الموضوع: سؤال عن مركز سميره احمد للتوحد

السلام عليكم ورحمة الله وبركاته ..

انا من الاحساء وعندي طفل توحدي ..وسمعت عن مركز الدكتوره سميره احمد وانه ممتاز ...

وناوي ازور الدكتوره ...فطالب منكم يااهل الكويت النشامى رقم تيلفون المركز والعنوان واذا تعرفون عنها اي معلومات او سمعتوا عن تجارب ...


افيدوني الله يجازيكم خير دنيا وآخره ..

مواضيع عشوائيه ممكن تكون تعجبك اخترناها لك:

• تقرير عن رحلتي الى شانغهايايووكوانزو
• مطعم الساحه وهيلتون المنقف
• حابه اعيد في الكويت
• استفسار
• شرايكم في ريتز السالمية
• سؤال لأهل الكويت الكرام
• زيارتي لدولة الكويت هـ
• طلب عاجل يا اهل الكويت الاعزاء
• عندي سؤال بخصوص الإحداثيات
• برايم اند توست للذويقة
• هل الكويت يستحق الزيارة للسياحة والوناسة
• ممكن رائكم
• الصين هونج كونج
• أول مرة أعيد خارج السعودية واخترتكم يا أهل الكويت
• زيارتي الاولى لدولة الكويت يرجى الدخول للمساعده
• مساعده من اهل الكويت لقضاء ايام في فبراير
• هل تقضية عيد الفطر في الكويت جنون؟
• استفسار عن محلات تجهيز مواليد
• 4 ايام في الكويت وين نروح
• أرجو المساعدة

هلا والله اخوى مسافر ملول,,,,,,

واسأل الله العلى القدير بان يشفى جميع مرضانا ومرضى المسلمين

وان شاء الله تجد العلاج لفلذة كبدك,,,,,, وتشوف عيال عياله


بعد البحث والتحرى لقيت لك موقع المركز الكويتى للتوحد
والدكتورة سميرة السعد هي مؤسسة ومديرة للمركز بالكويت

وعنوان المركز........
منطقة الروضة - قطعة 2 شارع يوسف الصبيح ,بجانب جمعية الروضة التعاونية

وهذا موقع المركز الالكتروني

http://www.q8autism.com/


وهذى خدمة بسيطة من اخوك,,,,,,

شرح كيفية الوصول الى منطقة الروضة من منفذ النويصيب


تكمل من منفذ النويصيب على طول وتروح عن طريق خط الملك فهد السريع,,,,,,,
بعد تقريبا 130 او 140 كيلومتر راح توصل باذن الله منطقة حولى,,,,,,
راح تمر على عدة مناطق وهى ( الاحمدى ,الرقة ,القرين ,بيان ,جنوب السرة ,الجابرية ,)

من بعد منطقة الجابرية تلاحظ انك وصلت منطقة حولى وراح تشوف على ايدك اليسار جمعية الاصلاح
بعدها تقريبا 200 متر تشوف لوحة مكتوب عليها شارع بن خلدون طوفها يجيك جسر بعده
وهذا الجسر لازم ترجع منه لان منطقة الروضة تصير على ايدك اليسار

وهذا رسم توضيحى





[blink]هذا الجسر لازم ترجع عن طريقه[/blink]












واذا محتاج اى شى يا الغالى اخوك موجود

الله يحفظك يالغالي ويسدد خطاك ....والله ماقصرت كفيت ووفيت .


والمعلومات هذي خاصه شرحك للعنوان مرجع واضح للمكان المطلوب ....

يعطيك العافيه اخوي عاشق الخيال ..

يعطيك العافيه اخوي داري ومشكور على الدعوه الحلوه ...

دام انو اخوك في مدرسه ممتازه ودي اسالك اخوي ..

هل اخوك يتكلم ؟؟ وهل استخدمتوا معاه الحميات او اي بروتوكول ...

لان ابني مايتكلم وهذي مشكلتنا الاساسيه ...وهو يروح مدرسة صباحيه للتوحد ...بس تعليم وتدريب سلوكي من غير علاج ....

اثابك الله على ماقدمته لنا من معلومات ..وان شاء الله بكون في الكويت الاسبوع القادم لزيارت مراكز التوحد عندكم والاطلاع على التطورات ....جزيتم خيرا ..

حياك الله اخوي...

-------------

بالنسبة لأخوي, أهو يتكلم يعني مثل الطفل اللي توه يتعلم...!
و يدمج مابين اللغتين في كلامه.
يعني تقدر تقول ينفهم منه و هذا و لله الحمد كله بفضل الرحمن...
و من ثم فضل الأساتذة الخبراء في مدرسة التربية النموذجية...!
يكون فيها الإستاذ مع المريض فقط هم الأثنين بالغرفة.
و لمدة ساعة وحده باليوم عالأقل,,,و تقريبا مرتين في الأسبوع.

--------------------

و هو أيضا يروح مدرسة الصبح خاصة لذوي الإحتياجات الخاصة في منطقة سلوى
ينقالها مدرسة الكويت الإنجليزية - قسم الوحدة الخضراء"خاصة بذوي الإحتياجات الخاصة".

-------------

حياك الله في الكويت...
تقبل تحياتي.

الله يجزاك خير اخوي داري ...