الموضوع: احتاج لايجار سيارة بدبي بدون الفيزا

السلام عليكم
احتاج لايجار سيارة صغيرة ل5أيام بدبي
هل يمكن احصل على مكتب يؤجر من دون بطاقة الفيزا؟ ولا كل المكاتب تشترط الفيزا

مواضيع عشوائيه ممكن تكون تعجبك اخترناها لك:

• استفسار عن اجواء دبي هالايام
• استفسارات عاجلة عن دبي
• تقرير رحلة ٤ أيام للإمارات كانت شاملة وعامة وأقتصادية
• نصيحة للمسافرين استئجار سيارة في دبي لم يعد الخيار الأمثل
• خمس ساعات فى مطار ابو ظبى
• فنادق جميرا و حديقة الوايلد وادي احجز من منزلك واستمتع بالعروض
• استفسار بخصوص استئجار السيارات و طلب الفيزا
• الإتحاد للطيران تحصل على الجائزة الأولى للإمتياز التشغيلي من أيرباص
• نادي صحي بشارع الضيافه ؟؟؟
• ممكن شقق عوائل في الشارقة؟
• هل يوجد قنوات أطفال في شقق روز غاردن؟
• عرض من فلالالالالاي دبي
• دبي دار الحي
• عند مول الامارات فندق اكاس ان للشقق
• الى متى تستمر الشركات السياحية بالنصب والاحتيال
• أخيــرا منتجـــع لبنان في جـــزر العــالم بــالصور
• لا تدفع السعر كامل مره ثانيه في دبي
• مهرجان عوافي الثامن جدول الفعاليات
• استفسار عن السفر لمدينة العين وهل فيها مطار ؟
• فينيسيا في دبي ؟؟؟ للاهميه

اخوي انا اجرت قبل اسبوع وفي البداية الفيزا ما شتغلت وقلتله وش الحل قال خلاص عطنا تأمين 1500 درهم واجر السيارة بس بعدها اشتتغلت معاي الفيزا يعني يأجرون والمشكله اخاف اعطيك اسم مكتب التأجير يكون ممنوع هنا في المنتدى بس على العموم هو في المطار اول ما تطلع تلاقي مكاتب على اليمين وعلى اليسار هو قبل الاخير على اليسار
وتحياتي لك وسفرة سعيدة

يعطيك ألف عافية أخوي http://www.arabtravelersforum.com/user188068/ والله ماقصرت عالرد السريع جزاك الله ألف
خير لاني فعلا متوهق الأحد الجاي سفرتي مع الأهل
بس اخوي عندي كم سؤال
1-التأمين متى تاخذه منهم عند تسليم السيارة؟
2- كم كان ايجار السيارة باليوم وشنو نوعها ؟ مع العلم احتاج صغيرة لشخصين بس تكون اتوماتك


اخر طلب ياريت اذا بعد اذن الادارة الموقرة أن ترسل رقمهم أو حتى اسم المكتب عالخاص

مشكور يا اخ http://www.arabtravelersforum.com/user188068/ جدا واتمنى من اللي عنده علم يفيدنا
تحياتي للجميع

هلا بك اخوي الـتأمين تاخذه بعد عشر ايام انا قالي ممكن اخذه من فرعهم الي بالسعودية ومدري اذا عندهم فرع بالكويت
كان ايجار السيارة 110 درهم باليوم ونوعها هوندا سفيك 2008 اتوماتيك الكيلوات مفتوحة وسالك عليك
وانا في تصفحي في الموقع لقيت بعض الاخوان حاطين اسماء وعلشان كذا اسم المكتب بن هادي لتأجير السيارات
تحياتي لك ورحلة موفقة

رح للمحلات الي برا المطار... فيه عندك صفة محلات في تقاطع شارع ابو بكر مع المرقبات.. بتجيك اشارة ثلاثية (يعني تقطع من 3 اتجاهات).. انت ادخل على رجولك مع الاتجاه الرابع وبتلقاهم..

عندك ابن هادي لتاجير السيارات في المطار ياخذ عليك 1000 درهم

مشكورين اخواني عالردود والاهتمام عموما تطمنت مايحتاج فيزا لانه اذا بفتح كرت فيزا ماراح يسعفني الوقت شكرا جزيلا واللي يعرف اكثر لايقصر والشباب ماقصروا

مشكلة والله الفيزا ... والتأمين مايرجع الا بعد مدة طويلة وبعض الاصدقاء مارجع لهم شي
بس سمعت انه في دخل دبي وقريب من دوار الساعة محلات تأجير سيارات بدون فيزا وتأمين
مثل السعودية ... واليوم من 70 الى 100 درهم

طيب شنو عن أبوظبي ممكن أحصل سيارة إيجارها من 70 إلى 100 درهم

وشنو أسماء هالمحلات

أنا بإذن الله راح أكون في أبوظبي بعد العيد وراح أحتاج لسيارة أجار..ممكن تساعدوني؟

وماذا عن الفيزا الكترون (الخدمة موجودة في بعض بطاقات الصرافات بالبنوك السعودية) هل تفي بالغرض أم لابد من فيزا وماستركارد
أرجو ممن سبق وجربها يخبرنا
شكرا

ياغالي تقدر تستأجر مثل ما قالو الاخوان من المكاتب برا المطار تشديدهم أقل ,, لكن ياخذون تأمين 1000 درهم

يرجعونه لك بعد 14 يوم من العودة ,, لكن انا تعاملت مع مكتب للأسف ما كان كويس ماطل وما رجع لي التأمين الا


بعد ما سويت سكان للعقد وارسلته لشرطة دبي وكتبت السالفة بعد إرسالي بكم يوم أتصل علي موظف المكتب يقول لي كم رقم حسابك وحول لي التامين

( شرطة دبي في قلوبنا )

والله احترت شكلها السالفة تطول وعباله روح وتعال وطالب بحقوقك بديرة ماهي ديرتك
ياجماعة اللي يعرف مكتب امين وثقة وجربه يرد التأمين يقولنا وكم يوم ويرجعون الفلوس ؟؟
تكفون ياجماعة الرد أنا الأحد القادم بدبي

أخوي http://www.arabtravelersforum.com/user262120/ الله يعيننا بس اتمنى ان فيزا الكترون تكون مقبولة

يا اخ المحتاج حتى احنا كل البنوك فيها فيزا الكترون وبعد بالكرت فيه الشبكة الخلجية بس كلها ماظنها بتنفع الفيزا غير عنهم انا بحاول وبشوف وان حصلت كان بها وان ماحصلت بتكون خيرة معنه عندي جهاز الملاحة القارمن بجهازي الموبايل فقلت استغله بالسفرة
بس سمعت بس مو متاكد انه لو عندك حساب عندهم بالامارات يردون فلوس التامين ال1000 بالحساب بعد ما يتاكدون انه ماعليك مخالفات والله أعلم انا بس اسافر الاحد بتاكد وان رجعت انشاءلله بخبركم بس انت متى بتسافر يالمحتاج؟

هل يمكن احصل على مكتب يؤجر من دون بطاقة الفيزا؟ ولا كل المكاتب تشترط الفيزا



لا مو كل المكاتب تشترط فيزا
أنا حجزت من مكتب في الشارقة بدون فيزا ..

هناك مجموعة مكاتب قريبة من دوار السمك وهو كما اعتقد نفس المكان الذي يقصدة الزميل ( مهندس ملي بملي ) الفرق بينها وبين مكاتب المطار قد لايقل عن 50درهم باليوم ولا تشترط الفيزا فقط الجواز او البطاقة المدنية للكويتي لكني نسيت كم كان التأمين ، عالعموم التعامل معهم سهل ولا ادري ان كان الاخوة المشرفين يسمحون بذكر اسم المكتب الذي اتعامل معه