هلا أخوي badr 99

السلام عليكم جميعاً

و عليكم السلام و رحمة الله و بركاته

عندي عدة اسئلة ابي الاجابة عليها بعد أذنكم
بحاول أجاوبك باللى أقدر عليه

س1 / مع اي طريق اسلك وانا بالدمام حتى حدود الامارات؟
ج= يبدو لي بالنسبة لك عن طريق الهفوف أعتقد ما فيه غيره

س2/ من وين الصرف ؟ وكم قيمة الصرف بين الريال والدرهم؟ومن أي مكان أفضل؟
ج= بالنسبة للصرف تقدر تأخذ معاك كاش و تصرفه من دبي من محلات الصرافة المنتشرة في مراكز التسوق أو تسحب من مكائن الصراف التابعة للبنوك في المراكز التجارية " بس في هالحالة حاول تسحب اللى تقدر علشان ما يصير عليك مصارف سحب عملة كثير يعني مثلاً تسحب 3000 درهم اللى يكفيك كذا يوم ... و سعر الصرف 1000 ريال تعادل 976 درهم تقريباً ...

س3/ معاي شغالة (خادمة) هل دخولها فقط بجواز سفرها أو لازم فيزا؟
ج= بالنسبة للخادمة أهم شئ تأخذ لها خروج و عودة من الجوازات بالسعودية و بالنسبة تأشيرة دخول الإمارات تأخذها من الحدود و تكلف تقريباً حوالي 110 درهم مدتها شهر ..و أنتبه خل الإقامة معاك للإحتياط ممكن يطلبونها... بالحدود.

س4/ تأمين السيارة كم؟ ( اسبوعين)
ج= التأمين بتلاقي في منفذ الحدود الإمارتي مكاتب شركات التأمين يأخذون عليك 100 درهم لمدة 10 أيام أقل مدة وبالنسبة لوضع الظاهر تقدر تأخذ شهر بــ 150 درهم " ماني متأكد بس قد عرض على أحد المكاتب هالشئ " لإن المدة يا 10 أيام و اللى بعدها شهر على طول بس تأكد أحسن ...

س5/ انا قررت اسكن الشارقة .. هل المسافة بين الشارقة ودبي بعيدة؟ كم كيلو متر بينهما؟
ج= الشارقة ما تبعد عن دبي شئ يمكن في حدود 10كلم بس الله يعينك على الزحمة و أنت جاي لدبي أو راجع بالليل !!
و على فكرة ترى هالأيام السكن في دبي رخيص و أحسن لأنه صاير فيه تخفيضات في الأسعار و أنت قارن و شوف.

س6/ نضام سالك في دبي يمكنني الحصول عليه عند الجمارك أو فقط من مكاتب داخل دبي؟ ومن وين احصل علية؟
سالك و أنت داخل لدبي تلاقي البطاقة في أي محطة بنزين بس أسأل البائع و هو يوفرها لك و بعدين ترا سالك مو في كل الشوارع فيه له بوابات محددة على طريق الشيخ/ زايد "الله يرحمه" و تقدر ما تمر عليها لو بغيت

س7/ ما هي الامكن التي ازورها في دبي؟ هل يوجد خرائط للأماكن السياحية؟
س8/ أريد برنامج يومي لمدة 10 أيام تقريباً؟

ج= هالسؤالين عاد يبي لك لفة على المنتدى و خصوصاً قسم التقارير و بتلاقي الكثير من الأخوات كاتبين عن رحلاتهم بدبي و المواقع اللى زاروها و منها تقدر تسوى البرنامج اللى يعجبك و يناسبك ظروفك ...

أنا كثرت الاسئلة الله لا يهينكم وتحملوني لإني أول مرة اروح للامارات
لا كثرت الأسئلة و لا شئ ... بالعكس نحنا بالخدمة و سامحنا على القصور .. و بالتوفيق و رحلة و إجازة سعيدة


تحياتي ..............أخوك الراهـــــــي

مواضيع عشوائيه ممكن تكون تعجبك اخترناها لك: