الموضوع: تعالو خططو معاي وعطوني رايكم

بسم الله الرحمن الرحيم

اخوك محمد


وانشاء الله رحلتي راح تكون من تاريخ
17/6
لين 28/6


طبعا الوصول يوم 18/


الطيران الماليزي من مطار بوظبي


الرحله الوصول ماليزيا
الى سلانجور
dorsett grand subanghttp://www.booking.com/hotel/my/gran...ml?aid=1329869السعر ليلتين
866 ريال


لنكاوي
فندقaseania resort langkawi
السعر ليلتين
838 ريال


بينانغ
فندق
parkroyal aenang
سعر ثلث ليالي
1692 ريال


كولا
the royale chulan hotel

سعر الثالث ليالي
1386 ريال


تخطيطي
من سلانجور لين لنكاوي طياره
من لنكاوي لين بينانغ فيري
من بينانغ لين كولا باص


او ابي رايكم في الفنادق وفي تخطيطي ؟؟


ثاني عطوني بعض الامكان السياحيه اللي تستاهل اني اروحها وانا حاط في بالي بس ابي منكم ع حسب خبرتكم؟


نسيت حاجه مادري من قالي انه اذا جاي بطياره ماليزيه مايحتاج انك مادري نسيه بس وش الميزه اني جاي باطياره لماليزيه؟؟


زين انا ماعرف انجليزي وش الحل اعرف امشي حالي بس؟؟


وكيف طريقه الحجز في الميترو
او الباصات او المانفورف
احصل احد يتكلم عربي بعد الفنادق في احد يتكلم عربي؟؟ لني متخوف اشوي من هل نقطه
انتظر رايكم واقتراحاتكم ونصايحكم

مواضيع عشوائيه ممكن تكون تعجبك اخترناها لك:

• الاسفار لا يستعنى عن اخوانه فى المشورة و السؤال
• بسوي تقرير وماعرف افيدوني
• تكفى لا تخليني
• شباب وجهة نظركم انتم من ناحية الطبيعه ماليزيا ام تركيا ؟؟
• أول مرة إلى ماليزيا والوضع إقتصادي جداً
• ممكن خدمه بسيطه
• ارجو المساعدة رحلتي قربت
• هل يوجد البراشوت في شاطئ كوالالمبور
• الفيري من بينانق الى لنكاوي عاااااجل
• أحتاج مساعدتكم بمعلومات عن تايبينغ
• اي الفندقين افضل
• التخطيط لشهر العسل ساحرة الشرق ماليزيا
• اي خدمه ف بينانق خدمه بسيطه منكم
• نحتاج المساعده الاااااااان
• ارجو المساعدة
• مسافر في ديسمبر ويرجو منك المساعدة
• جدول سياحي اطلب استشاره فيه جزاكم الله خير
• رحلة العمر لاسياء
• محتاج رأي نصائح لجدولي في ماليزيا
• ترتيب رحله الى ماليزيا

ليش عاد اكثر من 100 وله احد عطاني رايه

يعطيكم العافيه

المشاركة الأصلية كتبت بواسطة mohammad99997
http://www.arabtravelersforum.com/tr...5/#post8213483

بسم الله الرحمن الرحيم

عليك السلام ورحمة الله وبركاته
اخوك محمد


وانشاء الله رحلتي راح تكون من تاريخ
17/6
لين 28/6


طبعا الوصول يوم 18/


الطيران الماليزي من مطار بوظبي


الرحله الوصول ماليزيا
الى سلانجور

dorsett grand subang
السعر ليلتين866 ريال


لنكاوي
فندقaseania resort langkawi
السعر ليلتين
838 ريال


بينانغ
فندق
parkroyal aenang
سعر ثلث ليالي
1692 ريال

هذا الفندق سكنت فيه وبصراحة فندق جميل وماعليه كلام
والفنادق الباقية اعذرني ماجربتها
كولا
the royale chulan hotel

سعر الثالث ليالي
1386 ريال

يمدحوه كثير من الاعضاء

تخطيطي
من سلانجور لين لنكاوي طياره
من لنكاوي لين بينانغ فيري
من بينانغ لين كولا باص


او ابي رايكم في الفنادق وفي تخطيطي ؟؟


ثاني عطوني بعض الامكان السياحيه اللي تستاهل اني اروحها وانا حاط في بالي بس ابي منكم ع حسب خبرتكم؟


شوف اخوي بالنسبة للاماكن صعب الواحد يحدد لك اماكن معينة وهذي تحددها حسب رغبتك او حسب قرائتك للمواضيع
لكن في اماكن اساسية مثل مدينة الالعاب المائية صن واي لاقون وفيه مجمع البريميد الملاصق له
وتقدر تروح بتروجايا ومدينة الاضواء icity وتقدر تروح الشلالات هذي في منطقه واحدة وهي سلانجور
ولانكاوي المانجروف ونصب النسر والحديقة الملاصقه له والتلفريك وحديقة التماسيح

وبينانج فيه اماكن كثيرة مثل محل القهوة المشهور وحديقة الفواكه والفراشات وهضبة بينانج والحديقة الملاصقة لها وجزيرة القرود وهذي اشهر الاماكن اللي اعرفها بالاضافه الى التنزه على الشاطئ والسوق الليلي

نسيت حاجه مادري من قالي انه اذا جاي بطياره ماليزيه مايحتاج انك مادري نسيه بس وش الميزه اني جاي باطياره لماليزيه؟؟


زين انا ماعرف انجليزي وش الحل اعرف امشي حالي بس؟؟

لاتشيل هم لانهم يتكلموا عربي او على الاقل يفهموا انت ايش تبغى في الغالب

وكيف طريقه الحجز في الميترو

الميترو تحجزه من اقرب محطة لك حسب المكان اللي بتروح له
او الباصات او المانفورف

تحجز الباص من امام مدينه الملاهي شركة aero line
وافضل احجزها من سلانجور وحدد انك تبيها عودة فقط من بينانج لكوالا
والمانجروف افضل لك تحجزها من المطار اول ماتوصل لنكاوي من المكاتب اللي في المطار
وخلي السواق يوقفك عند محطة الفيري واحجز من بدري احتياط

احصل احد يتكلم عربي بعد الفنادق في احد يتكلم عربي؟؟ لني متخوف اشوي من هل نقطه
انتظر رايكم واقتراحاتكم ونصايحكم



لاتشيل هم
ورحلة موفقة ان شاء الله

افدتك بما اعرف واعذرني عالتقصير

يعطيك اخوي حيران وافدتني بما قلت

بس هم لو بحجز باص او المترو او المانفورف

يتكلمون عربي وله امشي حالي والله خايف اتوهق من هل لغه بس
ماقصرت يعطيك العافيه من الموبايل

المشاركة الأصلية كتبت بواسطة mohammad99997
http://www.arabtravelersforum.com/tr...7/#post8215037

يعطيك اخوي حيران وافدتني بما قلت

بس هم لو بحجز باص او المترو او المانفورف

يتكلمون عربي وله امشي حالي والله خايف اتوهق من هل لغه بس
ماقصرت يعطيك العافيه من الموبايل



حجز المانقروف في نفس المطار و انت خارج تلاقي كاونترات كثيرة لجميع الرحلات وشرائح الجوال و غيرها بالنسبة لي شخصياً ماحجزت من المطار رحت و اخذت من نفس المرسى حق رحلات المانقروف كان قارب خاص وجولة اربع ساعات تقريبا ب 300 رينجت
بالنسبة للباص من بينانج الى كوالا حاول تحجز من اول يوم توصل فيه بينانج عشان افضل الباصات تتفلل من بدري قبل ثلاث او يومين من الرحلة ويبغى لك باصات ترفع الضغط
ولو تبغى نصيحتي خليها طيران من بينانج الى كوالا اسرع و اروق و اضمن

تخطيطك جميل لانها اجمل اربع مناطق مثل رحلتي ..
الفنادق ما اعرفها سكنت بغيرها ..
رحلة المانقروف رائعه لا تفوتها ..
الرحلات جميعها والتمشيات مسكنا واحد بالمطار ونسق معانا بكل منطقه نوصل يرسل لنا سواق بس السعر شوي اذكر غالي بس وناسه صراحه رحنا كل مكان بكل مدينه .. من الموبايل

ما قصرو الاعضاء

بالنسبه للاماكن السياحيه

لانكاوي فيها القريه الشرقيه والتلفريك وبالاعلى الجسر المعلق ... فيها شلالات لانكاوي .... الجزيره جميله جدا

سيلانجور اعتقد اهم شي فيها صن واي لاقون واي سيتي ..

عموما رحله موفقه وتروح وترجع بالسلامه ولا تنسانا من التقرير

المشاركة الأصلية كتبت بواسطة mu7ammeed
http://www.arabtravelersforum.com/tr...2/#post8215062

حجز المانقروف في نفس المطار و انت خارج تلاقي كاونترات كثيرة لجميع الرحلات وشرائح الجوال و غيرها بالنسبة لي شخصياً ماحجزت من المطار رحت و اخذت من نفس المرسى حق رحلات المانقروف كان قارب خاص وجولة اربع ساعات تقريبا ب 300 رينجت
بالنسبة للباص من بينانج الى كوالا حاول تحجز من اول يوم توصل فيه بينانج عشان افضل الباصات تتفلل من بدري قبل ثلاث او يومين من الرحلة ويبغى لك باصات ترفع الضغط
ولو تبغى نصيحتي خليها طيران من بينانج الى كوالا اسرع و اروق و اضمن



حلو بس الحجز في احد يتكلم عربي اشوي لو بحجز مثل المانفورف والباصات يعني موظفين يتكلمون عربي؟؟


والباصات فقط حبيت التغيري وابي اشاهد الشوارع وله موناقصين تضيع الوقت

المشاركة الأصلية كتبت بواسطة Rayoom99
http://www.arabtravelersforum.com/tr...2/#post8215122

تخطيطك جميل لانها اجمل اربع مناطق مثل رحلتي ..
الفنادق ما اعرفها سكنت بغيرها ..
رحلة المانقروف رائعه لا تفوتها ..
الرحلات جميعها والتمشيات مسكنا واحد بالمطار ونسق معانا بكل منطقه نوصل يرسل لنا سواق بس السعر شوي اذكر غالي بس وناسه صراحه رحنا كل مكان بكل مدينه .. من الموبايل



ع السواقين باخذ ارقامهم من المنتدى
لوالفنادق فقط لنوم وانا رايح بستانس مابي اجلس بس كل خوفي في الغه بس
من المطار بنسق رحلاتي وباجوال بنسق مع التكاسي
يعطيك العافيه اخوي

المشاركة الأصلية كتبت بواسطة DEDOO5001
http://www.arabtravelersforum.com/tr...2/#post8215162

ما قصرو الاعضاء

بالنسبه للاماكن السياحيه

لانكاوي فيها القريه الشرقيه والتلفريك وبالاعلى الجسر المعلق ... فيها شلالات لانكاوي .... الجزيره جميله جدا

سيلانجور اعتقد اهم شي فيها صن واي لاقون واي سيتي ..

عموما رحله موفقه وتروح وترجع بالسلامه ولا تنسانا من التقرير



مشكله وقتي مايصلح بس وش اسوي ماهو بيدي المدام اجازه وانا انجبرت اخذ اجازه هل وقتبس ع طاري الصن كيف بدخل العب في الحديقه اكيد المدام بتشوف ......!!
وله بلعب وش الحل ههههههه؟؟


القريقه الشرقيه والتلفريك والشلالات هل تكفيهم يوم؟؟ من ظمن تنسيقاتي


لا تخاف الكاميره جاهز من الحين والشواحن جاهزه ما بقى اله شي قليل وانتظر السفر ع نااار
اول سفره لي خارجيه
كل مضيعين وقتنه في دول الخليج هههههه


يعطيك العافيه اخوي

صح سوال عندي عن الطيران الداخلي

طبعا في سعر مخفض مكتوب وفي برنامج المسافر الدائم
زين وين الافضل اختار
سعر المخفض حصلتها
66 رنقت


والبرنامج حصلتها
246


الفرق نقول الوزن فقط
اجل اختار السعر المخفض واختار الوزن 20
ويطلع السعر نقول مثلا 66+30 رنقت
ادري مابعد احسب الضرائب بس امثل لكم هل يصلح احجز في المخفض وله طلعت اكثر

بالنسبة للغة العربية بالذات في لنكاوي انا ماوجهت مشكلة اغلب التكاسي يتكلمون عربي و اساسا في المدارس عندهم منهج لغة عربية