الموضوع: استفسار ضروري بخصوص الفيزا

السلام عليكم


كنا ناوين نروح استراليا شهر العسل بس لسبب لا نعلمه لسة ما ردوا علينا لا بالرفضو لا بالموافقة عليها علما انه صار لنا كم اسبوع معاهم






السفر بعد شهر بالضبط


قلت اذا لي بعد كم يوم ماطلعت الفيزا راح الغي كل حجوزاتي و الفنادق و المواصلات لاستراليا و راح احولها لنيوزلنا


لكن قبل ان القي نظرة على التقارير و قبل كل شي قبل ما يصير نفسي ازورها و بعدين يعقدوني معا فيزتها و قلبي يعورني




قررت اسأل هل فيزا نيوزلندا معقدة ؟!! لا اقصد الاسئله لا بالعكس ولله الحمد اللغة زينة عندي لكن اقصد هل يعطونها لنا !!




احنا رايحين شهر العسل و كل اوراقنا من كشف حساب البنك و الجوازات والرحلات و الفنادق و رسائل الجامعه و التامين الصحي و كل شي ممكن يطلبونه مجهزينه




كم يوم تاخذ الفيزا عشان تطلع؟


احنا من البحرين هل راح تطول الفيزا وايد؟


وهل في الدول العربية بشكل خاص تطول في هذه الفترة بسبب الربيع العربي او فقط استراليا متحسسين من هالموضوع؟






يعني بختصار شديد جدا تتتوقعون بيعطوني فيزا او ادور دولة فيزتها في المطار و بس
هل ابتدي اجوف التقارير و الاماكن و الخ او اطلع من القسم و اروح قسم دولة فيزتها سهله هههههههههه


وعذرا على الاطاله

مواضيع عشوائيه ممكن تكون تعجبك اخترناها لك:

• نوع الفيزا ؟
• بعد رؤيتي نيوزيلندا اصبحت محتار في امري
• تساؤل بسيط لمن لديهم خبرة بنيوزلندا
• مساعدة عاجلة
• راح اطلع لنيوزلندا الصيف وابي مساعده منكم
• استفسار عن رحلة الى نيوزلندا على الخطوط الماليزية ؟
• اول يومين بنيوزلندا
• اللباس الشتوي في الصيف
• دراسه اللغه لمده اشهر
• سعر التذاكر هذا العام إلى نيوزلاندا وأستراليا سجل سعر تذكرتك لــــعام
• رحلة وده نيوزليندا الى كرايست شيرش
• هل يوجد رحلات طيران من اليمن الي اوكلاند باستثناء الاماراتيه ؟
• مشرفنا الحبيب الغاليييييي الماسترو
• شباب ممكن تساعدوني لكوني اول مرة اسافر
• من الرياض إلى أوكلاند بسعر ريال رأيكم السعر زين ؟
• الخطوط السعودية ونيوزلندا ياشباب
• لاب توب او اي باد
• ساعة ترانزيت وش السواة
• بخصوص الابتعاث المرحلة الرابعة استفسار ؟
• ارجو المساعده

والله بالنسبة لنيوزلندا إذا كانت مدة إقامتك أقل من 3 أشهر فما راح تحتاج فيزا ،،

بس إذا بتروح من طيران الإمارات راح تحتاج فيزا عبور استراليا،،
انا ما طولت قعدت اسبوعين فقط ..

طلعتها من مكتب gulf center اللي في عمارة سامبا على كورنيش الخبر..

ممكن يطلعولك بس ما ادري هل يطلعون للبحرينيين من عندنا في السعودية .؟



مبروك عليك الزواج، وتمنياتي لك بحياة زوجية سعيدة

الرحلة ستكون بإذن الله 3 اسابيع او شوي اقل



هل حقا ماراح نحتاج فيزا !!!!

فرحتني الله يفرحك بالجنه يارب


ممكن رقم المكتب لو سمحت عشان اكلمهم قبل لا اجي السعودية؟

راح اسأل السفارة النيوزلندية فالبحرين لو كان فيه سفاره عن طريقة حصولنا على الفيزا


طيب اذا مثل ما قلت لو مدة بقائنا اقل من 3 شهور ما راح نحتاج فيزا معنى ذلك ان ندخل المطار عادي ما يسئلونا شي ؟! او نعمل فيزا لإقامة قصيرة في المطار مثل تركيا

او شنو بالضبط الإجراء الي راح يصير؟


عشان اذا ما راح نحتاج فيزا ابدأ ابحث عن الفنادق و التذاكر و ارتب البرنامج


جزاك الله الف الف خير على الرد السريع

بالنسبة للمكتب ما يحتاج له موعد عشان تطلع الفيزا روح هناك و على الدور
دوامهم من الساعة 9 - 5 . بس استقبال الطلبات الى الساعة 3 على ما اعتقد ( مو متأكد )

http://www.arabtravelersforum.com/travel537590/


http://www.arabtravelersforum.com/travel458416/ ( أكثر من ثلاث شهور )


هذي من المواضيع المثبتة في المنتدى ،،
اللي استفدت منها واذا عندك اي استفسار احنا ما راح نقصر

ما قصر بو أحمد الله يجزاه خير

الفيزه يعطونك اياها فوريه من المطار وما تحتاج الا تذكرة العوده قبل 3 أشهر (ضروريه جداً) وحجوزات الفنادق (ولو أن الحجوزات ممكن يتغاضون عنها)

وبالجوازات بيسألونك اسأله عاديه .. سبب الزيارة ؟؟ وين بتروحون ؟؟




بالتوفيق

اذا جات على الاسئلة فالاسترالين ما خلوا شي ما سألوا عنه حتى تاريخ تخرجي فتعودنا ههههههههههه

التذاكر بإذن الله راح تكون روحه و رجعه فراح تكون عندنا تذاكر بس مو ورقية لان حجزنا الكتروني يعني عندنا تفاصيل الحجز رقم الرحله و الاسم و الخ لكن مو الاوراق الدفتر القديم حق قبل كم سنه


الفيزا الترانزيت لأستراليا كم تاخذ لين تصدر؟
واذا ما راح نطلع من المطار بعد لازم نعملها؟

لا لا بالنسبة للتذاكر تقدر أنت تطبعها،،

يعني شغل أول تذاكر وعليها ختم خلاص،، كل شيء مسجل بالكمبيوتر..
يكفي أن تكون الورقة مطبوعة فيها المعلومات متوفرة

يعني تروح المكتب تجيب معاك
1- الجواز ( الأصل ) + صورة منه
2- نسخة من تذكرة السفر لأنه راح يصورها لك بفلوس انا اخذ على الورقة ريالين.

بالنسبة للمدة الزمنية ممكن انها تختلف بس انا قعدت معاي اسبوعين تقريبا أو أقل ..

بالنسبة للفيزا حتى ولو ما تطلع من المطار لازم تستخرج فيزا عبور،،
هذا نظام استراليا مع الاسف

هلا اخوي

القنصلية الاسترالية تصير في برج المرفأ المالي الشمالي .. هو نفسه السفارة البريطانية


يمكن تاخذ من خمسة ايام الى 10 ايام فيزا الترانزيت لاستراليا


ماراح يطلعونك من مطار البحرين الا وعندك فيزا الترانزيت




ترانيزت استراليا يكون على الطيران الاماراتي والاتحاد فقط


عندك الكاثي باسفيك ماتحتاج تطلع فيزا حق اي مكان




لاي خدمة انا حاضر