الموضوع: أحتاج مساعدتكم الله يعافيكم

السلام عليكم

احتاج مساعدتكم لعمل برنامج سياحي
أنا رايحه مع زوجي 4 أيام دبي و حاجزين في الكمبنسكي
من 13 الى 16 أغسطس

أحتاج برنامج بالأماكن السياحية في دبي

و هل أفضل أأجر سياره ولا نفس التكلفه اذا نستخدم التكاسي:114:

أرجو مساعدتي

مواضيع عشوائيه ممكن تكون تعجبك اخترناها لك:

• فزعتكم يآ هل دبي
• محتار وابي شوركم
• استفسار الرجاء الدخول ان شاء الله سفرتي الثلاثاء القادم
• تكفوووون الفزعه الله يحقق امانيكم قولوا آمين
• ساعدوني ياعرب لنك
• رحلتنا لدبي
• استقبلت أبوظبي اليوم سفينة أميرة المحيط ب سائح
• تجمع مسافرين اجازة الحج دبي
• بالصور
• دبي افتتاح فندق ميدان رسمياً في أكتوبر المقبل
• مساعده في جدول لشهر العسل
• الرجاء المساعده بالاخوه الخبراء بأمارة دبي عاجل
• هل المترو يوصل للمطار ؟
• لمحبي الشقق الفندقية
• هل نستطيع دخول الإمارات عن طريق البر بسياره مستاجره وليست تمليك
• خدمه تكفون يا اهل دبي
• استفسار عن السوق الحرة في مطار دبي
• معلومه خصم لمواطني الامارات
• الدراسة بالامارات
• افضل شقق الشارقة الفندقية لوتكرمتو

استاجروا سيارة علشان تاخذون راحتكم

زوروا دبي مول ومول الامارات وفيتفال سيتي وسيتي سنتر و السوق الصيني.. غير هال5 اسواق لاتضيعون اوقاتكم..

وباقي الوقت خلوها دوران بالسيارة مع التوقف في جزيرة النخلة وفندق اتلانتس والمارينا وشاطيء الجميرا والخور وغيرها..

الخريطة ضرورية جداً وخذوها من المطار او من الفندق

انا اشوف ايجار السيارة افضل من التاكسي واوفر لكن بشرط ان يكون معك جهاز gps والا فالتاكسي رح يكون اريح بكثيييييييييير وللمعلومية اكثر اجهزة الجوال الجديدة فيها نظام الgps ونصيحتي لا تستأجر سيارة بدونه لأن الشوارع فيها تحويلات كثيرة وطرق دبي ليست سهلة وانصحك تشوفي موضوعي ( ملخص لرحلتي لدبي )

انا اشوف انك تأجر سياره اوفر لك. يعني السياره تتاجر 90-100
واقل مشوار في دبي مثلا اذا بتسير السوق الصيني ايدك على 120 درهم ذهاب وعوده.
غير انك يومي بترمي لك 70-90 درهم مشاوير تكسي.
اذا اجرت سياره انت تتحكم في اوقاتك ,
واذا بغيت سوق الذهب ولا سوق مرشد ولا نايف عادي شي مواقف بس يبيلها شوي وقت ولا تكسي من الفندق
وتقدر تتمشى في الليل اذا مليت من جلسه الفندق.
تحياتي

اجر سياره وصدقني لازم تاخذ معك جي بي اس علشان يسهل عليك كل شي
اما الاسواق الشعبيه مثل سوق نايف احسن تاخذ تاكسي من الفندق علشان اهناك مافيه مواقف الي بطلعت العين انا اول مره رحت سوق نايف جلست ادور بالسياره ساعه ونصف تقريبا وبعدين رجعت انا وزوجي الفندق واخذنا تكسي
وبالتوفيق اخوي

الاماكن السياحيه
مول الامارات
دبي مول .. فيستفال سيتي ..مدينة مدهش .. السوق الصيني .. سيتى سنتر
بصراحه انا رحت حق ابن بطوطه غالي مره واخذ وقت مني

اوتليت دبي حلو ومارينا ووك المقهى الثلجي في تايمز سكوير

شكرا يا جماعه انزين شنو أفضل شركه للتأجير

وأحتاج بأحسن الأماكن السياحية الي تصلح حق زوجين في بداية حياتهم يعني مابي أضيع وقتي خصوصا انا ماعندي الا 4 ايام

مدينة الجميره حلوه؟؟ يعني تسوي اروحلها؟


وشكرا مره ثانيه

مدينه جميرا تصميمها يعطيج روح دبي القديمه.
سوق حلو وفيه مطاعم فنانه. ينصح تزورينه وكذلك اتلانتس بعد لازم تزورينه
تحياتي