الموضوع: ساعدوني يامشرفين اوروبا

السلام عليكم



ابي اخذ رايكم بالتخطيط لسفرتي






حجزت بتاريخ ٢٨ يونيو الوصول لمطار ميلان واستلام السيارة والمغادرة من فرانكفورت وتسليم السيارة بتاريخ ١٣ يوليو


اول ٣ ايام السكن في لوقانو وحجزت بهالشقق



http://www.booking.com/hotel/it/resi...ml?aid=1329869





بعدها ٦ ايام انترلاكن بس للحين ماحجزت ابي اخذ رايكم بهالشقق قريبه من انترلاكن تقريباً نص ساعه بالسياره او اقل


هذي الاولى




http://www.booking.com/hotel/ch/les-...10&aid=1329869




هذي الثانية




http://www.booking.com/hotel/ch/haus...10&aid=1329869




بعدها الانتقال الى قارمش لمدة ٣ ايام وحصلت هالشقتين قريبات من قارمش ايش رايكم ؟؟


هذي تبعد عن قارمش ١٩ كيلو




http://www.booking.com/hotel/at/haus...10&aid=1329869




وهذي تبعد حول ٣٠ كيلو




http://www.booking.com/hotel/at/appa...ml?aid=1329869




بعدها الانتقال الى بادن بادن لمدة ٣ ايام والسكن في احد هالشقق القريبات من بادن بادن وش تنصحوني فيه ؟؟


الاولى




http://www.booking.com/hotel/de/feri...10&aid=1329869


الثانيه
وهذي بعد تقريبا ٢٠ دقيقه من رست وبادن


http://www.booking.com/hotel/de/feri...10&aid=1329869


بعدها الذهاب الى فرانكفورت للعودة الى ارض الوطن


س١ ايش رايكم بتخطيطي والشقق اللي حصلتها؟!!


س٢ ايش الاماكن اللي ترجحونها لكي ازورها في كل من ايطاليا وسويسرا والمانيا؟!!


ولكم جزيييييل الشكر

مواضيع عشوائيه ممكن تكون تعجبك اخترناها لك:

• اخوااااااني موعدي بكرة في السفارة ولا طبعت الموعد
• خطيبي مصري الماني الجنسية
• مدينة هنفيلد
• تجربتي في استئجار واستلام ثلاث سيارات من مطار ميونخ
• ممكن برنامج للسفر به الى المانيا
• مين يسوي لي خطه شامله كل شي بليييييييز
• بخصوص اجمل المدن الالمانية القريبة من السويد خبراء البلد حياكم
• السفر لمطار فرانكفورت والفيزا من سويسرا
• محتاج مساعدة عاجله جدا
• استعدادات السفره العزبه ارجو المساعده
• هل لديكم سؤال عن المانيا مدينه نونبيرغ وضواحيها ü
• اريد اكبر الخبراء فى المانيا لاستفسار ممكن يغير حياتى
• هل يلزم كرسي اطفال بالسيارة لطفل عمرة سنوات
• مدينة هامـــــــــ معشوقة الألمان ـــــــبورق ُُُ ُُ تعرف عليها بالصور
• سيارة أوتماتيك راكب تكفون تكفون تكفون ثم تكفون
• المسافر للعلاج هل يكتب في طلب التأشيرة للعلاج؟
• الرجاء المساعدة ضروري
• عاجل جدآ سوق
• لله الحمد و المنة تم الدددددددد
• استفسار: وسائل التنقل والامكان الترفيهية في ميونيخ وزيلامسي

ميلان - لوقانو- انترلاكن - قارمش - بادن بادن - فرانكفورت

ترتيب وتنظيم واتجاه واحد وكل شي تمام الله يوفقك اما بالنسبة للشقق ما افتيك

انتظر احد المشرفين او المميزين او المجربين

,,

امين يارب وويفقك يا حب الوفا

بس وين المشرفين مافيه احد رد على استفساري ؟؟!!

تخطيطك جيد واغلب المناطق ريفيه وطبيعيه ماعدا فرانكفورت.. لكن ماخبرتنا كم عدد الاشخاص وهل هناك اطفال؟

بامكانك زيارة فينيسيا من لوقانو وتقريبا 4 ساعات وكذلك زيارة ميلان اذا حاب تغير من جو الطبيعة .. وزيارة كومو بحيرتها رائعة لا تفوتها ..

انترلاكن 6 ايام اعتقد انها مدة كبيرة لكن اذا تحب الطبيعة وايد بتستانس فيها ويمكن بعد تزور زيوريخ ساعتين من انترلاكن اذا حاب تتسوق سوقهم حلو وزيارة منطقة لوزيرن

قارمش 3 ايام اعتقد انها كافية جدا ومافيها وايد معالم يمكن جبال الالب والبحيرة ويمكن زيارة ميونيخ منها ..

بخصوص بادن بادن انا افضل عن تجربة السكن في رست او فرايبورغ منها زيارة يوروب بارك وزيارة الزحليقة الصيفية (تجربة حلوه وممتعة) .. وذلك لانه بادن بادن يعتبر السكن فيها غالي شوي ومافيها سياحه (كل الي شفتهم هناك شواب وعجايز) يعني للاستجمام والمنتجعات الصحية .. اذا عن الغابات السود تراه بامكانك تزورها من فرايبورغ او رست والسكن بيطلع ارخص عليك.
اذا تحب الاسواق والزحمة اجلس يومين ف فرانكفورت

بالاخير اهم شي التخطيط وحاول تقرا تقارير الاعضاء وهذا راح يفيدك من اخونا سليم يزاه الله خير
http://www.arabtravelersforum.com/travel495910/
وهنا تقرير الاخت هداوه يزاها الله خير
http://www.arabtravelersforum.com/travel633680/

موفق الغالي

يعطيك العافيه اخوي سيف الامارات ماقصرت

اما بالنسبة لعدد الاشخاص 4 بالغين و4 اطفال

وعندي سؤال بخصوص المسافات اذا عندك خبرة ياليت تتكرم وتساعدني وبكون شاااااااكرة لك لأنه صار عندي لخبطه بالمسافات الصحيحه وكل موضوع بالمنتدى يختلف عن الاخر بالنسبه لمسافاتهم ولا ادري مين الصادق !!

ابي اعرف المسافات بين..
انترلاكن وقارمش ؟
انترلاكن وبادن بادن ؟
انترلاكن ولوقانو ؟
قارمش وبادن بادن ؟
بادن بادن وفرانكفورت ؟

الله يخليكم ياليت تردون بأسرع وقت.

المسافات كالتالي:
لوقانو الى انترلاكن ساعتان ونصف
لوقانو الى ميلان ساعة
لوقانو اليى فينيسا (البندقيه) 4 ساعات ونصف
انترلاكن الى قارمش ما يقارب 5 ساعات !
انترلاكن الى زيوريخ ساعتان
قارمش الى بادن بادن 4 ساعات
قارمش الى ميونيخ ساعة
بادن بادن الى فرانكفورت ساعتان تقريبا
طبعا كل المسافات تقريبية وتعتمد على سرعة الشارع .. وهناك ضرائب عند الانتقال مثلا من ميلان الى لوقانو
المخطط جيد لكن قارمش بعيده يعني المسافة 5 ساعات من انترلاكن الى قارمش وبعد ذلك 4 ساعات من قارمش الى بادن بادن
بالامكان الغاء قارمش والمبيت يومين ف ميلان ويومين في فرانكفورت .. شو رأيج؟
يكون المخطط كالتالي ميلان - لوقانو - انترلاكن - بادن بادن - فرانكفورت
لكم حرية الاختيار وموفقين ان شاء الله

يعطيك الف عافيه ياخوي سيف الامارات ماقصرت.

بالنسبة للمخطط راح يكون 3ايام لوقانو/ 6 انترلاكن /4 بادن بادن او رست او فرايبورغ على حسب السكن اللي احصله

ايش رايك بالمخطط؟!! ترى يهمني رايك مره

وفي انترلاكن او احد المناطق القريبه لها انا الصراحه خاطري اسكن في كوخ بس ما اعرف احجز من هذا الموقع hostelworld وخايفه هل هو مضمون او لا!!

لان كل الاكواخ في البوكنج محجوزه.. وش تنصحني فيه ؟!

والف الف شكر ادري عذبتك معاي..

رحله موفقه باذن الله

المخطط جيد وكل المناطق قريبه من بعض لكن للتذكير اغلب المناطق الي ذكرتيهن ريفيه يعني اذا تبون تتسوقون اتركوا لفرانكفورت يوم
بخصوص السكن من خلال بحثي عن الموقع الي ذكرتيه لقيت انه السكن للشباب واسعاره رخيصة ويا ليت الاخوان يفيدونج اكثر اذا مضمون او لا لكن شي موقع ثاني شوفي هالموقع
http://www.expedia.com/
ولا تنسين تدخلين هالموقع تشوفين الفندق وصور الغرف على طبيعتها وتقييمات النزلاء
http://www.tripadvisor.com

وممكن تدخلين وتشوفين استفسارات الاخوان فالبوابة السويسرية بعد .. ربي يحفظكم

للعلم عقب ماشفت الروابط لقيت السكن في رابط شقة لوقانو ليس في لوقانو وانما في قاردا .. اعتقد السكن غالي في لوقانو عشان جيه اذا ماحصلتوا سكن بالامكان المبيت في ميلان .. لانه ميلان الى لوقانو ساعه فقط بالامكان الزيارة والرجوع في نفس اليوم وكذلك زيارة البندقيه وكومو
لانه قاردا بعيده عن انترلاكن حوالي 5 ساعات

ايوه صح عليك الشقه في قاردا ومنها راح ازور ميلان ولوقانو

وحصلت سكن في قاردا وفي رست باقي انترلاكن ماحصلت فيها شي.. جاري البحث

يعطيك الف عافيه ياخوي ساعدتني كثير.. الف الف شكر لك.

عذرا عالتأخير يا ليت اذا بتحجزون سيارة احجزوا من هنيه .. لانه هناك بتحصلون مشاكل يعني ممكن ماتحصلون سيارة لانه كله بالحجز واذا حصلتوا بيكون سعر غالي ..
وليكن في علمكم هناك ضريبة تسليم سيارة لدولة اخرى من ميلان الى فرانكفورت .. اذا ماعندكم مشكله توكلوا على الله لانه السيارة ضروريه وممتعه في خط سير رحلتكم ..

سألت عن السيارة في يورب كار وحصلت سياره عائليه ديزل لمدة اسبوعين ب 8000 الاستلام من ميلان والتسليم في فرانكفورت
السعر غالي نوعا ما بس مافيه حل ثاني السياره ضروريه خاصه للعائلة.