الموضوع: هاه ياهل البحرين وشلون الوضع عندكم

تنصحونا نجي ولا ننتظر وكيف الامور الداخليه لديكم ... وهل صحيح ماسمعنا انو في توجه من المتاظرين المولاين لايران لسيارة اي سعودي موجود .. ياليت تطمنونا ...؟

والله يحفظك يابحرين وحسبنا الله على كل مخرب والي ولائه لغير ديرته ووطنه ...

مواضيع عشوائيه ممكن تكون تعجبك اخترناها لك:

• سؤال عن جو البحرين تكفون يا اهل البحرين
• ماهي افضل المطاعم في البحرين ؟؟؟
• جايك يالبحرين
• عذاري
• استفسار
• هل يوجد مطاعم للدايت
• كيف احصل على تأشيرة سياحة ؟
• الخبر
• تكفون يالنشاما استفسار بسيط
• مطلوب سائقين من البحرين للسعودية بشكل يومي
• أخيرا تم الحجز بس توجد مشكله صغنووووووونه
• سؤال عن ادوات الخيل
• كيف نظامكم ياأهل البحرين في العيد
• عزمنا على زيارة البحرين لمدة ايام شهر ديسمبر
• استفسار بسيط
• متى موعد النساء في جنة دلمون
• ابي شقه وابي بنك زين
• ابي شوركم ونصايحكم
• نحن نسأل واهل الشهامة والمروة يجيبون
• اريد ان اسأل عن افضل الاماكن للسكن في البحرين الشقق المفروشة ولا الفنادق

الأوضاع من أفضل ما يكون الأمن والأمــــان مستبب ولله الحمد , وكلها أسبوع وتنتهي ( فترة الطوارئ ) وكل الأمور تعود كما كانت بإذن الله ,

وبالنسبة للتعرض للسيارات السعودية هالكلام فارغ من الصحة وإن حدث لا سمح الله يحدث بصورة فردية نادرة غير شائعة مثل ما يحدث للسيارات البحرينية في السعودية والسيارات الإماراتية في عمان وهكذا وهذا أمر فردي غير شائع ,

والله أن الأخوان السعوديين منورينا في الأسبوعين الماضيين بكثافة واحنا نتشرف بتواجدهم , وتقدر ياخوي تاخذ لك لفه على المواضيع الجديدة من الأعضاء الأفاضل وتشوف أنهم زاروا البحرين الأسبوع الماضي وإنطباعهم من أفضل ما يكون بل أنهم عاقدين العزم على تكرار التجربة هذا الأسبوع وهالشيء واضح من خلال انطباعهم واستفساراتهم عن أماكن جديدة ,

وحياكم الرحمن إن ما شالتكم الأرض تشيلكم عيوننا ,

السلام عليكم ورحمة الله
جزاك الله كل خير وطمنتنا على وضع بلدنا الثاني البحرين الحبيبة ... والله يجازي للي كان السبب في
زعزعة الآمن .
يعني توكل على الله وأجي بصراحة ودي أزور البحرين وأخذ جولة على البلاد وأزور المنتجعات والآسواق يمدحونها .
وهذه أول مرة أزورها

فبماذا تنصحنا أخي المشرف الكبير

زودنا بروابط تهمنا


تحياتي لك

اهلا بك اخي الكريم

شف موضوعي هذا

http://www.arabtravelersforum.com/travel540838/

وتوكل على الله وروح ولا قدامك الا العافيه باذن لله

والى قالك اخوى دسكفر بحرين صحيح 100%

شوكريا طمنتونا ...

ألاسبوع الماضي كنت في البحرين ليومين لمهمه عمل يوم الثلاثاء والاربعاء البلد رااايقه ومافي الاكل خير وقررت ان شاء الله الاسبوع القادم اكون هناك مع الاهل المولات رااايقه وتماشي للعوائل

حياك الله في اي وقت في بلدك البحرين وماعليكم من الأشاعات اللي تطلع وتهول المواضيع وتكبرها الحمدلله احنا بخير بفضل الله سبحانه تعالى واحنا نقول كل شي تمام وانت تعال شوف بنفسك لاتاخذ رأي احد وان شاء الله انشوفك كاتب كل شي بخير بنفسك في المنتدى ومنبسط من الزيارة وازيدك من الشعر بيت تم رفع حظر التجول ورجعت اوقات المجمعات كالسابق .....والله يحفظ الجميع ان شاء الله

السلام عليكم
والله يا شباب انا امس كنت على الحدود بالبحرين وردوني انا ويا اعيالي وقالولي دواعي امنيه ولا زم ارجم وكنا كذا سياره فا ماتسوا واحد يضرب خط ويرجع فاضي مثل ماصار معاي

عموماً فترة السلامة الوطنية راح تنتهي يوم الأربعاء القادم ( 1 - 6 ) وعلى ضوءها راح ترفع كل القيود الأمنية في الجسر ..

المشاركة الأصلية كتبت بواسطة discover bahrain
http://www.arabtravelersforum.com/tr...6/#post5413686

عموماً فترة السلامة الوطنية راح تنتهي يوم الأربعاء القادم ( 1 - 6 ) وعلى ضوءها راح ترفع كل القيود الأمنية في الجسر ..




السلام عليكم ورحمة الله وبركاته

حياكم الله جميعاً

كنت ابطلع للبحرين يوم الثلاثاء الماضي ... ولكن صار عندي كم شغل ما استطعت أسافر المهم

ما فهمت كلامك يا ديسكفري هذا ...

ممكن توضح اكثر

وفقكم الله

ياحافظ احفظ