الموضوع: الان سفير المنتدى في كراست شيرش يحدثكمعزام

السلام عليكم ورحمة الله وبركاته


معليش يا شباب انا بكتب لكم الحين بسرعه لأن ما بقى شيء على الدرس


وبكرا ان شاء الله بقولكم كل شيء

وبأختصار اقدر اقولكم ان الجو صراحة بارد بس اهم شيء جيب معاك جاكيت وبجايم وان شاء الله مافيه مشكله البرد هنا لطيف وهذا ثاني يوم لي والصراحه المدينه جميله جداا جداا وحلوه للدراسه


طبعا انا جاي عن طريق الخطوط السنغافوريه


اي استفسار استطيع افيدكم فيه فأنا جاهز



ترقبوااااا تقرير طريق الذها ب من الرياض الى كراست شيرش

مدعم بالصور

مواضيع عشوائيه ممكن تكون تعجبك اخترناها لك:

• دراسه اللغه لمده اشهر
• عاجل الى خبراء نيوزلندا
• المطاعم الاسلامية والعربية
• ممكن مساعدة من الذين ذهبوا لنيوزلندا لتعلم اللغة مهم جدا ؟
• انا مبتعث لنيوزيلندا ياليت تساعدوني خاصة طلاب الدكتوراة اذا امكن او الماجستير
• هل نيوزيلندا تصلح لشهر العسل
• استفسار عن اوكلاند
• الرجاء مساعدتي في خط سير الرحلة
• نفسي نيوزلنداساعدوني
• الاخ المايسترو والاخوان الذين يدرسون في نيوزيلانداأستفسار
• بالمرستون
• لماذا تم حذ موضوعي الذي كتبته يوم امس
• مشورتكم في معهد
• الله يرحم والديكم حالتي رايحه فيها
• وده نيوزيلندا وش صار عليك
• الضياع الكبير لم يستقبلني أحد في المطار ؟؟
• الله يوفق اللي يساعدني
• الناس للناس وحقكم الدعاء الصادق طالبكم المساعدة يا خبراء نيوزيلندا
• طلب مساعدة بخصوص الدراسة في نيوزيلاند
• اقدر اكمل دراستي والا لا؟معي مرافق ولكن

السلام عليك.. وش اسم المعهد اللي انت فيه..سؤال ملقوف.. وكم كلفك سعر تذكرة السفر ،، ومن وين مشيت من أي مطار .. وهل دايركت على كرايست شيرج ؟؟ وهل توصينااا على ملابس برد .. ما نجيب شي صيفي ..؟ وشــــكــــراً

مشكور اخوي

ماشاء الله

موفق يااخي وترجع بالسلامه

الله يييسر لك وترد سالم غانم ....

اولاً: الحمد لله على سلامة الوصول .
ثانياً: الله يكتبك التوفيق وترجع سالم غانم بحول الله .
ثالثاً: بانتظار تقرير رحلة الذهاب المدعمة بالصور .

الحمد لله على السلامه


بأي معهد ؟؟

صباح الخير شباب ومشكورين على الرد

طالب المعالي:1:انا بمعهد قريب من السكوير اسمه language school

2:طبعا انا اطالع على الخطوط السنغافورية وهي ما تطلع الا من دبي وجده طبعا اذا حجزت على دبي بتطلع من الرياض عن طريق الخطوط السعوديه وهي محسوبه في التذكره اما اذا طلعت من جده وانت في الرياض مثلا لازم تحجز الى جده طبعا تكلفة الرياض لطلاب الجامعيين مثلي 270 على ما اظن ذهاب وعوده وتكلفة تقريبا 5600 طبعا تشمل الفندق والوجبات اللي تحتاجها وانت في مطار سنغافوره واذا ما كنت تبغى فندق على ما اظن ينقص 250 ريال طبعا على كلام موظف الخطوط السنغافوريه يقول ان دبي ارخص من جده

نسيت اقولك انها طبعا جده سنغافوره كراست شيرش او دبي سنغافوره كراست شيرش .

ومن ناحية البراد فتراها برد يعني لااااازم جاكيت وبجامات وطاقية حقت الشتاء تغطي الاذان وان حصل مداسيس وقت الحاجه لأنه على كلام حدى المدرسات بالمعهد انه امس الصبح وصلت درجة الحراره الى 5 تحت الصفر وانا بيني وبينك منب مصدق لأن ما حسيت ان البروده وصلت الى هالدرجه طبعا يا شباب العصر امورك بتمشي طبيعي يمكن بجاكيت ويمكن بدون اما الصبح بررررررررررررررررد تمنيت الوالده تسوي لي حليب زنجبيل قبل ما اطلع من المعهد لأنه بصراحه جميده

وترقبوا التقرير

حياك الله اخوي عزام ... أنا رحلتي إن شاء الله في تاريخ 18-6-2006 إلى كرست شيرج
أجل توصيني بالتلبس :110: من وين أبحصل ناس تبيع شتوي ألحين ؟؟؟:114:
الله يعيييييين

انا جايك إنشاء الله يوم الجمعة الموافق 2006/6/16
توصينا على شي ترانا بالخدمة
إذا كان ناقصك شي :115:
نراك على خيييييييييييييير

ماشاء الله ...


بالتوفيق ياعزام .. والله يعينك على البرد ..


دمت بخير

مـــــــــــــــــــــــــــاشألله عليك اهم شي تنبسط هناك والمدينه تكون اعجبتك وترجع بالسلامه

بالتوفيق اخووووي الله الله برسم صورة حلوة عن الاسلام و المسلمين انت قدهااا ان شاء الله


اخوي المحب والله انك صااااادق وين يتلقى ناس تبيع شتوووي والله مشكلة بس ترا انا مخزن ملابس شتوية يحبها قلبك وان شاء الله نراعيك بالسعر هاه وش قلت ؟؟؟؟؟؟؟؟؟

مساكم الله بالخير شباب انا مثلكم قعدت ادور على ملابس واذا بغيت جاكيتات تبي تحصلها بسوق ابن سليمان اذا كنت تعرفه على شارع الوزير

والسلام مسك الختام

أبو عزام انت في معهد اسمه language school حلو انا حاجز في ذا المعهد بدرس فيه ثلاث شهور وانا ببتدي يوم الاثنين الجاي عندك سعودي

أجل عزام جايك انا يوم جمعه بوصل الاحد يعني الاثنين الجاي وياك بالمعهد ان لله وان اليه راجعون توقعت نفسي انا بكون العربي الوحيد بالمعهد والله حاله الله يسهل عاد ابيك اول ما اوصل تفهمني شنهي امورهم وابغيك دور بي على المعهد وتعرفني على اخوياك(قطت وجه) اوكي مو تتهرب مني بس ابغيك تتكلم معي انجليزي لو تشوفني أصيح لا تتكلم معي عربي اوكي ولا تنسى تقول اخوياك في سعودي جاي ثاني عندنا مع ذلك كم سعودي معك وكم سعودي بتعرفهم بجون بطريق شكلي اذا شفت سعوديين واجد نقل قريه ثانيه


وشكرا

اهلين خيوو

انا افحط لي كم يوم ع النت علشان اخوي بيجي عندكم

بس بسئلك كيف المستواك انجليزي ؟؟

وهل المعهد فيه مستوى للمبتدئين يعني الي مستوى طالب الثانوي داج باللغه

وكيف المدينه هو يبي يستانس مع الدراسه ومتى رجعتك

وكيف اصل لكم يعني كيف سويت اوراقك وكيف سنعتك امورك

اذا ترسلي خ الخاص كويس

وعدد الطلاب و جنسياتهم بالمعهد واسم معهدك

كيف العرب والسعوديين والعائله مرتاح معهم يعني تجلس تدردش معهم ولا ماعندهم وقت وهل يتساعدون معاك لانك ماتعرف وتحاول تعلمك

ياالله عندي اسئله طوويله بس نكتفي بهذه الاسئله


بااايو

المعهد هاذا ما بقى احد مو جايه انا اقول اذا 13 سعودي فيها قليل شكلي بغير بروح معهد ثاني
وانت بكيفك

صباح الخير شباب

عزام فضحوني الله يهديكم تعال ثلاث سعوديين بيجوا في المعهد بعد اسبوع لا رحت فيها انا حاجز اسبوعين شكلي بعدها بنقل وطيب المعهد فيه اوربيين ولا مافي ابد وكم سعوديين الي عندك الحين وطيب يحطونا في فصل مافي عرب وياي ولا اهم على كيفهم حطمتني وانا مابعد جاي 0بصيح) ارجوا انك تجاوبني.

على فكره عزام قالي المعهد انهم بيحطوني بغرفه لوحدي صاجيني لا كاذبيين والله يستر اقتلقت لما قلتلي انه الشرق اسيا واجد والعرب مايقبلون الا سته حلو ذا الشي بس مع ذذاللك يمكن اغير المعهد يا رجال خلها على الله .

هلا عزام مشكور على الفضيحه فضحت اسمي الله يهديك معلينا المهم ترى حطمتني من قلت ان المعهد جايه ثلاث سعوديين اوكيه انا شكلي بغيره بس قلي الان في المعهد كم سعودي وكم عدد الاوربيين واجد ولا قليل ولا نادر ولا معدوم وكيف دراستهم مره حلوه وزينه ومشكور رد بسرعه اوكيه انا انتظرك.

ماشاء الله عليك يا وده نيوزلندا قبل كم يوم وانت في حالة استتنفار قصوى والان مابقى لك الا اقل من يوم
والوضع عندك طبيعي .

يعني خلاص راح الخوف !!!

ماشاء الله عليك الله يوفقك .

بس الخوف راح حتى النوم راح بس ان الي قاهرني انه المعهد الي مسجل فيه ستة سعوديين وفيها يابانيين كثار يعني رحت فيها وفلوسي راحت هبائا منثوره

صباح الخير شباب

وده نيوزلندا الاسبوع هذا ما فيه الا انا عربي وفيها ناس من سويسرا ومن تشيلي والارغواي وكوريا واليابان طبعا الاغلبية الساحقه

مشكور على ردك يا غالي والله يوفقك أحسن شي اني اجرب المعهد اسبوعين اوكي اذا والله ارتحت فيه زين على زين واذا شفت نفسي والله مو مرتاح(ما اقصد معاك لا تزعل)غيرت المعهد وابيك انت تساعدني لاني سمعت والله اعلم انك زاحف معاهد خبره وابي استفيد من الخبرتك.

الظاهر معهدك هو كان معهدي .. لكن تغير الاسم بعد تغير المالك.
هل المديرة هي دينيس ؟ و هل من المدرسين جف ؟

يعطيـك العافية اخوي عزام .. بس حلوة حليب زنجبيل .. اللـه يخليلك أمـك والله يطول في عمرهـا .. عندي سؤال ثاني لو ترد لي عليه .. او أي واحد عنده خلفية ,, سؤالي// وش الأفضل .. وش اختار في شروط العائلة .. اطفال معي احد في الغرفة ... بليز تردوون علينا ... ؟

مساء الخير شباب واسف على التأخير

شارع التحليه ولله ما ادري بيني وبينك ما اعرف اسم مدير المعهد بس يمكن هو

طالب المعالي:
مشكور وامين ولله يخليك لهلك ويخلي اهلك لك لكن انا اتوقع انه مع اطفال احسن ياخي تلعب معهم وتوسع

صدرك وتتعلم لغة ميزة الاطفال فاضين لك مو مثل الكبار .اما موضوع يصير معك واحد في الغرفه اتوقع انه اصلن بدون ماتطلب ما يصير معك احد بالغرفه لكن في شرط انصحك تدقق عليه عشان ما تتوهق مثلي اللي هو بيت يكون نظيف وجديد

واي استفسار حنا جاهزين

ياشباب انا محتاج رايكم عااجل لانو لابد اني اتخد القرار باليومين دي يعيني بالعربي اطلع انشالله نيوزيلندا الاسبوع دا
ماهي افضل خطوط للحجز عليها والارخص طبعا؟
انا ذاهب الا سيركششيرش والي راحلها بليز يجاوبني بليز هل هذه المدينة مليئة بالعرب؟؟
وهل يود بها معهد EF(education first وهل المعهد هوا الي راح يزبط مع العائلة يعني مافي مواقع ولا شي للعائلة انا اكلمهم بنفسي؟؟ (بالعربي مااقدر انا ادبر عائلة لنفسي بدون معهد؟؟
اية عملة ارخص الدولار النيوزيلندي ولا الريال السعودي؟؟
هل مطار سكيرشيرش دي دولي ولا محلي يعني اقدر اجي دايركت من سنغافورة او كوالالمبور الا سيركشرش؟؟
ايش اسوي بمسئلة الفلوس يعني معليش بس اقدر اخد بطااقة الراجحي او ساب وتمشي اموري هناك بدون لاحول العملة ولا كيف(مني فاهم قصتها تماما)
وشكرا جزيلا والله يوفقكم من اعلى لاعلى انشالله
وبيض الله وجيهكم قولو امين

حمدلله على السلامه ياعزام


ولا تعبت انشالله

الله يكتب لك الفايده انشالله

اذا بغيت اي حاجه احنا موجودين

وتحت امرك طال عمرك

اخوك اعيرف