الموضوع: استفسار عاجل بخصوص ترانزيت في دبي

السلام عليكم ورحمة الله وبركاته
بالمختصر المفيد
عندي ترانزيت في مطار دبي 7 ساعات
من 7 المغرب الى 2 الفجر
بحول الله وقوته ستكون بعد عناء رحله 16 ساعه من هيوستن لدبي
وبعد كذا على البحرين ان شاء الله
المهم سلمكم الله اود ان استفسر هل من الممكن الحصول على سياره خاصه بسائق توديني اتعشى وآخذلي لفتين بحدى هالمجمعات وثمن لفتين في شارع الشيخ زايد رحمه الله وأسكنه فسيح جناته لأمتع ناظري في البنايات الجميله وناطحات السحاب وبالمره اضيع الوقت
واذا كان من الممكن كم تتوقعون السعر وكلها خمس ساعات والباقي بقضيه بالمطار :114:
انا فكرت اقزرها بلموزين بس راح يطلع علي غالي :110:
وانا ادل في دبي واقدر استأجر سياره بس ماتوقع بيكون لي خلق على السواقه والفراره في الموقف
وودي اكون راكب وامتع ناظري :24:

وانتظر ردود سرعيه لا هنتو لأني ان شاء الله بكون في دبي مساء الأربعاء - غدا

مواضيع عشوائيه ممكن تكون تعجبك اخترناها لك:

• اي من هذي الفنادق تنصحوني ياأهل الخبرة
• للآصحـاب الخبرةوللأهل الامارات الاحبة
• برنامج عائلي مميز
• بكرة أخر يوم في دبي بغيت مساعدكم
• بالصور أفتتاح منتجع سانت ريجيس في نوفمبر
• استفسار عن فنادق الامارات شيلسي ونجد وآيبيس
• معقولة مقولة الشخصية
• استفسار لبنات الامارات
• برنامج سياحي لبوظبي
• ترانزيت في مطار ابوظبي ساعات مساء أين أذهب ؟
• طلب يااا اعزااااائي
• مالا تعرفونه عن فندق بن بطوطة معلومة جديدة
• الأمــــــــــــــــــــــــــــــــــــــــــــــ ــاكـــــــــــــــــــــــــــــن
• كم سعر التذكرة بالخطوط الأماراتية من الرياض إلى دبي ؟
• ممكن حد يدلني بليز
• سياحة دبي تطلق نظام تأجير وحدات فندقية بالخدمة الذاتية
• فندق او شقق في الديرة
• ما هي افضل الأسواق للملابس النسائية في الشارقة ودبي
• امس حجزت الرياض الشارقة و بعدها لـ دبي بس تخيلو إن
• عاجل يا أخوان جزاكم الله خير

والله يااخوي ماعندي فكره عن هالموضوع
بس ممكن تشوف مكاتب تاجير السيارات في المطار اول ماتوصل يمكن يقدرون يدبرون لك سياره مع سائق بسعرمناسب
والشباب اللي عندهم فكره مابيقصرون بأذن الله تعالى
والسموحه

سرعت ردك تكفيني
والي فيكم مخبوور ومايجي منكم قصوور

بيض الله وجهك ياليازي

سياره مع سايق بيكون غالي ..

أفضل لك تأخذ سياره من المطار ايجار وتلفلف الشوارع وإذا مالك خلق والا تعبان من السفر ترا مطار دبي كبير ويمديك تقضي الوقت بالمطار والمقاهي اللي بالمطار ...

بيني وبينك اللي يكون توه واصل من مشوار بعيد ودك ينسدح بالمطار يريح جسمه من كرسي الطياره ..

الأفضل و الأوفر أن تستأجر سيارة، و لا أعتقد أن المواقف صعبة لهذه الدرجة

استأجر سيارة من المطار ولفلف خصوصا انك جاي اربعاء المواقف بتكون متوفرة بالمولات

المشاركة الأصلية كتبت بواسطة al-baker
http://www.arabtravelersforum.com/tr...1/#post3189071

سياره مع سايق بيكون غالي ..

أفضل لك تأخذ سياره من المطار ايجار وتلفلف الشوارع وإذا مالك خلق والا تعبان من السفر ترا مطار دبي كبير ويمديك تقضي الوقت بالمطار والمقاهي اللي بالمطار ...

بيني وبينك اللي يكون توه واصل من مشوار بعيد ودك ينسدح بالمطار يريح جسمه من كرسي الطياره ..



بس خوفك ينسدح الرحله كلها ويوم وصل مطار دبي توه مصحصح :101:

الله يهيينك اخوي ويعطيك العافيه

المشاركة الأصلية كتبت بواسطة سعود بن محمد
http://www.arabtravelersforum.com/tr...9/#post3189559

الأفضل و الأوفر أن تستأجر سيارة، و لا أعتقد أن المواقف صعبة لهذه الدرجة



من ناحيه توفير اوفر بكثير

ونا والله يا سعود كنت ازهق من المواقف في دبي ماحصل :109:

يكون ان الوضع تحسن فخبري فيها قبل سنتين تقريبا

الله لا يهيينك

المشاركة الأصلية كتبت بواسطة baby21
http://www.arabtravelersforum.com/tr...2/#post3189722

استأجر سيارة من المطار ولفلف خصوصا انك جاي اربعاء المواقف بتكون متوفرة بالمولات



اجل انتو عكس السعوديه

في الويكند مافي امل نحصل مواقف لا في مولات ولا غيره :110:

يعطيك العافيه

اخوي الويكند هنا خميس وجمعة غيروه من 3 سسنين

مادري أذا الرد متأخر ولكن ببساطة خلي شنطك في المطار يحولونها لوجهتك الأخيرة وخذلك تاكسي من المطار يوديك اي مجمع ترغب في زيارته وأقرب واحد هو ديرة سيتي سنتر او فيستفال سيتي حوالي 5 دقائق تقضيلك ساعتين أو 3 ساعات وبعد ما تخلص اركب تاكسي من هناك ممكن تطلب منه قبل ما يوصلك المطار يمشيك على شارع الشيخ زايد لغاية بداية الطريق السريع المتجه إلى أبوظبي عند تقاطع جميرا ويرجعك إلى المطار وكله بالعداد. كل هالمشاوير أتوقع ما بتكلفك أكثر من 100 درهم وأنت قاعد مرتاح في المقعد الخلفي

المشاركة الأصلية كتبت بواسطة tripadvisor
http://www.arabtravelersforum.com/tr...0/#post3190320

مادري أذا الرد متأخر ولكن ببساطة خلي شنطك في المطار يحولونها لوجهتك الأخيرة وخذلك تاكسي من المطار يوديك اي مجمع ترغب في زيارته وأقرب واحد هو ديرة سيتي سنتر او فيستفال سيتي حوالي 5 دقائق تقضيلك ساعتين أو 3 ساعات وبعد ما تخلص اركب تاكسي من هناك ممكن تطلب منه قبل ما يوصلك المطار يمشيك على شارع الشيخ زايد لغاية بداية الطريق السريع المتجه إلى أبوظبي عند تقاطع جميرا ويرجعك إلى المطار وكله بالعداد. كل هالمشاوير أتوقع ما بتكلفك أكثر من 100 درهم وأنت قاعد مرتاح في المقعد الخلفي



بالنسبة للشنط ما معي غير شنطه صغيره فيها الاب توب وبعض الاوراق
والعفش الباقي تاركه بأمريكا لأني راد لها قريب
فكرتك جميله جدا
وهي قاعدة تدور براسي
انا انشاء الله باقي على رحلتي من الآن 6 ساعات و 14ساعه و50 دقيقة طيران وبعدها يسرها الله من عنده

لا هنت اخوي وبيض الله وجهك

وعليكم السلام ورحمة الله وبركاته
مرحبابك اخوي الكريم

أنا أقترح أيضاً تأخذ تاكسي من المطار وتروح دبي مول (قريب من شارع الشيخ زايد)
يبعد 10-15 دقيقة عن المطار.


تتمشى وتتعشى في أحد المطاعم المطلة عالنافورة الراقصة تبتدي من 6 مساءً لغاية 10 مساءً

وبعدها تأخذ تاكسي من المول.. وتتمشى في شارع الشيخ زايد أو جميرا إذا تحب ومن بعدها على المطار.


رحلة موفقة بإذن الله