الموضوع: ياليت حد من الخبراء يتفضل ويساعدني

السلام عليكم ورحمة الله وبركاته

ان شاءالله احنا حاجزين على المانيا بعد اسبوعين تحديدا منطقة كولون لان امي وابوي هناك لغرض العلاج وانا حابه اروح لهم وانطلعهم وانخليهم يغيرون جو شوي



اشرايكم في فندق حياة ريجنسي ؟



ثاني شي شنو الاماكن الحلوه في كولون غير الساحه وفي اخن والمناطق المجاوره وين ممكن انروح ؟ وهل لكسمبورغ تستاهل العنوه نضرب خط 3 ساعات علشانها او لا ؟ وهل المنطقه الهولنديه القريبه من كولون نسيت اسمها حلوه ولا بعد ماتستاهل ؟




اتمنى احصل اجابات منكم واكون لكم من الشاكرين

مواضيع عشوائيه ممكن تكون تعجبك اخترناها لك:

• ايهما اقرب اوتليت ريرموند او ماشملين فلج
• هامبورغ
• أريد شقة ريفية بالقرب من دوسلدورف
• الفزعه ف ترتيب رحلة سفر
• جولة اوروبية في عيد الاضحى المبارك ... ارجو الافادة
• أرجو المساعدة في معرفة طريقة الدفع
• زيارة سريعة لألمانيا و لأول مره احتاج مساعدة لبرنامج
• أحبتي محتاج نصيحتكم بخصوص السكن ومخطط الرحلة
• ممكن مساعدةاول سفره لأوربا
• فيه احد من الشباب بالمانيا الأيام هذي
• رأيكم في جدول رحلتي واقتراحاتكم
• بخصوص الاوضاع في اخن تختلف بين الفترات؟
• بخصوص فرانكفورت لاول زيارة
• شرايح الجوال بالمانيا والكونكت
• ابي فزعتكم يا الطيبين
• خبراء المانيا وتحديداً آخن وماجاورها، فضلاً سيروا علي
• إستفسار بخصوص االشقق في ميونخ
• شهر العسل في المانيا بالتحديد ميونخ
• فندق بميونخ سحب مني يورو دون وجه حق
• توزيع الايام بين دوسلدوف وفرانكفورت

مساء الخير

اولا ما اتشوفون شر وترجعون بالسلامه .. واذا احتجتي شي هناك او واجهتج صعوبه احنا بالخدمه


ثانيا انتي تقصدين هذا الفندق

[url]http://www.booking.com/hotel/de/hyatt-regency-koln.ar.html?label=gog235jc%3Bsid%3Dce11855e6835a5 cc5edf944f5f35216a%3Bdcid%3D1%5B%2Furl%5D%5Bsize%3 D%224%22%5D&aid=358324


اذا نعم فالخيار ممتاز جدا


افضل الاماكن التي ممكن اتزورنها خارج كولن هي دوسلدروف وبروكسل وامستردام


تحياتي[/size]

الهولنديه القريبه ريموند تقصدين عاديه جدا

لوكسمبورغ ما سبق زيارتي لها لكن مقارنه بما ذكرت تبقى اقل منهم


تحياتي

شكرا لك اخ علي على سرعة ردك والله يجزاك خير

السلام عليكم
اختنا العزيزه والاخوه الاعزاء اسف لانقطاعي في الفتره الاخيره عن النت لانشغالي بامور الحياة

اختي بالاول اهلا فيج بالمانيا وان احتجتي لاي شي تذكري ان لج اخ في هالديره ومايردج الا لسانج
ثاني شي بالنسبه للاهل ربي يشافيهم وين مقرره بتكون زياراتكم مثلا لو توضحين اكثر هل الاهتمامات بتكون باماكن تسوق او مناظر طبيعيه او مراكز مدن كبيره او اماكم اثريه؟
طبعاحتى يسهل علي اقدملك الاقتراحات بالاماكن اللي تثير اهتمامكم وتسوى انكم تقطعون مشوار الطريق لمشاهدتها

وهل ستكون اقاماتكم في كولن او اخن؟

بالنسبه الى لوكسنبورك عاصمه بلجيكا ففي سنترها القديم توجد اماكن حلوه جديره بالزياره فيوجد فيها اشهر محلات الحلويات والشوكولاته في العالم لانها تصنع منذ القدم وبطرق متوارثه بين نفس العائله ويحفتضون بخلطاتهم السريه ولكن طبعا البيع بيكون بالقطعه يعني سعرها غالي شوي ولكن فعلا شوكولاته بطعم رهيب وكذلك توجد ساحه المدينه القديمه وكثير من التماثيل القديمه
وايضا يوجد مركز المدينه الجديد باسواقه ومحلاته ( طبعا لا تضاهي البضاعه الموجوده في المانيا )
بالنسبه الى هولندا فعلى ما اذكر يوجد اوتليت قريب من الحدود الالمانيه الهولنديه سبق وان ذهبت له مره تقدرون تزوروه ايضا خصوصا ان الفتره اللي بتكونين فيها راح تصادق موسم التخفيضات في الاسعار ما بعد الكرسمس
على كل حال انتضر تحددين اهتماماتكم بطبيعه الاماكن اللي تبون تزوروها عشان يسهل علي اقدم الاقتراحات الصحيحه

مرحبا اخ ابابيل الف شكر على ردك اللي كنت انتظره خصوصا من انسان مقيم .. احنا راح اتكون اقامتنا في كولون وبالنسبه للاماكن عادي اي مكان حلو بنروح سوى كان طبيعه او اي مكان وشنو الاماكن اللي جنب كولون اللي تستحق الزياره مثل اخن او اي منطقه ثانيه .. والف شكر لك على عرض مساعدتك لاني راح ازعجك كل ماحتجت لشي والله يعينك علي

الاخت العزيزه ان شاء الله توصلون بالسلامه ويكونون الاهل بتمام الصحه والعافيه
في اماكن كثيره في المانيا وقريبه من كولن وسارسل لك دليل سياحي عن كولن وبالعربي تقدرين تقرين فيه وتحددين من الان المعالم اللي تنوون زيارتها خصوصا ان ما عاد وقت كثير قبل السفر وطبعا بنبقى على تواصل لان مبدئيا اخن اشوف انها جديره بالزياره خصوصا معالمها التاريخيه لان في تاريخها ارتباط شديد مع العرب منذ العصور الوسطى وممكن ايضا بروكسل وفي منطقه جنوب اخن اسمها ايفل هذي اعتبرها كنزي السياحي الاول في المانيا
ولكن ملاحظه مهمه اللي بيوديكم الاماكن هذي لازم تكون عنده خبره عن المدينه وقد زارها وعاش فيها قبل عشان يعرف معالمها الحقيقه فلما اقول اخن ما اقصد سنتر المدينه وبس
على كل حال انشاء الله نبقى على تواصل وابيج تسالين وتستفسرين عن اي فكره تخطر في بالج وتذكري ان التنضيم الجيد للرحله هو سر نجاحها الاول
http://ar.hotels.com/de376094-la/%D8...kwlwn-almanya/

الف شكر لك اخ ابابيل ماقصرت كفيت ووفيت بالشرح وحمستني اشوف منطقة ايفل خصوصا ان اسمها على اسم حبيبتي باريس

وثاني شي احنا معانا سياره ماراح نحتاج لسايق اشكرك لانك وضحت لي كل شي واذا احتجت اي شي بعد اذنك ماراح اتردد اني اسالك