الموضوع: بليييييييييززز ابي استفسر عن دخول البحرين

لو سمحتو ابي اعرف عن الاوضاع في البحرين وهل الجسر مفتوح ودخول البحرين سهل لاني بسافر عن طريق مطار البحرين بعد اسبوع وقلقه اخاف يكون فيها خطوره خاصة انه موعد العوده بليل الساعه 2 وهذا الوقت ممنوع التجول على جسر السيف وهل هناك طريق امن للخروج من البحرين بليل وسمعت ايضا بانه هناك اشخاص ليس من الامن يوقفون السياره ويفتشونها

مواضيع عشوائيه ممكن تكون تعجبك اخترناها لك:

• ميري كيورويند سو تاور
• محل مايكل كورس و
• خدمة عاجلة من اهل البحرين
• المسافة بين الجفير و سند؟ البحرين
• الى كل ام بحرينيه
• صورة فى بلاد الاحبة
• يا محبي مملكة البحرين ما رأيكم
• حلوى شويطر
• ابي ارتاح
• يـــــوم فـي الــبــحــريــن
• فندق او شقق عائلية جميلة
• استفسار بخصوص مطار البحرين
• خدمة من اهل الطيب والجود البحرينين
• تكفون ابي افضل مشغل للمكياج فى البحرين
• وكالة تويوتا
• استفسار ومساعهده لو تكرمتوا
• حلويات
• اريد فندق لشهر عسل
• المسافر المحافظ في فندق أليت جراند
• استفسار بخصوص السفر بالبطاقه الشخصيه

يا هلا أختي , الأوضاع مستقرة ولكن هناك تشديد أمني ,

بإمكانك العبور والذهاب إلى المطار بكل سلاسة عن طريق شارع الشيخ عيسى بن سلمان ( شارع عذاري ) مروراً بجنوب المنامة وحتى ميناء سلمان + جسر الشيخ خليفة بن سلمان ( جنوب الحد والمحرق ) ,,

يعني من المعروف أن من جسر الملك فهد الى المطار عندج طريقين , الطريق الأول هو شارع ضاحية السيف ( مغلق حالياً خلال الليل / حظر تجول ) والطريق الآخر مفتوح طوال اليوم وهو الشارع المذكور أعلاه ,,

اذا مشيتي على الطريق اللي خبرتج عنه راح تحصلين نقطة تفتيش واحدة فقط بعد الزول من جسر الشيخ خليفة بن سلمان ( عند الوصول إلى المحرق ) , والإجراءات سهلة وكلها لحظات وتعدين من النقطة وبعد 5 دقايق ان شا الله تكونون في المطار ,

Discover Bahrain اخوي الله يرد الامور مثل اول واحسن انشاء الله وجهودك مشكورة بالبوابه ..
بس لو تكرمت تنزل لنا الطريق الي قلت عليه للمطار على خريطة عشان يسهل لنا تتبعه واعذرني لو بكلف عليك ..

تحياتي للحميع والله يديم علينا الامن والامان ..

الله يعطيك العافيه اخوي وماقصرت بس اخر الاخبار الي وصلتني ان جسر الملك فهد مغلق مايمر منه غير البحرينين والاجانب !!!!!!!

سلام عليكم،

سوري على المداخلة، بس حبيت اسأل لو رحلتي العصر

هل اقدر اروح المطار من الطريق الاول المعروف عبورا على ضاحية السيف

لآنه اسهل لي انا رايح له من قبل، اذا دخلت المنامة كلا سيدا قدام

واذا مافي امكانية ممكن توصف لي الطريق الثاني من بعد الجمارك

ادري طولت عليكم بس تحملونا اشوي

ثانكس

الطريق الاخر لمطار البحرين
من تعدي جسر الملك فهد امشى علي طول الى نهاية الشارع لا يمين ولا يسار
(يعني لا تدخل على المنامه )
خليك ماشي على طول الى ان يجيك الميناء قدامك بعدها راح تأخذ يسار مع اللوحات الارشاديه وتمشي شوي وتشوف طريق المطار يسارك سهل جدا

بالنسبه لدخول السعوديين للبحرين مو داري بالضبط
امس مريت صدفه ع الجسر
فيه نقطه تفتيش مشدده قبل كباين التحصيل
وشفت سياره كويتيه دخلت ع النقطه وعدت عادي

راح استفسر الان من موظفي الجوازات بالجسر بالنسبه لدخول السعوديين

افضل شيء الاتصال على جسر الملك فهد

ماقصرتوا يعطيكم العافية