الموضوع: مخطط رحله و ابي مساعده بالتكاليف

بليز ابي مساعده بالتخطيط لرحله لالمانيا و المجر مرورا بالنمسا و سويسرا .....

ان شاء الله ثلاث اشخاص و طفلين. زوجي يقول الافضل نأجر سياره و انا ابي اسأل :
1- هل مخطط الرحله جيد؟
2- شنو افضل خطوط طيران؟ هل الخليج جيد ؟ سويت سيرج و الخليج ارخصهم ( الكويت - فرانكفورت - الكويت)
3- جم تقريبا تكلفة السفره ( طيران- سياره - اقامه - مصروف )
4- هل 15 يوم كافي؟ ابي الفتره الاكبر بالمجر
5- من اي سفاره اخذ الفيزا؟

بالانتظاااااار

مواضيع عشوائيه ممكن تكون تعجبك اخترناها لك:

• جدولي بين ايديكم تم الانتهاء لكن احتاج الى نقطه واحد ارجو الدخول
• السفاره ولا المركز الموحد
• محتـأجة اتساعدووووني في سفرتـي لميونخ في شهر سبتمبر
• بسافر الى ميونيخ في عطلة الربيع وشرايكم؟؟؟
• استفسار عاجل باقي في فيزتي 3 شهور هل اقدر اروح المانيا
• اللي راح للقنصلية بجدة بلييز
• ما هو افضل حجز الفنادق والتنقل في المانيا واوربا
• استفسااار ضروري عن فنااادق ميونخ
• استفسار بخصوص الشنقن الالمانية
• خبراء شركة سيكست
• هل صحيح أن المانيا ترفض دخول الأطفال في جواز واحد؟؟
• مشاركتكم في الاختيار
• ما لها إلا ذوي الخبرة فقط
• ممكن مساعده من لديه الخبره
• السلام عليكم ضروري الافاده
• السكن بالقرب من ميونخ
• استفسار بخصوص السفر لالمانيا في اكتوبر
• استفسار عن فيزا المانيا
• اختلاف سعر الليالي
• طلب مساعدة ألمانياالنمسا

مساء الخير انتي تبين المجر بودابست عدل ؟؟

فرانكفورت وسويسرا او المانيا كلهم ابعاد مقارنة بايام الرحله

ممكن اتروحين 10 ايام هنغاريا وبعدها فينا عاصمة النمسا 5 ايام ومنها العوده كونها قريبه

تحياتي

مساء الخيرات .....
معليش اختي .حبيت اسألك بكم اخذتي التذاكر

اخوي علي عدل ابي بودابست بس ابي فرانكفورت تكون نقطة الانطلاق في مشكله؟ لأني ابي امر النمسا و سويسرا و هل طيران الخليج جيد صراحه اول مره يجربه كل سفراتنا علي القطريه او الإماراتية بس فرق السعر هالمره 400 دينار!!!!! و الله يعطيك العافيه ما قصرت

Dew drop والله حصلت تذاكر ب 700 دينار!!!!
:

بالنسبه للخطوط الخليج ما جربتها لكن طالما هذا الفرق بالسعر اشوفها خيار مناسب من الناحيه الماديه


لكن لا تبداين من فرانكفورت كونها بعيده جدا عن خط السير


ممكن تعملون هذا المخطط الوصول ميونخ 3 ايام سالزبورخ النمساويه 3 ايام فينا 3 ايام بودابست 3 ايام هذا افضل واكثر ترابط من ناحية المسافات.. وممكن اتزيدين ببودابست 3 او 4 ايام على حسب رغبتكم





تحياتي

مشكور اخوي عالمساعده الله يعطيك العافيه و اذا في مجال تساعدني تقريبا جم يكلف السكن و المصروف ادري انه يختلف بس ابي تكاليف تقريبية و مره ثانيه مشكور ما قصرت

مساء الخير

سؤال فرضي .. وجوابه فرضي

ممكن تكلف 2500 او 3

على حسب نوعية السكن والاماكن السياحيه والتسوق ممكن تزيد

تحياتي

مشكور اخوي و الله مواضيعك ساعدتني و اخيرا بدأت بالحجز

الوصول لمطار فرانكفرت
3 ليالي بادن بادن
5 ليالي زيلمسي
6 ليالي بودابست
3 ليالي قارمش (او اي منطقه قريبه)
و المغادره من ميونخ

حجزت بادن بادن و زيلمسي و باقي بودابست و قارمش و السياره

مساء الخير

ما ادري شقول لج اختي وكاني ما كتبت بمشاركتي السابقه ان المسافات طويله جدا

من بادن الى زيلامسي تقريبا 6 ساعات

من زيلامسي الى بودابست تقريبا 600 كيلو يعني 7 ساعات تقريبا

من بودابست الى غارمش 700 كيلو


السكن بغارمش موجود بالتوقيع بالموسوعه الالمانيه الجزء الاول الخاص بالسكن بميونخ وغارمش


تحياتي

المشاركة الأصلية كتبت بواسطة ALI_Q8_77
http://www.arabtravelersforum.com/tr...5/#post6529585

بالنسبه للخطوط الخليج ما جربتها لكن طالما هذا الفرق بالسعر اشوفها خيار مناسب من الناحيه الماديه


لكن لا تبداين من فرانكفورت كونها بعيده جدا عن خط السير


ممكن تعملون هذا المخطط الوصول ميونخ 3 ايام سالزبورخ النمساويه 3 ايام فينا 3 ايام بودابست 3 ايام هذا افضل واكثر ترابط من ناحية المسافات.. وممكن اتزيدين ببودابست 3 او 4 ايام على حسب رغبتكم





تحياتي





طيب اسفه اخوي بس انا ابي ازور اوروبا بارك علشان اليهال ، لو بطب ميونخ يصير؟ او المسافه بعيده
[size="4"]و هل في غير منتزه لليهال يستأنسون و اسفه مره ثانيه

ممكن اتروحين من فرانكفورت للملايه كونها اقرب لكم لكن بدوابست بعيده جدا جدا عن بادن .

وبعدين الملاهي بمدينة روشت الالمانيه بادن تقريبا ساعه منها


انا ما ادي تفكرين بشنو بالظبط هل بالمانيا او بودابست ..

لو تفكرين بالمجر فتكون فينا هي الاقرب . وومكن اتروحون ملاهي بارتر بس ملاهي بسيطه وعاديه مو مثل العاب يوربا بارك الاكبر باوربا

وما في تعب ولا غثيتيني بالعكس انتي على الرحب والسعه اسئل كما تحبين


تحياتي