الموضوع: مستوى معهد بالرياض مقارنة مقارنه مع معاهد نيوزيلاندا

السلام عليكم ورحمه الله وبركاته ...

قصد تستغربون من سؤالي ...

كلكم يعرف معهد els اللى في الرياض ..والمدرسين الل فيه كلهم امريكان .

لو افترضت اني درست فيه لمدة 3 شهور ...

لكن قارنته بمعهد آخر في نيوزيلاندا ..لمده 3 شهور ايضا ...

فأيهما افضل من ناحيه تعلم اللغه واتقانها ؟؟؟؟؟

طبعا في شي مهم وهو اني لو رحت نيوزيلاندا اكيد راح امارس اللغه (يعني مالها دخل المعهد)


اتمنى انكم فهمتو قصدي يعني انا أسأل فقط عن المعهد وقوته في تعليم اللغه .

مواضيع عشوائيه ممكن تكون تعجبك اخترناها لك:

• اللي عندة خلفيه عن ونغاري يدخل ؟
• من يعرف مدينة تاورانقا
• الفرق بين الجزيرة الجنوبيه والشماليه
• اســتفـســار
• ارجوا المســاعده للضروره لساكنين مدينة هاميلتون
• إستفسارات عن مطار أوكلاند ونايبيــر
• ارخص دوله والسكن مع عائله شهر واحد
• وين افضل لدراسة اللغة بريطانيا او نيوزلاندا؟؟
• مجموعة استفسارات بحاجة لإجاباتكم
• البعثات في السعودية ؟
• الجامعه رفضتني دلوني على غيرها ضروري
• يا اهل نيوزلند الفزعه
• هل يوجد موقع لشركة توفر سكن مع عائللات حسب رغبتي ؟؟؟
• رحلـة من ملبورن إلى أوكلاند لـ يوميـن مساعدة في برامج سياحية ؟
• ▒░ خبراء نيوزلندا يجيبون على جميع أسئلتكم من الألف إلى الياء ░▒
• اللــــــــــواء يصل الى نيوزلنداا
• تقرير مبسط عن بعض المدن الكيوية لم يكتمل
• اللي ما حصل حجز وش يسوي؟
• اول يومين بنيوزلندا
• ابيكم تفيدوني

السلام عليكم اخوي رئودي
في البدايه شكراً على هذ السؤال الجيد وانا مريت على المعهد واختبرت فيه اختبار تحديد المستوى, وانا سوفا اقول لك رايي مجرد رأي لا اكثر ولا اقل , الدراسه قد تكون مثلها او مقاربه لها من نا حية المدرس والمنهج لكن الطلاب والاختلاط ومداخلة المجتمع لي تطبيق الذي درسته بستمرار وتردد بعض الكلام عليك والعائله وهي اهم واكبر نقطه والفائده الكبرى للمبتدئين خاصه لي تصحيح الاخطاء وفي اي وقت ومعرفة الكلمات ايضاً احببت ان اوضحلك بعض الاشياء و مافيه شك ان الذي يسافر لدراسة اللغه وهو مبتدأ افضله ان يدرس كم شهر هنا ليعد نفسه وتبقا الفائده موجوده لكن ماتكون بنفس السرعه وهذي مجرد وجهة نظري والمعهد من افضل المعاهد في رأيي
واسف اذا اطلت او توسعة في الموضوع

الله يعطيك الف عافيه على المرور ....

مشكوووور وما قصرت

من ناحيتي انا ...

المعهد ... اي معهد تعليم لغه ... يعطيك نسبه تعلم تقريبا 40% ... طيب باقي 60% ... الستين هذه تاخذها من الاختلاط ومن العائله ...

يعني اطرح لك مثال ...

انت سجلت في معهد els اوكي من اول ما تدخل المعهد لنفرض الساعه 9 الصباح الى 1 الظهر وانت بس تتكلم انجليزي .. حتى خوياك العرب اللي يدرسون معاك تكلمهم انجليزي ... اوكي هنا حلو ... طيب طلعت من المعهد وركبت وشغلت سيارتك ... تبي تروح للبيت ... وش راح تتكلم .. طبعا عربي ... تبي تمر مطعم وتطلب لك شي تاكله ... بأي لغه تطلب ... طبعا عربي ... تبي تمر محل كوفي .. تطلب بأي لغه ... طبعا عربي ... تبي تروح للسوق تشتري بعض الاغراض ... طبعا راح تطلبها بالعربي ... راح تمر واحد من اخوياك تطلعون تتمشون ... اوكيه !! ... راح تسولفون في السياره بالعربي ...


عرفت وش اقصد ... ركز على كلامي من يوم طلعت من المعهد ... هذه اللي اقصدها بال 60% .. واعتقد انها اهم بكثيررررررررر من الدراسه في اي معهد ..

انا اكلمك عن تجربه ... انا درست وتعلمت ... يعطوني كلمه في المعهد .. اكررها عندهم واقولها واكتبها ... بس اذا ما رحت للعائله او رحت لمحل وقلتها له .. وحسيت انه فهمها مني وعرفها ... والا ما ترسخ ابد في بالي ...


تحياتي لك

اخي العزيز الماسترو ....سررت كثيرا بتشريفك لموضعي ..وابادك آرائك النيره والحكيمه ..

بالنسبه لأخوي silver-370 :

هل ممكن تقولي كيف مستوى الاختبار(في معهد els بشكل عام ...وماهي محتوياته ؟وهل طلبو كتابته بارقراف عن موضوع معين مثلا ؟؟؟

ولا تواخذني اخوي ثقلنا عليك

تحياتي لك

السلام عليكم
اختبار تحديد مستوى عادي ,الاختبار نظام امركي كلها اختيارات اخر شي جاني بارقراف اختار من بين 3 مواضيع اكتب بما يقارب خمسة اسطر بعدين مقابله يسألك كم سؤال
على فكره ترى فيه دورات بتبدأ قريب في 7 ذو القعده والثانيه 19 ذو الحجة
وفيه رسوم 50 ريال قيمة الاختبار
وبالتوفيق

هلا عزيزي silver-370

ايه ادري بالنسبه لموعد الدوره راح تبدأ الثلاثاء القادم وبروح اختبر ان شاء الله يوم الاثنين القادم .

بالنسبه لنظام الاختبار تقريبا نفس نظام أكادمية الفيصل ...بس دائما اللى اجيب فيه العيد كتابة الباراقراف

يعني احل مزبوط في الاختيارات ...اما البارقراف اخبص وهذا اللى يخليهم يحطوني مستوى اقل

اخوي بالنسبه للموضوعات ال3 ....هل تتذكر موضوع منهم؟؟؟هو اكيد ما راح تتكرر الاسئله لكن لعل وعسى يصادف يجي موضوع واحد من ال3 ..

وادري انه سؤال غبي ..لأنه بالنسبه لي لو تسألني وش تغديت امس اقولك نسيت

تحياتي لك

طيب أخوي ليه ما تجرب المجلس الثقافي البريطاني
انا ادرس فيه
وبصراحه احس انه فيه فرق كبير بين اول ما دخلت والحين
رغم اني مطنش
انت تعال سير على المعهد وشوف
بالنسبه لـels
أنا سمعت ناس كثير يمدحونه
اذا امكن يا اخوي تقولي وين موقعه ودي اشوف طريقتهم بالتدريس
على فكرة انا من الرياض

اسمع يا عمي انك بسؤالك ذا كنك تقارن بين السماء والارض اقولك ليش اول شيء انك ما راح تجمع ولا كلمه من اللي بتاخذهن بالمعهد اللي هنا ثاني شيء ان المدرسين اللي هنا مستحيل يكونون مثل اللي هناك من ناحية المؤهل العلمي ومن ناحية الاخلاق ثالث شيء انك هناك تاخذ شيء وتطبقه بنفس الوقت مما يسهل جمع المعلومات براسك هذا مجرد راي لا اكثر والقرار بيدك اولا واخيرا وشكرا ...

هلا اخوي koogak

بالنسبه لموقع els في شارع التخصصي ...تتجه عكس اليورمارشيه (يعني تخليه وراك )
بعد مؤسسه ابن باز الخيريه تلاقه ...بس الدخول له من ورى مو من الشارع العام


rasheedoosh مشكور على مرورك

المشاركة الأصلية كتبت بواسطة رئودي
http://www.arabtravelersforum.com/tr...09/#post992809

هلا اخوي koogak

بالنسبه لموقع els في شارع التخصصي ...تتجه عكس اليورمارشيه (يعني تخليه وراك )
بعد مؤسسه ابن باز الخيريه تلاقه ...بس الدخول له من ورى مو من الشارع العام




الله يعطيك العافية
شاكر لك أخوي

يا حبيبي ما فيه مقارنة في معهد els بالرياض ماتقدر تاخذ اكثر من ساعتين ونصف باليوم لكن في معاهد نيوزيلندا ممكن تاخذ مكثف 6 ساعات باليوم يعني اللي تدرسه في ثلاثة اشهر بالرياض تاخذه هناك في شهر واحد

اخوي في طريقة حلوة انا شخصيا جربتها لحفظ اكبر عدد من الكلمات وهي:-
تخلي في جيبك كل يوم خمسة كلمات جديدة مكتوبة على كروت اونوته صغيرة حاول وانت واقف عند الاشارة او في اي وقت فاضي فيه تطلع عليها وتحفظها.كما اني انصحك بالمركز الثقافي البريطاني طريقة تدريسهم حلوة مرة وانصحك باستماع اي مقاطع او موجات راديو باللغة الانجليزية على سبيل المثال 97.7 Fm
وبالتوفيق ان شاء الله

الله يعطيكم العافية

وشكرا لكم

كمبتدأ

ما انصحك تروح نيوزيلاند على طول. خذ لك كم شهر في السعودية لغه. حاول تحسن لغتك بقدر المستطاع. وبعدين سافر

المشاركة الأصلية كتبت بواسطة iabohmoud
http://www.arabtravelersforum.com/tr...2/#post2234742

كمبتدأ

ما انصحك تروح نيوزيلاند على طول. خذ لك كم شهر في السعودية لغه. حاول تحسن لغتك بقدر المستطاع. وبعدين سافر



موضوع جيد

ولكن كيف الواحد يحدد مستوى لغته هل بالاختبار في المعهد

او بكثرة حفظ الكلمات

او بالمحادثه

او بالقراءة

او بالكتابه

لاني انا في الاستماع ممتاز وفي القراءة جيد جدا وفي الكتابه جيد وفي المحادثه جيد وهي التي ارى فيها صعوبه ولذلك اريد ان اسافر للخارج لمدة 6 شهور او اكثر للاستفادة اكثر

ماذا تنصحوني وللمعلوميه درست بمعهد ELS وهو جدا رائع ولكني تعبت من طول دوامي من 7صباحا الى 5 مساء وبعدها المعهد الى الساعه 9 مسا ء وطبعا متزوج وماني مطول عليكم وانا بنتظاركم