الموضوع: شنهي الاماكن السياحيه في البحرين دار الزين ؟؟

السلان عليكم ربعنا

شلونكم شخباركم ؟


ان شاء الله يايه البحرين هاليومين
عاد علموني ولاتبخلون

ابي اماكن شوكلت حلوه صوغه خق الربع

سمعت عن ليلو وليفز هاي وين اماكنهم ؟ و و ين القا اشيا فله هاللون ؟

انزين ابي عبي حلوه وين اماكنهم ؟

شنهي اسواقكم ؟

سمعت عن الستي سنتر مادري الشيراتون ؟

بروح بسياره بس ماعرف شلون دلوني بليز

و وين سوق الذهب ؟ ومتى معرض الذهب

وفي عياده طارق تعرفون وين مكانها؟


سوري وايد تحجيت خخخخخ

بليز علموني

شكرن

مواضيع عشوائيه ممكن تكون تعجبك اخترناها لك:

• مطاعم الافطار
• ارجو مساعدة اخوكم في هذا الطلب طلب نصيحة
• سؤال عن الاسواق الشعبيه
• المحلات النسائيه في المجمعات تفتح ايام العيد ؟؟
• الفزعه ياهل البحرين طلب بسيط
• وصف منطقة او سوق شعبي
• خدمة عاجلة من اهل البحرين
• يااهل البحرين ممكن مساعده
• اهل البحرين تكفون
• المواقف المجانيه بمطار البحرين؟؟؟؟
• من فضلكم جزر حوار ........ كيف احجز ؟؟؟
• زيارة قصيره لمملكه البحرين
• استفسار يا اهل البحرين
• ليش حاقريني يااهل البحرين الطيبين
• مطاعم البحرين استفسار
• مسسسآآعده
• ماذا عن سباقات الفورمولا
• لكل من يتجاوب جزيل الشكر ووافر الامتنان تنصحوني بفندق النوفوتيل بالبحرين ؟
• صور جميلة لمرفأ البحرين المالي
• استفساااااااااااار هاااااااام جداً عن طريقة الدخول الى البـــحرين

وعليكم السلام ورحمة الله وبركاته





ابي اماكن شوكلت حلوه صوغه خق الربع

سمعت عن ليلو وليفز هاي وين اماكنهم ؟ و و ين القا اشيا فله هاللون ؟



منطقة السيف فيها عدة محلات للشوكلت





انزين ابي عبي حلوه وين اماكنهم ؟

شنهي اسواقكم ؟



العبايات في سوق بوكوارة "في الرفاع الشرقي" وسوق المحرق





سمعت عن الستي سنتر مادري الشيراتون ؟


بروح بسياره بس ماعرف شلون دلوني بليز



الستي سنتر في منطقة السيف والشيراتون في المنامة قريب من المنطقة الدبلوماسية وهاذي صورته







و وين سوق الذهب ؟ ومتى معرض الذهب



سوق الذهب في سوق المنامة وسوق المحرق وسوق الذهب في المنامة هو الأكبر والأفضل. أما المعرض فاحتمال يكون في شهر اكتوبر.





وفي عياده طارق تعرفون وين مكانها؟



مستشفى الدكتور طارق مقابل النادي الاهلي وبجانب مستشفى ابن النفيس في منطقة الماحوز.

طبعا كل الأماكن الي سألتي عنها موجودة في العاصمة المنامة ماعدا سوق بوكوارة في الرفاع الشرقي وسوق المحرق في المحرق

كفيت ووفيت أخوي مسيس بارك الله فيك ,

يعطيك العافيه اخوي ميسي ماقصرت

بس الحين مظاهرات ؟ اقدر ايي ولا ؟

نطري اشوي عشان تكونين مطمئنة ومرتاحة نفسياً ........

الظاهر قديم توني انتبه للتاريخ انا مشترك جديد لوول

المشاركة الأصلية كتبت بواسطة Bharaini
http://www.arabtravelersforum.com/tr...1/#post6741791

بنت قطر 2022 تشرفين البحرين ان شاء الله ولايهونون الشباب بس احب اخبرج واطمنج الحمدلله الامور مستقره والبحرين الدانة راح تبقى وتظل الدانه حياج الله وكل ضيوفنا ومافي الا العافيه ......
وهاذي نبذه بسيطه عن اسواقنا والاماكن الحلوة في ديرتنا الحلوة:

1. مجمعات:
الستي سنتر - السيف - الدانة - مجمع البحرين (جيان) - مجمع الواحة (المحرق + الرفاع) - مجمع الرملي - مودا مول (الشيراتون) ....الخ

2. اسواق مفتوحه:
سوق المحرق - سوق المنامه - سوق الرفاع .... الخ

3. كافيهات:
لاشوكولا - ليلو - مايا - كاريبو....الخ

4. مطاعم:
هندي: آشاز - موتي محل - نيرفانا (فندق الرتز)/ تايلندي: تاي جاي (ستي سنتر ) / صيني: هونج كونج/ ياباني:ماكي - بوشيدو / لبناني : العريشة - المطبخ اللبناني - كورال بيتش/ إيطالي: لاتفيرنا / مطاعم مشكله: بوتيك سالاد - مونسون - كوكوز .... الخ

5. اماكن الترفيه:
عين عذاري - جنة دلمون المفقوده - واهو ... الخ

6. فنادق حلوة للسكن:
الدانه نوفوتيل - موفنبيك - الرتز كارلتون - الشيراتون - ايليت ريسورت اند سبا - سوفتيل - كمبنسكي - كراون بلازا - الدبلومات - الريجنسي... الخ

وبشكل عام البحرين مايبيلها دلاله كل مكان سهل وشوارعنا موضح فيها كل شي

وأنا حاضر حق أي شخص يبي اي مساعده من البحرين



شكرا جزيلاً
استفدت من هذا التعليق والتوجيه

ماعليه قديم ولا يديد المهم الكل يفرغ ما في جعبته )

كفيتو و وفيتو يالربع