغلق .
كوفي سكره : من الساعه 7 الى 12 مساء اجواء تعجبك وشيشه وسوالف .
ساحة الفناء : تمشية عصريه او مسائية ولكن يجب الحذر فيها من النشالين.
واماكن كثير ابحث عنها في المنتدى .

اسف ولكن فيني نوم وترجعون بالسلامه



ما قصرت الله يكثر من امثالك ويعطيك الف صحه وسلامه ... ولا يهون اخوي سلمان الاحمدي ...

مواضيع عشوائيه ممكن تكون تعجبك اخترناها لك: