المشاركة الأصلية كتبت بواسطة بن شديد
http://www.arabtravelersforum.com/tr...8/#post8209712
السلام عليكم ورحمة الله وبركاته ًً....... وبعد :
وعليكم السلام ورحمه الله وبركاته
عملت جدول الى ماليزيا وذهبت الى احدى المكاتب وحجزت واريد منكم رئيكم من جميع النواحي فنادق و طيران داخلي ومن مكاميله
الرحلة حتكون في شهر يونيو يوم 9 / 2014 انا والمدام شهر عسل ..
1. بيتالينغ جايا يومين في فندق صنواي ريزورت . . هل هو قريب من المطار وكم سعر التوصيل بالتاكسي ؟ وهل هي سيلانجور ؟ وهل دورات المياه اعزكم الله توجد بها شطفات ؟ وكيف الفندق وتقييمة تعطونه كم ؟.
الطريق ساعه من المطار الي الفندق
وفيه مكتب بالمطار للتكاسي هو اللي يحدد قيمه التوصيل بناءا على مكان الفندق
ونصيحة لا تأخذ تاكسي من خارج المطار
لأن هذا المكتب مضمون ويعطيك وصل ومسجل فيه كل شي
لو ضاع او نسيت اي شي بالتاكسي يجيييبونه لك
الفندق 5 نجوم عجيب
ما جربته لكن اشوفه دايما لأني اسكن الفندق التابع له ( البراميد تاور)
والحمامات فيها شطاف لا تحاتي ولا تشيل هم 
2.بينينق ثلاثة ايام في فندق بارك رويال . الرحلة حتكون في اي مطارو هل يوجد بها مطار ام اذهب الى كوالا وكم مدة الرحلة ؟ وكيف الفندق وهل توجد به شطافات ؟ .
بارك رويال روعه احبه ولي ذكريات فيه
3 سنوات متتاليه اسكن فيه
عجيب من كل النواحي واستغر من اللي يذمونه ما عندهم سالفه ما عليك منهم
ولي تقرير عنه تقدر تشوفه في قسم التقارير
وفيه شطاف
والريوق حلووووووووو ومتنوع والقعدة بالحديقة وحوالين المسبح روعه
والمسبح يسكرونه الساعه 10 غير عن كل الفنادق الساعه 8
روووووووووووعه
لو رحت على طيران اسيا
فلهم مطار خاص تقول للتكسي وهو يوديك
انا مجربتها سنتين
طيران اقتصادي ونظيف
والمدة تقريبا ساعه مو اكثر
اما على الماليزية
اعتقد انها تطير من مطار كوالا
لما تحجز يقولون لك ومكتوب التذكرة اسم المطار عشان تضمن وترتاح
3. عن طريق العبارة الا لنكاوي لمدة ثلاثة ايام في فندق رابيك ايسلاند .. من اين اشتري تذاكر العبارة وكم سعرها ؟ وكيف العبارة من ناحية النظافة والامان ؟ وكيف الفندق وهل توجد به شطافات ؟ .
4. كوالا لمدة خمسة ايام في فندق صنواي بوترا .. كيف الفندق وهل توجد به شطافات ؟ وهل موقعة ممتاز ؟
والسلام عليكم ورحمة الله وبركاته .. * من الموبايل
العبارة حلوة جربتها مرتين
من لنكاوي الي بينانغ
وحجزنا من الميناء المعروف بلنكاوي قرب نصب الجسر
اسمه Jetty point
المكاتب تشوفها خارج الميناء سطرة جنب بعض
التذكرة ان ما خانتني الذاكرة كانت 68 رينجنت
والصغار اقل
المدة 3 ساعات ونص وتوصل بالموعد
تجربه جميلها وجديدة
ما حسيت باللي قالوه الناس عنها 
يصيبك دوار بحر واستفراغ ولوعه جبد وحاااااااااااااااله سودا صوروها لنا 
والله ما شفت اي من الركاب صابته هالحاله
الحمد لله
فيه ناس تبالغ وتهول كثير
امان ونظيفه والمكيف بارد خذ لك شي تتغطي فيه او تلبس طويل
وفيها يبيعون بعض السناكات والشبسات والشاي والعصاير الخفيفة
ونصيحة عند تحميل الشنط لا تضع اي شي ثمين فيها
فيه ناس انباق اي باد منهم
تقدر تسأل الفندق من وين تشترون التذاكر
لأن خطكم عكس رحلتنا
انتوا من بينانغ الي لنكاوي
الفنادق اللي ذكرتها ما عندي خبرة فيها
وبالتوفيق
رحلة ميسرة باذن الله
واي مساعدة حاضرين
نعين ونعاون ,,,
رد مع اقتباس
المشاركة الأصلية كتبت بواسطة عاشق ماليزياء
المفضلات