الموضوع: ساعدوني بخصوص فرايبورخ الله يخليكم

السلام عليكم ورحمة الله وبركاته
اتمنى تكونون باتم صحه وعافيه

الغاليه انا مسافر باذن الله الى المانيا في منطقة فرايبورغ شهر باذن الله بكون انا وزوجتي وبناتي الاثنين

بصراحه انا من النوع الي مايعررف يتصرف واكثر اعتمادي على زوجتي
وراحين علاج لي واريد اعرف المناطق القريبه الي نقدر نزورها في فرايبورج او مدن قريبه نقدر نزورها لوسمحتوووا ..

وكم تبعد ميونخ عن فرايبورج ؟؟ وكم تبعد فرايبورج من بون ؟؟؟

ابي امر على فرنسا ودي فيها وابي اليهال يستانسووون اذا قريبه بنروح لها
واذا عندكم رقم سواق ثقه

يزاكم الله كل خير يالغالين وانتظر منكم المساعده مابي افتشل جدام الحرمه ههههههههه

في انتظاررررررررررررر اخواني

مواضيع عشوائيه ممكن تكون تعجبك اخترناها لك:

• ابي مساعدتكم وهمتكم معاي في تخطيط رحلة كاملة
• استفسار لعائلة كبيرة
• رايكم بفندق
• فندق بميونخ سحب مني يورو دون وجه حق
• إصدار الشنغن
• استفسار ومعلومات عن العلاج فى المانيا
• افتراضي استفسار بخصوص شريحة النت
• تعديل بيانتي في موقع سيكت
• ياهل المانيا ساعدوني في انتظاركم
• هاذي خططي ابي ارائكم واقتراحاتكم
• ميونخ قارمش يوروبارك باريس بروكسل
• احتاج رايكم يالمسافرون العرب
• فزعتكم ياخبراء المانيه
• السفر لألمانيا و الشنغن إيطالية
• قريبا سأسافر الي المانيا مانهايم
• أرائكم و اقتراحاتكم ما نستغني عنكم
• خبراء القارمن سؤال صغير
• خط للجوال
• تخطيط لرحلتي لالمانيا بشهر ديسمبر
• افادة ترتيب رحلتي لالمانيا

انتظررررررررررركم اخواني
وينكم

السلام عليكم
فرايبورك هي مدينه صغيره تقع جنوب غرب المانيا على قريبه من الحدود الفرنسيه واقرب مطار دولي لها بيكون فرانكفورت يعني وصولكم بيكون على الاغلب الى مطار فرانكفورت وبعدها تتوجهون الى فرايبورك والمسافه تقريبا ثلاث ساعات وشوي بالسياره من فرانكفورت الى فرايبورك
المدينه بصوره عامه ذات طبيعه جميله جدا وقريب منكم بتكون الغابات السوداء وشتراسبورغ الفرنسيه وكذلك بادن بادن الالمانيه وكثير منااطق سياحيه قريبه لكم
كل ما عليك اخي العزيز تشوف التقارير بالمنتدى عن هذه المناطق والصور المرفقه في التقارير هذي وتبدي من الان تضع لك جدول للاماكن اللي بتقررون زيارتها
حتى ان جا وقت السفر تكونون على معرفه بالاماكن الجيده اللي تستحق الزياره

يعطيك العافيه اخوي وانا حاط في بالي امر على الغابات السوداء باذن الله وبادن بادن المدام تقول حلوه على وصف صديقاتها وايضا اذا في مجال الحدود الفرنسيه

بس اخوي اقرب شي لنا فرنسا صحيح ؟؟؟ يعني كبلد ؟؟

ماعندك فكره اذا زيلامسي قريبه ايضا ؟؟؟ ودنا نروح لها

اخوي العزيز بينك وبين الحدود الفرنسيه اثل من نص ساعه يعني جدا قريبه وبتشوفها انشاء الله الحدود عباره عن نهر وبس تقطع النهر انت في فرنسا
اما تزيل ام سي هذي تقع في اقصى جنوب الشرق من المانيا يعني على الجهه الثانيه وبعيده عنكم

الله يجزاك الجنه ياخوووووووووووووي قول امين
ومبروك عليك السنه الجديده

بس اخر سؤال لما نروح فرنسا نحتاج نات فيها ؟؟ وهل فيها اشياء حلوه نمر عليها ؟؟؟ اشكرررررررررررك من قلبي

اخوي ابابيل ما قصر... انا ساكن في فرايبورغ من بداية الشهر...حلوه و فيها اماكن جميله...

مادري شو تقصد بالنات؟

اقرب مدينة فرنسية اسمها ستراسبورغ.... وااااايد حلوه عجبتني.... محلات و اسواق...

كلفتنا الرحلة من فرايبورع ل ستراسبورغ 18 يورو و في الرجعه 27 يورو....

و السموحة

اذا بتروح باريس تراها اقرب من ميونخ... خذنا من فرايبورغ لين ميونخ 4 ساعات تقريبا بالقطار..... اما اذا بتروح باريس اقل بساعه يمكن.... بس كلفتها عاليه... 123 يورو تقريبا...

مدينة ستراسبورغ الفرنسية ما ادري اذا فيها اماكن حق الاطفال ولا لا ...

يزاك الله خير اخويه ماقصرت في ميزان حسناتك ان شاءالله

بس بغيت اعرف لو تعطيني رقم السايق الي تتعامل وياه افضل لاني ماقدر احط ثقتي في اي حد اخاف يقصوون علينا ولا شي

اخواني الاعزاء

ابابيل ودبي عشقي

ممكن ترتبون لي خط السير والرحله انا بكون باذن الله تاريخ 14 فبراير 2012 في فرايبورج ويوم 16 عندي موعد في المستشفى وبقعد 20 يوم

اريد اسامي الاماكن الي استطيع زيارتها لوسمحتوا وشو اقرب بالقطار او بالسياره اهذا الاماكن ..

حطيت في الحسبان

1 الغابات السوداء
2 ستراسبورغ
3 شتوتقارت
4 تيسي تسي
5 بادن بادن

شورايكم

المشاركة الأصلية كتبت بواسطة خالد المهيري
http://www.arabtravelersforum.com/tr...3/#post6532063

يزاك الله خير اخويه ماقصرت في ميزان حسناتك ان شاءالله

بس بغيت اعرف لو تعطيني رقم السايق الي تتعامل وياه افضل لاني ماقدر احط ثقتي في اي حد اخاف يقصوون علينا ولا شي



افا عليك ....

انا تنقلاتي كلها بالقطار لان عندي التذكرية الشهرية عطوني اياها اصحاب الشقة مجانا.... السموحه لو عندي ما قصرت وياك

بالسيارة فيه اماكن تكون اقرب لان القطار يوقف على اكثر من محطه انتظار....

الاقرب من فرايبورغ:- الغابات السوداء، تيتسي هذيل وايد قراب ...

بادن بادن، ستراسبورغ، شتوتقارت

و اتمنى الي عندهم خبره اكثر يفيدونك احسن مني....

السموحه عالقصور

دبي عشقي
يزاك الله خير
بس صدق بتخبرك دام انك موجود هناك شو الاجواء صدق بررررررررررررد موت الي الواحد مايقهره ؟؟؟

وبعدين شهر 2 ادفى من شهر 1 ؟؟؟

اترياك الغالي

دبي عشقي ووووووووووووينك ؟؟؟

المشاركة الأصلية كتبت بواسطة خالد المهيري
http://www.arabtravelersforum.com/tr...7/#post6604157

دبي عشقي ووووووووووووينك ؟؟؟



هلا والله اسمحلي كنت في فرنسا...

هيه برد درجات الحرارة تحت ال 10 .. خصوصا وقت المطر و الهوى...
بس ما خبرتني وين بتكون بالضبط.؟

اليوم طاح ثلج في فرايبورغ و يقولون هاليومين درجات الحرارة بتوصل 10-

و عادة في فبراير البرودة تخف... بس الله اعلم

فرايبوغ احنا سكنا فيها لانها كانت قريبة جدا لمدينة الملاهي Europe Park
انصحك بهاا .. انت واطفالك ستسمتعون
والمدينة جميلة جدااا ..

بوقتك ما انصحك تروح واذا لازم تروح لاتاخذون الاطفال ترى برد موت واغلب الاماكن مقفله بوقتكم يعني ما راح يستمتعون ابدا

درجة الحرارة اليوم في فرايبورغ 3- و الثلج مستمر و برررد الصراحه...

اتريا ردك بخصوص منطقتك بالضبط..

هلا
مشكوووووورين اخواني على ردودكم الطيبه

دبي عشقي
اخويه انته مطول شكلك هناك شو عندك لا يكون علاج لا قدر الله
انا ساير علاج بس بكون في فرايبورج جريب من المستشفى بنسكن ...اسم المستشفى universitatas klnikum

بي عشقي صدق كل شي مسكر يعني مانروم نتمشى بياكلن جبدي بناتي يبن يتمشن

دبي عشقي ووووووووووووينك

المشاركة الأصلية كتبت بواسطة خالد المهيري
http://www.arabtravelersforum.com/tr...5/#post6607505

بي عشقي صدق كل شي مسكر يعني مانروم نتمشى بياكلن جبدي بناتي يبن يتمشن



هلا السموحه اخوي ما انتبهت عالرد...

لا عادي الاسواق فاتحه بس يورو بارك مسكره حاليا....

بيني و بينك ما اعرف اماكن حلوه حق الاطفال لان ما عندنا يهال عشان جي... يمكن بيستانسون ع اماكن الطبيعه و الثلج و الجبال...

يزاك الله خير اخويه على سرعة الرد
بس الطبيعه والخضار مبين ولا كل شي متغطي بالثلج ..!؟!؟؟!

هاليومين ثلوج بس لما توقف و تخف الخضار يبين و الطبيعه...

يعني الحمدالله الطبيعه تبين والخضار يبين
ونااااااااااااااااااااااسه

up
up
up

هيه ان شاء الله ...

بس حط في بالك ترى هالايام وايد برد وصلت درجة الحرارة 13-

ما قلتلنا متى بتكون في فرايبورغ.. ؟

14 ان شاءالله بكون في فرايبورغ وان شاءالله

اخويه دبي عشقي
انا حاجز في فندق النوفتيل
لاكن شكلي بغير وباخذ شقه شورايك ؟؟ وووين شقق زينه وجريبه على المستشفى ؟؟ لانه لو بنسوي كوب حليب في الفندق مايستوي وبناتي مدمنات على الاندومي لا مطبخ ولا شي انتظرك

اليوم شفت موقعهم وشفت الجوو -11 يالله كيف متحملين البرد وهذا الصبح يعني

المشاركة الأصلية كتبت بواسطة خالد المهيري
http://www.arabtravelersforum.com/tr...1/#post6614561

اخويه دبي عشقي
انا حاجز في فندق النوفتيل
لاكن شكلي بغير وباخذ شقه شورايك ؟؟ وووين شقق زينه وجريبه على المستشفى ؟؟ لانه لو بنسوي كوب حليب في الفندق مايستوي وبناتي مدمنات على الاندومي لا مطبخ ولا شي انتظرك



الفندق موقعه وايد حلو.... جدام محطه القطار و قريب منك السوق و المحلات...

صح اذا مدتكم طويلة اكيد لازم شقة...

او اذا حاب اتم يومين عقب يوم بتحصل شقة انتقل..

ما عندي فكرة عن الشقق هناك ... السموحة منك لو اعرف جان ما قصرت وياك

لان اغلب الي اشوفهم فنادق... لكن اذا حصلت بخبرك ...

شوف مدام انت ياي علاج خبر المترجم يدورلك شقة لان اكيد يعرف...

المشاركة الأصلية كتبت بواسطة دبي عشقي
http://www.arabtravelersforum.com/tr...5/#post6625815

موجه برد قوية ضاربه اوروبا هالايام و صدق وايد برد... من شدة البرد ما قمنا نطلع الا للضرورة...

مثل ما قلتلك نحن في منطقة جبلية تبعد 20 دقيقة بالقطار عن وسط فرايبورغ اسمها انترتسادن و درجة الحرارة وصلت عندنا الى 22-

تحمل ع اليهال اشترولهم ثياب ثجال لان وايد برد...

و اي استفسار او شي انا حاضر... و السموحة ع التاخير



هلا اخويه انا في فرايبورغ من يومين وان شاءالله باجر الموعد وبنتم في النوفتيل الفندق مريح
بس نبغي نتمشى مب عارفين وين نسير ..وبصراحه رمست سواق طلب 500 يور حق اليوم الواحد وطبعل بالعقل ان طلعنا وياه الصبح اكيد العصر ولا الظهر حتى نحن في البيت لانه بيستوي ليل علينا واساسا كل شي يسكر عندهم من وقت ...

بخصوص البرد اليوم -2 بس عادي مثلجين من البرد بس مدفين عمارنا زين مازين

ماعندك رقم سواق ثقه ؟؟؟
انتظرك

هلا اخويه نحن ياين على حسابنا الخاص لا وزاره ولا صحه

اليوم سرنا حديقه مغلقه اسمها كندر جلاكسي مول مب شي مغلقه بس البنات لعبوا شوويه وطلعنا وسرنا صوب السوق الي وين فندق كولمبوو
بس انا لين اللحين ادور سايق يودينا الاماكن الي قلت عنها

اذا عرفت سواق طرشلي رقمه ..

انا ناوي في الصيف جولاي اسكن في قرية قرب فرايبورغ هل في المدينة بحيره او نهر للجلوس والاستمتاع بالاجواء؟
بعدين اعتقد الطبيعة بتكون حلوه في الصيف هل فعلا المنطقة حلوه للتنقل وماهي المناطق الحلوه خارج فرايبورغ والبحيرات الي حولها تستاهل الطلعه لها
وشكرا

المشاركة الأصلية كتبت بواسطة خالد المهيري
http://www.arabtravelersforum.com/tr...3/#post6648243

هلا اخويه نحن ياين على حسابنا الخاص لا وزاره ولا صحه

اليوم سرنا حديقه مغلقه اسمها كندر جلاكسي مول مب شي مغلقه بس البنات لعبوا شوويه وطلعنا وسرنا صوب السوق الي وين فندق كولمبوو
بس انا لين اللحين ادور سايق يودينا الاماكن الي قلت عنها

اذا عرفت سواق طرشلي رقمه ..



اوكي..

اول مره اسمع فيها و في الفندق... يمكن هذي مال الكواكب الي حذال المحطه؟

شفتلك رابط فيه عن حديقه حذال فرايبورغ بس ما سرتلها
http://www.arabtravelersforum.com/travel430248/

طرشتلك رقم السواق في الخاص... هو حبوب و سوالف.. وصل اخواني من مطار فرانكفورت لين اهني و هو ساكن في فرايبورغ..

و حبيت اضيف تقدرون تسيرون مدينة بازل السويسرية ساعه مده الرحله...

و زيورخ ساعتين... و فرانكفورت ساعتين و شوي...

و السموحه... و اي شي تبغيه لا يردك الا لسانك و حياك الله يا ولد البلاد ^_^

مشكور ياخوي ماقصرت اليوم رحنا مع السائق وجدا مهذب ومحترم واستمتعنا بالتسوق في ستراسبورررررررغ
نبغي نطلع باجر بس الاحد كل شي مسكر للاسف

المشاركة الأصلية كتبت بواسطة خالد المهيري
http://www.arabtravelersforum.com/tr...1/#post6652801

مشكور ياخوي ماقصرت اليوم رحنا مع السائق وجدا مهذب ومحترم واستمتعنا بالتسوق في ستراسبورررررررغ
نبغي نطلع باجر بس الاحد كل شي مسكر للاسف



لا شكر على واجب يا اخوي ^_^ و ستراسبورغ متعه بحد ذاتها سواء للتسوق او التمشية...

باجر روحوا تيتيسي لان هالمكان الوحيد الي ينفع في الويكند
و من بحيرة تيتسي تروحون للمنتزه الثلجي الي فيه التلفريك و الزلاجات... و على حسب ما سمعت ان بيكون فيه كرنفال هناك باجر... ^_^

السلام عليكم ورحمة الله تعالى وبركاته
الأخ : خالد المهيري
فيمكنك الإتصال بهذا الموقع في مدينة فرايبورغ ، ستحصل إنشاء الله على كل ماتحتاج بإذن الله http://www.marhaban-fi-freiburg.de
أتمنى لك التوفيق إنشاء الله.