الموضوع: مجموعة استفسارات اتمنى منكم التجاوب

السلام عليكم


اخواني بالحقيقه انا انسان ماسبق اني سافرت خارجيا ابد وهالفتره مسكت معاي اروح نيوزيلاند من باب الدراسه و السياحه بنفس الوقت بالذات اني تخصصت بالجامعه بتخصص يدرس بالانجليزيه فقط
ف من خلال فرفرتي بالمنتدى اكتسبت بعض المعلومات لكن ينقصني بعض التوجيهات


من اجرائات المطار بالرياض وش اسوي و وين اروح وش احتاج يكون معاي؟؟

وحتى اجراءات المطار هناك علما اني مسافر لاوكلاند ؟؟

وايضا الجو هل هو بارد جدا او معتدل ؟؟

وبخصوص البطاقات البنكيه , انا معي الراجحي والي فهمت انك لازم تخليها عالميه وتقدر تستخدمها طبيعي هناك صح ؟ لان ما اشوف فيه حاجه لحساب هناك وانا كل الي جالسه شهر ونص ؟؟

وايضا بخصوص الشرايح انا عندي جوالين احدهم بلاك بيري وتهمني الخدمه جدا ف وش الطريقه احتاج اطلع شريحه هناك يعني ؟ من وين وش احتاج يكون معاي ؟؟

وياليت الي له خبره بـ اوكلاند يعطينا بقائمه للاماكن السياحيه الجميله الي ينصحوننا نزورها



والاهم اول سؤالين اجراءات المطار في السعوديه و نيوزلاند والمكان الي بيكون فيه الترانزليت الي هو الظاهر هونج كونج هالاشياء متخوف منها بصراحه بحكم اني اول مره اسافر ههههه

مواضيع عشوائيه ممكن تكون تعجبك اخترناها لك:

• هل شارع الكوين آمن
• عاجل طلب دراسه لغه وسكن مع عائله
• ما رايكم بكوينز تاون للدراسة
• إخوانكم في نيوزلاندا بحاجتكم
• أنضم الى قرورب الدراسه لمن يريد دراسة اللغه
• مواقع الأخبار المحلية في نيوزلندا
• سعر الصرف للدولار النيوزيلاندي
• هل التأمين الزامي
• عاجل معاهد تدريب في الأدارة
• ابي مساعده ضاروري بليز
• اتمنى من الجميع الدخول
• كم المصروف ؟
• لا أحد يفكر يجي أوكلاند
• أرجوكم تكرموا علي
• استفسار عن مكتب الهجرة لنيوزيلاند في الأمارات
• اتعرفون ؟؟؟
• الرجاء المشاركة نيوزلندا
• استفسار عن افضل طرق المواصلات في فترة شهر العسل
• الهجره لنيوزيلاندا
• ابي رايكم في المعهد الي بدرس لغة فية في نيوزلند ؟ ضروري يا اخوااان

المشاركة الأصلية كتبت بواسطة محمد التميمي-1
http://www.arabtravelersforum.com/tr...7/#post7054961

السلام عليكم
وعليكم السلام

اخواني بالحقيقه انا انسان ماسبق اني سافرت خارجيا ابد وهالفتره مسكت معاي اروح نيوزيلاند من باب الدراسه و السياحه بنفس الوقت بالذات اني تخصصت بالجامعه بتخصص يدرس بالانجليزيه فقط
ف من خلال فرفرتي بالمنتدى اكتسبت بعض المعلومات لكن ينقصني بعض التوجيهات


من اجرائات المطار بالرياض وش اسوي و وين اروح وش احتاج يكون معاي؟؟

أول شي لازم تكون بالمطار بدري وبدري جداً لأن الرحلة خارجية .. يكون معك أغراضك والجواز وتصريح السفر لو عمرك اقل من 21 سنه .. تقص البرودنق وتدخل من عند التفتيش والجوازات وتنتظر عند البوابة اللي راح تقلع منها

وحتى اجراءات المطار هناك علما اني مسافر لاوكلاند ؟؟

قبل أوكلند فيه مطار الترانزيت (تتوقف الطائرة في دولة قبل تكمل رحلتها لأوكلند وتختلف من شركة طيران لأخرى) .. لو كان الترانزيت لأستراليا تحتاج فيزة ترانزيت وغيرها ما يحتاج .. سنغافورة ممنوع الخروج من المطار الا بفيزة (للسعوديين)
أعرف رقم بوابتك وانطلق إليها وأن ماعرفت أسأل .. قبل ذلك في مطار الرياض أطلب منهم استلام الشنط في اوكلندا

أما في أوكلند الأمر بسيط .. رح استلم عفشك بعدين توجه للتفتيش والجوازات .. في الطياره بيوزعون عليكم كرت دخول نيوزلندا حاول تجاوب على اللي تقدر عليه واللي ماتعرفه فيه عند الجوازات نسخة مترجمة للعربية

بعد ماتعدي الجوازات خلاص أنت في نيوزلندا

وايضا الجو هل هو بارد جدا او معتدل ؟؟

بأي تاريخ ؟

وبخصوص البطاقات البنكيه , انا معي الراجحي والي فهمت انك لازم تخليها عالميه وتقدر تستخدمها طبيعي هناك صح ؟ لان ما اشوف فيه حاجه لحساب هناك وانا كل الي جالسه شهر ونص ؟؟

صحيح أنك ماتحتاج تفتح حساب لكن هناك كل شي عن طريق الشبكة فإذا كانت بطاقة الراجحي تسحب بهالطريقة فلا تحتاج فتح حساب (وهذا ما لا أعتقده)
ممكن تحل المشكلة أنك تطلع بطاقة فيزا (مسبقة الدفع) أفضل هذا في حال ماكانوا ياخذون رسوم على كل سحبه

وايضا بخصوص الشرايح انا عندي جوالين احدهم بلاك بيري وتهمني الخدمه جدا ف وش الطريقه احتاج اطلع شريحه هناك يعني ؟ من وين وش احتاج يكون معاي ؟؟

لا أعلم

وياليت الي له خبره بـ اوكلاند يعطينا بقائمه للاماكن السياحيه الجميله الي ينصحوننا نزورها

هذا موقع اوكلند فيه كل شي

http://www.aucklandnz.com/


والاهم اول سؤالين اجراءات المطار في السعوديه و نيوزلاند والمكان الي بيكون فيه الترانزليت الي هو الظاهر هونج كونج هالاشياء متخوف منها بصراحه بحكم اني اول مره اسافر ههههه




لا تخاف الموضوع بسيط وتجربة بتكون جميلة أن شاء الله


بالتوفيق

جزاك الله خير اخوي

وبخصوص اي وقت انا خلال اسبوعين من الان مسافر

وأياك

أوكلند الجو بيكون فيها بارد وممطر

أي استفسار لا تتردد فيه

اخوي ما احس برغبه بالسكن مع العايله والكل مايأيد سكن الطلاب لاسباب كثيره
الشقق هناك لمدة شهر كم بتكلف تقريبا ؟! وهل المكتب بالرياض او المعهد هناك بيساعدوني القى شقه مناسبه ؟!

نصيحة لوجه الله العائلة أفضل لأي دارس لغة وحتى المبتعث في بداية وجوده هناك .. لأن الاختلاف بين نظام عيشتنا ونظام عيشتهم كبير ويحتاج تعرفه قبل تسكن بشقه

الشقق قد تكون من خيارات السكن عند المعهد فيمديك تسألهم أو تستفسر منهم لانها تختلف من مكان لآخر

بالنسبة للبلاك بيري تطلع شريحه فيها نت ويشتغل هناك هذا الي عرفته من تصفحي بالمنتديات وهذا الي بسويه اذا سافرت ان شاء الله وبالتوفيق من الموبايل