الموضوع: خطوات البداية من السعودية الى نيوزلندا

قاااااااااااااااااااااادم

نعم

نعم

بقوة الى

كرايست شيرج

بالتفصيل الممل

من الخيال الى الواقع

انتظروني و القادم أحلى

.

مواضيع عشوائيه ممكن تكون تعجبك اخترناها لك:

• إستفسـارات
• الاخوة الاعزاء ارجو افادتي عن ماجستير الهندسة الميكانيكية في نيوزيلندا
• ماجستير نظم معلوومات ادارية
• تساؤل بسيط لمن لديهم خبرة بنيوزلندا
• اتعرفون ؟؟؟
• قصــــة التأمينوطلبات المطار وشوية اسألة
• فقط فقط فقط طلاب جامعة ويكاتــوا ى
• خاص الى نيوزلند وعام لجميع
• الهجره لنيوزيلاندا
• هل يعرف احد عنوان السفارة السعودية في نيوزلندا؟؟؟؟؟؟؟؟؟
• استفســار عن دراسة الجامعة في نيوزلندا
• أنا رايح أدرس غصب في نيوزلندا
• احد جرب كيف يشبك الانترنت في نيوزلاندا
• هل يمشي ترفل تشيك دولار امريكي في كرست تشيش
• هلستون فراوله من نيوزيلندا يحيكم
• ارجــوا المساعدة من اخوي المايسترو والشباب
• فندق
• يا أهل نيوزلندا عندي لكم كم سؤال
• ثلاثة اشهر بنيوزلندا مالمطلوب اخذه معي
• ساعدوني في الحجز

Loading ...

في احد نااادااني . . .

تروح وترجع بالسلامة اخوي . . .

البداية

تعرفت بالــصــدفــة على أحد اخواننا العرب هنا في السعودية الذين يقطنون استراليا ( مهاجر الى استراليا ومتزوج استرالية ) كانت المدة التي احتكيت فيها مع هذا الرجل اسبوعين وكنت معه كريما طيبا :106: كعادة اجدادنا العرب وعندما حان رحيله وجه لي دعوة لزيارته في استراليا .

كان ذلك في مطلع السنة الميلادية 20/1/2006 لقد أصر ولزم بقووووووة أن ازوره هناك ،وأنا في قرارة نفسي مرتاح لهذه الدعوة فبدأت البحث من خلال منتدى الجميع :113: منتدى العرب المسافرون ، كانت النية متجهة لزيارة استراليا قرات الكثير من المواضيع عن تجارب الآخرين في أستراليا ولكن :108: لفت انتباهي دولة نيوزلندا وش اللي جاب دولة من أوروبا الى بوابة استراليا .


كنت أتوقع ان نيوزلندا من دول اوروبا :114: ولاكان في الحسبان ان هناك دولة أخرى غير استراليا قرب المحيط المتجمد الجنوبي :surf

انتظروني القادم أحلى

.

المهم
تعمقت كثيرا في قراءتي للمواضيع المتعلقة بتجارب من سافروا الى نيوزلندا

وممن كان لكتاباتهم تأثير في قناعاتي للتوجه الى نيوزلندا

الأخ / المايستروا :108: وشارع التحلية اللذان كان لمناقشاتهما وردودهما وسردهما اثراء لهذه البوابة

كنت في الصباح والمساء اتابع الردود اولا باول

حتى عزمت على الرحيل

المهم كان هناك فرصة لزيارة البحرين والمرور على مهرجان السفر والسياحة في معارض البحرين الدولية .

وحرصت على السؤال عن الخطوط السنغافورية فقابلت المسؤول هناك :115: واستفسرت عن رحلاتهم فذكر لي أنها تقلع ثلاث ايام في الأسبوع من جدة
ويوميا من دبي الى سنغافورة وصولاً الى كرايست شيرش
وبإمكانك الوصول الى دبي من البحرين على خطوط طيران الخليج
أو من الدمام والرياض على الخطوط السعودية

ايضا قمت بزيارة مهرجان السفر والسياحة :x1: بمجمع فؤاد سنتر بالخبر وحصلت على بعض المعلومات

انتظروني

القادم أحلى

في زيارتي الأخيرة للبحرين كان الجواز قد شارف على الانتهاء كان باقي فيه اقل من ثلاث شهور

فحرصت على تجديد الجواز قبل زحمة الصيف

قدمت أوراق الجواز الساعة التاسعة صباحاً واخذته الساعة الواحدة ظهرا في نفس اليوم

تساهيل ماشاء الله من اولتها

القادم احلى

.

الف شكر على هذاالموضوع الرائع وارجوا المتابعة

الحاصل : أن هناك فرق بين الأمنية والتنفيذ

أصعب شيء في موضوع السفر ان تحدد يوم السفر لسبب واحد
انك تريد ان تجلس بين محبيك على طول
ومن ناحية أخرى ودك تقلع على أقرب رحلة لتستمتع بالسفر

الأهم أنك لن تبدأ بالتحضير للسفر حتى تقطع التذكرة وتحدد موعد السفر
فتبدا بمراسلة المعهد وتبدأ بفتح الشنط والترتيبات المالية
أيضا تبدأ بأمور جديدة مثل من سيذهب بك للمطار ، أين ستترك سيارتك ؟
ماذا ستأخذ معك ؟ هل كل ما ستاخذه ستستعمله ؟
أم أنك تقول يمكن سأحتاجه !!

هل ستسير الأمور على ما يرام في المطارات ؟ هل ستستقبلني العائلة ؟
هل ساتحمل البرد ؟ هل سأتحمل البرد . . .!!
ان شاء الله ما أنسى القفازات

أعتقد أن كل التساؤلات السابقة مالها داعي ،

لكنها مقياس جيد على حرص الشخص لكن الحذر لا يرد القدر

ومالك الا تسمي بالله وتدف الحديد

باااااااااااااي القادم احلى


.

لا أعلم لماذا

القلق بدأ يدب في داخلي ؟ !:108:

كنت واثقا من نفسي كثيرا وكل شيء على مايرام ؟

أتمنى ان لا أندم على فكرة الذهاب الى نيوزلندا

الديرة بعيدة واجد

يعني لو هزني الشوق للحبايب

ما يمديني أرجع بسرعة :110:

كنت اقول في جميع سفرياتي : اذا حصل ما حصل يمديني ارجع .

بس هذي المرة يمكن السبب إني مرتبط بدراسة ، أو لإن نيوزلندا مشوار بعيد

ما أدري . . . المهم انها راح تكون تجربة فريدة من نوعها :x1:

رحت اليوم صرفت مبلغ 700 دولار امريكي

وشريت بعض اللوازم

ودي اغمض عيوني وافتح ألاقي نفسي في كرايست شيرش

شايل هم السفر ،

بين الشوق للسكوير أوالتبطح على الواجهة البحرية بالخبر :surf

بين البرد القارس أوالرطوبة على ساحل الخليج العربي

بين الأغراب أو الضحك والسه :109: رمع الحبايب

بين التغيير والاستكشاف أو الروتين القاتل

لن أكترث لما سبق فالسفر متعة لكل عاقل وفيه الكثير من الفوائد

مريت الصيدلية اليوم وشريت بعض الأدوية لأمراض الشتاء

انتظروني

فالقادم احلى

.

وااااااااااااااااااااااااااااااااو



حلقات المسلسل رائعة

لووووووووووووووووووول


بالتوفيق والى الامام


محبكم


دي

دي


ليتوني الدوووب

مرحبتين



ياناس وصلت من كرايست شيرش

السفرة كأنها شربة ماء


سأدعمكم بكل صراحة وبدون تحفظ عن هذه المدينة كراااااااااايست شيرش

في يوم الجمعة الذي يسبق يوم سفري ( يوم السبت ) وعندما رأت أمي شنطة سفري
رأيت في عينيها نظرتين سعادة :108: وحزن ( تذكرت صورة الموناليزا )
كانت الشنطة صغيرة وماتكفي لملابسي الشتوية كانت الساعة تشير الى الحادية عشر ليلاً
المحلات كلها مغلقة :110: ، نادت أمي على الخادمة وقالت لها جيبي من الشنط الكبيرة :24: اللي في المستودع
أخذت معي شنطتين الأولى للملابس الشتوية والأخرى صغيرة للمطار وحاجيات السفر في المطار

لم استطع النوم تلك الليلة لأني وبأمانة لا أعلم ما الذي يخبئه القدر لي ،
نمت تلك الليلة الساعة الواحدة والنصف وصحيت الساعة السادسة صباحا
نومي شلافيح ، نومي نوم واوي ، نومي قلق ،
ليلي عذاب عشت أنا ليلي أعاني من العذاب

كان موعد الرحلة الساعة الرابعة عصرا لم أستطع الغداء ذهبت للمطار الساعة الواحدة والنصف ظهرا

وكانت المفاجأة في المطار؟ ؟ :114: ! !

اهلا وسهلا فيك اخوي الطريق
وبالتوفيق انشاء الله

واهنيك على الاسلوب الممتع والشيق
ولا اخفيك اني تنحت وتحمست وفسرت عن يديني على اخر جملة

وكانت المفاجأة في المطار؟ ؟:114: !!

وبانتظار باقي ماحصل من احداث اتمنى انها ما تكون مثارة بالعواصف والاتربه ههههههههههه

محبكم
هلستون فـراولة

مرحبا اخوي طريق السلام عليكم ورحمة لله وبركاته .... اول شي اسلوب شيق وموضوع شيق ومهم لي انا بذات وغيري من الي يبون يسافرون الى نيوزيلندا بس فيه مشكله ......... يا اخي حلقات المسلسل قصيررره مررررره يا اخوي ... قل لل المخرج خله يطول حلاقات المسلسل تكفى هههههههههههههه . كمل وحنا معك ......... بس ابي اطلب منك طلب انا عارف انك تبي تقول ( من الحين طلبات ) ههههههههههه بس لله يعينك ابي منك تفاصيل دقيقه ومهمه مره مره وش خذيت معك وش احتجت وش الاشياء الي اخذتها واستفدت منها ؟ والاشياء الي خذيتها تتوقع انك ما تلقها عندهم ولقيتها يعني ما تستفدت منها .؟ وكيف رتبت شنطتك ؟ انا عارف امكن (تقول وش يبي هاذا في شنطتي ) ههههههههههه بس ولله اني محتاس مدري وش اسوي وش ابدى فيه وش اخذ معي وش ما اخذ معي !!! وفي شي ثاني ابيك تعلمني الفلوس الي خذيتها معك شيكات سياحيه ولا صراف ايذا كانت في الصراف وش الصراف الي خذيته ؟ والى فتحت احساب اهناك؟ وابي اعرف اذا كانت سفرتك في الشتاء عندهم كيف خذيت ملابس شتويه من هينا وانت تعرف هينا حررررر اشوي يا حررررر ملاهيب ههههههه على ماقالو ؟ وابي اعرف كل شي كل شي كل شي من مكينة الحلاقه الى مالى نهايه ههههههههه ؟ تكفى وانا اخوك حاول بقدر المستطاع انك تفيدني وانا عارف انك ماراح تقصر انشاء لله .. لا اني ولله محتاس ..اوكي حبيبي كمل واحنا معك .... خذ وقتك بل الاجابه على اسئلتي لا اني لسه السفره باقي عليها شوي وعلى فكره نا راح اجلس سنه كامله انشاء لله في نيوزلندا !!! يعني قيس عليها وفيدني وانا في انتضارك take your time my brother

عجبني الحماس من أولها ..
إستمر يا بطل ..

الله يخليك بسرعه شصار معك !!!؟

موضوع وإلقاء حماااسي


يعطيك العافيه

ماشااااء الله عليك ....... و الله 100 % الله يعطيك العافية ....

لا تطوووووول علينا ...


اخوك فتى المدينة

هلستون فراولة رايح نيوزلندا art وليدوووه فتى المدينة
أشكر الجميع على المرور فردا فردا وبدون استثناء


كانت الشنطتين تحويان الكثير فالشنطة الكبيرة كانت مليانة ملابس شتوية كثيرة بالاضافة وقفازات وقبعتين ( زين اني اخذت معي قبعة من هنا وراح اعلمكم بعدين ليه )

وراح اشحن الشنطة الكبيرة واستلمها في مطار كرايست شيرش ، أما الشنطة الصغيرة فهي لدواعي المطارات وتحوي شاحن جوال وحبوب بنادول وكتاب انجليزي للصف اول متوسط للقراءة والتسلية فمدة الرحلة 22 ساعة من الدمام مرورا بدبي وزحلقة على سنغافورة حتى الوصول الى كرايست شيرش
كما تحوي الشنطة على فرشاة اسنان ودفتر مذكرات و درزن أقلام رصاص لأني طالب مستجد نوعية الاقلام استاندر h2
ومترجم الكتروني با الاضافة لامواس حلاقة ( وسأسرد لاحقا بعضالاسعار في كرايست شيرش النارية)
وكاميرا تصوير أما اللاب توب فلم آخذه معي لأني حطيت في بالي انه راح يشغلني عن الدراسة وبالتالي الاحتكاك بالناس

وصلت المطار و وضعت أمتعتي على جهاز الكشف ثم انطلقت
نعم انطلقت لبوابة السفر مودعا أرض الوطن وعندما أقبلت على بوابة السفر لم أجد أحداً هناك نظرت لشاشة الرحلات فلم أجد رحلة دبي ذهبت للكاونتر القريب من بوابة السفر حيث يوجد به احد موظفي الخطوط السعودية لأسأله عن رحلة دبي ،

وكانت الصاعقة لقد اقلعت الرحلة

وشو





كل هالحماس واقلعت






كمل التقرير شوقتني ياهووووووووووووووة






احترماتي الكــ


دي


دي


ليتوني الدوووب

الييل لا حول ولا قوة الى بلله من جد مسلسل قصيرررررررر :112: طاش ما طاش
:112:
:109: هههههههههههههههههههههههههههههههههههههههههههههههههه ههههههههههههههههه :109:
كمل وحنا معك :24:

والله مصيبة
عندما أخبرني موظف الخطوط السعودية ان رحلة دبي اقلعت ، خنقتني العبرة وبدات أجر أذيال الهزيمة من اولها ، ما يصير هذا وانا على ارض الوطن راحت علي الطيارة وشلون بكرى في سنغافورة و كرايست شيرش
شوي واسمع صوت الوالدة من وراي تنادييني وأنا مستحي منها وش اقول لها ، وأسال نفسي وش اللي جاب الوالدة المطار ؟ حطت الوالدة يدها على كتفي وهزت كتفي قوم قوم ! ! . . قوم تغدى ولا تتاخر على المطار يالله أخوانك وابوك ينتظرونك على السفرة
أثاريني نايم ؟ . . ! ! وأنا أحلم والطيارة ما طارت ولا هم يحزنون سميت على روحي وما علمت احد ، لأنه حلم مزعج وكابوس يمكن ينقلب حقيقة ، الله لا يقوله
تغديت وحمدت الله و ودعت الوالدين ولاخوان وذهبت للمطار وقطعت البوردينج وشحنت الشنطة الكبير واخذت معي الشنطة الصغير وعرفت بوابة السفر الى دبي ، وانا جالس قرب بوابة السفر اشوف واح معاه اثنين من الشباب اعمارهم 16 و 17 سنة عرفت انه صاحب مكتب سفريات ويوصي هذولا الطلاب على مواعيد رحلات الطيارة من دبي وسنغافورة . قلت زين فيه اثنين اسولف معاهم لين نوصل كرايست شيرش
من زود الحرص سألت موظف الخطوط عن الرحلة وقلت له عدد المسافرين قليل فقال مقاعد الطائرة 130 مقعد واللي حاجزين على رحلة دبي أقل من ستين شخص وعساهم يجون \! !
قلت أبرك على الأقل نلقى خدمة جيدة بحكم العدد القليل ، الطيارة مدتها اقل من ساعتين والطيار ما قصر يقول راح نصل قبل الموعد المحدد ب عشرين دقيقة والل وقدها وقدود ، الوجبة كانت رائعة جدا غير اللي يقدمونها في الرحلات الداخلية

على فكره انت على اي خطوط

أهلا الأخ نايس انجل

خط سير رحلتي كالتالي

دمام - دبي = الخطوط السعودية / اقل من ساعتين

دبي - سنغافورة = الخطوط السنغافورية / اقل من سبع ساعات

سنغافورة - كرايست شيرش = الخطوط السنغافورية / أقل من عشر ساعات

سعر التذكرة 4500 ريال بدون الفندق في مطار سنغافورة

يا الطريق لا تضيعنا بالطريقة هذي وحركات الاكشن وتنهي الحلقات عند مشاهد تشد الانتباه بعدين تصاب عيوني بشد عضلي :105: بسم الله علي هههههههههههههههه
اهنيك على الاسلوووب الشيق والممتع :113: :113: :113: وبانتظار باقي التفاصيل واحلا مافي حلقاتك اخوي انك تذكر كل شيء بالتفصيل فارجوو انك ما تبخل علينا باكثر التفاصيل وبكل دقه .
وطبعا ما اخفيك اني قاعد افكر وش بيسوي المخرج بالحلقه الجايه :114:
ولك تحياتي
محبكم
هلستون فـراولة

المعذرة على المقاطع الصغيرة لأني حريص على ذكر الرحلة بأجزائها الدقيقة

وحتى الحلم كان أحد أحداث الرحلة ، وانا قلت لكم في بداية سرد الرحلة لن أتحفظ أبدا وخصوصا في احداث كرايست شيرش التي عشتها يوما بيوم:11ight:

كما أخبرتكم أن الطيار هب ريح وصل قبل الموعد المحدد بعشرين دقيقة وكانت سرعته 1300 بينما الخطوط السنغافورية ما تعدى 800 ، والحقيقة إن الطيارة كانت فاضية بشكل ملحوظ ، كانو الخطوط السعودية عارضين فلم عن جيزان وفاكهة المانجو وكانو كاتبين في زاوية الشاشة jazan فجلست استهبل على المضيف ليش تعرضون علينا مناظر منjaban ( يابان ) فقال يا أخي هذي جيزان ديرتي ، ما وعيت الا أغلب اللي بالطيارة فاقعين من الضحك ، وصلت الطيارة مطار دبي العامر بالحركة الجوية :108: الملحوظة غير مطار الدمام اللي كان ميت لا ركاب :112: ولا طيارات ، نزلنا مطار دبي وسألت عن الطيران السنغافوري لقطع بوردينج دبي سنغافورة ، فوجدت أمامي الشباب الاثنين اللي قابلتهم في مطار الدمام ومعاهم أربعة آخرين سعوديين وانا الخامس صرنا سبعة رايحين لسنغافورة وسألتهم قالو حنا رايحين لكرايست شيرش قلت هلا والله :109: ، تونا ما وصلنا كرايست شيرش والعدد سبعة ، وكانوا كلهم عن طريق مكاتب السفر والسياحة ، اعمار الشباب طلاب ثانوي ماعدا واحد كان عمره مذهل جدا ، جعلني أخجل من خوفي من السفر ، الولد هذا ماعنده ولا كلمة انجليزي اللهم A B C و YES و NO شي مايتصور ترى في محياه طفولة بريئة وفطرة بدون تحفظ ،ما يخطر بباله تجده على طرف لسانه عمر هذا الشبل لم يتجاوز 13 سنة :114: سالته كم مرة سافرت ؟ قال هذي اول مرة ، واردف قائلاً : ابوي كان يلح علي العام الماضي وانا في الصف السادس عشان اروح كرايست شيرش فجلست أصيح :110: وقلت له ما أبي قال : ترى السنة الجاية رايح رايح ، شي غير معقول أبدا
وللأ مانة الولد كان يخلص اجراءاته قبلنا حنا السبعة :113: وبكل ثقة ، كان الوقت الفاصل بين وصولنا لدبي واقلاع طائرة سنغافورة لايتجاوز الساعة والنصف وكان هذا الشي من صالحنا ، عندما قطعت بوردينج دبي سنغافورة ، اعطونا أيضا بوردينج سنغافورة كرايست شيرش بدون ذكر بوابة السفر ، صعدنا الطائرة وكانت توجد بها بعض الأماكن الخالية ، كنت بين الفينة والأخرى أراقب الطفل ابو 13 سنة
اكثر من ست ساعات في الجو مرت مرور الكرام لعدة أسباب:
اولا : الخدمة الملكية الراقية التي لا يعلوها خدمة :24: ولا تضاهيها أي خدمة على اي خطوط
ثانيا : حركة دائمة للمضيفات :115: وابتسامة نابعة من الذات
ثالثا : عندما سالت المضيفة عن اللحم هل هو حلال قال نعم إنه من دبي وهي دولة مسلمة ، وسوف أرسل للمطار الآن في سنغافورة ملحوظة أن تكون وجبتك اسلامية على رحلة سنغافورة كرايست شيرش ، وجائني مسؤول المضيفات :108: واعتذر ان كان سببت لي الوجبة أي شكوك ، وبعدها جاني مساعد الطيار :108: وأبدى استعداده لتقديم أي خدمة تكون سبب لراحتي اثناء الرحلة .
رابعا : كثرة القنوات والبرامج على الشاشة الخاصة بكل راكب كانت عامل ممتاز لتمضية بعض الوقت
خامسا : أجزم أن كل من جرب الخطوط السنغافورية سيقول أعظم مما قلته
سادسا : عدد السعوديين المرافقين لنا في الرحلة يعطي الثقة ان خط سير الرحلة صحيح، مما يعطي طمانينة ولو بشكل غير مباشر أنك ضمن قروب سعودي .

طوال الرحلة لم تغيب عيناي عن الطفل :114: وكأني غير مصدق أنه لوحده في رحلة طويلة ، وتذكرت سندباد على ظهر البعير بينما اخونا على مقعد طائرة وخدمة خمس نجوم وعين الله ترعاه

الصلاة في مطار سنغافورة ؟

انتظروني

اكمل اخوي طريق

فنحنو نسير خلفك

اسلوب رائع اخوي

اخوك
ابن المدينه

الوصول الى مطار سنغافورة
عندما حطت الطائرة على مطار سنغافورة شعرت بمدى كفاءة طيارين الخطوط السنغافورية فالطائرة كانت على ثبات خلال الست الساعات في الجو وكأني في صالة بيتنا ولا مطبات صناعية ولا هم يحزنون :113: ، ايضا اثناء الهبوط كان الطيار فنااااااااااااان في الهبوط .
المطار فيه صالتين 1 و 2 التنقل بين الصالتين يتم بمقطورتين كهربائيتين بدون سائق في كل صالة فندق واجار غرف الفندق يتم بالساعات ، ذهبت للفندق بالصالة رقم واحد لحجز غرفة قالوا : ماعندنا غرف كلها فل ، لكن راح نتصل على الفندق بالصالة الثانية ، اتصلوا ولقوا عندهم غرف شاغرة وسجلوا اسمي عندهم ، ركبت المقطورة المجانية الى صالة رقم 2 و عندما وصلت للفندق بالصالة الثانية أعطيتهم جوازي وعلى ما أعتقد ست ساعات بأقل من 45 دلار أمريكي ، لكن كانت مفيدة للتروش و حلاقة الشنب وشحن الجوال والاسترخاء( ضروري تكتب عنوانك صحيح 100% لدى الفندق يمكن تنسى شي من اغراضك يرسلونه لك على عنوانك )، إذا كنت مافيك نوم ولا تحب الفندق يوجد مقابل الفندق في الصالة الأولى ( 1 ) مكان للتروش ومساج ووجبة خفيفة بمبلغ بسيط لا أذكر بكم
استلمت مفتاح الغرفة ودفعت المبلغ بالفيزا ، بقية الشباب السعوديين المكتب حجز لهم الفندق بخمس مية ريال يوم كامل ، مع ثلاث وجبات والشباب ما أكلوا ولا وجبة ومانامو غير أربع ساعات فقط ، لأن الدعوى كلها عشر ساعات فقط أو 12 ساعة بالكثير في مطار سنغافورة .
دخلت الغرفة ونمت نومة محترمة ، وصحيت و دخلت دورة المياه وحطيت معجون الحلاقة وملطت الشنب :109: ودقيت الترويشة وصليت الفجر بالغرفة وصلحت لي كوب شاي ( يوجد بالغرفة هيتر شاي كهربائي وسكر واكواب ونسكافيه ) طالعت شكلي في المراية تحسفت على شيلة الشنب لأن صورتي في الجواز غير مطابقة لوجهي الحالي والفرق مرة واضح بس بدون شنب أحلى :106: ، المهم عن جد نظافة شيلة الشنب تحس انك مرة نظيف .
سلمت الغرفة وكل ما قابلني واحد من الشباب السعوديين اللي معانا في الرحلة قال : نعيما :108: ، أرد عليه باستحياء : الله ينعم عليك . ( كل اللي قالوا لي نعيما قابلتهم فيما بعد بالسكوير في كرايست شيرش مالطين الشنبات ) يعني ما فيه حد أحسن من حد :24: ، طاح الشنب قصدي طاح الحطب
يوجد بمطار سنغافورة :
حديقة في الدور العلوي تغطي صاللة المطار، يوجد مكتب لحفظ الحقائب اليدوية التي لم يتم شحنها مقابل رسوم بسيطة ، الانترنت مجانا ، الكثير من المحال التجارية ، والكافيهات والمطاعم ، ممنوع التدخين في صالة المطار :24: وتوجد منطقة للمدخنين في بلكونة خارج صالة المطار ، يوجد صراف عملة ، يوجد بركة سباحة للمهتمين بذلك ، يوجد بحيرتين فيها أسماك للتسلية والفرجة والتصوير ، حينما حلت صلاتي الظهر والعصر بحثت عن القبلة للصلاة وهممت بالصلاة وسط جموع المسافرين قبل ان تشير لي أحد الأخوات الاندونوسيات أن هناك مسجد في المطار واشارت لي تجاه المسجد وشكرتها على ذلك .
ذهبت للصلاة هناك وكان المصلين شتاتا :114: كل واحد يجي ويصلي لحاله فجمعت بعضهم وصليت بهم الصلاتين جمعا وقصرا وعند المغرب والعشاء فعلت كذلك .
توجد بالمطار شاشات كثيرة لتغطية مباريات كأس العالم :115: والجمهور مميز من كل الجنسيات، بإمكانك شراء أي شيء بالفيزاء ابتداء من الكافي وانتهاء بأي شيء على بالك .
من سنغافورة الى كرايست شيرش وفي الطائرة ؟ !
الشباب شربو خمر بحسن نية ! !

كمل يا شيخ بس عندي سؤال كم جلست في المطار اشوفك طولت موو يقولن ست ساعات بس ولا انت على خطوط ثانيه انا اذكر انهم يقولن مطار هونق كوج وانت في سنغافوره ولله الحس مخي هههههههههههههههههههههههههه .......... ابي اعرف

الاخ وده نيوزلندا

سلامي عليك وش جاب طاري هونج كونج

انا يالحبيب حسب علمي أن اللي يروحون هونج كونج ، يقلعون الى عاصمة نيوزلندا ( أوكلاند ) ثم يطيرون الى كرايست شيرش بطيران نيوزلندا الخاص

يعني لفة كبيرة مالها داعي

انت من وين وانا اعطيك اقصر الطرق ؟

لا تخاف الشنب نبت وعاد زي ما كان ؟ !

اهااااااااااااااااااااااااااا اول شي انا نك نيم (رايح نيوزيلندا) هههههههه مو (وده نيوزيلندا) وده نيوزلندا في نيوزلندا الاحين الله يوفقه بس ابشرك المعلومه اوصلت ايه فهمت طيب كمل تراني معك اول بأول تصدق عاد لو اقولك شي بس اتمنى انك تصدق (من يوم ما بديت موضوعك وانا ما ادخل المنتدى الى عشان اكمل مسلسل رحلتك ولله العضيم )كمل وحنا معك ... بس على فكره ترا في اسئله ما جاوبتني عليها راجع الصفحه الاولى شكلك ما دققت في الردود .....والى انك (مطنش)ههههههههههههههههههههههه وهذا الي ما توقعه هههههههههههههههههههههههههههههه كمل كمل كمل وانا معاك

انت من وين وانا اعطيك اقصر الطرق ؟.......................... ابي اجاوبك
انا من الرياض يعني وش تنصحني ايذا جيت اسافر الى نيوزيلندا انشاء لله من وين ابدا وعلى اي خطوط

مرحبتين اخوي رايح نيوزلندا

أقصر طريق لك الرياض - دبي = الخطوط السعودية
دبي - سنغافورة = الخطوط السنغافورية
سنغافورة - كرايست شيرش = الخطوط السنغافورية

أو الطريق التالي

الرياض - جدة = الخطوط السعودية
جدة - سنغافورة = الخطوط السنغافورية
سنغافورة - كرايست شيرش = الخطوط السنغافورية

كل الطريقتين ممتازتين ، لكن االفارق السعر شف أيهما أقل سعر ، اذا كان السعر متقارب أنا أفضل ذهابك من الرياض الى دبي

بالتوفيق ان شاء الله

شورتك وهدايت الله اخوي طريق

تســـــــــــــــــــــــلم اخوي الطريق على هالسرد الحلووو لأحداث رحلتك
تراني متحمس وبانتظار وش صار وش سالفه:115: الشباب شربو خمر بحسن نية ! ! :114:

:

لا تتأخر علينا :108:

مطار سنغافورة ممتاز وتقضي فيه وقت ممتع
عندما اشارت لي احدى الاخوات ان هناك مسجد بالمطار ارتحت لان هنا مكان للصلاة ، يوجد بالمسجد مواضيء وقسم للرجال وآخر للنساء وبجانب المسجد عيادة لتقديم الخدمات الطبية اعتقد انه بمقابل
انتهى الوقت بمطار سنغافورة وكانت فرصة للراحة وذهبت لبوابة السفر ووجدت الشباب السعوديين سابقيني عند البوابة ، ركبنا الطائرة واقلعت الرحلة ومدة طيرانها تسع ساعات وعليها
بدأت المضيفات العمل كخلية النحل وبدأو بتوزيع الكولا والعصيرات والمشروبات الكحولية ، اثنين من الشباب السعوديين أشاروا الى احدى القوارير على انها عصير تفاح فقالت لهم المضيفة هذا واين = خمر ، طبعا المضيفة عرفت انهم مسلمين بسبب الاستكر اللي تحطه الخطوط السنغافورية على مقعدك اذا انت مسلم وطلبت منهم وجبة اسلامية .
الخدمات رائعة وكأن العشر ساعات ولا شئ ساعتين سوالف وضحك وخدمات رائعة جداً.
أعطونا على الطائرة كروت نعبيها عشان اذا نزلنا نسلمها المطار ، اذا ما تستطيع تعبيتها توجد كروت بالعربي لا توجد على الطائرة بل بالمطار ، واذا مافيه بالمطار راح يساعدونك على تعبيتها بكل سرور،
لم احمل معي اي مأكولات لأني لن أموت من الجوع وسآكل مما يأكل منه الناس، لذا كان مروري سريعا وبدون اي تعقيد، بعض الشباب خضع للتفتيش والتعطيل بسبب الماكولات التي لديه (جبن كرافت وزبدة الفول السوداني والبقرة الضاحكة وتمر وقهوة سعودية وشاي لبتون ومعاميل القهوة ...وأكواب وبيالات
، سألته ليه جايب معاك أكواب قال لن أشرب من أكواب العائلة يمكن شاربين فيها من قبل خمر ؟ !
وصلت المطار في كرايست شيرش يوم الاثنين وكانت في استقبالي أحد المعلمات ، اصطحبتني معها الى المعهد مباشرة ، أما بقية الشباب فكانت باستقبالهم العائلة والسبب انهم دفعوا للعائلة من السعودية بينما انا لم ادفع ولا هلله حتى ارى بام عيني ، هم راحو للبيت وأنا رحت للمعهد
قبل الوصول للمعهد كان الجو بارد ومناظر الشوارع رائعة ورذاذ المطر يتساقط يبعد المطار عن المعهد 20 دقيقة وصلت المعهد استقبلني مدير المعهد بكل تقدير وحفاوة واعتذر لعدم استطاعته استقبالي في المطار لانشغاله ببعض الأمور الضرورية والتي لاتقبل التأخير ، واجروا لي اختبار قياس مستوى وحصلت على مستوى Elementary
( بدون تحفظ ) السكرتيرة حقت المعهد جميلة ومنتقاه بعناية لأني ماشفت مثلها طيلة مكوثي بكرايست شيرش ،
الهوم ستي ( بيت العائلة ) وش اللي صار فيه ؟

ها وش صار فيه ؟؟؟
ترى الساعة 7 الصباح عندنا اخوي الطريق ونا متابع تفاصيل رحلتك هههههههههه

بانتظار الباقي بس اكيد بدون هلل بالعملة النيوزلنديه وبس هههههههههههههه

كمل يا شيخ ااااااااااااااااااااااااااااااه ما يصير كيذا يضيق صدري ايذا شفت الموضوع رح يخلص وانا جالس اقراا ههههههههههههههههههههه بس يلله المتعه في الشي هذا الله يوفقك على فكره ترا في اسئله ما جاوبتني عليها راجع الصفحه الاولى شكلك ما دققت في الردود .....والى انك (مطنش)ههههههههههههههههههههههه وهذا الي ما توقعه هههههههههههههههههههههههههههههه كمل كمل كمل وانا معاك

سميت باسم الله وانضميت لفصلي وزملائي وزميلاتي الجدد

عرف بي مدير المعهد المدرس وقال أنني من السعودية صافحته وابتسم : صباح الخير ورددت عليه صباح الخير بالإنجليزي
وتعرفت على بقية الطالبات أربع على يساري :24: وأربع على يميني ويفصلني :112: عن زميلاتي من ناحية الشمال شايب ترى في وجهه تاريخ كوريا العريق ويداه ترتجفان بسبب الشيخوخة إنه عالم المتناقضات الغريبة كم تتوقعون عمر الشايب ؟ طفل بالطائرة عمره 13 سنة يدرس بالصف الأول متوسط وشايب عمره 65 سنة على مقاعد الدراسة ، أعطاني دافع قوي للنظر الى الحياة أنني أعيش ابدا، الواحد عندنا اذا وصل للأربعين قال يالله حسن الخاتمة ، كانت زميلاتي من اليابان وكوريا وتايوان ، توقعت مستوياتهم عالية طلعوا فشينق .

لكنهم شعب مبتسم مزوح إذا ضحكن تحس أنك وسط حظيرة اغنام ماءماءماءما:109: ءمماماماماماما ، وكأنك تنظر الى مستر بن . . .ضحك من غير كلام ماماماماماء:115: ماءماءماءماماماما
لكن كنت سي السيد انا الوحيد بينهن وكل الانظار تنتظر مشاركتي :113: ، انتهى اليوم الدراسي واتت العائلة لاصطحابي للمنزل وكانوا ظرفاء للغاية ؟، ما ان وصلت للمنزل حتى ارتحت لشكله الخارجي ، دلفت الباب ودخلت لأرى مالم تره عيني ابداً إلاّ في القمامات ، قشور موز ورائحة خمر تنبعث من المكان وقوارير مرمية ، فآثرت على نفسي الجلوس وطلبت منهم اعادتي للمعهد فورا وبدون تردد :112: ، فتحججوا ان مفتاح السيارة مفقود قلت لهم انا على الرصيف حتى تجدوا المفتاح في أقل من عشر دقائق والا سأظطر للذهاب مشيا او على تاكسي ، خرجت من المنزل الى الرصيف وبعد دقائق خرجوا معهم مفتاح السيارة واصطحبوني للمعهد ، طلبت من المعهد ارشادي الى موتيل أو فندق للسكن وكان خير مافعلت :115: سكن نظيف محترم .

كيف تعلمت زميلاتي :109: اللغة العربية ؟

الأخ هليستون فراولة : شكرا للمتابعة

الأخ / رايح نيوزلندا
الفلوس معاي 700 دولار لم أصرف منها شي
معاي بطاقة فيزا البريطاني ، اشتري بها كل شي من البقالة ودفع فلوس المعهد والسكن والرحلات والتمشيات حتى المطاعم
بالنسبة للحلاقة خذ معك أمواس تكفيك لأن سعرها في نيوزلاندا يقارب مئة ريال ؟ ! ؟ . . .يابلاش
قيمة القبعة الشتوية اللي عندنا بخمسة ريالات تلقاها عندهم بخمسين ريالا
الشال ( اللفاف ) على الرقبة النوع الجيد عندنا ب 5 أو 10 ريالات فقط بينما عندهم بـ70 ريال
الجاكيتات غالية عندهم بشكل صارخ وعموم الملابس غالية بالحيل يعني تلقى أحسن منها عند محلات نكست وبسعر معقول
لا تنس مظلة من أبو ريالين لوقت الحاجة ( أنا شريتها بخمس ريال ولا احتجتها الا يومين فقط )
الاقلام ضرورية تاخذ قلم سائل لسهولة الكتابة أو اقلام رصاص لأن البرد ماينفع مع القلم الناشف يجف قصدي يجمد من الجو ولا يكتب

وأي سؤال انا حاضر

شكرا اخوي طريق على الاجوبه مشكور وما قصرت بس حلوه البنات هاه شكلك راعي غزل ههههههههههههههههههههههههههههههههههههه
... كمل وانا معك .... بس عندي طلب واحد يا ليت انك مع سردك للقصه الحلوه هاذي انك تذكرنا الحجات المهمه يعني سردها الحين ممتاز بس حاول انك تفصل فهمت عشان نستفيد كيف سويت مع العائله كيذا وكيذا يعني تعطينا قصتك ونصايح بين السطوووووور فهمت اخوي اتوقع انك فهمت .......
سؤال.1بطاقة فيزا البنك البريطاني ما غيره الي عندنا يعني قبل ما اروح افتح حساب واخذ بطاقة فيزه من هينا هذا الي انت تقصده ؟ودي اعرف خذيت معك مبلغ كاش في جيبك يعني ل الضروره كم ممكن اعرف ؟ واسف على القلق الي انا مسويه لك هههههههههههههههههههه

الله يعينك

شكراً لك على هذا التقرير طريق

حرام عليك كمل لنا القصة في أسرع وقت

طولت علينا اخوي طررررررررررررريق .... ترا ماعاد فيه صبررررررررررررر الله يوفقك

الله يستر على أخونا طريق

طول علينا

اين انت يا رجل كنا مستمتعين بما تسطر لنا

لا تطيل الغيبة

أهلاااا بك اخي الكريم ..


مرحبااا بك وفعلاااا قصة جميلة .. بس نبي اسم المعهد لو تكرمت ..

ويــــــــــــــــــــــــــنك الطريق وين تكملة رحلتك

تراني حاط يدي على خدي انتظر باقي الحلقااات

طــــــال الصبر والمنتظر ملي صــــــــبره

ما شاء الله وشذا الأسلوب صراحة مشوق
نبي البقية
شوقتن اخذ العايلة اسبوعين هناك
يمكن احجز في 15 اوغست وشلون الجو هناك وهل تصلح للأطفال فيه ملاهي والعاب وشلون الجو وهل احتاج فيزا

السلام عليكم ورحمة الله وبركاته

من طول الغيبات جاب الغنايم

ومن مشى مع الطريق ذفر بالغنايم

المعذرة على التأخير



آسف مرة أخرى على التأخير

والله آسف . . . ما يكفي . . . مالي عذر لكن مثلكم يعذر

المشكلة إني معكم لمدة يوم واحد فقط

وذلك لارتباطاتي الخاصة سأعاود التواصل معكم بعد اسبوعين

أراكم بعد تاريخ 12 اغسطس

بااااي

الله يستررررر عليك ما تشوف شررررر الله يعينك ويوفقك عاذرينك

الله يوفقك اخوي في دراستك

واحنا متابعين معك

الطالبات اللاتي كن معي كانت كل واحدة منهن تتحلى بالأدب والأخلاق:24: ، كان المعهد به أربعة فصول دراسية و قد أضحكني أحد الإخوة السعوديين ، كانت عندما تبتسم له احدى الطالبات :106: بعفوية وبذوق ، يبتسم لها بكل سذاجة و يحضر لها من بكرى سنكرس أو :112: أي نوع من الكاكاوات ، و أساله لماذا ؟ يرد عليّ : إنها معجبة بي ، وكيف عرفت ذلك ؟ فيرد بكل سذاجة : إنها تبتسم لي كل يوم .ولا يعلم هذا المسكين ان الابتسامة لغة عالمية من غير أن تتحدث .

في يوم الاربعاء من الاسبوع الاول : ثلاث سعوديات في معهدنا ، :108: وموقف أحرجني ؟

شكرا لمروركم جميعا

عمار يا نيوزلندا والله جنة ، وخدمات رائعة

لقد فوتت كيف تعلمت الطالبات اللغة العربية ؟

كتبت على ورقة A4 اسم كل واحدة

سطرت الورقة خمس سطور

بحيث كل يوم وقت بريك الغداء ولمدة دقيقة واحدة تكتب اسمها

مي لابي * اكيمي * ايمي * جاينق * سوك * ساينق * . . .

في نهاية الاسبوع تم الاختبار وكانت كلهن ناجحات

==================================================

اما الموقف المحرج مع السعوديات ، كنت قادما من الغداء الساعة الواحدة ظهرا وبعد دخولي المعهد القيت التحية على مدير المعهد والسكرتيرة ، وبادرني مدير المعهد بقوله : هذا زميلكن من السعودية ! ! وأردف قائلاً : انهن من السعودية ، التفتت اكبرهن بلمحة بسيطة :108: خاطفة سريعة ، ولم تنطق بشيء فقد كانت مفاجئة لي ولهن .
لبسهن غير ملفت فقد كن كاشفات حتى الشعر والجينز طبيعي لدرجة انك لاتحس بانهن سعوديات من طبيعة لبسهن .
أكملت مشواري للفصل ، :24: عطيت مدير المعهد أشكل وكأنه لم يكلمني
وللأمانة قمة في الأدب محتشمات ( لكن بدون عباية ) واثقات من انفسهن :x1: ، اتمنى لجميع الاخوات السعوديات التوفيق والسداد
====================================

الاخ / بسام
الجو بارد والمدينة ممتازة جدا بالنسبة للأطفال يفضل منهم أكثر من ثمان سنوات لسهولة التنقل وادراكه لما سيمارسه من زيارات والعاب وهوايات .. .. الخ
بالاضافة الى انه سيخدم نفسه ويحس بالمتعة التي تنشدها انت وافراد اسرتك
نيوزلندا لا تحتاج لفيزا

:113: :113: :113: :113: :113:
:113: :113: :113: :113:
:113: :113: :113:
:113: :113:
:113:
:113: :113:
:113: :113: :113:
:113: :113: :113: :113:
:113: :113: :113: :113: :113:


(((((((((((((( مبدع )))))))))))))))))

بس لو الحلقه تكون اطول كان تصير احسن واحد :11ight:



ودمتم بحفظ الله

ههههههههههههههههههه

حلوة قصة الاختبار لهم



لا وطلعوا كلهم ناجحات

لوووووووووووووووووووووووووووووول


بالتوفيق يالغالي


احترماتي الكــ


دي

دي


ليتوني الدووبي

ليتني همك
نك نيمك راائع ومرورك يزيدني مواصلة
أضواء المدينة
شغفي بالأدب العربي والمسرح جعلني أحس انني أمام جمهور كبير يتمثل في شخصك

استفادت مني الطالبات واستفدت منهم
لقد احضرت ورقة كتبت عليها زميلاتي اسمي بالياباني والكوري والتايواني
وضعتها في اطار وعلقتها للذكرى

لابد أن تدخل مع زملائك في الفصل وتكون مندمج ، لدرجة ان السعوديين اللي معاي في المعهد يجون وقت البريك عندي ، كنت حريص انهم يحتكون بزملائهم في الفصل ويكسرون حاجز الخوف ويتكلمون بطلاقة او بلغة مكسرة المهم ذوب في وسطهم ولا تنحرج انت جاي تتعلم مثل ماهم جيين يتعلمون

حقيقة شارع مانشستر أكذوبة وخطر وقصص آخر الليل ( بدون تحفظ )

والقادم بدون مقص الرقيب

[blink]حقيقة شارع مانشستر أكذوبة وخطر وقصص آخر الليل ( بدون تحفظ ) [/blink]

الله يستر (بدون تحفظ

بس لا تطول علينا

يسلمووووو اخوي الطريق على هالحلقااات وبصراحه اكثر ما يعجبني باسلوبك بالحلقاات الدمج ما بين البساطه والصراحه الي تجبر اي قارىء على متابعة باقي الحلاقات فمني لك كل الصفقات الحاره :113: :113: :113: :113: :113: :113:
تراني با انتظــــــــــــــــــــــــــــــــــــــــــــــ ارك :114: :114: