الموضوع: استفسار بخصوص رحلة الى المانياايطالياسويسرا بشهر جولاي القادم

السلام عليكم ورحمة الله وبركاته...

انا عرضت الموضوع في بوابة ايطاليا لكن للاسف مافي احد رد.

الصراحة ودي اشكر الادارة وكل الاعضاء على جهودهم في تذليل الصعاب والرد على الاستفسارات ...

وانا متابع المنتدى من عام 2004 واستفدت منه كثير ... الله يجزاهم خير الادارة اللي وفروا كل سبل الراحة والامان لكل مسافر.



انا مخطط بمشيئة الله لرحلة شهر عسل,, لشخصيناحلف؟ .. وان شاء الله ناوي على ايطاليا وسويسرا والمانيا لمدة 12 الى 14يوم.

(روما - فلورنس- فينيسيا - ميلانو) (انترلاكن - واي مدينة باتجاه المانيا)(ميونخ-شتوتجارت-فرانكفورت عشان العودة)





1- هل احجز من الرياض روما والعودة مثلا فرانكفورت الرياض؟ او تنصحوني بخطة اخرى؟

2- ممكن تخططون لي عدد الليالي في كل مدينة ةالاماكن السياحية مع الاعتبار اني افضل الريف على صخب المدن.؟

3- اي الخطوط افضل لروما وفرانكفورت؟؟

4- هل احجز الان او انتظر يناير وفبراير يمكن فيه عروض؟

5- مدة الشنقن كم شهر؟؟ انا اخاف اطلعها الان ويعطوني 6 اشهر وتنتهي وانا ما سافرت مسوي ذيب .. وهل يفتحون الخميس لأني موظف ومن خارج الرياض.

6- هل يلزم تأمين طبي عشان الفيزا؟؟

7- هل تنصحوني بسيارة خصوصا الاماكن الريفية وهل صعبة القيادة هناك؟؟

8- اعشق العزبة والطبخ هل تفضلون اني اخذ قهوة وشاي وعدة طبخ صغيرة خصوصا بجنب النهر او البحيرة؟؟

9- ماهي الاماكن اللي احصل فيها مكان للطيران الشراعي بالباراشوت والمروحة (باراموتور) لأمارس هوايتي هناك نظراً لمنع الطيران من وزارة الداخلية السعودية مؤخراً؟؟؟
.




عندي اسألة كثيرة لكن ما ودي اثقل عليكم وياليت يا أصدقاء تجاوبون بالارقام عشان ما ننسى كل الاسئلة... الله يجزاكم الجنة قولوا امين.
.

مواضيع عشوائيه ممكن تكون تعجبك اخترناها لك:

• الدخول للأراضي الالمانية
• لخبراء ميونخ أرجو المساعدة
• استفسار عن موقع
• موضوع فيه شرح لطريقه استاجر سياره
• سؤالي عن القروبات السياحية
• محتاج شوية معلومات عن اخن
• عناوين
• الآوت لت
• مشورتكم في تخطيط رحلتي
• مواقف السيارات المجانية في فرانكفورت
• افيدوني عن اجراءات مطار افرانكفورت
• طلب المساعده من اهل الخبره
• اللي يعرف مدينة شتوتغرت في المانيا يساعدني
• ماهي اقرب المدن الى ميونخ تصلح للسكن؟
• استفسار بخصوص اسواق روزنهايم
• الميزانيه التقريبيه
• محتاج شركة اتصالات ممتازه
• كرماً منكم ساعدوني على تخطيط رحلتي الرياض ميونخ الرياض
• ساعدوني باختيار افضل الاماكن في فرانكفورت و برلين
• من جديد لا أستغني عنكم افيدوني بخبراااتكم ودمتم

لا زلنا ننتظر ردودكم يالغالين.

انت مختار مدن كثيره وعندك فتره بسيطه وتقول ماتحب المدن انا افضل يكون مخططك وصول ميلانو وعوده جنيف

3ايام ميلانو - 5ايام انترلاكن - 3ايام رست او بادن بادن - 4ايام جنيف
15 يوم يعني 14 ليله هذا اقل شي يكفي
من ميلانو و تزور فينيسيا اما روما بعيده عنكم وهي مدينه صخبه مو ريف
رست فيها العاب اليورب بارك وعندك بادن بادن وستراسبورغ
وانترلاكن معروفه مايحتاج
اما فرانكفورت وشتوتغارت مالها داعي ومدن كبيره وبعيده عن المخطط وانت رايح شهر العسل المفروض تقلل تنقلات عشان تنبسطون

تم الغاء ايطاليا من البرنامج والاكتفاء بالمانيا وسويسرا ...

اتمنى الاجابة على الاسئلة اللي فوق بليز..

ننتظر الردود ...

المانيا وسويسرا خلي الوصول فرانكفورت والعوده جنيف ويكون مخططك

فرانكفورت - بادن بادن - انترلاكن - زيرمات - جنيف

التامين الطبي من التعاونيه ولازم

الشنقن تطلعها قبل شهر الى شهرين مو اكثر ولو موسم بدر شوي وانت ممكن تتصل عليهم وتعطيهم وقت سفرك ويعلمونك متى تجي


السياره مهمه اما العزبه انت رايح معرس وزوجتك عروس معقوله بتخليها تطبخ .. ولوقلت باخذ اغراض القهوه العربي والشاي ومكسرات وحلويات واغراض فطور ممكن بس اذا لازم القهوه العربي ولازم تغلي ماعندك حل الا تسكن بشقق او انك تسوي زي ما يسوون البقيه بغلايه المويه تطلع زوينه مشي حالك

والطبخ برى له اماكن محدده انتبه مو باي مكان تلقى حدايق عندها لوحه مكتبو انه مسموح بالشوي او شي من هالقبيل هنا ماعندك مانع وتلقى هناك شي زي المنقل للاستخدام لمره اومرتين حلو كنا نشتريه من المحطات

دموع الورد... الله يجزاك الجنة يااارب ومشكووووور على اهتمامك وردودك أختي.
من خلال ردك السابق استفدت 80% بالمية بالتخطيط للرحلة المبدئية وباقي الفنادق والسيارة والاماكن السياحية.. خصوصا بادن وانترلاكن..

فرانكفورت - بادن بادن - انترلاكن - زيرمات - جنيف

ياليت المسافات بين المدن وهل هي بعيدة او لا, لاننا راح نحجز الفنادق بناء على بعد المسافات بين المدن... او كم ساعة مشوار بالسيارة؟؟

لان واحد من الشباب يقول ترى مو تحسبها مثل الطرق السريعة عندنا مثلا الرياض الدمام بساعتين يقول السرعة محددة والطرق مو كلها سريعة..

بالنسبة للطبخ اذا حصل فهو انا اللي بطبخ مو المدام.. لكن الغلاية ناخذها معنا والا نحصلها هناك..؟؟

حصلت تذاكر على الخطوط بتاريخ 30-06-2012 على النحو التالي:

الاماراتية: 3,811 ريال
الاتحاد: نفس السعر 3,811 ريال
السعودية: 4300 ريال
لوفتهانزا: 5100 ريال
طيران الخليج: 2217 ريال
الاسعار للشخص الواحد ذهاب وعودة فرانكفورت او ميونخ.

شرايكم بطيران الخليج علما انها (economy promo) المبلغ غير مسترد والمواعيد غير مسموح بتعديلها؟؟

احجز الان والا انتظر؟؟ اخاف ما الاقي حجز وابلش..

شكراً من الاعماق لكل من يساعد من له حاجة..

يقول الكاتب والاديب الامريكي ديل كارنيجي: " لا تنتظر كلمة شكراً من أحد فكلمة شكراً ستجدها عندما تكون بأمس الحاجة لها" .

يالغالي شف بالنسبه لحجز الطيران عن تجربه وكثير من الزملاء استفادوا منها
شركات الطيران تسووي تخفيضات قوويه في شهر 3 و 4 ميلادي
ااستغل الفررصه وأحجز في هالوووقت خصوصا طيران الأمارات ركز عليها تخفيضاتها رائعه جدا





بالنسبه للمسافات

من فرانكفورت الى بادن بادن حوالي 190 كيلوا

من بادن بادن الى انترلاكن حوالي 320 كيلوا

من انترلاكن الى زيرمات حوالي 120 كيلوا

من زيرمات الى جنيف حوالي 240 كيلوا


لاتنساني من دعائك يالغالي

الله يوفقك دنيا واخره وينور لك طريقك يارب..

اخوي طيب طيران الخليج سعره مناسب والترانزيت من 3 الى 6 ساعات فقط..شرايك؟؟

انا ودي احجز بدري وافتك واخطط للاماكن السياحية وترتيبات السفر والاهم هي السيارة (النوع من ناحية الاستهلاك - طريقة التسليم وايهم ارخص) خصوصا اني بطلع من المانيا الى سويسرا انترلاكن؟؟

جعل الله لكم في كل خطوة سلامة.

اختار اما الاماراتيه او الاتحاد اللي ترانزيتها اقل اختارها وبالتوفيق

المسافات ذكرها لك احد الاخوان

طيب اختي عرض طيران الخليج مو كويس؟؟
وليش الاماراتية او الاتحاد مع ان عرضهم واحد بـ 3800 ؟؟


بالنسبة للمدن شرايكم:
فرانكفورت - بادن
سويسرا: انترلاكن - جنيف

اختصاراً للتنقلات والارهاق.

سؤال اخير :
موضوع مكان استلام وتسليم السيارة,
ومدينة الوصول والمغادرة للوطن كيف الطريقة وماهو الانسب؟؟

شكرا لكم على مجهودكم معنا..

المخطط كذا ممتاز

فرانكفورت - بادن بادن - انترلاكن - جنيف
تزرو زيرمات من انترلاكن
خطوط الاتحاد والامارات هي الافضل اما خطوط الخليج كثير يذمونها واكيد السعر اللي لقيته غير مسترد حرام تدفعه وانت ماتدري عن ظروفك
على العموم لك الخيار انا اخترت التركيه قبل سنتين لاني اضطريت بحكم اني بالمدينه وندمت اشد الندم عليها رغم انه سعرها كان 3700 ريال لكن ما في زي الاتحاد والقطريه والاماراتيه
السياره تستلمها من فرانكفورت وتسلمها في جنيف راح تدفع ضريبه مؤكد وكمان استكر الطريق حق سويسرا قيمته 40 فرنك لاتنسى تركبه من يوم ماتدخل سويسرا
ممكن اذا كنت من سكان ا لشرقيه شوف سعر الاماراتيه والاتحاد من البحرين

الله يجزاك خير اختي على ردك..


انا بالرياض.

الرياض فرانكفورت الرياض.
او الرياض فرانكفورت
جنيف الرياض

بتطلع اغلا التذاكر..

طيب هل بالامكان اطلع لسويسرا بالسيارة وارجع لألمانيا عشان العودة من فرانكفورت؟؟

يعني كم المسافة المقطوعة.؟

شكراً لكم.

بتطلع اغلى عليك بس اشتري راحتك لواترجع تضرب المشاوير

المسافه من جنيف الى فرانكفورت للعوده 6 ساعات

ممكن تكون



ليله فرانكفورت - 5ليالي انترلاكن - 3ليالي جنيف - 3ليالي بادن بادن او رست - ليلتين او ثلاثه فرانكفورت

لايقل عن 14 او 15 ليله يعني 15 او 16 يوم

من فرانكفورت الى انترلاكن 5-6 ساعات
من انترلاكن الى جنيف 3-4 ساعات
من جنيف الى بادن بادن 5-6 ساعات او من جنيف الى رست 4-5 ساعات
من بادن بادن الى فرانكفورت 2-3 ساعات او من رست الى فرانكفورت 3-4 ساعات

شاكر ومقدر لك ما خطت اناملك سيدتي..
ولا نملك الا الدعاء لكِ بالصحة والعافية وطول العمر بطاعة الرحمن.
ويحقق لكِ كل ما تتمنينه من الدنيا ومن نعيم الاخرة.
شكراً من الاعماق. ولي عودة بعد تأكيد الحجوزات.

ليله فرانكفورت - 5ليالي انترلاكن - 3ليالي جنيف - 3ليالي بادن بادن او رست - ليلتين او ثلاثه فرانكفورت

لايقل عن 14 او 15 ليله يعني 15 او 16 يوم

من فرانكفورت الى انترلاكن 5-6 ساعات
من انترلاكن الى جنيف 3-4 ساعات
من جنيف الى بادن بادن 5-6 ساعات او من جنيف الى رست 4-5 ساعات
من بادن بادن الى فرانكفورت 2-3 ساعات او من رست الى فرانكفورت 3-4 ساعات





هلا اختي دموع الوجد .. تم الحجز على الخطوط العمانية:
30/06/2012 - 13/07/2012
الرياض-مسقط - فرانكفورت - مسقط - الرياض
الترانزيت ساعتين فقط
4372 لشخصين ذهاب وعودة.
الوصول لفرانكفورت الساعة 6:30ص والمغادرة فرانكفورت يوم 13/07/2012 الساعة 10مساء.

ردك لي والمقتبس فوق ابيك تعدلي عليه لانو نقصنا يوم عن السابق وجنيف ياليت تكون ليلتين.

طيب لو اخذنا السيارة من فرانكفورت وسلمناها في جنيف
والرجعة من جنيف الى فرانكفورت اخر يوم عن طريق القطار السريع
او طيران اقتصادي اوروبي,, مو احسن..؟؟؟

باقي موضوع الفنادق الله يخليك بسألك بعدين ما ودي اكثر عليك الان.

يا جماعة وينكم الله يخليكم محتاج للرد بليز..

الوصول لفرانكفورت بتاريخ 01/07/2012 الساعة 6:30 صباحاً.

عندك 13 ليله خلي مخططك

ليله فرانكفورت - 5ليالي انترلاكن - ليلتين جنيف - 3ليالي بادن بادن - ليلتين فرانكفورت
خليت جنيف ليلتين بناء على طلبك ولكن لو كانت زوجتك غير منقبه انصحك تخليها 3 ليالي لان في مناطق فرنسيه قريبه من جنيف روعه جدا
اخرليلتين للتسسوق من فرانكفورت
اذا ناسبك المخطط اجيب لك خيارات للسكن بس اعطيني الحد الاقصي لسعر الليله وهل زوجتك منقبه اولا

اذا تبغى تستخدم الطيران الاقتصادي وعفشكم موكثير خلوا مخططكم

ليله فرانكفورت - 4ليالي بادن بادن - 5ليالي انترلاكن - 3ليالي جنيف

بس كذا بتسلم السياره في جنيف وبيكون فيه ضريبه بحدود 1000 ريال غالبا ورا تروح طيران الى فرانكفورت ممكن تشيك على اسعار الطيران

والله يا اختي مادري شقول لأشكرك على مجهودك في المنتدى ومنتديات اخرى وحبك للخير
ومساعدتك لاخرين. فما نملك الا الدعاء بظهر الغيب لك ولوالديك أخيتي..

زوجتي غير منقبة.

سعر الليلة ما اقدر احدده ودنا بالسعر المناسب والمعقول لكن فيه بعض الاماكن غالية من الاصل
.. انا فريت البوكنق وحصلت اكثر من واحد لكن معلوماتهم قليلة بخصوص قربه من الاماكن السياحية.
احنا ما يهمنا فخامة او اسم الفندق وارتفاع سعره بعكس ما يهمنا نظافته وخدمته بسعر معقول لان الفندق بيكون للنوم واغلب الاوقات برا للسعسعة.. يعني نبي فنادق مو غويليه ومناسبة.
ونفسي نجرب السكن في كوخ ريفي لو ليلة وحدة سواء في المانيا او سويسرا.. اما موضوع المدن الفرنسية فياليت والله,, ولك الضوء الاخضر في الترتيب.
موضوع الفنادق سلمك الله ابي رأيك باللي حصلت من توصية الاعضاء
يعني في فرانكفورت حصلت فندق Holiday Inn Express Frankfurt City Hauptbahnhof

http://www.booking.com/hotel/de/holi...X7&aid=1329869

شرايك بفندق Brienzersee انترلاكن مطل ع بحيرة Lake Brienz سعره جيد و اغلب الاعضاء يمدحونه.؟؟

http://www.booking.com/hotel/ch/brie...01&aid=1329869

عندي مشكلة اللي هي شلون ادخل تاريخ الحجز للفندق ومتى الخروج اقصد متى يحسب اليوم الجديد..
مثلا بحجز ليلة وحدة التاريخ يكون من 01\07\2012 الى 02\07\2012 او الى 01\07\2012 ؟؟ ملخبط شوي
خصوصا ان اخر يوم راح نكون في جنيف ومنها الى فرانكفورت عشان العودة بتاريخ 13 جولاي الساعة 10 مساء هل يحسب يوم 13 من ايام اجار الفندق ومتى التشك ان والآوت عندهم؟؟




بشوف الايزي جت ورحلاتهم

عذرا عل الاطالة

انتظر على احر من الجمر

التواريخ تكون كذا


ليله فرانكفورت - 5ليالي انترلاكن - ليلتين جنيف - 3ليالي بادن بادن - ليلتين فرانكفورت

1-7 الى 2-7 فرانكفورت
حلو الفندق اللي اخترته

2-7 الى 7-7 انترلاكن

حلو الفندق اللي اخترته بس اختار الغرفه المزدوجه المطله على البحيره وممكن شتوف غلوريا حلو كمان

7-7 الى 9-7 جنيف

http://www.booking.com/hotel/fr/busi...AR&aid=1329869

9-7 الى 12-7 بادن بادن

http://www.booking.com/hotel/de/expr...X7&aid=1329869

12-7 الى 15-7 فرانكفورت

نفس الفندق السابق

اذا بتختار المخطط اللي من جنيف تروح طيران اختار رحله وصولها بدري عشان ترتاح وانتبه لنقطه العفش
طبعا تكتب الى 13 في بوكنج

اختي ماذكرتي المدن الفرنسية اللي ذكرتي عند جنيف او نحط ليلتين في ستراسبورغ ومن بادن نطلع لها..؟؟

التسوق مو موجود بالبرنامج عدا هدايا بسيطة تحسباً لزيادة الشنط.

ومتى موعد التشك اوت والتشك ان بالنسبة للفنادق لاني مثلا نطلع من بادن الى انترلاكن تقريبا 320 كلم بالسيارة..

هل فيه قطار من جنيف او انترلاكن الى فرانكفورت سريع؟؟ عشان موعد الرحلة يوم 13 جولاي؟؟

ما حصلتي كوخ ريفي ليلة سكن؟؟

بالنسبة للسيارة بحثت في يوربكار حصلت فوق الـ 4000 ريال سيارة صغيرة اقتصادية لمدة 12 يوم... معقولة مافي ارخص؟؟

واحد من الشباب 13 يوم في النمسا 2800 ريال شامل كل شي مع التامين!!!!!!!

المشاركة الأصلية كتبت بواسطة ساباستيان
http://www.arabtravelersforum.com/tr...9/#post6568829

اختي ماذكرتي المدن الفرنسية اللي ذكرتي عند جنيف او نحط ليلتين في ستراسبورغ ومن بادن نطلع لها..؟؟

الفندق الي ذكرته لك في قريه فرنسيه قريبه من جنيف وليس داخلها وتزور انسي وايفيان وشاموني ولوزان ومونترو

التسوق مو موجود بالبرنامج عدا هدايا بسيطة تحسباً لزيادة الشنط.

ومتى موعد التشك اوت والتشك ان بالنسبة للفنادق لاني مثلا نطلع من بادن الى انترلاكن تقريبا 320 كلم بالسيارة..


يختلف من فندق لفندق بس في بوكنج تلقاها بنفس الصفحه تحت مكتوب
السياسات العامة للفندق مكتوب وقت الدخول والخروج


هل فيه قطار من جنيف او انترلاكن الى فرانكفورت سريع؟؟ عشان موعد الرحلة يوم 13 جولاي؟؟


ما اعرف بالقطارات ابدا

ما حصلتي كوخ ريفي ليلة سكن؟؟

الاكواخ لازم اسبوع وتبدا من سبت لسبت


بالنسبة للسيارة بحثت في يوربكار حصلت فوق الـ 4000 ريال سيارة صغيرة اقتصادية لمدة 12 يوم... معقولة مافي ارخص؟؟

ما اعرف والله بس انتبه لاتاخذ سياره الكيلومترات محدده اذا بتسلم السياره في فرانكفورت ما راح تدفع ضريبه اما اذا بتسلمها بجنيف تدفع ضريبه بحدود 1000 ريال هذا اللي اعرفه
واحد من الشباب 13 يوم في النمسا 2800 ريال شامل كل شي مع التامين!!!!!!!





اتمنى اكون اجبتك على الاسئله

الله يعطيك العافية اختي

انا حصلت نماذج الفيزا من النت وعبيتها وباقي التأمين الصحي
اي شركات التأمين أفضل ؟؟ فيه واحد طلع الشنقن من الفرنسية
ويمدح الراجحي تكافل ورخيصة كمان..

طيب شركة التعاونية للتأمين هل استخرجها من اي مكتب؟؟
او لازم من المكتب اللي عند السفارة؟؟

والله ما اعرف لكن احنا نطلعها من التعاونيه وبدون مكتب

اقصد من اي فرع للتعاونية والا لازم اللي في الرياض ؟؟؟؟
لانو ممكن معمدين مكتب للتعاونية واحد فقط وهو اللي في الرياض بحكم قربه منهم, ربما..

السلام عليكم اولا اسمح لي بتقديم الشكر للاخت دموع وتفاعلها مع الاعضاء وادعوا لها بالتوفيق واالجر والمثوبه ثانيا اسمح لي ان اتدخل في برنامجك واعطيك اقتراحي انا تابعت موضوعك من اوله الين اخره صحيح انك كنت تبغى ايطاليا وكويس انك الغيتها لان فترة رحلتك قصيره جدا وراح تكون طورقة وهجوله طبعا عرض العمانيه مغري جدا علشان كذا ما الومك بالحجز عليها ولكنه لعوز خط سيرك بعض الشيء لان فرانكفورت بعيده عن جنيف ويصعب العوده وبما ان رحلتك فقط 12 يوم لا تقع في نفس الغلطه وتخليها هجولة وشيل وحط لذلك انصحك بان تكون رحلتك كالتالي

بما ان وصولك الى فرانكفورت سوف يكون باكر 6:30 صباحا واكيد الفندق ما راح يسوي لك شك اوت قبل 11 هذا اذا تساعدوا معك لذلك انصحك بالانتقال مباشرة الى بادن بادن فالمسافه اقل من ساعتين وتكون هي محطتك الاولى 2 ليلتين ومنها الى انتر لاكن والمسافه تقريبا 3 ساعات وتقضي فيها 4 ليالي ومنها الى كونستانس الالمانيه والتي تبعد عن انترلاكن ساعتين وعشر دقائق (والاخت دموع خبيرة جدا بهذه المنطقة ) تجلس فيها ليلتين تنتقل بعدها الى فرانكفورت وتقضي فيها الليلتين الاخيرتين للتسوق وممكن تخليها ليلة بما ان رحلتك مسائا يعني حيكون عندك يوم ونصف وتضيف الليله الى احدى المحطات طبعا انا ذكرت لك هذا الاقتراح بسبب ان العودة من جنيف صعبه حيث المسافه تستغرق 6 ساعات قياده متواصلة شيء لا يحتمل كما ان هذه المناطق التي سوف تزورها سوف تغنيك عن جنيف والتي لا تتميز باي شيء سوى بالغلاء ومما لمسته من كلامك بانك شخص محب للطبيعه والبساطه والهدوء فهذه المناطق المذكوره هي ضالتك تحيااااااااااااااااااااااااتي

وينكم يا جماعة
daayem1
دموع الوجد مري علينا بليز

وصولك وعودتك فرانكفورت صعبت عليك المخطط وفكره انك تاخذ سيارتين متعبه وملفه وكل هذا عشان تتحاشي الضريبه صعب
الافضل العوده من جنيف لان بيكون تعب عليكم المسافه بعيده للعوده الى فرانكفورت او ترجعون طيران من جنيف او بيرن الى فرانكفورت وكمان مدتكم قصيره على هالتنقلات والمسافات

كان ودي الذهاب لفرانكفورت والعودة من جنيف لكن ما ضبطت معي..
بخصوص السيارتين ما اتحاشى الضريبة لان المبلغ ما يستاهل التهرب منه لكن مسألة ان نقطع مسافة 6 ساعات متواصلة الى فرانكفورت متعبة خصوصا ان الطرق ماهي سريعة وتحسباً لمفاجآت الطريق هذا المقصد اختي.

انا ارى ان ناخذ قطار من بادن الى انترلاكن
وقطار من انترلاكن الى فرانكفورت ؟؟

تجي والا ما تجي؟؟ يعني فيه قطارات سريعة بهالوجهات؟؟ وهل هي مناسبة خصوصا ان ما معنا شنط كثير

بالنسبه للقطارات ما اعرف والله ممكن احد غيري يدلك لاننا مانستخدمها المهم تكون دايركت انتبه لهالنقطه
عندي لك فكره خلي مخططك
فرانكفورت ليله - 4ليالي بادن بادن - 6ليالي انترلاكن - ليله فرانكفورت
تاخذون سياره من فرانكفورت وتسلمونها في بيرن القريبه من انترلاكن او زيورخ وتروحون طيران اقتصادي منها الى فرانكفورت هذا اسهل شي لاني ما اتوقع تلقى قطار مباشر