الموضوع: المانيا شهر

مرحبا



حبيت آخذ رايكم تنصحوني بالسفر لالمانيا بداية شهر 7 مدة 10 آيام ؟


شلون راح يكون الجو ؟


وجم ميزانيه احتاج ؟

شنو افضل فندق موقعه استراتيجي وقريب ع اغلب الاماكن ؟

وين مناطق حلوه اروح لها وشنو اشهر المراكز التجاريه اللي لازم امرها ؟

تكفيها 10 ايام او وايد عليها ؟

اكوا بلد قريب عليها ينفع نروح له بالقطار من المانيا؟؟؟

كم ساعه من قطر لالمانيا ؟

ياليت تفيدوني لاني محتاره لسفرة الصيف بين سويسرا وفيينا والمانيا واسبانيا وتركيا وايطاليا شالافضل من بينهم للسياحه والتسوق والاستجمام ومن ناحية الجو والميزانيه!!!!!

مواضيع عشوائيه ممكن تكون تعجبك اخترناها لك:

• استفسار عن تأشيرة سفر من قطر و مصر لألمانيا سياحة كام يوم
• اجمل ريف قريب من فرانكفورت
• كم اصرف في ميونخ يوميا؟ وسؤال عن الفنادق
• محتاجة شقق ضروري
• هل من شخص عائد من فرانكفورت الى الكويت قريبا مساعدة
• تم الحجز ولله الحمد لكن بقي خط سير المدن مارأيكم فيه ؟؟؟
• مساعده عاجله
• ارجو المساعده
• ● اوروبا بارك عالم من المتعة للكبار والصغار تقرير مصوّر ●
• ممكن مساعدتي في تحديد ميزانية المصروف اليومي
• نرجو اخذ الحيطه والحذر
• عندي حجزين محتار بينهم
• السواق والانجليزي
• عــــآجل رحله لألمانيا و النمسا
• أقرب مدينة كبيرة وآمنة ليوروبا بارك مدينة الألعاب بليييييييييييز
• الطريق إلى أوروبا يبدأ من هنا تفاصيل رحلتي في سبتمبر
• البطاقات الإئتمانية مسبقة الدفع
• ساعدوني رحلتنا الاولى لألمانيا
• الاسواق في المانيا
• أجمــــــــــــل مدن المانيا

ما شاء الله عليج محتارة ف دول اوروبا كلها !

عزيزتي لكل دولة جوها ومصيفها خصوصا في شهر 7 يكون مرات الجو جميل ومرات درجة الحرارة مرتفعة باختصار الجو متقلب في اوروبا

لكن المانيا وسويسرا جوها افضل بكثير خصوصا فالصيف وذلك لارتفاع درجة الحرارة العالية في ايطاليا واسبانيا
وتركيا للامانه ماعندي فكره عنها لكن ممكن تقرين تقارير الاعضاء .. وسويسرا ماراح تكفي بالنسبة للمدة المذكورة في 10 ايام بامكانج تخلينها في رحلة ثانية باذن الله

اول شي لازم تحددين وين بتسيرين لكن انا افضل تنزلين في فيينا ثم سالزبورج وزيلامسي وبعد ذلك الختام في ميونيخ .. لكن احس بتكون رحلة طويلة ل 10 ايام ومتعبة ! الا اذا بتزيدون المده
او تنزلون في ميونيخ ومنها تذهبون لزيلامسي وسالزبورج وترجعون لميونيخ اخر يوم للرجوع من نفس المطار اذا كان 10 ايام
الميزانية تقريبا 20-25 الف لشخصين شامل وممكن يزيد على حسب مصروفكم وطبعا من غير التسوق
سؤال عدد الاشخاص كم؟ وليش ماتاخذون سيارة وايد بترتاحون خصوصا انه القيادة ممتعه جدا ولا تتقيدين بمواصلات او قطارات

المشاركة الأصلية كتبت بواسطة سيف_الامارات
http://www.arabtravelersforum.com/tr...5/#post6545655

ما شاء الله عليج محتارة ف دول اوروبا كلها ! عزيزتي لكل دولة جوها ومصيفها خصوصا في شهر 7 يكون مرات الجو جميل ومرات درجة الحرارة مرتفعة باختصار الجو متقلب في اوروبا لكن المانيا وسويسرا جوها افضل بكثير خصوصا فالصيف وذلك لارتفاع درجة الحرارة العالية في ايطاليا واسبانيا وتركيا للامانه ماعندي فكره عنها لكن ممكن تقرين تقارير الاعضاء .. وسويسرا ماراح تكفي بالنسبة للمدة المذكورة في 10 ايام بامكانج تخلينها في رحلة ثانية باذن الله اول شي لازم تحددين وين بتسيرين لكن انا افضل تنزلين في فيينا ثم سالزبورج وزيلامسي وبعد ذلك الختام في ميونيخ .. لكن احس بتكون رحلة طويلة ل 10 ايام ومتعبة ! الا اذا بتزيدون المدهاو تنزلون في ميونيخ ومنها تذهبون لزيلامسي وسالزبورج وترجعون لميونيخ اخر يوم للرجوع من نفس المطار اذا كان 10 ايام الميزانية تقريبا 20-25 الف لشخصين شامل وممكن يزيد على حسب مصروفكم وطبعا من غير التسوقسؤال عدد الاشخاص كم؟ وليش ماتاخذون سيارة وايد بترتاحون خصوصا انه القيادة ممتعه جدا ولا تتقيدين بمواصلات او قطارات











لوووول للامانه تركيا مستبعدينها اما باقي الدول لا واحنا قلنا دولتين لان الدول اللي اخترتهم قراب من بعض


عالعموم صار الاختيار بين برلين وجنيف وفيينا فآبي ترشح لي بس 2 وحده نظل فيها 5 ايام والثانيه 6 ايام ؟




ف بالي سويسرا اما الدوله الثانيه محتاره شاللي اقرب لها ؟
بس اقتراحك ان ميونخ وفيينا حلووووو وف بالي نحجز عالقطريه لالمانيا ونقعد فيها 5 ايام وبعدها ننزل فيينا نكمل فيها السفره ومنها نرجع ع قطر ؟

بس هل فيينا جوها حلو ف شهر 7 ؟


احنا نبي نسبة 50٪ سياحه و50٪ شوبينغ




جم راح يكفي للشخص للاكل والشوبينغ من غير الفندق والتذاكر ؟؟


احنا 4 اشخاص تقريباوهل بيكون في خصومات عندهم ف مراكز التسوق ؟


وابي فنادق موقعها استراتيجي لاهم المعالم وللتسوق تحديدا ؟؟؟؟؟ بحيث مانحتاج نلجآ للمواصلات ؟




وشنهي المسافه بين فيينا والمانيا ؟؟ تنفع بالقطار او لا لاني ابي الدولتين قراب ع بعض ننزلهم بالقطار ف مسافة ساعات مو كثيره؟

اتوقع ننزل فيينا اول ومنها لالمانيا افضل بس ناطره افادتكم بخصوص الاستفسارات السابقه ؟

ياليت افادهقررنا 3 ليالي ف فيينا ووليله سالزبروغ وليله ف زلامسي و3 ليالي ف ميونخ وليلتين ف برلين

بس ابي شلون انزل ع برلين وكم ساعه ف الطريق ؟


وشنو نحجز فندق ف برلين ويكون قريب عالمعالم والسوق والمطار ؟؟


وشنو اسم المحطه اللي بننزل لها ف ميونخ من زلامسي ؟


وهل تتوافر التكاسي في ف زلامسي وفيينا بشكل عام لنقلنا للمحطات ؟


وهل يحتاي نلبس هدوم شتويه ؟وجم ميزانيه احط للشوبينغ بروحه ؟


ووين افضل اوتلت تحديدا ؟


وهل ينفع احجز من الحين لرحلات القطار من والى المدن اللي بنقعد فيها عن طريق النت ؟

صارلي ساعه اكتب واخر شي انمسح -.- اعذريني لكن لي رجعه لاحقا ان شاء الله ..

مايخالف انطر اجوبتك ع استفساراتي

لاني حجزت فندق ف فيينا 3 ليالي وليله ف فندق ف سالزبورخ وليله ف فندق ف زيلامسي

و3 ليالي ف فندق ف ميونخ وايد عجبني بنزل لينكه باجر

بس الحين محتاره حق اخر ليلتين اللي بيكونون ف برلين اي فندق نقعد من هذيل


http://www.booking.com/hotel/de/t-c-...king_confemail

http://www.booking.com/hotel/de/park...ml?aid=1329869

هذا عجبني

http://www.booking.com/hotel/de/alex...ml?aid=1329869


هذا موقعه حلو

http://www.booking.com/hotel/de/adin...ml?aid=1329869

احترت ف اخر 3 فنادق ،وابي الافضل من جميع النواحي تحديدا الموقع

ياليت افادهقررنا 3 ليالي ف فيينا ووليله سالزبروغ وليله ف زلامسي و3 ليالي ف ميونخ وليلتين ف برلين
حلوو .. الي اشوفه انكم مهتمين بالتسوق اكثر .. ليلة ف سالزبورج؟ بتتعبون من التنقلات اذا معاكم اطفال .. لانه ليلة يعني استريح واليوم الثاني شل عفشك وعلى زيلامسي .. انا اقترح تخلين يومين في فيينا او( ميونيخ) ومنها على زيلامسي 3 ليال من ال 3 ليال تزروين سالزبورج وترجعون في نفس اليوم (المسافه كلها ساعة من زيلامسي الى سالزبورج) و زيلامسي راح تكون اجمل محطه في رحلتكم .. خصوصا انه فيينا وميونيخ وبرلين مدن وزحمة لكن زيلامسي بتكون هدوء وراحة لكم

بس ابي شلون انزل ع برلين وكم ساعه ف الطريق ؟
المسافة بعيدة من ميونيخ لبرلين يعني بالقطار 7 ساعات تقريبا وبالطيارة ساعة واحدة
بامكانج تقصين التذاكر من المحطة الرئيسية اسم المحطة (هابنهوف) وللتأكيد اسألي الاستقبال فالفندق
وهذا موقع ممكن يساعدج لمعرفة تذاكر القطار واسعارهن
http://www.bahn.de/i/view/USA/en/index.shtml



وشنو نحجز فندق ف برلين ويكون قريب عالمعالم والسوق والمطار ؟؟


وشنو اسم المحطه اللي بننزل لها ف ميونخ من زلامسي ؟
اسم المحطه الرئيسيه بميونخ بالانجليزي Central Station Munich

بالالماني München Hauptbahnhof


وهل تتوافر التكاسي في ف زلامسي وفيينا بشكل عام لنقلنا للمحطات ؟
التكاسي موجوده لكن تعتبر اغلى وسيلة نقل في اوروبا .. في زيلامسي بامكانج تروحين بالانرقراوند او الباص السياحي واسالي الفندق عنه افضل عشان تعرفون المواعيد ..هذا رابط راح يفيدج وايد من الاخ القائد المحنك يزاه الله خير
http://www.arabtravelersforum.com/travel101660/


وهل يحتاي نلبس هدوم شتويه ؟وجم ميزانيه احط للشوبينغ بروحه ؟
جو اوروبا متقلب مثل ما ذكرت .. ف يوم حر ويوم برد ويوم امطار ف كوني على استعداد لكل الاجواء .. لكن هذا ما يمنع تاخذون معاكم ملابس ثجيلة يمكن تكون فيه زيارة لقمم ثلجية نفس الكابرن او قارميش .. ميزانية التسوق تعتمد عليج هل انتي مدمنة شوبنق لول لانج بتحصلين كل البضاعات والماركات

ووين افضل اوتلت تحديدا ؟
انا بصراحة ماوصلت ولا اوتليت لكن تقارير الاعضاء
http://www.arabtravelersforum.com/travel188570/
وكذلك هذا اوتليت http://www.mcarthurglen.com/


وهل ينفع احجز من الحين لرحلات القطار من والى المدن اللي بنقعد فيها عن طريق النت ؟

ميرسي عالافاده

بس ماراح ننزل برلين لاني ماحصلت رحله عالقطريه منها ع قطر

فراح نروح 3 ليالي فيينا
ليله سالزبورخ
وليلتيين زلامسي
و4 ليالي ميونخ اشرايك ؟



مامعانا اطفال
ولان نبي لمن نخلص من النمسا بشكل عام مانرجع لها نظل ف ميونخ واللي فيها

انا قلت سالزبورخ ليله لان ع حد علمي القطار ينزل من فيينا ع سالزبورخ اول صح ؟ ومن زلامسي ع ميونخ ؟

ياليت تساعدني بهالخصوص اذا ترتيبي لهم مضبوط ومن اي موقع احجز للقطارات وشلون استلم التذاكر وشلون الدفع اون لاين يتم ؟؟؟

فيه قطار من فيينا الى زيلامسي لكن يوم يوقف في سالزبورغ لازم تغيرين القطار وهذا ممكن ياخذ وقت ..
فيه سؤال مشابه لسؤالج وبتحصلين الاجابه
http://www.arabtravelersforum.com/travel289011/
عشان ماتتعبون من التنقلات خصوصا انه يوم واحد في سالزبورج يعني ماله داعي

الجدول يكون فيينا 3 ايام و زيلامسي 3 ايام (منها يوم تروحون وترجعون لسالزبورج ف نفس اليوم ) و 4 ليالي ميونيخ (تروحون قارمش وترجعون ف نفس اليوم)

اللي صار ان فيينا راح نزل فيها يومين ومنها ع سالزبورغ

انت تقول اكوا نقطة تبديل قطار ف سالزبورغ

من جذيه انا قلت نبات فيها ليله واليوم اللي وراه ناخذ القطار ع زيلامسي ونظل فيها يومين

ومنها ع ميونخ 4 ليالي

برلين ماراح ننزل لها

اتمنى المخطط جذيه تمام والا اشرايك ؟؟؟

ياليت تساعدني بهالخصوص اذا ترتيبي لهم مضبوط ومن اي موقع احجز للقطارات وشلون استلم التذاكر وشلون الدفع اون لاين يتم ؟ ؟؟

انا اشوف انه لو تروحون زيلامسي دايركت افضل .. لانه حمل الاغراض والشنط في يوم وبعد ذلك الرجوع وحمل الاغراض ايضا متعب بعض الشي او الحل الثاني تخلون سالزبورغ يومين عشان ترتاحون فيها ..
نعم هناك نقطة تبديل للقطار من فيينا الى زيلامسي ويعتمد عالمده ممكن تكون 20 دقيقة ممكن ساعة يعتمد ع جدول القطار

لحجز التذاكر اونلاين هنا http://www.raileurope-gcc.com/ ادخلين المعلومات واماكن التنقلات والدفع اونلاين وهم يطرشونها لاقرب مكان عندكم
او عن طريق مكاتب السياحة
والطريقة الاخيرة انكم تحجزون من هناك هذا اقتباس لاخونا القائد المحنك














الانتقال من " فيينا " إلى " سالزبورغ "

تذهب إلى الاستقبال في الفندق وتتطلب منه مواعيد مغادرة القطار في اليوم لانتقالك وحدد له الفترة المطلوبة ( الصباحية - المسائية )باللغة الإنجليزية يسمى بـ " Timetable "
سوف يقوم بطباعة جميع الرحلات المتجه إلى " سالزبورغ "
وأنت بدورك تحدد الوقت الذي يناسبك ...
ومن ثم التوجه إلى محطة ( Westbahnhof ) في فينا لقطع التذاكر مباشرة وسعر التذكرة تقريبًا 38 يورو للشخص درجة ثانية .
انتبه : لا تذهب مباشرة إلى صالة قطع التذاكر فهم لا يقدمون لك أي معلومات عن الرحلات بسبب الزحام




الانتقال من " سالزبورغ إلى " زيلامسي "
تذهب إلى الاستقبال في الفندق وتتطلب منه مواعيد مغادرة القطار في اليوم لانتقالك وحدد له الفترة المطلوبة ( الصباحية - المسائية )
باللغة الإنجليزية يسمى بـ " Timetable "
سوف يقوم بطباعة جميع الرحلات المتجه إلى " زيلامسي "
وأنت بدورك تحدد الوقت الذي يناسبك ...
وسعر التذكرة تقريبًا 13 يورو للشخص.

ليش ما تستأجرون سيارة؟ عقب ما تطلعون بالقطار من فيينا الى سالزبورغ فيه منطقه اسمها (فيرسلانق) عشر دقائق من سالزبورغ والايجار فيها رخيص وتسلمون السيارة ف مطار ميونيخ
لانه السيارة متعه ما بعدها متعه خاصة في زيلامسي والقيادة هناك سهله .. وبعدين ما بتتقيدون بمواصلات او قطارات
واذا عن الاماكن لا تخافون مع التوكل على الله والقارمن كل شي بيكون سهل وعال العال

يعطيك الف عافيه

ماقصرت بس سالفة تآجير السياره مو ف بالنا


بمشي عاللي قلته واي شي راح ارجع واكتب اهنيه

ويعافيكم ان شاء الله

حاضرين في اي وقت .. دعواتكم لنا وموفقين باذن الله

ان شاء الله

بس مدحوا لي هامبورغ قالوا احلى من ميووونخ !!!

ستسمعين الكثير من الاخوان المسافرين بالاخير كلن ونظرته للاماكن .. فيه ناس ماتسير الا باريس وناس تصيف في لندن فقط هل هذا معناته انه باقي المدن الاوروبية ليست جميله؟
للامانه ما سرت ولا مره هامبورج لكن يوم سويت بحث لقيتها بعيده وايد عن المناطق السياحية في حين انه ميونيخ قريبة من وايد اماكن

انتي قرري واذا اول مره تسافرين اوروبا انصحج ب الجدول الي نحن حطيناه وبتستمتعين ان شاء الله من سياحه وتسوق وطبيعه .. واهم شي التخطيط وترتيب الرحلة والاماكن الي بتزورينها