الموضوع: تخطيط رحله الى المانيا

السلام عليكم

نوينا بالصيف انشاءالله على المانيا واول مره ازورها ..۔ بليز ساعدوني بالمخطط

اول ما نوصل راح نكون في فرانكفورت راح ناجر سياره ونروح على بادن بادن ونقعد فيها 4 ايام بعدها بروح زلمسي ونقعد فيها 4 ايام وبعدين ميونيح هم 4 ايام واخر محطه راح تكون فرانكفورت هم نقعد فيها 4 ايام عشان نستعد للرده

شرايكم بالمخطط؟؟
التنقلات وايد و لا زينه؟؟
والمسافه بعيده ولا عاديه؟؟ لان راح يكون معاي عيالي 3 الله يحفظهم

بالنسبه للسكن تنصحوني اسكن فنادق ولا شقق ؟؟

مواضيع عشوائيه ممكن تكون تعجبك اخترناها لك:

• خطة السفر يونيو
• تسليم السيارة بميونخ ؟؟
• الرجاء مساعدتي في التخطيط
• الاماكن السياحية في بادن بادن لو سمحتو
• ناويه اسافر المانيا والنمسا لمده اسبوعين
• فرايبورغ
• خبراء ألمانيا ساعدوني جزاكم اللة خير
• السكن في اوربا
• اخواني بسرعهبخصوص السياره نصايكم
• ألمانيا في الصيف
• ساعدوني ماعاد اقدر افكر باقي ساعتين على اخر موعد لقص التذاكر
• استفسار عاجل يا جماعة الخير نرجوا المساعدة
• افضل شريحة آيفون
• قارمش و السكن
• خبراء كولون محتاجة منكم مساعدة تخص المطاعم والبقالات الحلال ربي يجزيكم الجنة
• اداجيو ميونيخ
• استفسار عن تنظيم رحله
• السلام عليكم اخواني اريد مساعده في تخطيط رحله الى اوروبا وتشمل المانيا والنمسا
• استفسار ضروري جدا
• ارجوا ارشادي لخطة مختصرة لعائلة واطفال

صباح الخير

انتي مجبره على النزول بمطار فرانكفورت بسبب الطيران .۔ او تبين فرانكفورت


ثانيا المخطط جيد العيب الوحيد هو بعد المسافه من بادن الى زيلامسي ساعات7 تقريبا .۔

الجوب بشكل مبدئي .۔

عندي اسئله الصيف متى ؟؟ اي شهر . كم شخص واعمار الاطفال

تحياتي

صباح النور

السفره انشاءالله راح تكون من 30/6 الى 17/7 من مطار فرانكفورت

راح نكون انا وزوجي واطفالي 7 و 6 و 3 سنوات

7 ساعات وايد وما راح نتحملها هل في منطقه بينهم نقدر نقعد يومين وتستاهل الزياره

لو ادخلنا منطقه بتكثر التنقلات

لكن مع هذا ممكن غارمش الريفيه الجميله والقريبه من ميونخ

ممكن تباتون يومين يعني ليله وقللي من ايام فرانكفورت .۔

او ممكن زيادة الرحله يوم او يومين زياده

تحياتي

بغيت اعرف المسافه من بادن الى قارمش
ومن قارمش الى زلامسي

نصيحتي لك زيلامسي لايكفيها اقل من 6ايام وقليله كمان دام وصولكم فرانكفورت وعودتكم فرانفكورت خلوا مخططكم
عندكم 17 ليله

فرانكفورت وصول فقط- 4ليالي بادن بادن او رست - ليلتين ماينفلد اوقارمش - 7ليالي زيلامسي - 3ليالي ميونخ - ليله فرانكفورت


فرانكفورت الى بادن بادن 180 كيلو اما من فرانكفورت الى رست اللي فيها العاب اليورب بارك واسعار السكن فيها ارخص والشقق متوفره اكثر من بادن بادن بس ما فيها سنتر وتعتبر صغيره تبعد عن فرانكفورت 240 كيلو
طبعا الافضل تخلون مقر سكنكم رست ومنها تزورون بادن بادن 80 كيلو وستراسبورغ وبحيره تيستي والزحليقه الصيفيه في تودنتور وشلال ترايبورغ
بعدها من رست الى ماينفلد 3 ساعات الطريق ترتاحون فيها وتزورون من بكره بيت هايدي حلو دام معاكم اطفال ولو سكنتوا في بادن بادن زيدوا ساعه او تقولين 3-4ساعات طريق قليله ازور بيت هايدي واكمل الى قارمش الامر يعود لكم
ولو اخترتي قارمش المسافه من رست الى قارمش 4-5ساعات ولو سكنتوا في بادن بادن بتزيد المده عليكم ساعه كمان

من مايفنلد الى زيلامسي 4-5ساعات اما من قارمش الى زيلامسي 3ساعات
من زيلامسي الى ميونخ 168 كيلو تقريبا 3 ساعات
من ميونخ الى فرانكفورت 4ساعات

المشاركة الأصلية كتبت بواسطة ]دانة الكويت
http://www.arabtravelersforum.com/tr...6/#post6431814

بغيت اعرف المسافه من بادن الى قارمش
ومن قارمش الى زلامسي



من بادن الى غارمش تقريبا 3 ساعات ونصف ومنها الى زيلامسي تقريبا 3 ساعات

تحياتي

شووفي تقريري ( رحلتي الي المانيااا ) فيها صور و فيديو عن فرانكفورت و بادن بادن و ما جاورها
او شوفي ( رحلتي الي النمسا ) فيها ميونخ و زلمسي صور و فيديو
و مخططج 100% من وجهت نظري لا تغيرين فيه شيى و الله يوفقكم في رحلتكم خصوصاا
ان اللوفتانزا دايركت تراها مريحا جربتها برحلتي الي اللماني

يعطيكم العافيه ما قصرتوا

بالنسبه حق اجار السياره

شنو افضل شركه أأجر منها السياره ؟؟؟ وشلون اعرف اذا هذي السياره بانزين و لا ديزل؟؟
وشنو الاحسن؟